في معاك نخدموا على كل ما يتعلق بالجريمة والعقوبة والعدالة في تونس، ومهمتنا هي المساهمة في الحد
والتوقي من الجريمة.
نحثوا على ترشيد العقوبة لتفادي الانزلاق في التضخم الجزائي لي يرهق المحاكم ويعبي
لحبوسات ولي عندو أثر سلبي على نجاعة الدولة التونسية ومؤسساتها في المحافظة على
مجتمع عادل وآمن ومتناغم.
نخدموا على تطوير وتوفير برامج إعادة تأهيل وإعادة إدماج لكل من زلت بهم القدم، و نوفرولهم
الفرص والوسا
ئل لي تسمحلهم باش يبنيو حياتهم من جديد بعيد على عالم الجريمة. هكا
نساهموا في الحد من نسبة العود والظواهر السلبية الأخرى الناتجة عنها كيما العزلة عن المجتمع
أو النقمة تجاه الدولة أو التطرف العنيف.
نسعاوا إلى تنوير الحوار حول الجريمة والعقوبة والعدالة في تونس عبر توفير بيانات دقيقة
وتوصيات عملية تكون مبنية على أسس علمية وبحوث وطنية. هذكا علاش معاك أنشئت قسم
دراسات وتحاليل داخلي صلب الجمعية أسمو مركز سقراط للدراسات حول العدالة.
بش نوصلوا لاهدافنا، نتبناوا منهجية عمل جزء أساسي فيها هو مراجعة صريحة لأنشطتنا ورواحنا كجمعية
تطمح تكون مؤسسة تونسية وطنية ومسؤولة. في النهاية، جينا باش نعززوا فرص نجاح الدولة التونسية
وكل من يعاضد مجهوداتها في الحد والتوقي من الجريمة في تونسنا لعزيزة.
