05/02/2025
ВАХШ. ПАЁМ-ТАҲКИМБАХШИ РАВАНДИ ҶОМЕА
Тибқи нақшаи тасдиқгардидаи Иттифоқи касабаи кормандони маориф ва илми вилояти Хатлон санаи 05 феврали соли 2025 бо иштироки Муҳиддин Ширинзода - раиси Иттифоқи касабаи кормандони маориф ва илми вилояти Хатлон, Пиронов Абдулҳамид - сармутахассиси шӯъбаи маорифи мақомоти иҷроияи ҳокимияти давлатии ноҳияи Вахш, Қосимов Файзулло – раиси Иттифоқи касабаи кормандони маорифи ноҳия ва омӯзгорони муассисаҳои таҳсилоти миёнаи умумӣ, мудирони муассисаҳои томактабӣ, собиқадорон ва раисони ташкилотҳои ибтидоии Иттифоқи касабаи кормандони маорифи ноҳияи Вахш конференсияи илмӣ-назариявӣ дар мавзӯи «Паём-таҳкимбахши раванди ҷомеа» баргузор гардид.
Сараввал М.Ширинзода дар бораи нуктаҳои асосии Пайёми имсола сухан ронда, таъкид намуданд, ки аҳамияти Паёми навбатии Президенти Ҷумҳурии Тоҷикистон муҳтарам Эмомалӣ Раҳмонро ба Маҷлиси Олӣ таъкид кард. Мавсуф зикр намуд, ки Паём на танҳо як ҳуҷҷати роҳнамо барои рушди кишвар мебошад, балки ҳамчун омили муҳими таҳкими давлатдории миллӣ ва истиқлоли давлатӣ хизмат мекунад. Ҳамзамон зикр гардид, ки дар Паёми навбатӣ рушди соҳаҳои иҷтимоӣ, иқтисодӣ, илму маориф ва фарҳанг ҳамчун самтҳои афзалиятнок муайян гардидаанд. Таъкид гардид, ки татбиқи ҳадафҳои стратегӣ, аз ҷумла рушди иқтисоди рақамӣ, инноватсия, саноатикунонии босуръат, беҳтар кардани шароити зисти мардум ва баланд бардоштани сатҳи маърифатнокии ҷавонон аз вазифаҳои муҳим мебошанд.
Сипас, А.Пиронов ва Ф.Қосимов вобаста ба ғамхории Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба омӯзгорон ибрози андеша намуданд. Ишора гардид, ки Давлат ба фаъолияти омӯзгор таваҷҷуҳи бештар зоҳир менамояд ва бо дастгириҳои пайваста мақому манзалати омӯзгорро дар ҷомеа боло менамояд. Дар робита бо ин, Пешвои миллат ба Ҳукумати Ҷумҳурии Тоҷикистон супориш дод, ки бо мақсади боз ҳам беҳтар намудани сатҳи некуаҳволии мардуми кишвар ва тақвият бахшидани ҳифзи иҷтимоии аҳолӣ, аз якуми сентябри соли 2025- маоши вазифавии кормандони муассисаҳои томактабӣ ва таҳсилоти миёнаи умумии соҳаи маориф 30- фоиз зиёд карда шавад.
Дар идомаи чорабинӣ дигар фаъолон, аз ҷумла омӯзгорони муассисаҳои таълимӣ, собиқадорон фикру андешаҳои худро дар робита ба масъалаҳои муҳими Паём баён доштанд.
Дар анҷом, М.Ширинзода оиди пешгирӣ аз ҳодисаҳои нохуш дар муассисаҳо низ суханронӣ намуда, даъват ба амал оварданд, ки қоидаҳои бехатарӣ, ташкил намудани дафтарҳои дастурдиҳӣ оид ба техникаи бехатарӣ дар муассисаҳо дуруст ба роҳ монда шавад.
