Alumni Parlamentu Foinsa'e Timor-Leste - APFTL

08/06/2026

📢 DADALIA POLÍTIKA: BELE ONA KA LAE JERASAUN FOUN FOTI POZISAUN (TAKE OVER)?

Dili, 08 Juñu 2026.

📍 Dili, 06 Juñu 2026 – Alumni Parlamentu Foinsa’e Timor-Leste (APFTL) realiza ona Dadalia Polítika ho tema boot: "Kompetisaun Interjerasionál iha Eleisaun Prezidenti 2027: Bele ona ka lae Jerasaun Foun Foti Pozisaun (Take Over)?"

Timor-Leste dadaun ne'e tama ba fase tranzisaun ne'ebé importante tebes! Desde restaura independénsia, ita-nia lideransa nasionál maioria asume husi Jerasaun Fundadór sira. Maibé, ho mudansa sosiál no demográfika, mosu pergunta boot ida ba Eleisaun Prezidenti 2027: Bele ona ka lae jerasaun foun foti pozisaun iha lideransa nasionál?

🎙️ Iha Dadalia Polítika ida-ne'e, ita hetan koñesimentu no perspetiva ne'ebé kle'an husi ita-nia Oradór sira:

1. Abrão Nokosiku – nu’udar Sekretáriu Jerál Juventude FRETILIN
2. Joaozinho Mashado – nu’udar Presidente Interino, Movimento Profesional Democratico MPD-PD nacional
3. Jerry Manamer – nu’udar Sekretáriu Ezekutivu Juventude CNRT Munisipiu Dili

Iha atividade ne’e, partisipante sira diskuta maka'as kona-ba:
• Papel Jerasaun Fundadór: Analiza sira-nia kontribuisaun boot ba konstrusaun Estadu.
• Prontidaun Jerasaun Foun: Avalia kapasidade, preparasaun, integridade, no vizaun foinsa'e sira-nian.
• Desafiu & Oportunidade: Identifika saida mak presiza kura no labele lakon iha prosesu renovasaun lideransa ne'e.
• Diálogu Interjerasionál: Hametin kooperasaun entre jerasaun tuan no foun ba interese nasionál.

Atividade Dadalia Polítika ne’e nakloke ba ema hotu, no hetan partisipasaun masivu husi Estudante Universitáriu sira (UNTL, UNPAZ, UNITAL, no IPDC), Sosiedade Sivíl, PFN, Organizasaun Juveníl, no mós membru APFTL sira.

🔗 Atu asesu no rona diskusaun kompletu, klik iha link ne’e: https://www.facebook.com/share/v/18raqyaLyQ/

06/06/2026

05/06/2026

04/06/2026

MAI PARTISIPA IHA DADALIA POLÍTIKA! 📢.

​Alumni Parlamentu Foinsa'e Timor-Leste (APFTL) konvida maluk juventude no públiku hotu atu hola parte iha diskusaun ne'ebé interesante ho téma:
👉 “Kompetisaun Interjerasional iha Eleisaun Prezidenti 2027: Bele ona ka lae Jerasaun Foun Foti Pozisaun (Take Over)”.

​Dadalia polítika nee sei prezensa husi panelista sira hanesan:

​👤 Abrão Nokosiku (Sekretariu Jerál Juventude FRETILIN)
​👤 Joaozinho Machado (Presidente Interino Movimento Profesional Democratico MPD-PD)
👤 Jery Manamer (Sekretariu Ezekutivu Juventude CNRT Munisipiu Dili)
​🎙️ Martinho Moniz (Moderadór)

​Atividade ne'e sei hala'o iha:
​📅 Data: Sábadu, 06 de Juñu 2026
​⏰ Oras: 14:00 OTL
​📍 Fatin: Haburas, Farol, Dili
​
​Mai ita rona, fahe opiniaun, no analiza hamutuk kona-ba futuru polítika no papél jerasaun foun nian ba Eleisaun Prezidenti 2027! ??🇱✨

​

02/06/2026

🎉 Parabéns Loron Mundiál Labarik Nian! “Lian Labarik ba Hari’i Futuru ida Ne’ebé Justu no Inkluzivu”.

Dili, 02 Juñu 2026.

Manufahi, 01 Juñu 2026. Hodi komemora loron “Loron Mundiál Labarik Nian”, Alumni Parlamentu Foinsa’e Timor-Leste (APFTL) servisu hamutuk ho Plan Internasional iha Timor-Leste ba programa CHILD RIGHT ne'ebé finansia husi Uniaun Europeia (UE), realiza semináriu no mós kompetisaun oioin hanesan: tata krupuk, halai taru karon, no dada tali. Atividade sira-ne’e hala’o ho susesu iha Suku Babulo, Postu Administrativu Same, Munisípiu Manufahi.

Objetivu husi atividade ne’e maka, loron internasionál labarik nian nu’udar oportunidade importante ida atu hasa’e koñesimentu públiku nian kona-ba direitu labarik, protesaun, no importánsia atu kria ambiente ida ne’ebé seguru, inkluzivu, no apoia dezenvolvimentu labarik nian.

🎙️ Tópiku no oradór sira iha semináriu mak:
1. Reprezentante Prezidente Autoridade Munisípiu (PAM) Manufahi: Ko’alia kona-ba “Dezafiu ba labarik sira iha era Dijitál no Papél entidade Estadu ba protesaun no salvaguarda labarik”.
2. Diretora Edukasaun Munisípiu Manufahi: Ko’alia kona-ba “Edukasaun Inkluzivu no igualdade ba labarik sira”.
3. Diretora Rejionál PDHJ Same: Ko’alia kona-ba “Protesaun Labarik iha Família, Komunidade, Sosiedade no Estadu”.

Atividade ne’e hetan partisipa maximu husi:
• Mr. Seth Van Doorn – Jerente Programa (Civil Society, Democracy and Human Rights, Gender) husi Uniaun Europeia.
• Ekipa husi Plan International iha Timor-Leste.
• Diretoór Eskola, Sefe Juventude Suku Babulo, no Profesór sira.
• Estudante sira husi eskola: EBC Babulo, EBC Dilijente, EBC Simpan Tiga, EBC Turon, ESGP Cristal, no ESGP 1912 Same.

Mai ita hamutuk garante nafatin ambiente ne’ebé di’ak ba dezenvolvimentu ita-nia labarik sira nian, tanba sira mak futuru ba nasaun! 🇹??✨

01/06/2026

🌍📻 🎙️Dadalia Rádio Kona-ba Mudansa Klimátika.

Dili, 01 Juñu 2026.

Bobonaro, 28 Maiu 2026. Alumni Parlamentu Foinsa’e Timor-Leste (APFTL) liuhusi Feto Foinsa’e Sékulu XXI (FFS-XXI) parseria hamutuk ho Oxfam iha Timor-Leste, realiza atividade Dadalia iha Rádio ho tópiku: "Oinsá feto no labarik sira iha Timor-Leste bele adapta ho impaktu husi mudansa klimátika".Mudansa klimátika la’ós de’it kestaun ambiente, maibé kestaun kbi’it ekonomia no sosiál, liuliu ba feto sira iha área rurál ne’ebé loron-loron depende ba rekursu naturál.

Atividade Dadalia iha Rádio ida-ne'e mai ho objetivu atu hasa’e konsiénsia públiku kona-ba impaktu loloos husi mudansa klimátika iha Timor-Leste, liuhusi fó lian no espasu ba feto sira hodi fahe rasik sira-nia istória, dezafiu, no esperiénsia moris nian. Iha tempu ne'ebé hanesan, diskusaun ne'e mós sai hanesan oportunidade ida hodi buka-hatene planu konkreta sira husi governu nian hodi apoiu grupu vulnerável sira, liuliu feto, hodi hasoru no adapta ho impaktu sira-ne'e ba futuru.

🗣️ Orador Konvidadu:
• Diretór Diresaun Nasionál Alterasaun Klimátika (DNAC) –aprezenta polítika, programa, no mekanizmu apoiu husi governu.
• Membru Komunidade – fahe esperiénsia pesoál no oinsá ultrapassa impaktu mudansa klimátika iha moris loroloron nian.
Mai ita hamutuk rona, apoiu, no foti asaun hodi hametin reziliénsia klimátika ba feto no labarik sira iha Timor-Leste! 🇹🇱🌱

01/06/2026

WORKSHOP AIHAN SAUDAVÉL HO AI-HAN LOKÁL 🥦🍅

Dili, 01 Juñu 2026.

Ermera, 28 Maiu 2026. Alumni Parlamentu Foinsa’e Timor-Leste (APFTL) mai fali ho atividade foun! Hodi selebra Loron Mundial Nutrisaun, APFTL organiza workshop espesiál ida ho títulu "Aihan Saudavél ho Ai-han Lokál" iha Munisípiu Ermera. Ho objetivu hamutuk ita kombate no hamenus númeru malnutrisaun iha Munisípiu Ermera, liuhusi promosaun ai-han lokál ne'ebé fó benefísiu ba saúde no ekonomia família.

Iha workshop ne’e, Xefe Divizaun Formasaun Candido Jotiles Borges haktuir, “objetivu prinsipál husi workshop ne'e mak atu hasae koñesimentu no konsiénsia komunidade nian kona-ba importánsia han saudável, higiéniku, no diversifikadu hodi prevene malnutrisaun no moras. Liuhusi atividade ne'e, hakarak mós atu hatudu benefísiu no promove utilizasaun ai-han lokál ne'ebé nutritivu hodi sustenta seguransa alimentár no ekonomia família, inklui mós fortalese partisipasaun komunidade nian hodi hamosu saúde no nutrisaun ne'ebé sustentável”.

Workshop ida ne'e la'ós de'it ko'alia kona-ba teoria, maibé sei fó oportunidade ba ita-nia foinsa'e no inan sira atu aprende prátika duni oinsá prepara no tein hahan ne'ebé nutritivu, higiéniku, no uza de'it ingrediente lokál sira ne'ebé fasil atu hetan.

Aprende direta husi oradór espesialista sira:
• Diresaun Nasionál Nutrisaun – sei ko'alia kona-ba "Polítika Governu Liuhusi Ministério Saúde ba Kombate Mal-Nutrisaun Iha Timor-Leste".
• Nutrisionista – sei fahe mós matéria kona-ba "Importánsia Husi Ai-han Lokál ba Ema nia Nutrisaun no Saúde".

Atividade ne'e, halibur partisipante hamutuk nain-50 (foinsa'e nain-40 no inan nain-10) no partisipa hetan mos husi Diretor saúde munisipiu Ermera, xefe sentru saude Gleno, diretor centro Juventude municipiu Ermera no Diresaun Nasional Nutrisaun.

Mai ita apoia produtu lokál ba moris ne'ebé saudavél! 🇹🇱✨

29/05/2026

LANSAMENTU ACCOUNT APLIKASAUN SWIPE SAFE 📱

Alumni Parlamentu Foinsa’e Timor-Leste (APFTL) hamutuk ho ChildFund Timor-Leste-CFTL realiza Lansamentu Account Aplikasaun Swipe Safe, ne’ebe maka halo ona instalasaun iha iha eskola no centru juventude sira iha munisipiu Ermera, Dili, Liquiça no Manatuto. Atividade ne’e hala’o iha loron tersa-feira, 26 Maiu 2026 iha salaun HAK Farol Dili.

Aplikasaun Swipe Safe ne’e, nu’udar plataforma dijitál ida ne’ebé fornese konteúdu edukativu kona-ba utilizasaun internet ne'ebé seguru no responsável. Materia sira iha aplikasaun ne’e kobre:
• Konseitu prinsipál: Kona-ba internet no seguransa online.
• Prevensaun risku dijitál: Hanesan cyberbullying, esplorasaun seksuál online, no difuzaun (fahe) informasaun falsu. Ho objetivu tulun labarik no joven sira komprende oinsá uza internet ho di’ak, krítiku, no responsável, nune’e bele garante sira-nia direitu atu asesu informasaun ho seguru no livre husi ameasa.

Iha lansamentu ne’e, reprezentante husi ChildFund sublina “parseria ho APFTL foku liu ba asuntu labarik no foin-sa'e sira, liuliu iha era dijitál foun ne'ebé ema barak ona mak asesu ba internet no Facebook liuhusi telemóvel. Maski internet di'ak ba buka informasaun, maibé nia mós lori perigu boot hanesan abuzu seksuál online no cyberbullying ne'ebé bele estraga labarik sira-nia mentalidade. Tanba ne'e, ChildFund husu apoiu tomak husi manorin (profesór) sira nuudar xave importante hodi fó koñesimentu báziku ba estudante sira kona-ba oinsá prevene an husi impaktu negativu sira ne'e, nune'e programa ne'e la'o to'o tinan 2028 bele lori duni mudansa no rezultadu ne'ebé di'ak ba oin”.

Iha fatin hanesan Prezidenti APFTL Benvinda Gusmão Alves afirma “atividade ida ne'e hanesan kontinuasaun husi programa parseria estratéjika entre ChildFund ho APFTL ne'ebé la'o ona husi tinan 2023, hodi dezenvolve foin-sa'e sira-nia kbiit iha era dijitál. Liuhusi programa ne'e, introduz modelu aplikasaun dijitál foun hodi troka uza papél, nune'e estudante sira bele asesu ba informasaun ne'ebé util liuhusi telemóvel no internet. Maski internet fó impaktu pozitiu barak ba estudu no buka serbisu, maibé nia mós lori perigu boot hanesan abuzu online no cyberbullying ne'ebé bele kria stress no halo foin-sa'e sira isola an. Tanba ne'e, papél ativu husi manorin (profesór) sira no sentru juventude sira sai xave importante tebes hodi eduka foin-sa'e sira iha eskola no sosiedade”.

Atividade lansamentu ne’e hetan partisipa maximu husi estudante no manorin sira husi eskola: ESG 5 de Maio Becora, ESG 12 de Novembro, CSJP II Bedois, ESG Nino Konis Santana Gleno, ESGP Erneto Dudu Railaco, ESTV Railaku, ESG Parelelu Fatumasi, ESTV, Liquiça, ESG Hu Iso Lara Iso, São João Brito Liquiça, ESG ST. Antonio Manatuto, ESG Kay-Rala Manatuto, Centru Juventude Ermera, Liquiça no CCYC.

28/05/2026

https://youtu.be/D9giKfRGBac

Apresentasaun Rezultadu husi Estudu Vizita Membru Parlamentu Foins...