BEE TIMOR-LESTE E.P

11/05/2026

𝐀𝐯𝐢𝐳𝐮:

Liuhosi meius komunikasaun ida ne'e, hakarak informa ba kliente sira ne’ebé durante ne’e asesu bee hosi 𝐞𝐬𝐭𝐚𝐬𝐚𝐮𝐧 𝐛𝐨𝐦𝐛𝐚 𝐂𝐨𝐦𝐨𝐫𝐨 𝐀, 𝐀𝐬𝐠𝐨́𝐫 no 𝐦𝐞𝐫𝐤𝐚𝐝𝐮 𝐌𝐚𝐧𝐥𝐞𝐮𝐚𝐧𝐚 katak, daudaun ne'e labele halo operasaun no distribuisaun bee moos, tanba enerjia elétrika ou ahi mate. Fornesimentu bee moos ba konsumidór sira sei normaliza fila-fali hafoin ahi lakan.

Ba kolaborasaun no pasiénsia, la haluha hato'o obrigadu wa'in.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

11/05/2026

𝐓𝐞́𝐤𝐧𝐢𝐤𝐮 𝐁𝐓𝐋, 𝐄.𝐏 𝐊𝐚𝐧𝐚𝐥𝐢𝐳𝐚 𝐁𝐞𝐞 𝐛𝐚 𝐊𝐥𝐢𝐞𝐧𝐭𝐞 𝐅𝐨𝐮𝐧 𝐧𝐨𝐦𝐨𝐬 𝐌𝐨𝐧𝐭𝐚 𝐌𝐊

𝐃𝐢́𝐥𝐢, 𝟏𝟏 𝐌𝐚𝐢𝐮 𝟐𝟎𝟐𝟔. Tékniku O&M BTL, E.P apoia hosi estajiáriu sira hosi UNPAZ halo ligasaun foun ba komunidade sira nomos m***a metru kontadór foun ba konsumidór uma kain ualu, iha Taibessi Centro no Cipol Becora.

Ohin, ekipa BTL, E.P no estajiáriu sira kanaliza bee no m***a metru kontadór ba konsumidór foun sira ne'e, tanba sira kompleta rekezitu ligasaun foun nian iha BTL, E.P.

Hafoin finaliza dada bee to'o ba abitante idak-idak nia fatin, sira agradese no kontente tanba abitante sira la gasta tan ona tempu, hodi bá kuru bee ho distánsia ne'ebé dook hanesan antes ne'e. Alende ne’e, konsumidór sira mos hato'o sira-nia prontidaun, atu kontribui reseita liuhosi selu tarif bee mensalmente.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

11/05/2026

𝐃𝐀𝐊 𝐑𝐞𝐤𝐨𝐥𝐥𝐚 𝐓𝐚𝐫𝐢𝐟𝐚 𝐁𝐞𝐞 𝐢𝐡𝐚 𝐃𝐞𝐩𝐨́𝐬𝐢𝐭𝐨 𝐏𝐞𝐧𝐚́𝐥, 𝐓𝐞𝐦𝐩𝐨𝐫𝐚́𝐥 𝐧𝐨 𝐇𝐞𝐫𝐚

𝐃𝐢́𝐥𝐢, 𝟏𝟏 𝐌𝐚𝐢𝐮 𝟐𝟎𝟐𝟔. Ekipa téknika balkaun móvel DAK ohin, rekolla tarifa bee moos hosi kliente tuan sira, iha aldeia Depósito Penál no Temporál, suku Lahane Orientál, zona 5.

Enkuantu ekipa balkaun móvel seluk atende kliente tuan sira iha Hera, zona 11 hodi selu tarifa bee fulan-fulan nian.

Tarifa bee fulan-fulan ne’e, kliente sira sei selu tuir gastu bee loron-loron nian.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

11/05/2026

Ekipa TO Ermera Halo Reparasaun Liña Distribuisaun no MK No kontinua muda no hamos MK.Iha parte seluk DAK kontinua lee MK No ekipa balun hamos sedimentasaun iha Intek.

Ermera , 11 Maiu 2026 - Ekipa tekniku operadór (TO) BTL,E.P Munisipiu Ermera balun halo reparasaun ba liña distribuisaun ida,ne'ebe intupidu iha Bairo Un.Depois de ida ne'e kontinua halo reparasaun mós ba kliente ida nia metru kontadór iha Bairo Tres.

No ekipa tekniku balun hamos kliente sira nia metru kontadór ne’ebe foer iha area Auturidade nian.

Alende ne’e ekipa seluk troka koupling kanu 1/2" unidade ida no kontinua muda kliente ida nia metru kontadór besik iha Edifisiu CCI TL nian sorin.

Enkuantu iha parte dader ekipa DAC uza sistema aplikasaun IMS Survey 123 le'e metru kontadór ba kliente hamutuk uma kain 34 no ekipa tekniku balun hamos kliente sira nia metru kontadór iha Bairo Perumnas Lama.

No parte lokraik ekipa DAC kontinua lee metru kontadór hamutuk 24 ba Edifisiu publiku sira iha kapital Gleno.

Iha parte seluk kazual ne’ebe destakadu iha intake mota bo'ot no mota ki'ik kontinua hamos sedimentasaun suru sai raihenek no tahu sira ne'ebe taka metin iha intake 2 hodi garante nafatin fornesimentu bee ba konsumidór sira.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

11/05/2026

𝐓𝐞́𝐤𝐧𝐢𝐤𝐮 𝐁𝐓𝐋, 𝐄.𝐏 𝐇𝐚𝐡𝐮́ 𝐈𝐧𝐬𝐭𝐚𝐥𝐚 𝐊𝐚𝐧𝐮 𝐓𝐫𝐚𝐧𝐬𝐦𝐢𝐬𝐚𝐮𝐧 𝐧𝐨 𝐃𝐢𝐬𝐭𝐫𝐢𝐛𝐮𝐢𝐬𝐚𝐮𝐧 𝐏𝐫𝐢𝐧𝐬𝐢𝐩𝐚́𝐥 𝐢𝐡𝐚 𝐓𝐚𝐢𝐛𝐞𝐬𝐬𝐢 𝐏𝐮𝐫𝐚

𝐃𝐢́𝐥𝐢, 𝟏𝟏 𝐌𝐚𝐢𝐮 𝟐𝟎𝟐𝟔. Ekipa O&M BTL, E.P halo melloramentu ba sistema kanu kanalizasaun bee, iha Taibessi Pura.

Ohin tékniku sira instala no solda tutan kanu transmisaun foun ho medida DN 150mm lolon neen no kanu distribuisaun prinsipál foun ho medida DN 150mm lolon neen, hodi troka kanu ezistente ne’ebé antigu ona.

Enkuantu ezistente antes ne’e instala iha estrada klaran, nune’e difikulta atu halo reparasaun, tanba ne’e, ho projetu alargamentu estrada ne’e, sei muda dala ida kanu transmisaun no distribuisaun prinsipál ba estrada ninin no sei ajusta tuir konstrusaun valeta ne’ebé finaliza ona, atu nune’e ba futuru fásil atu halo manutensaun.

Liña transmisaun ne’e, sei kanaliza bee hosi estasaun bomba Culuhun B ba tanke rezervatóriu Pura, hafoin hodi distribui fila-fali ba konsumidór sira iha Taibessi.

Servisu instalasaun kanu ne’e seidauk finaliza, nune’e aban sei ekipa O&M sei kontinua halo atividade refere.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

11/05/2026

BTL,E.P Disemina uluk regulamentu kona-ba uza bee,molok halo Melloramentu sistema kanalizasaun bee no instalasaun metru kontadór foun ba komunidade iha Aldeia Marabia.

Dili,11 Maiu 2026 - Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe Ximenes Smith hamutuk ho Jestór DAK ho ekipa no Ofisiál Legál, halo sosializasaun regulamentu ne’ebé abrigu iha Dekretu Lei no Diploma Ministeriál sira kona-bá tabela tarifária, proibisaun ba koneksaun ilegál no kritéria atu sai kliente BTL, E.P nian ba komunidade sira, iha aldeia Marabia suku Lahane Oriental postu-administrativu Vera-Cruz Munisipiu Dili.

Iha atividade sosializasaun ne’e, BTL, E.P partilla informasaun detalla Dekretu Lei nú. 41/2020 loron 25 fulan Setembru ne’ebé ko’alia kona-bá “Kriasaun Bee Timor-Leste, Empreza Públika (BTL, E.P), Dekretu Lei nú. 4/2004 loron 11 fulan Fevereiru, kona-bá “Aprova Rejime Fornesimentu Bee ba Konsumu Públiku”, nune’e mós Diploma Ministeriál nú. 1/2004 loron 11 fulan Fevereiru ne’ebé ko’alia kona-bá “Tabela Tarifária” no ikus liu Diploma Ministeriál nú. 1/2009 loron 5 fulan Outubru, kona-bá “Fiskalizasaun Sistema Abastesimentu Bee”.

Objetivu Ekipa BTL,E.P halo atividade sosializasaun ne’e,hodi fahe uluk informasaun kona-bá, kna’ar BTL, E.P nian no regulamentu sira ne’ebé sita ona iha leten ba konsumidór sira, atu nune’e sira bele hatene no kompriende ,banhira ekipa tekniku sira halo melloramentu sistema kanalizasaun bee no instalasaun metru kontadór ba sira nia uma iha Area ne’e .

Durante sosializasaun Vise-Prezidente KE BTL, E.P ba Asuntu Tékniku hatete, importánsia husi sosializasaun ida ne’e, atu esplika kona-bá prosedimentu sira, liu-liu dever, direitu no responsabilidade nudár kliente nian,ho nune’e, husu ba Autoridade no komunidade sira iha aldea ne’e atu tau matan ba fasildiade bee nian ne’ebé BTL,E.P instala ona iha idak-idak nia fatin, atu kuidadu nune’e bele uza ba tempu naruk.

Alende ne’e, Ezekutivu rekomenda ba abitante sira, wainhira asesu ona bee, tenke uza tuir konsiénsia, atu nune’e konsumidór sira seluk mós bele hetan bee hanesan.

Iha atividade sosializasaun ne'e, Jestór DAK esplika detalla ba komunidade sira kona-bá utilizasaun metru kontadór no prosesu rekolla tarifa bee, wainhira parte DAK tun ba lee metru kontadór, kliente sira iha dever no obrigasaun atu hahú selu tarifa bee fulan-fulan.

Durante sosializasaun ne’e Autoridade Lokal no komunidade sira hato’o preokupasaun,no rekomendasaun balun liga ho probleme bemos iha aldeia ne'e no BTL, E.P fó kedas resposta atu rezolve preokupasaun Komunidade nian ne’e iha tempu badak.

Fó hanoin katak dadaun ne’e Ekipa Tekniku BTL,E.P instala ona sistema bemos ba komunidade hamutuk uma kain 50 resin iha aldeia refere no iha tempu besik sei kontinua instala tan ba uma kain 50 iha fatin referida.

Partisipa iha atividade sosializasaun ne’e,Lideransa Komunitária no komunide sira iha Aldeia Marabia suku Lahane Oriental.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

11/05/2026

𝐀𝐯𝐢𝐳𝐮

Liuhosi meius komunikasaun ida ne'e, hakarak informa ba konsumidór iha 𝐌𝐮𝐧𝐢𝐬𝐢́𝐩𝐢𝐮 𝐋𝐚𝐮𝐭𝐞́𝐦 ne’ebé durante ne’e asesu bee hosi 𝐬𝐢𝐬𝐭𝐞𝐦𝐚 𝐠𝐫𝐚𝐯𝐢𝐭𝐚𝐬𝐚𝐮𝐧 𝐏𝐚𝐩𝐚𝐩𝐚 no 𝐏𝐮𝐚𝐡𝐨𝐩𝐮 katak ohin, labele halo operasaun no distribuisaun bee moos, tanba kontaminasaun bee merak no fo'er, kauza hosi udan.

Ba kolaborasaun no pasiénsia, la haluha hato'o obrigadu wa'in.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

11/05/2026

𝐓𝐞́𝐤𝐧𝐢𝐤𝐮 𝐁𝐓𝐋, 𝐄.𝐏 𝐑𝐞𝐳𝐨𝐥𝐯𝐞 𝐨𝐧𝐚 𝐅𝐚𝐥𝐥𝐚𝐧𝐬𝐮 𝐢𝐡𝐚 𝐄𝐁 𝐉𝐚𝐫𝐝𝐢𝐦 𝟎𝟓 𝐝𝐞 𝐌𝐚𝐢𝐨 𝐧𝐨𝐦𝐨𝐬 𝐇𝐚𝐦𝐨𝐨𝐬 𝑩𝒖𝒍𝒌 𝑴𝒆𝒕𝒆𝒓 𝐧𝐨 𝐈𝐧𝐭𝐚𝐤𝐞

𝐃𝐢́𝐥𝐢, 𝟏𝟏 𝐌𝐚𝐢𝐮 𝟐𝟎𝟐𝟔. Tékniku Eletrisidade O&M BTL, E.P halo intervensaun ba bomba iha estasaun Jardim 05 de Maio no konsege rezolve ona fallansu refere.

Nune’e daudaun ne’e, bomba iha estasaun Jardim 05 de Maio, hahú halo operasaun no distribuisaun bee moos ba kliente sira ne’ebé durante ne’e, asesu bee hosi sistema bomba refere.

Ohin mos, tékniku Produsaun nian akompaña atividade 𝑏𝑎𝑐𝑘𝑤𝑎𝑠ℎ iha tanke filtrasaun 1, 2, 3 no 4 nomos hamoos 𝑏𝑢𝑙𝑘 𝑚𝑒𝑡𝑒𝑟, nune’e atu evita intupidu.

Enkuantu tékniku operadór sira ne’ebé destakadu iha sistema gravitasaun Maloa no Tohumeta, nafatin halo servisu regulár hodi hamoos sedimentasaun sira ne’ebé taka metin kaptasaun Maloa no Tohumeta inklui halo limpeza aredór intake Toumeta.

Servisu regulár hirak ne’e, hodi garante funsionamentu kanalizasaun bee hosi sistema gravitasaun mai tanke rezervatóriu nomos distribuisaun bee moos ba konsumidór sira.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

11/05/2026

10/05/2026

𝐀𝐯𝐢𝐳𝐮:

Liuhosi meius komunikasaun ida ne'e, hakarak informa ba kliente sira katak, 𝐛𝐨𝐦𝐛𝐚 iha 𝐞𝐬𝐭𝐚𝐬𝐚𝐮𝐧 𝐉𝐚𝐫𝐝𝐢𝐦 𝟎𝟓 𝐝𝐞 𝐌𝐚𝐢𝐨, ohin, labele halo operasaun no distribuisaun bee moos, tanba impaktu enerjia elétrika iha painel kontrolu bomba nian. Maibé iha tempu besik, tékniku sira sei halo intervensaun imediatu ba fallansu ne'e.

Ba kolaborasaun no pasiénsia, la haluha hato'o obrigadu wa'in.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

10/05/2026

𝐀𝐯𝐢𝐳𝐮:

Liuhosi meius komunikasaun ida ne'e, hakarak informa ba konsumidór sira iha 𝐚𝐥𝐝𝐞𝐢𝐚 𝐅𝐚𝐭𝐮𝐤 𝐅𝐫𝐚𝐧𝐜𝐢𝐬𝐜𝐨 ne’ebé asesu bee hosi tanke rezervatóriu Cendana katak, ohin, labele halo distribuisaun, tanba 𝐬𝐢𝐬𝐭𝐞𝐦𝐚 𝐛𝐨𝐦𝐛𝐚 𝐧𝐞’𝐞𝐛𝐞́ 𝐝𝐮𝐫𝐚𝐧𝐭𝐞 𝐧𝐞’𝐞 𝐡𝐨𝐝𝐢 𝐟𝐨𝐫𝐧𝐞𝐬𝐞 𝐛𝐞𝐞 𝐛𝐚 𝐭𝐚𝐧𝐤𝐞 𝐫𝐞𝐳𝐞𝐫𝐯𝐚𝐭𝐨́𝐫𝐢𝐮 𝐂𝐞𝐧𝐝𝐚𝐧𝐚 𝐩𝐫𝐞𝐬𝐚𝐮𝐧 𝐤𝐢𝐢𝐤. Maibé iha tempu besik, tékniku sira sei halo intervensaun imediatu ba fallansu ne'e.

Ba kolaborasaun no pasiénsia, la haluha hato'o obrigadu wa'in.

(𝐌𝐞́𝐝𝐢𝐚_𝐁𝐓𝐋, 𝐄.𝐏)