DEWAN Solidaritas

Página Inicial
Timor-Leste
Dili
DEWAN Solidaritas

Ligar Como chegar Website

Dewan Solidaritas nu’udar organizasaun resistência, defende independénsia no garantia soberania

03/10/2026

DSMPPTT Bobonaro Husu Governo no CCLN Apoia Harii monumentu ba Saudoso Augusto Martins

Maliana, Bobonaro, 3 Outubru 2026 — DSMPPTT Bobonaro, hamutuk ho família Saudoso Augusto Martins, veteranu no Autoridade Munisipál Bobonaro, ohin realiza enkontru iha Salão Maria Tapo, Maliana, hodi diskute preparasaun ba harii monumentu no hadi’a rate Saudoso Augusto Martins, estudante UNTIM ne’ebé mate tanba milísia pro-Jakartá iha 18 Agostu 1999.

Saudoso Augusto Martins nu’udar estudante Universidade Timor Timur (UNTIM), Faculdade FAPERTA, Jurusan Sosial Ekonomia, tinan 1997, no mos membru Dewan Solidaritas Mahasiswa, Pemuda dan Pelajar Timor Timur (DSMPPTT).

Iha 18 Agostu 1999, Saudoso Augusto Martins hetan oho husi milísia pro-Jakartá bainhira nia hala’o misaun sosializasaun ba Dewan Mini Maliana, iha tempu Timor-Leste hala’o prosesu luta no mobilizasaun ba ukun-rasik-an.

Kordenadór DSMPPTT Bobonaro, Kompatriota Amílcar Tavares, afirma katak Saudoso Augusto Martins nu’udar figura importante ne’ebé fó nia kontribuisaun iha luta ba libertasaun nasional. Tanba nia dedikasaun no sacrifísiu, família husu atu nia memória rekoñese liu hosi monumentu permanente iha Maliana.

Amílcar hato’o apelu ba Governo no Conselho dos Combatentes da Libertação Nacional (CCLN) atu fó apoiu no halo homenagem ba Saudoso Augusto Martins, hodi valoriza nia sacrifísiu no luta, tuir ejijénsia no hakarak husi família.

Nia hateten katak DSMPPTT, hamutuk ho Governo lokal no nasional, iha responsabilidade importante atu kolabora no fasilita prosesu harii memorial ne’e.

“Memorial ida-ne’e la’ós de’it ba família, maibé mos ba komunidade no jerasaun futuru. Nia bele sai fatin aprendizajen kona-ba istória luta no sacrifísiu ema sira ne’ebé kontribui ba libertasaun Timor-Leste,” afirma Amílcar.

DSMPPTT mos rekomenda atu memorial Saudoso Augusto Martins sai referénsia aprendizajen ba jerasaun patriota no jerasaun hotu-hotu, no sai parte husi memória no dokumentasaun istórika ne’ebé bele estuda no preserva iha futuru.

Enkontru ne’e partisipa família Saudoso Augusto Martins, DSMPPTT Bobonaro, veteranu, representante CCLN, autoridade munisipál no komunidade.

25/09/2026

DILI, 25 Setembru 2026 — Direitor Ezekutivu Dewan Solidaritas Mahasiswa, Pemuda no Pelajar Timor-Timur (DSMPPTT), Sr. Tiago dos Reis Belo, partisipa iha sesaun abertura II Kongresu Nasional Juventude FRETILIN, ne’ebé hala’o iha Centro de Convenções de Dili (CCD), Dili, Timor-Leste, iha loron Sesta, 25 Setembru 2026.

Kongresu ne’e lori tema “Uluk no Agora, Foinsae Mak Forsa ba Transformasaun”, ne’ebé foka ba papel no kontribuisaun juventude nu’udar forsa importante iha prosesu transformasaun sosial no nasional.

Dewan Solidaritas hato’o agradesimentu ba konvite no kompromete atu kontinua aprende no fahe esperiénsia ho entidade no partidu polítiku oioin, liuliu kona ba esforsu hametin soberania no independénsia nasional Timor-Leste.

25/09/2026

DILI, 25 SETEMBRU 2026, Prezidente DSMPPTT ho Estrutura Hato'o Omanajen ba Profesor Afonso Napoleão da Silva Soares

Prezidente Dewan Solidaritas Mahasiswa, Pemuda no Pelajar Timor-Timur (DSMPPTT), Sr. João Sarmento da Silva, hamutuk ho Estrutura Dewan Solidaritas, hato'o omanajen ikus ba Profesor Afonso Napoleão da Silva Soares, nu'udar respeitu, solidariedade no ba nia kontribuisaun nu'udar edukadór.

Dewan Solidaritas hato'o sentidas condolénsias profundas ba família, kolega no maluk sira hotu ne'ebé sofre.

25/09/2026

Dewan Solidaritas lakon tan ninia membru no edukadór ida. Ho falesimentu ne'e Dewan Solidaritas hato'o sentidas condolências profundas.

24/09/2026

DSMPPTT realiza Audénsia ho VPM II

DILI, 24 Setembru 2026 — Presidente Dewan Solidaritas Mahasiswa, Pemuda no Pelajar Timor-Timur (DSMPPTT), Sr. João da Silva Sarmento, hamutuk ho Tiago Belo no Mateus Gonçalves, partisipa iha audénsia ho Vice-Primeiru Ministru II (VPM II), Sr. Mariano Assanami, iha Gabinete VPM II, iha kinta-feira, 24 Setembru 2026.

Iha audénsia ne’e, Presidente DSMPPTT apresenta programa no atividade prioridade sira organizasaun nian, inklui modelu empowerment ekonomia família, formasaun ba paz (peacebuilding), reziliénsia klimátika, no programa seluk ne’ebé orientadu ba dezenvolvimentu komunidade no fortalese kapasidade juventude.

VPM II, Sr. Mariano Assanami, subliña katak empowerment ba juventude no peacebuilding sai área importante sira ne’ebé presiza kontinua dezenvolve, liuliu atu envolve juventude iha prosesu dezenvolvimentu no hametin kultura dame iha sosiedade.

VPM II mos ko’alia kona-ba Dewan Solidaridade no IMPETU no sira nia papel iha edukasaun no dezenvolvimentu. Nia haktuir ideia kona-ba inisiativa atu harii Universidade, hodi labele lakon valor, esperiénsia no legadu instituisaun sira ne’ebé iha kontribuisaun istórika ba juventude no sosiedade.

Audénsia ne’e sai oportunidade atu kontinua hametin diálogu no kooperasaun entre DSMPPTT no Governu, liuliu iha área juventude, peacebuilding, edukasaun, ekonomia família no reziliénsia komunidade.

15/09/2026

𝐌𝐄𝐌𝐁𝐑𝐔 𝐃𝐄𝐖𝐀𝐍 𝐒𝐎𝐋𝐈𝐃𝐀𝐑𝐈𝐓𝐀𝐒 𝐉𝐎𝐒𝐄́ 𝐂𝐀𝐄𝐓𝐀𝐍𝐎 𝐆𝐔𝐓𝐄𝐑𝐑𝐄𝐒: 𝐏𝐎𝐁𝐑𝐄𝐙𝐀 𝐋𝐀 𝐁𝐄𝐋𝐄 𝐇𝐀𝐑𝐄𝐄 𝐃𝐄’𝐈𝐓 𝐇𝐔𝐒𝐈 𝐑𝐄𝐍𝐃𝐈𝐌𝐄𝐍𝐓𝐔

Dewan Solidaritas, 15 Setembru 2026 — Membru Dewan Solidaritas, José Caetano Guterres, hateten katak diskusaun kona-ba pobreza no kualidade moris iha Timor-Leste presiza haree ho perspetiva ne’ebé luan, tanba rendimentu monetáriu la’ós sasukat úniku atu determina ema ida ka família ida nia kondisaun moris.

Kona-ba alegasaun “Timor-Leste kiak 71,7%” ka katak Timoroan sira moris ho rendimentu ruma ho valor osan kada loron, José Caetano Guterres konsidera katak dadus sira ne’e presiza haree ho kontextu no definisaun ne’ebé klaru. Iha área rurál, família barak moris husi to’os no natar, no la sosa hotu-hotu nia nesesidade ho osan.

Tanba ne’e, rendimentu monetáriu kada loron la necessariamente reflete valor hahán no rekursu ne’ebé família sira produz rasik. Iha tempu hanesan, presu sasán mos diferente entre área rurál no sidade. Sasán hanesan fehuk, aifuan no batar bele hetan ka produz ho kustu ki’ik iha foho, enkuantu sasán importadu iha sidade bele kusta aas liu.

Nia mos haree falta empregu, liuliu ba foin-sa’e sira, nu’udar dezafiu boot ba dezenvolvimentu ekonomia Timor-Leste. Setór privadu seidauk iha kapasidade suficiente atu absorve forsa traballu foun, nune’e presiza iha esforsu boot liu atu kria oportunidade servisu, promove produsaun lokal no dezenvolve negósiu iha munisípiu sira.

Ba José Caetano Guterres, kualidade moris povu tenke sukat mos husi asesu ba edukasaun ho kualidade, saúde, bee-moos, infraestrutura no servisu baziku. Tanba ne’e, diskusaun kona-ba “71,7% pobreza” presiza husu ho rigor: dadus ne’e bazeia ba definisaun pobreza saida, tinan hira, no métodu sasukat saida? Komprende dadus ho kontextu mak importante atu hatudu realidade ekonomia no sosial Timor-Leste ho justu no loos.

04/09/2026

DSMPPTT realiza Reflesaun Memória Kampus Merah – UNTIM, 4 Setembru 2026
Husi Antero Benedito da Silva

04/09/2026

DSMPPTT realiza Reflesaun Memória Kampus Merah – UNTIM, 4 Setembru 2026
Husi Antero Benedito da Silva

Endereço

Ave. Presidente Nicolau Lobato, Díli
Dili
88000

Telefone

+670 77235163

Website

https://studentpeaceprize.wordpress.com/winners/antero-benedito-da-silva-and-the-east-timor-student-solidarity-council/

Notificações

Seja o primeiro a saber: enviamos-lhe um e-mail quando DEWAN Solidaritas publicar novidades e promoções. O seu endereço de e-mail não será utilizado para nenhum outro fim e pode cancelar a subscrição a qualquer momento.

Partilhar

Categoria

Organização juvenil