Next generation

Shortcuts

• Address
• Telephone
• Alerts
• Contact The Organization
• Claim ownership or report listing

• 

  Want your organization to be the top-listed Non Profit Organization in Msaken?

حكايتنا ..

في أفريل 2019 انطلق عمل مجموعة Next Generation من قبل 25 شاب وشابة اللي، ورغم إختلافهم، جمعتهم الرغبة في إنهم يطوروا من رواحهم ويقدموا إضافة للمجتمع في مدينة مساكن. أول ما بدينا حبينا نعرفوا شنيا الاهتمامات متاع الشباب في المدينة هاكا علاش عملنا الإستبيان اللي جمّعنا فيه آراء 500 شاب تتراوح أعمارهم بين 15 و 30 سنة باش نعرفوا المجالات الّي عندها أولوية بالنسبة لهم من بين ال10 مجالات المختلفة اللي كانت في الاستمارة متاعنا على غرار الرياضة والتنمية الذاتية والفن والتاريخ ...

بعد هذا درسنا المعطيات الي تحصلنا عليها.و بما أن الرياضة هو المجال اللي كان متصدر نتائج التصويت، قررنا باش نبداو التظاهرة الأولى متاعنا "Summer Games" و الي مثلت البداية متع أنشطتنا، قمنا بيها بتاريخ 24 أوت 2019 و الي كانت عبارة عن مزيج بين الترفيه و الرياضة. بعدها تعدينا للمجال الثاني اللي هو التنمية الذاتية و اللي عملنا فيه زوز تظاهرات: الأول: Coffe Talk تحت اسم "حكاية غرام" و الي صار نهار 15 ديسمبر 2019 بهدف دفع الشباب لاكتشاف الشغف متاعهم وإنهم يسعاو لتطويره الثاني: كان "Behind The Scenes" والي قمنا بيه نهار 29 ديسمبر 2019 بهدف مساعدة الشباب وتوجيههم إلى طريق النجاح من خلال استضافة 5 رواد أعمال شاركوا معانا تجاربهم والسبل اللي تعداو بيها. اليوم أحنا وبعد عام من بداية الحلمة هاذي... ميزلنا نحبوا نخدموا أكثر ونطوروا في النوعية متاع الأنشطة متاعنا ونحاولوا نوصلوا نأثروا إيجابيا على أكثر عدد ممكن من الأفراد في المجتمع متاعنا ومع بعضنا إن شاء الله شنحققوا اللي نحبوا عليه. في اللخر نحبوا نشكروا كل الأعضاء الحاليين و القدم، كل ضيف شرّفنا بحضوره في التظاهرات متاعنا، كل اللي آمنو بينا وكانو مساهمين معانا في انجاح الأنشطة المختلفة وزادة كل شخص كان مساهم في النجاح هذا حتى بالكلمة الباهية.