27/04/2026
السعيات 5 : "لمستي حسنة"
اليوم نحكولكم حكاية حسنة المرى اللي رفضت تكون تقليدية وقررت أنها تجاري الدنيا وتتطور.
حسنة هي خيّاطة عادية خيّاطة الحومة اللي تعملك عطفة وتزيدك جيوب في دقيقة , الخياطة غرامها من الصغرة عملت فيها تكوينات تعلمت وعلمت أما حرفائها ديما يشوفوها خياطة عادية يجوها على عطفة ولا سلسلة. حسنة تعرف انو صنعتها وحلمها أكبر من هكا وتنجم تعمل خير من هكا . فقررت انها تهز الريسك وتخاطر في استثمار كيما ينجم ينجح ينجم يفشل ويكلفها برشا فلوس , خذت حسنة قرض و تشاركت مع خوها في تحويل مشروعها من خيّاطة عادية الى "Tapisserie Artisanale". المشروع اللي ماكنش دارج برشا في قفصة وقتها أما حسنة كانت سابقة لعصرها وعرفت تقنع حرفاء بخدمتها وتعرفت بأنها المنقذ الأول لأي شخص يحب يعطي روح جديدة لصالته ولا كرسي في داره ولا أي قطعة تعز عليه.
ودااارت الأيام , سافر خو حسنة وشريكها في المشروع . عرست هي وخذتها حياتها الجديدة رزنت ايدها على الخدمة وفقدت شويةالشغف.. الى أن جمعنا القدر في مشروع" رأيك دواء" , جتنا حسنة وجابت معاها منتوجاتها اللي خدمتهم قبل الكل وشكون مشافش الصندوق اللي ولى كرسي مغلف يعمل ستة وستين كيف ولا العلايق القديمة اللي غلفتهم وخلتهم tendance عللخر. مشروع حسنة كان سابق لعصره وحبها للي تعمل فيه شفناه اللكل في معرض "سوق السعي" وقتلي ماستكفتش بحطان منتوجاتها على الطاولة , حسنة استغلت المكان الكل بطريقة فنية مختلفة, الركن اللكل حطت فيها بصمتها وعلقت اللي يتعلق وفرشت اللي يتفرش و رجعت حسنة لمشروعها وحالت حانوتها اللي كان مسكر ليه مدة رجعت تخدم كيما قبل والا أكثر أما المرة هاذي مش حدها حد حومتها حسنة ولى عندها حضور رقمي على شبكات التواصل الاجتماعي عندها باج فايبسوك وlogo وكل مايلزم باش تونس كاملة تعرفها.
هاذي باج حسنة أدخلو شوفو خدمتها وكان عندكم حاجة تحبو تعطوها حياة جديد حسنة هي أحسن أدريسة .
https://www.facebook.com/share/1DJc2SEvdp/
