27/05/2026
⚠️ رسالة مهمة لكل الشباب التونسيين في الهجرة وفرص العمل
نحب نقول حاجة من القلب…
ديما نفركس ونحاول نلقى فرص لناس باش تخدم وتتحسن حياتها، أما للأسف اليوم ولات فما برشا استغلال للوضع.
فما بعض الأطراف (توانسة وأجانب) ولات تشوف في “معاناة الناس” فرصة للربح السريع…
يحكيو على فرص عمل، عقود، ولا هجرة… وفي الآخر الهدف الحقيقي هو الربح موش مساعدة الناس.
👉 فما شكون يحب “يصب 100 شخص” ويخلص على كل واحد
حتى كان يتقبلو 30 أو 50، هو ربحان في كل الحالات…
💔 أنا شخصيًا مستحيل نكون وسيط على حساب ناس ولا نسمسر في مصير بشر، خاطر نعتبر هذا مسؤولية كبيرة قدّام ربي وقدّام الناس.
أما للأسف، الواقع اليوم فيه برشا:
سماسرة
محامين يخدمو كوسطاء موش قانونيين
شركات تستغل حاجة الشباب للهجرة
⚠️ الرسالة الأهم: ردو بالكم…
موش كل “عرض عمل” حقيقي، وموش كل “وسيط” نيةو صافية.
تثبتو، اسألو، وفتشو مليح قبل أي خطوة.
💡 الهدف موش كان الهجرة… الهدف هو مستقبل آمن وكريم، موش ضياع فلوس وحلم.
