ABC - Association

22/07/2026

تحب تكون فاعل في مجتمعك، تطوّر من مهاراتك وتتعلّم صناعة المحتوى الهادف وتعيش تجربة شبابية مميّزة؟

جمعية بيتهوفن للثقافة تفتح باب الترشّح لاختيار 20 شاب وشابة للمشاركة في مشروع "Twizz El Houma II". 🌟

إذا كنت مهتم، عمّر الاستمارة : https://forms.gle/iC8cPjtxxCFq8CHy8

10/07/2026

عمرك بين 18 و30 سنة ومن ولاية سيدي بوزيد؟ مهتمّ بالعالم الرقمي، وصناعة المحتوى، والعمل مع الشباب؟

جمعية بيتهوفن للثقافة تفتح باب الترشّح لاختيار شابين/شابتين للمشاركة في برنامج تكوين المكوّنين/ات ضمن مشروع "Twizz El Houma II"

فرصة باش تطوّر مهاراتك وتكون فاعل في منطقتك

📌 سجّل من هنا:

في إطار مشروع "Twizz El Houma II – Building More Cohesive Communities in Tunisia"، الذي ينفّذه مركز إفريقيا للبحث عن ارضية مشتركة المشترك بالشراكة مع عدد من الجمعيات المحلية، تعلن جمعية بيتهوفن...

09/07/2026

وإنت فاش تستنى زادة؟

14/03/2026

إلى أولئك الذين لم نصل إليهم بعد وسيبقون في قلوبنا وهدفنا الدائم..
إلى ضحكات الأطفال وعيونهم الحالمة التي رافقتنا في كل مكان..
إلى من اختاروا طريق إزالة الأشواك خطوةً بعد خطوة دون تراجعٍ أو تردد..
إلى كل من آمن بهذه المبادرة الإنسانية وأسهم فيها..
نُهدي هذا العمل كأثرٍ باقٍ وشهادةً حيّة : على الأمل المشترك والمسؤولية الجماعية ..

21/02/2026

اليوم جانا ضيوف من نوع آخر... تلامذة مدرسة ابن رشد 1 جاوا بقلوب كبيرة وبتبرعات ومواد غذائية جمعوها بمبادرة منهم هوما! استقبلناهم في بيتهوفن، حكينا على معنى التطوع، على الإحساس بالآخر، على الروح اللي تخلي الواحد يفكر في جاره قبل ما يفكر في روحه... وصراحة — هوما اللي علّمونا اليوم أكثر مما علّمناهم 🙏

في بيتهوفن نثمّنوا المبادرة الجميلة وهذا الوعي المبكّر اللي نشوفوه في أطفالنا، ونوجّه شكر من القلب لـ: المربين والمربيات اللي زرعوا قيم التضامن، إدارة مدرسة ابن رشد 1 على تشجيع مثل هذي المبادرات 💛 التلامذة على الأمانة، على الطيبة، وعلى الروح الايجابية ..

الأمانة وصلت لــ 12 عائلة مستحقة استفادت من تبرعاتكم ❤️ وأنتم الأمل 🌱

14/02/2026

في أول خطوة من Impactfuls Dreamers رنيم، عاطف ورازي بدّاو رحلتهم بأول ورشة تدريبية جمعت 15 شاب وشابة باش يسألوا، يناقشوا: حكينا على الأمان الرقمي…على كيفاش نكونوا حاضرين وواعين في عالم افتراضي خطير ، كيفاش نحميوا رواحنا، وكيفاش ما نكونوش مجرد مستهلكين… بل فاعلين.

حكينا زادة على المواطنة، كسؤال حقيقي: شنوّا ينجم يعمل شاب اليوم؟ و هل ينجم صوته يبدّل؟ وفي صناعة المحتوى تحدثنا على مسؤولية الكلمة ، والى أي مدى المحتوى ينجم يبني وعي…

هذي كانت البداية.. استنّونا… الرحلة مازالت متواصلة و الهدف هو نخلو الأثر !

مشروع Impactfuls Dreamers بالتعاون مع مركز أفريقية للبحث عن أرضية مشتركة وبالشراكة مع دار الشباب الرقاب ودار الشباب المزونة 🤍

06/02/2026

نرجعوا معاكم لعرض المخرجات الفنية لورشات السينما، الفوتوغرافي والكاريكاتير. الشباب اللي شاركوا كانوا أصحاب رؤية: حضروا، ناقشوا أعمالهم مع الجمهور، حكاو على أهدافهم وعلى علاش يعتبروا الفن وسيلة حقيقية للدفاع عن الحقوق وصناعة التغيير.

المحصّلة كانت فخر كبير: 8 صور فوتوغرافية تحكي حكايات من الواقع ، 10 أعمال كاريكاتير ناقدة وجريئة و 2 أفلام قصيرة تعبّر على قضايا تهمّ الشباب

الأعمال هاذي كانت ثمرة مسار تعلّم وإيمان بدور الفن الملتزم، ومعاها نحبّو نقولوا شكراً كبير للمدرّبين اللي رافقوا التجربة خطوة بخطوة: توفيق عمران في الكاريكاتير منتصر بن جديلة في السينما و أمان الله ميساوي في الفوتوغرافي 🙏

وشكر أكبر للشباب اللي عطاو من وقتهم ومن إحساسهم باش يقولوا بصوت عالي: الحقوق تتدافع بالفكرة والصورة والموقف. أنتم قلب البوق وروحو 💙

#البوق #سينما #فوتوغرافي #كاريكاتير

20/01/2026

حكاية اسمها بيتهوفن يدور..

بيتهوفن يدور تجربة عاشت في 5 مدارس ابتدائية، باش ترجع للطفل حقّو في الثقافة، وتخلّي المدرسة فضاء حيّ للفن، للسؤال، وللفرح.

العمل هذا من انجاز المبدع صابر السبوعي يلخّص لحظة صادقة: نقاش، تقييم، نظرة للّي صار، مع الشركاء، ومع متطوّعي ومتطوّعات بيتهوفن اللي عطاو من روحهم قبل وقتهم، وأثّثوا الورشات والمعنى.

شكر من القلب لكل شريك آمن بالتجربة، بيتهوفن يدور… الأثر يحكي. 🎶❤️

#تقييم

11/01/2026

بيتهوفن يدور… والمحطة الخامسة كانت في المدرسة الابتدائية ابن رشد2

نهار حسّينا فيه اللي المدرسة تنفّست ثقافة.. الأطفال و الأولياء سمعوا الحكاية مع القوَال ياسين بن علي بالصدق متاع الحكواتي اللي يؤمن بالكلمة.

من بعد، الفضاء تبدّل لحركة، ألوان، أسئلة ومحاولات : ورشات مسرح، سينما، فنون تشكيلية، تعبير جسماني، بريكولاج وشطرنج…كل طفل لقى روحو في النشاط اللي يحبو .. و انو يستاهل يسمع، يحكي، ويجرب..

شكر لإطارات وأعوان المدرسة، وشكر كبير لمتطوعي ومتطوعات بيتهوفن اللي عطاو من وقتهم، من طاقتهم، ومن محبتهم للصغار بلا حساب.

بيتهوفن يدور… وما دام الطفل يلعب ويتعلّم، راهو الطريق صحيح ❤️

#ثقافة

04/01/2026

🎶 بيتهوفن يدور… و المحطة الرابعة في المدرسة الابتدائية أولاد عمر - المزونة

تجربة ثقافية مختلفة مع الأطفال ، فيها برشا إبداع واكتشفنا فيهم برشا مواهب من خلال الورشات الفنية والتنشيطية وين المدرسة ولَت فضاء حيّ، يتنفّس ثقافة وفن.

شكراً لدار الشباب المزونة على الشراكة والدعم، وشكراً لإطارات وأعوان المدرسة، وللشباب المتطوعين البيتهوفنيين والبيتهوفنيات اللي عطاو من وقتهم وقلبهم وخلاو الأثر في عيون الصغار.

بيتهوفن يدور… ومن مدرسة لمدرسة، الثقافة توصل وين يلزمها توصل ❤️

#المزونة