El Mouvma Organization

El Mouvma Organization الموفما ( حركة شباب أريانة سابقا )، جمعية شبابية قاعدية منبثقة عن حركة مواطنية محلية.

مهرجان فنون الهواة بروّاد – تويزة، دورة «بلال الخليفي»، يخصص يومًا إيكولوجيًا لزيارة الفضاءات المتضررة من الانتهاكات الب...
16/08/2026

مهرجان فنون الهواة بروّاد – تويزة، دورة «بلال الخليفي»، يخصص يومًا إيكولوجيًا لزيارة الفضاءات المتضررة من الانتهاكات البيئية، من قهوة أميرة إلى شاطئ روّاد وجعفر وصولًا إلى أريانة الصغرى. وتهدف الزيارة إلى التعريف بالقضية البيئية للمنطقة، وإيصال صوت الأهالي إلى الفنانين والزوار، وتشجيعهم على دعم القضية وتجسيدها في أعمال فنية مستقبلية.

تويزة: صوت الهامش.

16/08/2026

عمر دربال ، تعرفوه باسم على مواقع التواصل الاجتماعي و احنا نعتبروه واحد منا بعد الي عاشوا معانا في المهرجان و الي عداه معانا من ايامات ..

هكذا عايش عمر المهرجان في أيامه الأولى، و هكذا كان radio.raoued مواكبا حاضرا لكل الفعاليات و النشاطات على عين المكان ..

شكرا لكل من آمن بنا ، شكرا لكل من دعمنا، من عمر إلى راديو رواد إلى كل المشاركين و المتطوعين و الفنانين و المتدخلين و المساهمين و الشركاء ..

مازال العرض ..

15/08/2026

مهرجان فنون الهواة برواد - تويزة : دورة بلال الخليفي
Rubrique :

تعرف على فنانين مبدعين في مجالهم و فنانينا الهواة إلي هوما مواهب مهمشة و جواهر غير مصقولة و ينحم يكون المهرجان فرصة يظهروا مواهبهم أمام جمهور يشبهلوا و منوا و علاش لا تكون نقطة إنطلاق و بداية ، هاذي حكاية rappeur عندوا رسالة و قيم و فكر
نشاركوها معاكم .
مرحبا بيكم الناس الكل

تويزة : صوت الهامش

شنوّة يعمل الفنان الهاوي كي يلقى روحو يحب يخلق، أما ما عندوش فضاء؟شنوّة تعمل جمعية ثقافية في حومة ما عندهاش حتى أبسط الإ...
15/08/2026

شنوّة يعمل الفنان الهاوي كي يلقى روحو يحب يخلق، أما ما عندوش فضاء؟
شنوّة تعمل جمعية ثقافية في حومة ما عندهاش حتى أبسط الإمكانيات؟
وشنوّة يبقى من «الحق في الثقافة» كان الثقافة نفسها ما توصلش لناسنا؟
اليوم جمعنا الفنانين والفنانات الهواة وممثلي وممثلات الجمعيات الثقافية في لقاء حواري مفتوح، باش نحكيو بلا بروتوكول على واقعنا: على الفضاءات المسكّرة، على نقص الإمكانيات، على التكوين، على التمويل، وعلى فنانين وجمعيات قاعدين يخدموا من جيوبهم وبإرادتهم باش ما تموتش الثقافة في الحومة.
الفنانون الهواة موش «هواة» خاطرهم أقل قيمة.
هما ناس بدات من الصفر، من الحومة، من دار الثقافة، من الشارع، ومن جمعيات صغيرة تحاول تعمل حاجة في بلايص ما يوصلهاش الدعم بالقدر الكافي.
والمعركة موش باش نعطيوهم «فرصة».
المعركة باش يتنحّى من قدّامهم الحيط اللي يفرّق بين ثقافة عندها النفاذ وثقافة تبقى تستنى.
نحكيو اليوم على كيفاش نبنيو فضاء ثقافي أكثر عدلاً، وين الفنان من رواد ولا من أي حومة شعبية في تونس ما يبقاش مضطر يثبت كل مرة اللي عندو الحق يكون موجود.
للهوامش حق النفاذ للثقافة.

15/08/2026

الراب في الحومة ما استناش نهار باش نعطيوه permission باش يولّي موجود.
من سنين، شباب الحومة شدّ الميكرو وكتب على اللي عاشو: على الحومة، على القهرة، على الحب، على البطالة، على البوليس، على البلاد، على الأحلام اللي تكبر وسط ظروف تحاول تصغّرها.
الراب كان ديما واحد من اللغات اللي يستعملها الهامش باش يحكي على روحو بصوتو هو.
ولهذا في تويزة، قررنا نعطيو للـrap مساحة داخل المسابقة الرسمية للمهرجان.
موش باش نعملوا concours آخر ونصفّقوا للفائز واكهو .
أما باش نخلقوا بلاصة للفنانين الشباب باش يطلعوا، يجربوا، يتنافسوا، ويقولوا كلمتهم قدّام ناسهم.
خاطر ساعات، اللي ينقص الشاب موش الموهبة.
ينقصو الفضاء، الميكرو، والفرصة الأولى.
وإحنا نحبوا الفرصة الأولى هاذي تكون في الحومة.
نحبوا الراب اللي يخرج من أحياء تونس الشعبية يلقى بلاصتو فوق الركح، ويتسمع، ويتناقش، ويتاخذ بجدية. ونحبوا الفنان اللي بدا يكتب في غرفتو ولا يغني مع صحابو في الحومة يعرف اللي ينجم يطلع أبعد من الحومة، من غير ما يضطر ينكر منين جا.

شدّ الميكرو.
اكتب اللي عندك.
وخلي الحومة تحكي بصوتها.

في الحومة، الحيطان تعرف حكاياتنا أكثر من برشا ناس.هاذم موش كان تصاور ملوّنة على حيط. هاذم محاولات باش نحكيو على وجيعة عش...
14/08/2026

في الحومة، الحيطان تعرف حكاياتنا أكثر من برشا ناس.
هاذم موش كان تصاور ملوّنة على حيط. هاذم محاولات باش نحكيو على وجيعة عشناها ونشوفوها كل يوم: عنف، إدمان، مخدرات، صغار تكبر وسط الخوف والضغط، وأحلام ساعات تتدفن قبل ما تلقى حتى فرصة تكبر.
الفنانين اللي شاركوا في مسابقة الغرافيتي اختاروا ما يرسموش الوجيعة كيما هي، اختاروا يواجهوها بالألوان. كل عمل فيهم فيه موقف، وفيه تصوّر آخر للحومة اللي نحبوا عليها: حومة فيها فن، فيها حياة، وفيها صغار عندهم الحق يحلموا بحاجة غير اللي فرضه عليهم الواقع.
نحبوا الحيطان متاع رواد تحكي.
تحكي على ناسنا، على همومنا، وعلى الحومة اللي مازلنا نؤمنوا اللي تنجم تكون خير.
تويزة : صوت الهامش.

14/08/2026

مهرجان فنون الهواة برواد: دورة بلال الخليفي يوم الاختتام : 14/08/2026. البرنامج : 1/اجتماع مع الفنانين الهواة و الجمعيات الثقافية. 2/مسابقة Rap 3/انطلاق السهرة الاختتامية : بش تبدى بعرض الافلام مع سينما تدور وتوزيع الجوائز و التكريمات للفنانين الرابحين . مهرجان تويزة محلول للناس الكل مرحبا بيكم. تويزة : صوت الهامش.

Address

Raoued
Ariana
2081

Website

Alerts

Be the first to know and let us send you an email when El Mouvma Organization posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to El Mouvma Organization:

Shortcuts

Share

Category