Alumni Parlamentu Foinsa'e Timor-Leste - APFTL

04/09/2026

APFTL Organiza Diskusaun Nakloke Kona-ba Saúde Mental.

📍 Dili, 04 Setembru 2026

Alumni Parlamentu Foinsa’e Timor-Leste (APFTL) organiza atividade diskusaun kona-ba Saúde Mental ba membru APFTL hamutuk ema 30, iha Sede APFTL, Becora, Dili.

Xefe Divizaun Advokasia, Rosalia Naz afirma, "atividade ida-ne’e nu’udar parte husi Planu Asaun Anual APFTL 2026. APFTL konsidera Saúde Mental nu’udar parte importante husi saúde ema nian, no presiza tau atensaun hanesan saúde físika".

• Kuidadu ita-nia saude mental
• Ko’alia banhira ita iha Problema
• Buka ajuda banhira ita presiza

Tanba saúde físika no saúde mental iha ligasaun ba malu, ita hotu presiza tau atensaun ba rua.Ita bele diak iha físiku, maibé saúde mental mos presiza kuidadu. ❤️

Diskusaun ne’e, lidera husi Docente Instituto Superior Filosofia e de Teologia Dom Jaime Gracia Goulart, Psícologia da Saúde. Sr. Francisco Assunção Cárceres.

30/08/2026

JANTAR KONSOLIDASAUN BA EZISTÉNSIA APFTL BA DALA XI

“Unidu , Serbi no Transforma”

29/08/2026

LORON KONSULTA POPULAR BA DALA 27°🇹🇱

Alumni Parlamentu Foinsa’e Timor-Leste (APFTL)hato’o parabéns no saudasaun patriótika ba Povu Timor-Leste tomak, iha okaziaun komemorasaun ba aniversáriu 27° Loron Konsulta Popular, ne’ebé sai ona parte importante husi istória luta no autodeterminasaun Nasaun Timor-Leste.

30 Agostu 1999 – 30 Agostu 2026, loron ida ne’ebé fó hanoin fila fali kona-ba korajen, unidade, determinasaun no espíritu luta husi Povu Timor-Leste atu determina futuru no destinu nasaun rasik.

Parabéns ba Povu Timor-Leste!🇹🇱
Viva Timor-Leste!🇹🇱

29/08/2026

Díli, 29 Agostu 2026

Missa Agradesimentu ba selebrasaun Aniversáriu APFTL nian ba dala-XI, iha Kapela Semináriu Menór Nossa Senhora de Fátima Balide. No missa agradesimentu ne’e prezide husi Pe. Joanico Adelaide Ximenes Almedia.

28/08/2026

27/08/2026

Formasaun kona-ba Diskursu Públiku no Téknika Debate.

📍 Dili, 27 Agostu 2026

Alumni Parlamentu Foinsa’e Timor-Leste (APFTL) fasilita formasaun kona-ba diskursu públiku no Téknika Debate ba jovem feto no mane hamutuk na’in 16, kompostu husi feto na’in 4 no mane na’in 12.

Objetivu husi formasaun ne’e mak:
• Dezenvolve koñesimentu no kapasidade jovem sira kona-ba diskursu públiku no téknika debate;
• Haforsa abilidade jovem sira atu koalia ho konfiansa no efetivu iha públiku;
• Dezenvolve kapasidade atu debate ho di’ak, tuir sistema Asian Parlamentar.

Rezultadu esperadu husi formasaun ne’e mak jovem sira aumenta sira-nia koñesimentu no abilidade kona-ba diskursu públiku no téknika debate, no bele uza abilidade hirak-ne’e iha sira-nia partisipasaun sivika no vida Sosiál.

Atividade formasaun ne’e nu’udar parte husi Planu Asaun Anuál APFTL ba tinan 2026, ho kompromisu atu kontinua dezenvolve kapasidade no lideransa jovem Timor-Leste.

Formasaun ne’e hala’o iha sede APFTL, Becora, Dili, durante loron rua (2), hahú husi 26 to’o 27 Agostu 2026.

26/08/2026

Parabéns Alumni Parlamentu Foinsa'e Timor-Leste -APFTL Aniversáriu ba dala-11, Espera susesu nafatin no serví rai doben Timor -Leste ho prinsípiu ativismu, sivismu no voluntarismu.

24/08/2026

Dilii, 24 Agustu 2026, (Iklik. Info) – Prezidente APFTL Benvinda Gusmão Alves hateten, Objetivu hosi konferensia imprensa ida-ne’e atu fo sai fila-fali rezultadu deskobrimentu sira konaba climate finance tracking, analiza.

24/08/2026

🎉 Parabéns ba ekipa ne’ebé sai ona Kampiaun iha Mini Torneiu Futsal APFTL 2026!⚽️🏆

⚽️ Ekipa Mane: Períodu III
⚽️ Ekipa Feto: Períodu I

Vitória ne’e la’ós de’it kona-ba troféu, maibé mós hatudu espíritu unidade, solidariedade, amizade no servisu hamutuk entre membru sira, nu’udar parte husi selebrasaun aniversáriu APFTL ba dala-11. 🎉

Atividade ne’e envolve membru sira husi Períodu I to’o Períodu V, ne’ebé partisipa ho entusiasmu no espíritu kompetitivu.