08/10/2026
【Tetun】
Klase inan iha sede suku Lebos: Aman sira aprende kona-bá pratika Esperiénsia sai nu’udar inan isin-rua
Data : 29/09/2026
Atividade : Klase Inan
Fatin : Sede Suku Lebos
Aktividade klase inan sesaun II “ Kuidadu durante partu” ne’ebé hala’o iha sede suku Lebos, ho partisipante inan no inan isin-rua na’in 13 no aman na’in 5. Iha sesaun ne’e lidera hosi parteira Virna husi NGO Frontline ne’ebé fahe informasaun ba inan isin-rua no aman/parseiro, kona-bá atendimentu durante partu, kuidadu saida maka sira sei hetan wainhira partu iha fasilidade saúde, sinál perigu saida maka sei akontese durante prosesu partu no benefisiu saida maka sira sei hetan wainhira partu iha fasilidade saúde. Aktividade klase inan la’o ho ambiente ne’ebé diferente. La’ós deit inan isin-rua no inan sira mak rona informasaun aprende kona-bá kuidadu durante isin-rua to’o prosesu partu, maibé aman sira mós hetan oportunidade atu aprende no komprende liutan kona-bá esperiénsia ne’ebé sira nia Parseira/ferik-oan sira hasoru durante isin-rua.
Iha sesaun pratika, aman/parseiro na’in 2 voluntariamente partisipa atu experimenta esperiénsia husi pratika esperiensia isin-rua ba aman sira. Hafoin pratika, sira fahe sira nia sentimentu sai nu’udar inan isin-rua.
“Isin-rua ne’e ita kole duni. Bainhira ita sa’e eskada, la’o sa’e deit araska ona. Bainhira ita hakru’uk atu foti sasan ruma no depois hamriik los fali, kabun todan loos,” dehan ida hosi aman sira.
Esperiénsia simples ida-ne’e ajuda aman sira atu haree katak buat ne’ebé normal ba ema seluk, bele sai todan ba inan ne’ebé isin-rua. Hosi pratika ne’e, sira bele komprende liután kona-bá importánsia apoiu no atensaun ba inan durante periodu isin-rua.
No bainhira aman sira komprende di’ak liután esperiénsia inan isin-rua, sira bele sai apoiante importante ba sira nia parseiro/ferik-oan— hahu hosi isin-rua, prosesu partu, to’o depois tur-ahi.
Partisipasaun família, liuliu aman sira, importante atu hametin kuidadu saúde inan no oan iha komunidade.
♪-♪-♪-♪-♪-♪-♪-♪-♪-♪-♪-♪-♪-♪-♪-♪-♪-♪-♪-♪-♪-♪-♪-♪-♪-♪-♪-♪-♪-♪
【English】
Mother Class at Lebos Village Office: Fathers Learn What Pregnancy Feels Like
Date: 29 September 2026
Activity: Mother Class
Location: Lebos Village Office
The second Mother Class session, “Care During Childbirth,” was held at Lebos Village Office. A total of 13 mothers and pregnant women, and 5 fathers joined the session.
mana Virna, a midwife from NGO Frontline, led the session. She explained the care women receive during childbirth, danger signs to look out for, and the benefits of giving birth at a health facility.
This session was a little different. Mothers and pregnant women learned about care during pregnancy and childbirth. Fathers also had a chance to learn more about what their wives or partners experience during pregnancy.
During the activity, 2 fathers volunteered to try a pregnancy simulation. Afterwards, they shared how they felt.
“Being pregnant is really tiring. It is hard to go up stairs or walk uphill. When I bend down to pick something up and stand up again, my belly feels very heavy,” said one father.
This simple activity helped the fathers understand that everyday tasks can be hard for pregnant women. It also helped them understand why women need support and care during pregnancy.
When fathers understand more about pregnancy, they can better support their wives or partners during pregnancy, childbirth and after birth.
Support from family members, especially fathers, is important for improving care for mothers and children in the community.