26/11/2024
حومة علق حومة شعبية في سوسة لمدينة صغيرة في ميساحتها اما كبيرة برجالها كبيرة بأفعالها و طموحاتها ...
حومة معروفة بعشقها الجنوني للنجم الساحلي جمعية الاجداد و كبارات لبلاد ..
ملي احنا صغار كل بارتي صادمين حتى في ستاد لمين موجودين لكبار و صغار نسيبرتيو ...
غرام كل يوم يكبر مع الأعوام 1999/2000 كان صدقني ربي تلمو لولاد و جاو لصحاب وبدات الفكرة من الوقت هاكا ركشة فالكيران و بعد في رادس (لبريقاديا الصحاح يعرفو وين رادس) .. الحومة كانت مركز انطلاق للناس المغرومة بالبريغاد و ليتوال ، و منها نشدو ثنية الستاد بالغناء و درابوات الي كانت متع فرق عالمية كان همنا الوحيد نعطيو رونق و منظر حلو للفيراج الي قبلنا كان مجرد 5 درجات من غير روح ...
2001 كانت نقطة انطلاقة الفينومان ... مع اختيار رمز الثورة شيغيفارا كأول شعار للمجموعة الي كان سبب باول صدام مع الحاكم الي رفض و اتجه للقمع باش منعو و منها تبدل للشعار المتعارف عليه تــو The Bulldog المستوحى من مجموعة مرسيليا South Winners 1987 ..
