Shaima

28/09/2026

يهديكم، معادش تبعثولي:

«Bonjour»
«Slt»
«Cc»
«سلام»

موش معناها ما نحبّش نسلّم عليكم 😄، بالعكس، أما الرسائل هاذي تضيع الوقت وتخلّي الموضوع يتأخّر.

من فضلكم، كي تبعثولي، اكتبوا الموضوع مباشرة وفسّرولي شنوّة تحبّوا بالضبط، باش نجموا نجاوبوكم ونعاونكم أسرع.

شكراً على التفهّم ❤️

28/09/2026

🇮🇹🎉🇮🇹

28/09/2026

🇹🇳✈️🇮🇹🎉🎉

28/09/2026

28/09/2026

سألت على الطلبة ، وحكيت مع المدرسة والإدارة والأساتذة اللي يقرّيو فيهم، والحمد لله الكلام الكل يفرّح ❤️🇮🇹

أمورهم واضحة، ملتزمين، وفارحين بيهم 👏

بالنسبة ليا، المتابعة ما توقفش كي يوصل الطالب لإيطاليا. يهمني نعرف كيفاش أمورو، كيفاش ماشية القراية، وكيفاش اندمج في المحيط الجديد.

والحمد لله، الأخبار اللي وصلتني عليهم تفرّح ❤️

وإذا إنت مهتم باش تشارك في نفس المسار، مازال عنا بلايص في المجموعة الثانية.
مرحبا بيكم، والتفاصيل للجادّين فقط 🇮🇹🎓

ربي يوفق طلبتنا، وإن شاء الله ديما نسمع عليهم كل خير 🤲❤️
الصورة من ميلانو 🇮🇹

28/09/2026

باش نحكيلكم لمحة على شنوّة موجود في الواقع…

في موضوع Decreto Flussi وعقود العمل، ما نحبّش نحطّ الناس الكل في نفس الخانة، خاطر الواقع فيه برشا حالات مختلفة.

ثمّة مشغّلين جديين، عندهم حاجة حقيقية لليد العاملة، يتحمّلوا مسؤوليتهم، أوراقهم قانونية، ويقوموا بالإجراءات المطلوبة باش يجيبوا العامل ويشغلوه فعلاً بعقد عمل حقيقي.

وثمّة مشغّلين يخدموا بطريقة قانونية وعندهم أوراقهم واضحة، أما بطبيعتهم ما يعملوش الإجراءات مجاناً، ويطلبوا مقابل للخدمات والمصاريف المرتبطة بالملف، ويكون واضح شنوّة باش يتعمل وشنوّة المقابل.

وثمّة حالات أخرى: المشغّل موجود، لكن الملف يوصل عن طريق وسيط، والوسيط ياخذ مقابل على خدمتو، وأحياناً المبلغ اللي يطلبو يكون كبير برشا.

وثمّة زادة ناس أمورها موش واضحة:
يصير أخذ تسبقة، ويتصبّ الملف، وبعدها ما عادش الشخص يعرف شنوّة صار بالضبط، وهل الملف تتابع كما يلزم أو لا.

وثمّة مشغّلين يقولولك من الأول بكل وضوح:

«أنا نعملك الإجراءات، أما إنت عليك المصاريف الأخرى، السكن، والتنقل والمصاريف اليومية.»

وهنا زادة لازم الشخص يعرف شنوّة داخل في الاتفاق وشنوّة موش داخل قبل ما يدفع.

ونجيوا للوسطاء…

حتى الوسطاء موش الكل كيف كيف.

ثمّة وسيط عندو سنين في المجال، يعرف المشغّلين، عندو علاقات، يفهم الإجراءات، ويتابع الملف ويركّح الأمور.
خدمتو ديما بمقابل، وبطبيعة الحال يخدم بمقابل.

وثمّة وسيط جديد، مازال يتعلّم، يمكن حتى هو يتبع وسيط آخر، والوسيط الآخر يتبع واحد آخر…
وفي الأخير تلقى سلسلة كاملة من الوسطاء، وكل واحد ياخذ جزء من المبلغ.

وثمّة شخص ما عندو حتى علاقة حقيقية، يلقى إعلان في الإنترنت ولا معلومة في مجموعة، ويقولك:

«نصبلك على رحمة الوالدين، خلّص الغرفة وخلي الباقي عليّ.»

وهنا يلزم الحذر برشا.

وثمّة زادة شخص عندو الشروط القانونية والمشغّل أو النشاط اللي يسمحلو بتقديم المطلب، ويحب يستعمل الفرصة باش يخدم شخص أو شخصين ويستفيد هو زادة.

📌 يعني الواقع موش أبيض وأسود.

موش كل مشغّل يطلب مصاريف معناها نصّاب.
وموش كل وسيط ياخذ فلوس معناها متحيّل.
وفي نفس الوقت، موش كل واحد يطلب منك فلوس ويقولك "عندي contrat" يلزمك تثق فيه.

المهم هو إنك تعرف:

شكون قدّامك؟
شنوّة علاقتو بالمشغّل؟
شنوّة الخدمة اللي باش يعملها؟
شنوّة داخل في المبلغ اللي باش تخلّصو؟
شكون باش يقدّم الملف؟
وهل عندك وثائق ومعطيات واضحة على الملف، ولا مجرّد كلام؟

وأهم حاجة:

ما تخلّصش على وعد غامض.

اسأل، افهم، ثبّت، واعرف شنوّة قاعد تخلّص عليه بالضبط.

أنا نحكي على هذا الموضوع من واقع أكثر من 15 سنة تجربة في المجال، موش باش نقولكم الناس الكل كيف كيف، بالعكس.

الواقع فيه حالات مختلفة، ودورك إنت إنك تعرف تفرّق بينها قبل ما تحط فلوسك ومستقبلك في يد أي شخص.
جزء 2 في منشور لاحق

28/09/2026

📌
Decreto Flussi… ردّوا بالكم من كلمة «مضمون»

برشا ناس كي تسمع بـ Decreto Flussi، تولّي تسأل مباشرة:

«كيفاش نلقى contrat؟»
«قدّاش نخلّص؟»
«شكون يضمنلي؟»

وهنا لازم نوضّحوا حاجة مهمّة:

المشغّل عندو مسؤوليات وإجراءات، والموضوع موش مجرّد ورقة تتعمل في نهار.

والأخطر من هذا، إنّ بعض الناس تستغلّ حاجة الشباب للهجرة وتبدأ تبيع الوعود:

«نعملك contrat.»
«عندي مشغّل.»
«ادفع توّا والباقي بعد.»
«مضمون 100%.»

ردّوا بالكم من كلمة "مضمون".

في ملفات العمل والهجرة، قبل ما تدفع أي مبلغ، لازم تعرف بالضبط:

🔹 شنوّة الإجراء اللي باش يتعمل؟
🔹 شكون المشغّل؟
🔹 شنوّة الوثائق المطلوبة؟
🔹 شكون يقدّم المطلب؟
🔹 شنوّة الخدمة اللي إنت قاعد تخلّص عليها؟
🔹 وهل المبلغ مقابل خدمة واضحة، ولا مقابل وعد بالنتيجة؟

خاطر فما فرق كبير بين:

«باش نعاونك في إعداد وتقديم الملف»

وبين:

«العقد مضمون 100%».

حتى كي يكون فما مشغّل حقيقي وإجراءات قانونية، هذا ما يعنيش إنّ كل نتيجة مضمونة مسبقاً.

لذلك، ما تخليش الرغبة في السفر والاستعجال يخلوك تصدّق أي وعد أو تدفع فلوس على كلام فقط.

اسأل، تثبّت، وافهم شنوّة باش تخلّص عليه قبل ما تدفع.

Decreto Flussi مسار قانوني، موش سوق لبيع العقود.

والرزق على ربي 🤲
أما الطريق الصحيح يبدأ بالمعلومة الصحيحة، والوضوح، واحترام الإجراءات القانونية.

28/09/2026

بخصوص Decreto Flussi… خلّينا نفهموا الموضوع كما هو

برشا ناس تقول:

«أنا قلت لقريبي في إيطاليا: شوفلي contrat، وهو ما حبّش يعاوني.»

❌ ما يلزمناش نشوفوا الموضوع بالطريقة هاذي.

قريبك في إيطاليا موش بالضرورة ينجم يوفّرلك عقد عمل.
العقد موش حاجة سهلة، وموش كل شخص عنده معرفة أو قريب في إيطاليا ينجم يلقى مشغّل مستعد يعمل الإجراءات القانونية اللازمة.

وزيد، في الفترة هاذي تلقى برشا ناس تحكي على Decreto Flussi وكأنّها فرصة مضمونة، وتلقى حتى ناس تستغلّ الموضوع وتطلب فلوس مقابل وعود ما عندهاش أساس.

وبعد، كي الشخص يخلّص ويستنى، وإذا المطلب ما يتعدّاش أو ما تصيرش النتيجة اللي كان يتوقعها، تبدأ الاتهامات:

«قريبي خذا فلوسي.»
«تحيّل عليّ.»
«ما عملليش العقد.»

لذلك ما تلوموش قريبكم على حاجة هو أصلاً ما يضمنهاش.

Decreto Flussi عندها إجراءات وشروط، والمشغّل هو اللي يدخل في المسار القانوني، والنتيجة موش بيد قريبك ولا بيد أي شخص عادي.

وخاصة: ما تخلّصوش شخص لمجرّد أنّه وعدكم بعقد عمل مضمون.
تثبّتوا من الإجراءات، ومن الجهة اللي تتعاملوا معاها، ومن شنوّة بالضبط باش تخلّصوا عليه.

وفي الأخير، كل واحد عندو رزقو وطريقو.
اللي ما قدرش يعاونك موش بالضرورة ما يحبّكش، واللي قالك «ما نجمش» موش معناها تحيّل عليك.

🤲 ربي يسهل على الجميع، وكل واحد ياخذ رزقو بالحلال وبالطريق القانوني.

28/09/2026

نحن سعداء بأن نعلن عن انطلاق دورة اللغة الإيطالية A1 🇮🇹. حضوريا إذا كنت ترغب في تعلم لغة جديدة والغوص في ثقافة إيطاليا الرائعة، فإن هذه الدورة هي فرصتك المثالية👌.
ستنطلق الدورة حضوريا
كل من يرغب في تعلم اللغة الإيطالية

3 ايام في الاسبوع
📝 التسجيل بالحضور الشخصي والاماكن محدودة
للإستفسار الإتصال عبر الأرقام التالية:
56396320📞
56396344 ☎️
📌العنوان ساحة قرطاج عمارة قرطاج سنتر بلوك ا الطابق الرابع مكتب عدد 46 تونس العاصمة

27/09/2026

⚠️ نصيحة لكل واحد يفكّر يمشي لإيطاليا

توّا مع بداية التسجيل في Decreto Flussi، كالعادة باش تلقاو برشا وعود:
«عندي عقد عمل»
«استنّى حتى يخرج الـ Nulla Osta»
«استنّى حتى فيفري»
«استنّى شوية أخرى…»

وتبدأ الحكاية: فلوس تتدفع، انتظار، قلق، واتصالات… وفي الآخر حتى إنت ماكش متأكد شنوّة صار في ملفك.

والأخطر من هذا، إذا العقد أو الإجراءات موش واضحة أو فيها مشاكل، تنجم السفارة ترفض الملف. وحتى إذا تحصلت على الفيزا ووصلت لإيطاليا، تنجم تلقى روحك قدّام أسئلة كبيرة:

وين باش تسكن؟
شكون باش يتبع أوراقك؟
وين باش تصب الـ Permesso؟
كيفاش تعمل الإجراءات؟
وين باش تلقى كراء ومصاريفك؟
وشكون باش يعاونك إذا الشخص اللي وعدك بالعقد ما عادش موجود؟

وتبدأ من بيرو لبيرو:
محكمة، Comune، ospitalità، permesso، سكن، أوراق، مصاريف…
وتلقى روحك داخل في مشوار ما كنتش عامل حسابو.

🇮🇹 أما توّا فما زادة مسار آخر موجود: التكوين المهني.

حاليًا الاختصاص المتوفر عندنا هو مساعد صحة.

إذا إنت:
✅ عمرك أقل من 29 سنة
✅ عندك شهادة الباك
✅ ما عندكش رفض فيزا سابق
وتفكّر أصلًا في عقد عمل فقط خاطر تحب تلقى طريق قانوني لإيطاليا،

علاش ما تدرسش مسار التكوين المهني؟

التكوين المهني موش عقد عمل، وما نضمنولكش خدمة بعد التكوين.

أما هو مسار تكويني قانوني، تنجم تتعلم فيه اختصاص، وبعد إكمال التكوين، وإذا توفرت الشروط ووجدت عقد عمل قانوني، تنجم تشوف الخيارات القانونية المتاحة حسب وضعيتك.

يعني قبل ما تعطي فلوسك على «عقد عمل» وما تعرفش شنوّة باش يصير بعد، شوف أولًا إذا عندك إمكانية لمسار واضح ومنظم.

وخليها واضحة:

🚫 لا نوفر عقود عمل.
🚫 لا نبيع عقود عمل.

نحن نقدمو مسار تكوين مهني ومرافقة في الإجراءات المرتبطة بالملف.

قبل ما تدفع فلوسك،
افهم المسار، افهم الشروط، واعرف شنوّة باش تعمل بعد الوصول.

ما تخليش حلم إيطاليا يتحول إلى مشوار من الوعود والانتظار والقلق. 🇮🇹