06/10/2026
#БОХТАР: АЁДАТИ СОБИҚАДОРИ СОҲАИ КОР БО ҶАВОНОН ВА ВАРЗИШ ДАР ДОИРАИ 35- СОЛАГИИ ТАЪСИСЁБИИ ИТТИФОҚИ ҶАВОНОНИ ТОҶИКИСТОН
Дар доираи таҷлили 35-солагии таъсисёбии Иттифоқи ҷавонони Тоҷикистон бо мақсади арҷгузорӣ ба хизматҳои собиқадорон ва эҳтиром ба шахсоне, ки дар рушди соҳаи кор бо ҷавонон саҳми арзанда гузоштаанд, аёдати собиқадори соҳаи кор бо ҷавонон ва варзиш, собиқадори Иттифоқи ҷавонони Тоҷикистон дар шаҳри Бохтар Одинаев Саидобид баргузор гардид.
Зимни аёдат бо собиқадори соҳа суҳбати самимӣ доир гардида, оид ба фаъолияти солҳои пешин, ташаккули ҳаракати ҷавонон ва нақши Иттифоқи ҷавонони Тоҷикистон дар ҷалби ҷавонон ба корҳои ҷамъиятӣ ва созанда мубодилаи афкор сурат гирифт.
Қайд гардид, ки собиқадорони соҳаи кор бо ҷавонон ҳамчун соҳибони таҷрибаи бой дар тарбияи насли ҷавон, рушди ҳисси масъулиятшиносӣ, ватандӯстӣ ва иштироки фаъолонаи ҷавонон дар ҳаёти ҷомеа саҳми назаррас доранд. Таҷрибаи онҳо барои насли имрӯзаи ҷавонон мактаби арзишманди омӯзиш ва сабақи зиндагӣ ба ҳисоб меравад.
Дар рафти суҳбат аз ҷониби ҷавонон ба собиқадор оид ба фаъолияти Иттифоқи ҷавонони Тоҷикистон дар солҳои аввали таъсисёбӣ ва ташаббусҳои ҷавонони он давра саволҳо пешниҳод гардида, хотираҳои нек ва таҷрибаи кории ӯ шунида шуданд.
Дар фарҷоми аёдат ба Одинаев Саидобид барои меҳнати содиқона ва саҳми арзанда дар соҳаи кор бо ҷавонон ва варзиш изҳори сипос гардида, ба ӯ саломатии бардавом, рӯзгори осуда ва саодати зиндагӣ таманно карда шуд.
Чунин аёдатҳо барои ҳифзи пайванди наслҳо, эҳтироми собиқадорон ва шинос намудани ҷавонон бо таъриху таҷрибаи фаъолияти созандаи насли гузашта аҳамияти муҳим дошта, дар доираи таҷлили 35-солагии таъсисёбии Иттифоқи ҷавонони Тоҷикистон идомаи мантиқии эҳтиром ба хизматҳои собиқадорон мебошад.
