19/07/2026
#حملة ارحم من في الارض🐾🇹🇳
الدنيا سخونة الأيام هذي، والسخانة موش مقصرة لا فينا ولا في الحيوانات المسكينة اللي في الشارع. قطاطس وكلاب الشوارع قاعدين يعانيوا ويموتو من العطش، وما عندهمش كيفاش يلقاوا شربة ماء نظيفة.
بخطوة بسيطة ياسر ومن غير ما تكلفك شيء، تنجم تنقذ روح، هاو كيفاش:
قص دبابز الماء اللي عندك في الدار على شكل وعاء.
عبيها بماء نظيف وحطها في بلاصة فيها ظل (تحت شجرة، بجنب حيط...) باش الماء ما يسخنش وما يتبخرش.
بدل الماء يومياً او زيده كان نقص
قال رسول الله ﷺ: "فِي كُلِّ كَبِدٍ رَطْبَةٍ أَجْرٌ".
سقي الحيوانات صدقة جارية، وخطوة صغيرة منك تصنع فرق كبير.
"الرَّاحِمونَ يَرحَمُهم الرَّحمنُ، ارحَموا مَن في الأرضِ يَرحَمْكم مَن في السَّماءِ".
شارك معانا في الحملة، و حتى كانك سبق و حطيتلهم ماء ،زيد احرص و عاود حط إناء ماء قدام دارك أو حانوتك، في حومتك.... شارك بشكل متواصل و شجع غيرك
