Estudante Hadomi Natureza-UNTL

Página Inicial
Timor-Leste
Dili
Estudante Hadomi Natureza-UNTL

Como chegar Website Contactar a organização

Estudante Hadomi Natureza-Universidade Nasional Timor Lorosa’e(ESHANA-UNTL)

18/10/2026

FUTSAL CUP ESHANA-UNTL

Saudações Hadomi Natureza!!!

Iha ambitu selebrasaun Aniversariu ESHANA-UNTL ba dala-18, Komisaun Organizadora ho laran haksolok hakarak anunsia ba ita hotu katak sei realiza kompetisaun FUTSAL CUP ESHANA-UNTL 2026!

Kompete, hatudu talentu, hametin unidade entre Etapa sira!!!

KRITERIA KOMPETISAUN:

1. Membru ESHANA-UNTL
2. Foti Formulariu iha Sekretariadu ESHANA-UNTL hodi prense lista jogadór kada Etapa ne'ebé hakarak tuir kompetisaun
3. Osan Rejistu kada Ekipa (Mane & Feto): $10.00

INFORMASAUN IMPORTANTE:

Data Rejistu: 19 to'o 24 Outubru 2026
Technical Meeting: 25 Outubru 2026

Ho Tema:

"HAREE FALI BA ISTORIÁ, HAMETIN KOMPROMISU, HARI FUTURU"

Mai ita hotu partisipa hodi halo atividade ne'e sai susesu. Ita hotu nia kolaborasaun mak xave ba susesu atividade nian!

Atu hatene informasaun klaru bele kontaktu diretamente numeru :
+670 76547376 74677391 78164579

Universidade Nacional Timor Lorosa'e
Estudante Hadomi Natureza-UNTL

17/10/2026

ESHANA-UNTL Hametin Kooperasaun ho Caltech Group

Iha loron 16 Outubru 2026, ekipa Caltech Group mai ajuda rekolla lixu sira ne’ebé ESHANA-UNTL separa ona iha Kampus Faculdade Ekonomia no Jestaun.

Ida-ne’e hanesan ezemplu di’ak kona-ba oinsá foin-sa’e ho parseiru Lokal Timor-Leste bele servisu hamutuk hodi kuida ita-nia ambiente.

Obrigadu wa’in ba Caltech Group ba apoiu no kolaborasaun!

30/09/2026

China-ASEAN Youth Campus no "Bridge of the Future" China-ASEAN Young Leaders Capacity Building Program
‎
‎Ho orgullu boot, ami hakarak fó parabéns ba Cavaleiro Jonito Lopes Oliveira, reprezentante Juventude ESHANA-UNTL, ne'ebé finaliza ona ho susesu kapasitasaun "Bridge of the Future" China-ASEAN Young Leaders Capacity Building Program 2026.
‎
‎Programa prestijiadu ne'e hala'o husi 16 - 25 Setembru 2026 iha Nanning, Guangxi Zhuang Autonomous Region no Haikou, Hainan Province, Repúblika Pop**ar Xina.
‎
‎Ami agradese ba oportunidade ne'ebé fó ba foin-sa'e Timor-Leste hodi aprende, troka esperiénsia, no harii rede amizade ho líder joven sira husi Xina no nasaun ASEAN sira seluk.
‎
‎Ida ne'e pasu importante ida ba ESHANA-UNTL hodi prepara jerasaun foun ne'ebé iha kapasidade lideransa no vizaun global.
‎
‎Obrigado ba Ministério Juventude Desportu Arte e Cultura, Timor - Leste ba oportunidade inkrível ida ne'e.
‎
‎
‎
Universidade Nacional Timor Lorosa'e
Estudante Hadomi Natureza-UNTL

28/09/2026

ESPLORASAUN ILLA ATAÚRO 2026

Komemorasaun Loron Mundiál Turizmu

Iha loron 24 to'o 27 Setembru 2026, Organizasaun Estudante ESHANA-UNTL realiza atividade esplorasaun iha Illa Ataúro hodi komemora Loron Mundiál Turizmu nian ho tema "Discover More, Connect More"

Durante loron haat nia laran, ami hala'o esplorasaun no vizita ba fatin turizmu sira iha Ataúro, hanesan tuir mai ne'e: Monumentu Desteradu, Produsaun Boneka Ataúro, Prizaun Antiga Ataúro, Santuáriu Nain-Feto UluKu'u p**a Ataúro, Foho Manukoko - Foho ne'ebé aas liu iha Ataúro, Tasi-Ibun Beloi.

Atividade ida-ne'e la'os de'it komemorasaun, maibé mós dalan ida hodi hatene kle'an liu kona-ba potensialidade turizmu, kultura no istória iha Illa Ataúro nian.

Iha oportunidade ida-ne'e, ami ESHANA-UNTL ho partisipante tomak hato'o agradesimentu wa'in ba Autoridade Administrativa Ataúro ne'ebé ho laran di'ak simu ami, no ba Xefe Suku Beloi, Xefe Suku Vila Maumeta no Xefe Suku Makili ba kolaborasaun no apoiu tomak no Obrigado Barak mos Ba Komunidade Ataúro Sira Apoiu....

Ami fiar katak, liuhosi atividade ida-ne'e bele kontribui ba promosaun turizmu sustentavel iha Ataúro no Timor-Leste tomak.

Obrigadu barak ba Illa Ataúro!

Ataúro, Ita-Nia Orgullu! Turizmu mak Futuru!

26/09/2026

ESHANA-UNTL Sai Orador iha Loron Mundial Biologia 2026
‎
‎Departamentu Biologia ne'ebé fó fiar mai ESHANA-UNTL atu sai orador iha Semináriu Loron Mundial Biologia ho tema jerál: "KOÑESE PLANTAS PREZERVA FLORESTA, HABURAS SIENSIA BIOLÓGIA"

‎Iha loron 26 Setembro 2026, iha Salaun Liceu, Koordenador ESHANA-UNTL fahe ona materia ho tema: "PAPEL ESTUDANTES SIRA BA CONSERVASAUN, PRESERVASAUN BA MEIU AMBIENTE"

‎Estudante la'ós de'it aprende teoria, maibé tenke sai ajente mudansa ba meiu ambiente.
‎
Aksaun ki'ik hanesan kuda ai, la soe foer arbiru, no eduka komunidade iha impaktu boot.
‎
‎Koñese ita-nia plantas lokál = prezerva ita-nia floresta no biodiversidade.
‎
‎Siensia Biologia sei forte bainhira ita hotu kontribui.
‎
‎Ami fiar katak ho koñesimentu ne'ebé fahe ohin, ita bele haburas liu tan espíritu konservasaun iha kampus no komunidade.
‎
‎
‎
‎
‎

16/09/2026

Delegation China-ASEAN Young Leaders Capacity Building Program

Ho orgullu ESHANA-UNTL apresia no rekomenda, Cavaleiro Jonito Lopes Oliveira, hodi partisipa iha programa Internasional: China-ASEAN Youth Campus no "Bridge of the Future" China-ASEAN Young Leaders Capacity Building Program

Programa ida ne'e sei realiza iha:
- Nanning, Guangxi Zhuang Autonomous Region no Haikou, Hainan Province Repúblika Pop**ar Xina
- Data : 16 - 25 Setembru 2026

Iha oportunidade ida ne'e, Cavaleiro Jonito Lopes Oliveira sei reprezenta ESHANA-UNTL hodi aprezenta ho Tema: "Culture & Tourism Integration" no Resultadu Peskiza durante ESHANA-UNTL halo Ligadu ho Turismu no Kultura…

01/09/2026

ESPLORASAUN ILHA ATAURO

Selebrasaun Loron Mundial Turizmu. Mai hamutuk ho ami ESHANA-UNTL hodi deskobre furak husi Ilha Atauro !!!

Data Atividade: 24 to'o 27 Setembru 2026

Visit Site: Foho Manucoco, Produsaun Boneka Atauro, Kadeia Antiga, Camping Amizade, Nain Feto Uluku'u P**a Atauro, no Nonto Filmagem.

Akomodasaun Inklui ona: Dokumentasaun, Konsumu, Camping, Hiking ba Manucoco, no Transporte...

Kriteria Rejistu :
Osan : $15.00 de'it
Karatun Eleitoral ou BI.

Data Rejistu: 02 to'o 19 Setembru 2026
Fatin Sekretariadu: ESHANA-UNTL
Fakukdade Ekonomia Jestaun

Atauro la'os de'it illa - Atauro mak paraizu ne'ebé hein ita atu deskobre! Mai DISCOVER MORE, CONNECT MORE ho ami.

Iha selebrasaun Loron Mundial Turizmu nian, ESHANA-UNTL konvida foin-sa'e sira hotu atu mai deskobre rikusoin husi ita-nia illa rasik.

📞 Imformasaun Klaru bele Kontaktu: 76177155 | 74858787 | 78164579

Universidade Nacional Timor Lorosa'e
Estudante Hadomi Natureza-UNTL
berat

29/08/2026

Parabéns ba Loron Konsulta Populár ba Dala-27.

30 Agostu 1999 - 30 Agostu 2026

20/08/2026

20 AGOSTU 2026 | LORON NASIONAL FALINTIL BA DALA 51
‎
‎Suco Abo, Matebian - Rai Lulik Rezisténsia nian
‎
‎PARABÉNS ASWAIN FALINTIL!
‎PARABÉNS F-FDTL!
‎PARABÉNS POVU TIMOR-LESTE!
‎
‎Hafoin loron barak la'o Ain, ho kosar, ho fiar - husi Masakre Craras, Loi-hunu, Nahareka, mai to'o Abo Lir - ohin ESTUDANTE HADOMI NATUREZA - UNTL hamutuk ho UNIDADE FALINTIL haksolok tebes komemora Loron Nasional FALINTIL ba dala 51 iha foho lulik Matebian, Suco Abo.
‎
‎Tanba Matebian la'ós foho. Matebian mak altár. Altár ne'ebé simu raan no ruin rihun ba rihun husi gerileiru, pop**asaun, inan-aman, no oan ki'ik sira ne'ebé fó-an ba rai ida ne'e.

‎20 Agostu 1975 - 20 Agostu 2026: Tinan 51
‎Tinan 51 husi loron FALINTIL moris nu'udar Forsa Armada Libertasaun Nasional Timor Leste
Tinan 51 husi juramentu: "Mate ka Moris, Ukun Rasik-An"
‎Tinan 51 husi istória terus, aten-brani, no vitória finál
‎
‎Ami-nia Omenagem iha Loron Ohin:
‎Hanoin hikas eroi sira: Sira ne'ebé mate iha Craras, iha Matebian, iha foho no ai-laran tomak.
‎Hahi'i veteranu sei moris: Aswain sira ne'ebé sei hamriik ho ami ohin, sai livru istória moris nian.
‎Hametin kompromisu: Jerasaun foun simu estafeta hodi kontinua defende soberania no dezenvolve rai doben.
‎
‎Husi Atake ba Luta, Husi Luta ba Vitória.
‎
‎Ohin ami la tanis. Ohin ami selebra. Tanba imi-nia mehi sai realidade ona: TIMOR-LESTE UKUN RASIK-AN DUNI!
‎
‎ONRA NO GLÓRIA BA FALINTIL!
‎ONRA NO GLÓRIA BA EROI SIRA!
‎VIVA F-FDTL! VIVA POVU MAUBERE! VIVA TIMOR-LESTE!

Universidade Nacional Timor Lorosa'e
Estudante Hadomi Natureza-UNTL
F-Fdtl Falintil
‎
‎
‎

19/08/2026

MARSA FORSADA TERMINA IHA ABO LIR
‎
‎18 Agostu 2026 | Suku Nahareka ba Abo Lir, Suku Abo
‎
‎Hafoin loron barak la'o husi Craras, Loihunu, Nahareka, Iha 18 Agostu 2026, ESTUDANTE HADOMI NATUREZA - UNTL no UNIDADE FALINTIL ofisialmente termina Marsa Forsada iha Abo Lir, Suku Abo.
‎
‎Jornada ne'e la'ós hanesan kompetisaun fisikamente, maibé Peregrinasaun Istórika, La'o tuir dalan terus nian ne'ebé ita-nia eroi sira liu ona iha tempu rezisténsia. No Aprende valór sakrifísiu, unidade, no patriotismu la'ós husi livru, maibé husi kosar no ain-bubu. Kada hakat hanesan orasaun ida ba eroi sira ne'ebé mate ba rai ida ne'e.
‎
‎Agradese Wain ba : Komunidade Craras, Loihunu, Nahareka, no Abo ne'ebé simu ami ho laran-luak no UNIDADE FALINTIL ne'ebé la'o hamutuk ho Ami iha Marsa ida ne'e, no Aman Inan Veteranos sira ne'ebé konta istória loloos mai ami. No fatin Abo Lir ne'ebé sai pontu enseramentu ba marsa istóriku ida ne'e...
‎
‎Ami mai ho ain, ami fila ho fiar. Fiar katak ukun-rasik-an ne'ebé imi hetan ho raan, ami sei kuidadu ho matenek no servisu.
‎
‎Marsa Forsada hotu ona, maibé marsa atu harii nasaun foin hahú.
‎
‎Husi Atake ba Luta, Husi Luta ba Vitória.
Husi Vitória ba Dezenvolvimentu!
‎Onra no Glória ba FALINTIL!
Viva Timor-Leste!

Universidade Nacional Timor Lorosa'e
Estudante Hadomi Natureza-UNTL
‎
‎
‎

Endereço

Dili

Website

https://eshanafeguntl.mystrikingly.com/

Notificações

Seja o primeiro a saber: enviamos-lhe um e-mail quando Estudante Hadomi Natureza-UNTL publicar novidades e promoções. O seu endereço de e-mail não será utilizado para nenhum outro fim e pode cancelar a subscrição a qualquer momento.

Contactar A Organização

Envie uma mensagem para Estudante Hadomi Natureza-UNTL:

Partilhar

Categoria

Organização sem fins lucrativos