المنظمة الوطنية للطفولة التونسية- المكتب المحلي برواد

27/03/2026

إنا لله و إنا إليه راجعون. 😢😢
ببالغ الحزن و الأسى بلغنا نبأ وفاة المغفور له بإذن الله المي عضو المكتب التنفيذي للمنظمة.
اللهم اجعله من أهل جنة الفردوس و اغفر له و ارحمه يا رحمان يا رحيم. 🤲🤲🤲🤲

27/11/2025

رحلة للجنوب التونسي
آخر أجل للتسجيل يوم 10 ديسمبر 2025
الأماكن محدودة
لا تفوتوا فرصة حضور فعاليات مهرجان دوز

30/06/2025

🔵⚪️صيفنا بدا والبحر يعوم فيه الصغار والكبار... أما راهو البحر ما يرحمش والمعلومة تنجّم تنقذ برشا عباد ! 🛑
هذا تحذير مهم برشا من أهل الاختصاص و برشا ناس ما تعرفهاش: التيارات الساحبة.
خليكم تقراوه وتفهموه وتنشروه للي للناس 💚💛💚💛💚👇
🎙️ تحذير هام من أهل الاختصاص حول البحر هذا الصيف 🏖️🌊

يا توانسة، ردّوا بالكم مليح!

التيارات الساحبة، اللي عادةً تظهر في آخر ماي ولا حتى آخر الصيف، بدات تظهر بكري برشا هالصيف، حتى من جوان!
والمشكل الأكبر؟ ماعادش تلقاها كان في الأعماق... حتى في نص متر ماء تنجم تجبدك وانت ماكش حاس!

📌 كيفاش تعرف إلّي ثمّة تيار ساحب؟
– تحس بأصابع ساقيك تتجبد للتالي
– الرمل يغطي رجليك وكأنك تغطّس
– تفيق بروحك خرجت من قدّام البراسول وتزحزحت على اليمين ولا اليسار

⚠️ وقتها، ما تعاندش!
✖️ ما تعومش ضد التيار
✔️ بدّل البلاصة على الجنب، وخرُج بشويّة، باش ترتاح وترجع الشط بأمان.

🔁 حتى اللي يعومو مليح، ينجم التيار يغلبهم!
ردّ بالك، البحر ما يرحمش، ما تغامرشي بروحك، واحمي صغارك.

✳️ الصيف باش يكون سخون، أما السلامة قبل كل شيء 💛💚💛💚💛
📣 خلي السلامة توصل لناس الكل، ما تبخلوش بالمعلومة.
شاركوا المنشور مع صحابكم وعائلاتكم، يمكن كلمة تنقذ حياة.
ربي يحفظكم ويحفظ صغاركم، وصيف آمن للجميع 💛💚💛💚🌊🇹🇳

15/06/2025

بعد حملة النظافة البارح بشط رواد سؤال يطرح نفسه:
✅ ياخي️ البحر في تونس بلاش برسمي ؟

©️ تقريبا اغلب التوانسة يستناو في الصيف ديما باش يتفرهدو .. يعومو و يقعدو على البحر .. مدام ربي عطانا نعمة كبيرة و هي بحورات مزيانة برشا على كامل الشريط الساحلي تقريبا من الجنوب للشمال

©️ اما الناس فيبالها انو البحر هذا بلاش .. هو صحيح ماهوش بالفلوس زادة اما مش بلاش و عمرو ما كان بلاش ..

البحر في بلادنا مقابل انك تخلي بلاصتك نظيفة وكهو .. ريتو مسهلها ؟ ❤️ صدقوني كان كل واحد يسنس روحو بالحاجة هذي تو تشوفو كيفاش نقدمو و تلقى الي تحب عليه فيسع

ساهلة العملية ساشي بوبال هزها معاك .. و حطها بحذاك و طيش فيها الوسخ و بقايا الطعام الكل .. خلي بلاصتك نظيفة و بلادك نظيفة للغيرك ❤️❤️ البحر نعمة من عند ربي سباحنو .. ميسالش كان نستحفظوا عليه و على نظافتو.💛💚💛💚💛

❤️🇹🇳

14/06/2025

14/06/2025

🧹🌊 حملة نظافة بشاطئ رواد | السبت 14 جوان 2025

نظّمت بلدية رواد اليوم السبت 14 جوان 2025 حملة نظافة بشاطئ رواد، تحت إشراف السيدة روضة الأندلسي الكاتبة العامة للبلدية، وبمشاركة فعالة من مكونات المجتمع المدني المحلي الذين عاضدو جهود البلدية و المتمثلين في:

🔹المكتب المحلي المصائف و الجولات برواد
🔹 مجمع التنمية والصيد البحري برواد
🔹 جمعية درة المتوسط
🔹 اتحاد المرأة فرع رواد
🔹 جمعية مهرجان البحر برواد

📍 وقد واكب هذه الحملة السيد معتمد رواد و أعضاء المجلس المحلي برواد.

🎉 نتقدم بجزيل الشكر إلى كل المتطوعين و على رأسهم المكتب المحلي للمصائف و الجولات بأريانة المدينة لمساندتنا في هذا النشاط، وإلى الوكالة الوطنية للتصرف في النفايات على دعمها المتواصل، من أجل بيئة نظيفة وشاطئ آمن يستقبل رواده في أفضل الظروف.

11/06/2025

بمناسبة اليوم الوطني للنظافة والعناية بالبيئة، وفي إطار الحرص على نظافة المحيط وتعزيز الحس البيئي لدى المواطنين، يدعو المكتب المحلي للمنظمة الوطنية للطفولة التونسية المصائف و الجولات برواد و بلدية رواد كافة مكونات المجتمع المدني من جمعيات ومنظمات وناشطين ومتطوعين، إلى المشاركة في حملة نظافة بشاطئ رواد، وذلك يوم:

🗓 السبت 14جوان 2025
🕘 انطلاقًا من الساعة 8:00صباحًا
📍بشاطئ رواد امام مركز الأمن

تهدف هذه الحملة إلى تنظيف الشاطئ من النفايات والمخلفات، والتوعية بأهمية حماية البيئة الساحلية، وذلك في إطار شراكة فاعلة بين البلدية والمجتمع المدني.
فالرجاء من الجميع الإلتفاف حول منطقتنا للنهوض بها نحو الأفضل.

02/11/2024

https://onetraoued.godaddysites.com/?fbclid=IwZXh0bgNhZW0CMTEAAR3QGcOHvGpvt48cBut6iDVKZtmT0_Dsro63ygHR0CAI-b5D9tUGwmR8ZWs_aem_OwqYdfhY_f2tkKRUgdJ4NQ
زوروا موقعنا نحن في انتظاركم

مكتب محلي تابع للمنظمة الوطنية للطفولة التونسية المصائف و الجولات حيث تأسست  يوم 21 ماي 1948 وهي منظمة ذات صبغة ثقافية وفنية وقع تأسيسها على أيدي ثلة من رجال التربية وا...