25/08/2025
سهرة اختتام الدورة التاسعة من مهرجان الكرموس بدجبة، المهرجان اللي ولى علامة فارقة في جهتنا، واللي جمعنا على المحبة، الفرح، والفن.
حبينا قبل كل شيء نشكروا الجمهور العزيز اللي كان حاضر في كل السهرات وزرع بحضوره البهجة في قلوبنا 👏.
نشكروا كذلك كل الفنانين والفرق المشاركة اللي أبدعت على ركحنا وزادت المهرجان تألقا.
ما ننساش طبعا الهيئة المديرة، أعضاء الجمعية، والسلطات المحلية والجهوية اللي ساندونا، وكل المتطوعين اللي خدموا بصمت وتعبوا باش ينجح العرس الثقافي هذا.
أحنا نودّعوا دورة، تفتح الباب على أخرى إن شاء الله تكون أروع وأكبر.
المهرجان هذا موش كان مجرد سهرة، هو رسالة: رسالة حب للحياة، وللأرض اللي تعطي خيرها الكرموس، وللناس اللي يصنعوا الأمل.
شكرا ليكم الكل، موعدنا يتجدد العام الجاي في دورة جديدة، بآمال أكبر وطموحات أعظم.
عاشت دجبة، عاش مهرجان الكرموس، وتحيا تونس. 🇹🇳✨
