اخبار الصندوق

01/09/2026

الودادية الموقرة طلعت بطلعة الله اعلم منين جابتها عاملة تطبيقة تسجل فيها كل الرحلات و النزل الخ الخ... هنا نقولوا شفافية اما في رحلة الخارج المفروض الاول بالاول يعني الا يقيد الاول بالتوقبت و بالدقيقة و الدرج هنا شفافية اما تقلك كان تجاوز العدد تلتجئ للقرعة هوني تغيب الشفافية و لمصلحة شكون القرعة يا ودادية يا موقرة خلي التطبيقة و خلي شفافية التطبيقة موش قرعة بني ادم يلعب فيها كيف ما يحب وتحرم انسان يستني التطبيقة تحل و الاخر يقوم في عقلو يقهوج و يعمر راسو و دخلو باش يزاحم غيره خلي شفافية التطبيقة باش ما نقولوش هوني بير.....

01/01/2026

بمناسبة السنة الإدارية الجديدة تتحفنا الودادية برحلة تركيا العجيبة

عجيبة من حيث الثمن مقارنة بالبرنامج الهزيل والكل يعرف ان تركيا لم تعد للتسوق د
أين الودادية من كل هذا
أين التغيير الموعود
انتم لم ولن تدركوا تطلعات المنخرطين
نفس البرنامج منذ سنين
لا تنويع و لا تطوير
ارجوا ان لاتكون خدمة لأشخاص معينة
نقطة استفهام كبيرة ؟؟؟؟.

ختاما ملتقانا في سهر ة البسفور الجميلة
كل عام وانتم بألف خير اهداء اغنية الغزالة رايقة و حديثنا قياس

37 seconds · Clipped by Mawaheb Toumi · Original video "Karim Mahmoud Abdelaziz Ft Mohamed Osama | الغزالة رايقة - كريم محمود عبد العزيز ومحمد أسامة" by Cr...

30/12/2025

عونة التنقيط بياعة قشور لمخادد و الملاحف تشري من عندها تسلكها تخرج و تدخل كيف ما تحب تقبل الرشوة تفطرها تسلكها معاها ما تشريش ملاحف ما تعطيش رشوة ما تفطرهاش تذبحك في الكونجي شماتة عون التنقيط المفروض يجي قبل الاطارات و الاعوان باش يكون عنده مصداقية في التقييد تجي مخر بطاقة الحظور متاعها مطبوعة من 7 متاع الصباح و هي تجي 9.30 د في عقلها اصحابها و احبابها يدخلوا مخر كيفها تقيدهم في وقتهم
نطالبوا الجهات المسؤولة عليهم انها تعمللهم تداول على الادارات باش ما يعملوش عروق و يعاملوا الاعوان كل حسب ولائه اي كان تجاوزت قيدوني اما موش انت تجي مخر و دور من ادارة لادارة و تبيع في الملاحف و تخرج تقضي قضياتك و ما يحاسبك حد قيدني و قيد روحك يا ادارة شوف حل في هالجماعة الي يظنه انهم في موقع قرار يتحكمه في بطاقة الحظور حسب الولاء هذا تنبيه و الا تفقدية وزارة الشؤون الاجتماعية ستتولى الأمر و السلام عليكم