St John of God International Health

Página Inicial
Timor-leste
Dili
St John of God International Health

St John of God Social Outreach works with a number of Governments and local healthcare providers

St John of God International Health supports developing nations to gain the skills to sustainably build their country’s health systems and deliver high quality, compassionate care. We collaborate with local governments and healthcare providers to:
- Upskill healthcare workers at a pace that promotes sustainability
Identify, articulate and meet agreed standards and goals
- Improve compassionate ca

re through flexible and adaptable role modelling, using a coaching and mentoring approach
- Transform the experience for the people who access these services

Where we work:
- Timor-Leste
- Kingdom of Tonga
- Papua New Guinea

12/05/2026

Selebra Loron Internasionál ba Enfermeiru sira

Saúde Internasionál São João de Deus (SISJD) orgullu serbisu hamutuk ho Ministériu Saúde Timor-Leste atu presta Programa Dezenvolvimentu Forsa Traballu Saúde. Ohin, ho orgullu ami partisipa iha komunidade globál hodi selebra Loron Internasionál ba Enfermeiru sira, rekoñese papél importante ne’ebé enfermeiru sira hala’o no dedikasaun ne’ebé sira hatudu loron-loron hodi fó kuidadu ba pasiente no mantein sira seguru.

Iha Timor-Leste, SISJD apoia enfermeiru sira iha Hospitál Nacional Guido Valadares no Hospitál Referál Maubisse, ajuda sira fornese kualidade kuidadu ba pasiente nu’udar sentru kuidadu.
Liuhusi Programa Kompeténsia Prinsipál Klíniku no Programa Dezenvolvimentu Formadór, ami apoia aprendizajen no dezenvolvimentu profisionál enfermeiru sira nian, fortalese kompeténsia, konfiansa no kapasidade iha serbisu-fatin.

Kuidadu enfermajen ne’ebé dedikadu nia baze mak laran di’ak, kompaisaun no padraun profisionál mak esensiál iha kualidade kuidadu saúde no pasiente seguru. Ohin, ami fó onra ba enfermeiru sira tanba sira-nia kompromisu, abilidade no kompaisaun, no ami agradese sira ba kontribuisaun valiozu ne’ebé sira halo ba saúde no bein-estar komunidade sira nian.

05/05/2026

Selebra Loron Internasionál ba Parteira sira – 5 Maiu

Parteira sira husi Hospitál Nacional Guido Valadares (HNGV) no Saúde Internasionál São João de Deus (SISJD) mai hamutuk atu selebra Loron Internasionál ba Parteira sira, nu’udar forma rekoñesimentu ba dedikasaun, abilidade, no papél importante parteira sira nian iha Timor-Leste.

Tinan ida ne’e nia selebrasaun inklui aprezentasaun ida husi Xefe Unidade no Formadór sira husi Obstetrísia no Jeneolojia, ne’ebé subliña atinjimentu anuál no esforsu kontinua atu fortelese kuidadu ba inan no bebé foin moris. Sesaun reflesaun sei orienta husi Edukadora Parteira Celina Araújo, no sei akompaña ho múzika, kria momentu signifikativa ida atu fó apresiasaun, hametin konesaun no unifika objetivu komún.
Loron refere taka ho pekenu almosu no foto grupu, la’ós selebrasaun ne’e de’it, maibé mós nu’udar momentu ida ba unidade no rekoñesimentu.

Ohin, ita fó onra ba parteira sira tanba sira-nia kompromisu atu aprende iha moris tomak no sira-nia papél importante atu fó kuidadu ba inan no bebé ho seguru, kompaisaun no bazeia ba evidénsia. Sira-nia serbisu kontinua reflete valór prinsipál mak hanesan exelente, kompaisaun, kompromisu, no pasiente nu’udar sentru kuidadu.

05/05/2026

Selebra loron Internasionál Ijiene Liman – 5 Maiu

Selebra Loron Mundiál Ijiene Liman kada tinan iha 5 Maiu atu fó-hanoin hikas fali mai ita katak liman moos ne’e salva moris. Ijiene Liman mak dalan ida ne’ebé efetivu liu atu prevene infesaun sira iha ambiente kuidadu saúde no mantein pasiente sira seguru.

Nu’udar organizasaun saúde internasionál ida ne’ebé serbisu iha Timor-Leste, Saúde Internasionál São João de Deus orgullu atu partisipa iha komunidade globál hodi selebra loron importante ida ne’e. Ohin, ami-nia pesoál kuidadu saúde enkoraja pesoál saúde sira hotu atu pratika fase-liman regulár ne’ebé aliña ho momentu 5 ijiene liman nian.

Asaun simples sira ne’e halo diferensa poderozu ida, mellora seguransa ba pasiente, prevene infesaun, no redús kustu kuidadu saúde. Hamutuk, liuhusi ijiene liman ne’ebé konsistente, ita bele proteje ema sira ne’ebé ita kuidadu loron-loron.

INSP Timor-LesteHospital Nacional Guido Valadares - HNGVPalácio das CinzasHospital de Referencia MaubisseBendigo Maubisse Friendship Inc.

28/04/2026

Loron Mundiál ba Seguransa no Saúde iha Serbisu-fatin

Ohin loron, ami orgullu bele partisipa iha selebrasaun Loron Mundiál Seguransa no Saúde iha serbisu-fatin, ho tema ba tinan ida ne’e nian mak: “Ambiente Serbisu psikososiál ne’ebé di’ak.” Planu ba funsionáriu produtivu sira no organizasaun sira ne’ebé mak forte”.

Iha Saúde Internasionál São João de Deus (SISJD), ami-nia eskritóriu iha Díli marka ona okaziaun ne’e liuhusi lori komite Seguransa no Saúde Serbisu (SSS) hamutuk ho ami-nia parte interesada primária, Hospitál Nasionál Guido Valadares (HNGV), apoia inisiativa ida ne’e.
Ami-nia foku ba tinan ida ne’e mak atu identifika perigu iha serbisu-fatin no reforsa ami-nia kompromisu atu kria ambiente ida ne’ebé suportivu, seguru ba pesoál kuidadu sira hotu. Liuhusi envolve ami-nia parte interesada sira, ami-nia objetivu atu haklean sensibilizasaun SSS no motiva melloramentu ba seguransa no bein-estár iha serbisu-fatin.

Timor-LesteHospital Nacional Guido Valadares - HNGVHospital de Referencia MaubisseBendigo Maubisse Friendship Inc.Menzies School of Health ResearchMaluk TimorWorld Health Organization Timor-LestePalácio das Cinzas

23/04/2026

Mai ita hasoru ami-nia Formadora Parteira, Celina Araujo da Costa Exposto.

Celina serbisu hamutuk ona ho Saúde Internasionál São João de Deus (SISJD) dezde 8 Fevereiru 2016, no selebra nia aniversáriu tinan 10 iha 2026. Nia hahú nu’udar Ofisiál ba Projetu Parteira no agora serbisu nu’udar Formadora Parteira ida, nia dedika an ona iha ninia kareira ba apoia inan no bebé sira foin moris iha Hospitál Nasionál Guido Valadares (HNGV).

Ida husi atinjimentu ne’ebé nia orgullu liu mak kontribui ba melloramentu saúde inan no bebé liuhusi programa treinamentu sira hanesan Programa Kompeténsia Prinsipál, kariotokografia no resuxitasaun neonatal. Esforsu sira ne’e hotu hakbiit ona serbisu ekipa entre parteira, enfermeiru no médiku sira, mellora kuidadu ne’ebé kualidade no redús mortalidade ba bebé.

Iha nia jornada tomak, Celina aprende ona kona-ba importánsia husi serbisu ekipa, pasiénsia, empatia no hatene impaktu signifikativu husi serbisu hamutuk ba metas komún. Nia mós valoriza kultura apoiu SISJD nian, ne’ebé enkoraja kultura atu aprende iha moris tomak no dezenvolvimentu profisionál. Nia mós partikularmente valoriza oportunidade serbisu ho ekipa ida ne’ebé dedikadu kompostu husi SISJD nia Asesora Parteira Klíniku no Formadór Parteira HNGV nian, no haree impaktu pozitivu husi ami-nia serbisu ba família sira.

Fora husi serbisu, Celina gosta pasa tempu iha tasi-ibun, haan kalan iha liur no kria memória espesiál ho nia família.

13/04/2026

Enkontru Komisaun Governasaun Konjunta

Tuir ami nia Memorandu Entendimentu ho Ministériu Saúde, estabelese ona Komisaun Governasaun Konjunta (KGK) ida atu hametin kolaborasaun no garante prestasaun efetivu ba Programa Dezenvolvimentu Forsa Traballu Saúde (PDFTS). KGK halibur Saúde Internasionál São João de Deus no parseiru nasionál xave sira inklui, Institutu Nasionál Saúde Públika Timor-Leste (INSP-TL), Ospitál Nasionál Guido Valadares, Ospitál Referál Maubisse, no Ministériu Saúde. Komisaun sei hasoru malu dala tolu kada tinan.

KGK dahuluk hala'o iha loron 25 fulan-Marsu tinan 2026. Dr. Névio da Costa Sarmento, Ph.D, Prezidente Konsellu Diretivu INSP-TL nian eleitu nu'udar Xefe Komisaun, no aprova Termu Referénsia KGK. Membru sira diskute prioridade sira PDFTS nian no haree fila-fali progresu sira hosi implementasaun fulan neen dahuluk nian (Jullu-Dezembru, 2025). Partisipasaun másimu husi membru sira, no ami hein atu kontinua kolaborasaun, diskusaun no partilla lideransa.

INSP Timor-LesteHospital de Referencia MaubissePalácio das CinzasHospital Nacional Guido Valadares - HNGV@followers

See the first comment for English version

25/03/2026

Husi Apoiu ba Nasaun ba fortalesimentu ami-nia Ekipa: Treinamentu Lideransa SISJD

Servisu Kuidadu Saúde São João de Deus komprometidu ba kresimentu no dezenvolvimentu nia pesoál kuidadu saúde sira. Husi loron 17-20 fulan Marsu ekipa Saúde Internasional São João de Deus (SISJD) iha Dili partisipa ona iha treinamentu Lidera Organizasaun Empoderada (LOE). Programa ne’e fasilita husi Diretora sira husi Servisu Sosiál São João de Deus; Sandy McKiernan, Diretora Servisu Apoiu ba Uma-laek, Naomi Boyd, Diretóra Servisu Saúde Mentál Komunitária no Diretora Saúde Internasionál, Jenny Tait-Robertson.
Programa LOE mak sorumutu interativu ida durante loron 3 ne'ebé introdús komponente xave ba ambiente serbisu empoderada, mak hanesan:
1. Lidera mudansa
2. Dezenvolvimentu kapasidade
3. Harii relasaun
4. Artikulasaun espetatasaun sira no
5. Responsabilidade, autoridade no akuntabilidade
Ami hein atu serbisu hamutuk implementa saida mak ita aprende ona husi programa LOE no reflete iha ami-nia prátika rasik.

School of Health ResearchINSP Timor-LesteBendigo Maubisse Friendship Inc.Hospital Nacional Guido Valadares - HNGVMaluk TimorPalácio das CinzasSt John of God Health CareSantos in Timor-LesteINSP Timor-Leste@top fans

Read the first comment in English version!

06/03/2026

Hametin Ami nia Parseria : Asina Akordu Tékniku Foun

Ami kontente atu partilla katak Saúde Internasionál São João de Deus asina ona Akordu Tékniku foun ida ba tinan rua ho Ospitál Referál Maubisse.

Renovasaun parseria ida-ne'e signifika katak ami sei kontinua serbisu hamutuk hodi harii forsa traballu saúde ida ne'ebé forte liu, no fiar-an liu tan liuhosi ami nia programa kapasitasaun klínika, lideransa no jestaun nian.

Pasiente sai sentru ba buat hotu ne'ebé maka ami halao, hodi asegura katak ema ida-ida hetan kuidadu ho kualidade, kompaixaun no sustentável.

Ami espera atu kontinua kolaborasaun, kreximentu, ba tinan rua oin mai sei fó impaktu ba ami nia parseiru sira iha Ospitál Referál Maubisse.

Please see the first comment for English version. fans

26/02/2026

Atua ho Kompaixaun

Saúde Internasionál São João de Deus (SISJD), Grupu Misaun Integradu (GMI) komprometidu atu lori ami-nia valór organizasaun mak hanesan Hospitalidade, Kompaisaun, Respeitu, Justisa no Exelénsia ba moris. Atualmente, membru GMI demonstra ona asaun kompaisaun liuhusi prepara pakote no hahaan, ba pasiente balun iha Hospital Nacional Guido Valadares (HNGV). Ami-nia esperansa katak asaun jenerosidade, oferese konfortabilidade, diginidade no fó apoiu ba pasiente ho difikuldade, afirma katak sira hetan atensaun no valorizadu.

Hospital Nacional Guido Valadares - HNGVMenzies School of Health ResearchBendigo Maubisse Friendship Inc.St John of God Health CareINSP Timor-LesteSantos in Timor-LesteMaluk TimorPalácio das Cinzas

See the first Comment for English translation.

19/02/2026

Reuniaun Annual ho Sua Eminénsia, Kardiál Dom Virgílio do Carmo da Silva, SDB.

Membru sira husi ekipa Saúde Internasionál São João de Deus (SISJD), inklui membru sira husi Grupu Misaun Integradu hetan previléjiu ba enkontru ho Sua Eminénsia, Kardiál Dom Virgílio do Carmo da Silva, SDB. Durante enkontru ne’e, Sua Eminénsia simu atualizasaun kona-ba SISJD nia atinjimentu ba Programa Dezenvolvimentu Forsa Traballu Saúde, dezafiu sira mak ita hasoru ona no planeamentu ba futuru.

SISJD valoriza tebes ninia relasaun kontinua ho Igreja Katólika, tanba kolaborasaun ida ne’e sei fortalese ami-nia kompromisu hanesan atu kontinua Jesus nia misaun kurativu. Alende ida ne’e, membru sira husi Grupu Misaun Integradu mós fornese atualizasaun kona-ba inisiativa sira mak grupu ne’e foti ba apoia pasiente sira ne’ebé hasoru difikuldade iha hospitál no fó hanoin ba pesoál kuidadu saúde sira hotu kona-ba organizasaun nia misaun, vizaun no valór sira.

Nu'udar rekoñesimentu ba apoiu ne'ebé SISJD fó ba pasiente no família sira ne'ebé hasoru susar, Sua Eminénsia ho laran-luak fó doasaun manta 500 ba Grupu Misaun Integradu SISJD nian. Manta sira-ne'e sei fahe ba pasiente sira iha ospitál no família sira ne'ebé enfrenta difikuldade.

Please see the first comment for English translation.

Bendigo Maubisse Friendship Inc. St John of God Health Care Menzies School of Health Research Santos in Timor-Leste Hospital Nacional Guido Valadares - HNGVMaluk TimorINSP Timor-Leste

13/02/2026

Reuniaun Entre Ekipa Kualidade SISJD, HNGV no Ekipa Kualidade husi Ministériu Saúde (MS)

Ekipa Kualiade Saúde Internasionál São João de Deus (SISJD), hamutuk ho reprezentante husi ekipa Kualidade HNGV nian, foin lalais ne’e halo enkontru ho Diretóra Jerál Gabinete Étika, Deontolojia no Garantia Kualidade Saúde iha Ministériu Saúde, diskute MS nia prioridade no planu sira ba 2026.

SISJD komprometidu serbisu hamutuk ho MS atu mellora padraun kualidade iha servisu kuidadu saúde iha Timor-Leste no serbisu atu asegura ami-nia programa apoiu no aliña ho MS nia prioridade sira.

Check the first comment for English translation!

Santos in Timor-LesteBendigo Maubisse Friendship Inc.Menzies School of Health ResearchINSP Timor-LesteMarg Daw@followersSt John of God Health CareHospital Nacional Guido Valadares - HNGVBelinda Jennings

Endereço

Guido Valadares National Hospital
Dili

Website

https://www.sjog.org.au/about-us/community-services/international-health/timor-leste

Notificações

Seja o primeiro a receber as novidades e deixe-nos enviar-lhe um email quando St John of God International Health publica notícias e promoções. O seu endereço de email não será utilizado para qualquer outro propósito, e pode cancelar a subscrição a qualquer momento.