Caritas Germany in Tajikistan

09/08/2026

🎙️ Пятый эпизод подкаста «На защите детей»

В новом выпуске наши спикеры обсудили, как сегодня устроена система защиты детей в Таджикистане и почему ее эффективная работа невозможна без тесного взаимодействия социальных работников, педагогов, врачей, психологов, представителей правоохранительных органов, органов опеки и местных органов государственной власти.

👥 Гости выпуска:

Зарингул Алимшоева — эксперт в области социальной работы и психологии.

Нигора Расулова — специалист в области защиты прав ребенка.

🔗 Смотрите полный выпуск:
https://youtu.be/hoyY3WHyKwY?si=TlAE5vASAfNvJ7mO

Подкаст «На защите детей» реализован Филиалом Ассоциации Каритас Германия в Таджикистане в рамках проекта «Профессионализация социальной работы для решения проблем защиты детей в Таджикистане» при финансовой поддержке UNICEF Tajikistan.

@подписчики

Можно ли защитить ребенка усилиями только школы, полиции или органо...

04/08/2026

Форуми байналмилалӣ дар мавзӯи “Кори иҷтимоӣ дар Тоҷикистон ва рушди он дар даврони истиқлолият” рузҳои 30-31 уми июл баргузор гардид.

Шарикони Филиали ассотсиатсияи Каритас Олмон дар Тоҷикистон аз Қазоқистон, Қирғизистон ва Узбекистон низ дар муҳокимаҳои панелӣ ширкат варзиданд.

27/07/2026

🗓️Аз 21 то 24 июли соли 2026 дар шаҳри Душанбе омӯзиши омӯзгорон (Training of Trainers – ТоТ) дар мавзуи «Омӯзиш дар асоси салоҳият барои ҳалли мушкилоти ҳифзи кӯдакон дар Тоҷикистон» баргузор гардид.

👩🏻‍🏫👨🏻‍🏫Дар омӯзиш 18 нафар омӯзгорон ва мутахассисон аз муассисаҳои таҳсилоти олӣ, коллеҷҳои тиббӣ ва ташкилотҳои ҷамъиятӣ аз шаҳрҳои Душанбе, Хуҷанд, Бохтар, Кӯлоб ва Хоруғ иштирок намуданд.

Омӯзишро мутахассисони соҳаи кори иҷтимоӣ ва ҳифзи кӯдак Субҳон Ашуров, Умеда Мунавварова ва Зарина Алимшоева роҳбарӣ намуданд. Дар давоми чор рӯз иштирокчиён дониш ва малакаҳои худро оид ба омӯзиш дар асоси салоҳият, низоми ҳифзи кӯдак, ҳамкории байнисоҳавӣ ва идоракунии ҳолат (кейс-менеҷмент) такмил доданд.

🏅Дар анҷоми омӯзиш ҳамаи иштирокчиён барои бомуваффақият хатм намудани барномаи омӯзишӣ соҳиби сертификат гардиданд.

🇺🇳 Омӯзиш дар доираи лоиҳаи «Касбигардонии кори иҷтимоӣ барои қонеъ кардани ниёзҳои ҳифзи кӯдакон дар Тоҷикистон» бо маблағгузории UNICEF дар Тоҷикистон (UNICEF Tajikistan) аз ҷониби Филиали ассотсиатсияи Каритас Олмон дар Ҷумҳурии Тоҷикистон дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон баргузор гардид.

🗓️ С 21 по 24 июля 2026 года в Душанбе прошло обучение тренеров (Training of Trainers – ТоТ) на тему «Обучение на основе компетенций для решения проблем защиты детей в Таджикистане».

👩🏻‍🏫👨🏻‍🏫 В обучении приняли участие 18 преподавателей и специалистов из высших учебных заведений, медицинских колледжей и организаций гражданского общества Душанбе, Худжанда, Бохтара, Куляба и Хорога.

Обучение провели специалисты в области социальной работы и защиты детей Субхон Ашуров, Умеда Мунавварова и Зарина Алимшоева. В течение четырех дней участники совершенствовали свои знания и практические навыки в области обучения на основе компетенций, системы защиты детей, межсекторального взаимодействия и ведения случаев (кейс-менеджмента).

🏅 По завершении обучения все участники успешно прошли программу и получили сертификаты.

🇺🇳 Обучение прошло в рамках проекта «Профессионализация социальной работы для решения проблем защиты детей в Таджикистане» при финансовой поддержке UNICEF в Таджикистане и было реализовано Филиалом Ассоциации Каритас Германия в Таджикистане в сотрудничестве с Министерством здравоохранения и социальной защиты населения Республики Таджикистан.

@подписчики

13/07/2026

Дар синни 61 солагӣ Файзигул Шарипова ба сактаи майнаи сар бо фалаҷи дасту пой дучор шуд. Пеш аз оғози ҳамкорӣ бо корманди иҷтимоӣ, ӯ танҳо бо духтури оилавӣ тамос дошт ва доруҳои заруриро мегирифт.

“Тӯли ҳашт соли охир ман дар ҷоям нишаста будам. Ман фикр мекардам, ки дигар дар ҳаёти ман ҳеҷ чиз тағйир намеёбад. Худро рӯҳафтода ҳис мекардам”, — нақл мекунад Файзигул.

Корманди нигоҳубин барои пиронсолон Зӯҳро дар бораи ҳолати Файзигу аз раиси маҳалла хабардор шуд. Зӯҳро машқҳои махсуси тавонбахширо барои дасту пойҳои Файзигул роҳандозӣ кард ва ҳамзамон тарзи дурусти истифода бурдани асоро омӯзонд.

“Ҳашт соли охир ман дасти ростамро рост карда наметавонистам. Аммо пас аз 9 моҳи машқҳои мунтазам бо дастгирии Зӯҳро, ҳоло метавонам дасти худро каму беш рост кунам. Пеш, ман асоямро дуруст истифода бурда наметавонистам, ки ба пойи дардмандам фишори иловагӣ меовард. Зӯҳро тарзи дуруст истифодабарии асоро нишон дод. Ҳоло ман метавонам бо асо ба хонаи ҳамсоя ва ҳатто ба Чойхона (макони вохурӣ барои пиронсолон) рафта, бо дугонаҳоям рӯзамро хуш гузаронам”, — мегӯяд ӯ.

Барномаҳои пешниҳодшуда, аз қабили омӯзиши фаъолиятҳои рӯзмарра, машқҳои тавонбахшӣ ва иштирок дар чорабиниҳо, ба Файзигул имконият доданд, ки дубора бо ҷомеа пайваст шавад.

“Аввалин вақте ки ба Чойхона рафтам каме шубҳа доштам, фикр мекардам, ки ман аз уҳдаи ҳеҷ чиз намебароям. Вале вақте ки ҳамсолонамро дидам, хеле хушҳол шудам. Худро рӯҳбаланд ҳис карда, дар озмунҳо иштирок кардам ва ғолиб баромадам. Он вақт ман дар аробачаи маъюбӣ нишаста будам, ва ният кардам ки бояд ҳатман солим шуда дар озмунҳои ҷисмонӣ низ иштирок кунам”.

___________________________________
🇩🇪 Дар доираи лоиҳаи “Барномаи минтақавӣ барои пиронсолон дар Осиё” бо дастгирии молиявии Вазорати федеролии ҳамкориҳои иқтисодӣ ва рушди Олмон (Bundesministerium für wirtschaftliche Zusammenarbeit und Entwicklung (BMZ)) ва Каритас Олмон.

09/07/2026

🎙️Ҳамоҳангсози лоиҳаҳои филиали Каритас Олмон дар Тоҷикистон Умеда Манзаровна дар барномаи «Саргаҳи субҳ»-и радиои «Имрӯз» иштирок намуда, дар бораи нақши корманди иҷтимоӣ ва аҳамияти ин касб дар ҷомеаи муосири Тоҷикистон суҳбат намуд.

Дар рафти барнома ӯ шарҳ дод, ки корманди иҷтимоӣ на танҳо шахси ёрирасон, балки мутахассиси омӯхташудаест, ки ба одамон дар ҳолатҳои душвори зиндагӣ кӯмак мерасонад ва онҳоро бо хизматрасониҳои давлатӣ мепайвандад.
Имрӯз, дар шароити муҳоҷират, пиршавии аҳолӣ ва зиёд шудани масъалаҳои иҷтимоӣ, нақши кормандони иҷтимоӣ барои дастгирии пиронсолон, кӯдакон, оилаҳои осебпазир ва дигар гурӯҳҳои ниёзманд боз ҳам муҳимтар мегардад.

📌 Нусхаи пурраи суҳбатро метавонед аз рӯйи пайванд хонед: https://drive.google.com/file/d/1Wk_DhDWX4GlSRvRF80oDV1hAzm0nJcEQ/view?usp=sharin

@подписчики

02/07/2026

Дар идомаи силсилаи подкастҳои «Дар ҳифзи кӯдакон», меҳмонони ин қисми барнома дар бораи аҳамияти омодасозии касбии кормандони иҷтимоӣ ва нақши онҳо дар ҳифзи кӯдакон ва дастгирии оилаҳо суҳбат мекунанд.

Меҳмонони навбатии мо:
Субҳон Ашуров — доктори илмҳои иқтисодӣ, директори Ассотсиатсияи мактабҳои кори иҷтимоии Тоҷикистон ва мушовири Филиали Ассотсиатсияи Каритас Олмон дар Тоҷикистон оид ба стандартҳои салоҳият дар соҳаи кори иҷтимоӣ.
Қурбон Гиёев — дотсенти кафедраи кори иҷтимоии Донишгоҳи миллии Тоҷикистон.

Дар YouTube тамошо кунед: https://www.youtube.com/watch?v=heSIEYgzE5Y

Подкаст дар доираи лоиҳаи «Касбигардонии кори иҷтимоӣ барои қонеъкардани ниёзҳои ҳифзи кӯдакон дар Тоҷикистон» бо дастгирии молиявии Хазинаи кӯдакони СММ (UNICEF Tajikistan) ба навор гирифта шудааст.

@подписчики

30/06/2026

🎓 Омодасозии босифати мутахассисон яке аз шартҳои асосии рушди кори иҷтимоии касбӣ ба ҳисоб меравад. Дар ин раванд ҳамкории муассисаҳои таҳсилоти олии касбӣ ва тақвияти иқтидори ҳайати омӯзгорон нақши муҳим мебозад.

🤝 Аз 15 то 24 июн дар доираи лоиҳаи «Касбигардонии кори иҷтимоӣ барои қонеъ гардонидани ниёзҳои ҳифзи кӯдакон дар Тоҷикистон» мушовирони Каритас Олмон дар Тоҷикистон як қатор вохӯриҳои кориро бо роҳбарияти Донишгоҳи давлатии Хуҷанд ба номи академик Бобоҷон Ғафуров, Донишгоҳи давлатии Бохтар ба номи Носири Хусрав, Донишгоҳи давлатии Кӯлоб ба номи Абуабдуллоҳи Рӯдакӣ ва Донишгоҳи давлатии Хоруғ ба номи Моёншо Назаршоев баргузор намуданд.

🎯 Ҳадафи ин вохӯриҳо интихоби омӯзгорон барои иштирок дар барномаи Training of Trainers (ТоТ) буд. Пас аз анҷоми омӯзиш, иштирокчиён метавонанд барои намояндагони мақомоти маҳаллии ҳокимияти давлатӣ ва мутахассисони хадамоти иҷтимоӣ, ки дар самти ҳифзи кӯдакон фаъолият мекунанд, тренингҳо баргузор намоянд.

Таҳкими ҳамкорӣ миёни муассисаҳои таҳсилоти олӣ ва мутахассисони соҳаи кори иҷтимоӣ ба рушди салоҳияти касбии кормандон ва баланд бардоштани сифати хизматрасониҳо дар соҳаи ҳифзи кӯдакон мусоидат мекунад.

🇺🇳 Вохӯриҳои мазкур дар доираи лоиҳаи «Касбигардонии кори иҷтимоӣ барои қонеъкардани ниёзҳои ҳифзи кӯдакон дар Тоҷикистон» бо дастгирии молиявии Хазинаи кӯдакони СММ (UNICEF Tajikistan) баргузор гардидаанд.

@подписчики

09/06/2026

Дар давоми ташрифи худ, рӯзҳои 3–4 июн, ҳамоҳангсози «Барномаи минтақавӣ барои пиронсолон дар Осиё» ҷаноби Вольфганг Герштнер ва мудири Фонди ҷамъиятии «Пом» (Кореяи Ҷанубӣ) хонум Ли Си Ҷон ба ТҶ «Нури Офтоб» (ОО "Нури офтоб"), ки дар доираи лоиҳа хизматрасониҳои нигоҳубинро дар ноҳияи Ҳисор амалӣ менамояд, ташриф оварданд.

Зимни боздид меҳмонон аз «Клуби пиронсолон», ки барои пиронсолони русзабон, аз ҷумла шахсони танҳо, фаъолият мекунад, дидан намуда, бо иштирокчиён ва фаъолияти клуб аз наздик шинос шуданд. Ҳамчунин онҳо аз ду «Чойхона» дар ҷамоатҳои М. Турсунзода ва Рӯдакӣ боздид карда, бо пиронсолони фаъоли ин марказҳо ва роҳбарони маҳалла суҳбат карданд.

Айни замон дар ноҳияи Ҳисор шуъбаи махсуси хизматрасонӣ барои пиронсолон фаъолият намекунад. Дар чунин шароит ТҶ «Нури Офтоб» ягона ташкилотест, ки ба пиронсолони шаҳри Ҳисор ва ҷамоатҳои М. Турсунзода ва Рӯдакӣ хизматрасониҳои нигоҳубини сайёр дар хона, кӯмаки фаврии якдафъаина ва фазоҳои иҷтимоиро тавассути «Чойхонаҳо» пешниҳод менамояд.

Боздид нишон дод, ки хизматрасониҳои ҷомеамеҳвар на танҳо ба беҳтар шудани вазъи иҷтимоӣ ва саломатии пиронсолон мусоидат мекунанд, балки барои коҳиш додани танҳоӣ, таҳкими робитаҳои иҷтимоӣ ва иштироки фаъоли онҳо дар ҳаёти ҷомеа низ нақши муҳим мебозанд.

Ташаббуси мазкур дар доираи лоиҳаи “Барномаи минтақавӣ барои пиронсолон дар Осиё” бо дастгирии молиявии Вазорати федеролии ҳамкориҳои иқтисодӣ ва рушди Олмон (Bundesministerium für wirtschaftliche Zusammenarbeit und Entwicklung (BMZ)) ва Каритас Олмон баргузор гардид.

@подписчики

08/06/2026

Рӯзҳои 1–2 июн ҳамоҳангсози “Барномаи минтақавӣ барои пиронсолон дар Осиё” ҷаноби Вольфганг Герштнер ва мудири Фонди ҷамъиятии “Пом” (Кореяи Ҷанубӣ) хонум Ли Си Ҷон ба ТҶ “Дасти Хайр” (ОО "Дасти хайр" ) ташриф оварданд, то бо натиҷаҳои татбиқи лоиҳа дар ноҳияи Ваҳдат аз наздик шинос шаванд.

Зимни боздид меҳмонон аз “Чойхона”-и деҳаи Тангаӣ, ва “Чойхона” ва Маркази рӯзона барои пиронсолон дар ҷамоати Гулистон ва инчунин аз хонаҳои бенефисиарони лоиҳа дидан карданд. Ин вохӯриҳо имконият доданд, ки таъсири воқеии хизматрасониҳои иҷтимоӣ ва нигоҳубинӣ ба зиндагии пиронсолон аз наздик мушоҳида шавад.

Айни замон дар ноҳияи Ваҳдат модели ҳамгирошудаи хизматрасонӣ барои пиронсолон амалӣ мегардад, ки нигоҳубини сайёр дар хона барои пиронсолони барҷомонда, “Чойхона” ҳамчун фазои иҷтимоӣ барои пиронсолони фаъол ва Маркази рӯзонаро барои онҳое, ки нигубинӣ махсусро талаб мекунанд, муттаҳид мекунад. Ин таҷриба ба пиронсолон имкон медиҳад, ки фаъол, мустақил ва бештар ба ҳаёти ҷомеа ҷалб бошанд.

Бо дарназардошти афзоиши шумораи аҳолии солхӯрда дар солҳои оянда, чунин моделҳо метавонанд барои рушди низоми устувори хизматрасонӣ ба пиронсолон дар Тоҷикистон заминаи муҳим гузоранд.

Ташаббуси мазкур дар доираи лоиҳаи “Барномаи минтақавӣ барои пиронсолон дар Осиё” бо дастгирии молиявии Вазорати федеролии ҳамкориҳои иқтисодӣ ва рушди Олмон (Bundesministerium für wirtschaftliche Zusammenarbeit und Entwicklung (BMZ)) ва Каритас Олмон баргузор гардид.

@подписчики

13/04/2026

🏡 Дар доираи “Барномаи минтақавӣ барои пиронсолон дар Осиё”, чойхонаҳо ҳамчун фазои махсуси вохурӣ барои пиронсолон дар ҷамоатҳо таъсис дода шудаанд. Ин ҷойҳо танҳо макони вохурӣ, балки минбаре барои фарогирӣ, эҳтиром ва пиршавии фаъол мебошанд.

Бо дастгирии ТҶ «Нури Офтоб», ба рузи 10 апрел дар ҷамоати Рӯдакии ноҳияи Ҳисор чойхонаи нав таъсис дода шуд. Айни ҳол, дар ноҳияи Ҳисор (деҳаи М. Турсунзода) як чойхона фаъолият дорад ва дар ноҳияи Ваҳдат се чойхона, дар ҷамоатҳои Тангаӣ, Симиганҷ ва Гулистон, амал мекунанд.

🗓️ Чойхонаҳо дар давоми ҳафта фаъол буда, рӯзҳои алоҳида барои мардон ва занон пешбинӣ шудаан. Онҳо муҳити амн ва самимӣ фароҳам меоранд, ки дар он калонсолон метавонанд бо ҳам вохӯранд, таҷриба мубодила кунанд ва аз ҷиҳати иҷтимоӣ фаъол бимонанд.

🎲 Тавассути чорабиниҳое, ки аз ҷониби ТҶ «Нури Офтоб» ва ТҶ «Дасти Хайр» баргузор мегарданд, иштирокчиён донишҳои амалӣ оид ба пешгирии бемориҳо, тарғиби тарзи ҳаёти солим, саводнокии молиявӣ ва рақамӣ мегиранд, инчунин дар ҷаласаҳои иттилоотӣ, омӯзишҳо ва бозиҳои зеҳнӣ иштирок мекунанд, ки ба беҳбудии равонӣ ва маънавӣ мусоидат менамоянд.

👵🏼👴🏼 Барои бисёре аз пиронсолон, танҳоии иҷтимоӣ мушкилоти ҷиддӣ боқӣ мемонад. Чойхонаҳо ба таври мустақим ба ҳалли ин масъала мусоидат намуда, робитаҳои ҷомеаро тақвият медиҳанд ва таъмин мекунанд, ки шахсони калонсол ҳамчун аъзои арзишманд ва фаъол дар ҷомеа боқӣ монанд. Барои лоиҳа, ин ташаббус намунаи равиши устувор мебошад ва ба ҳамкории дарозмуддат равона шудааст.

🇩🇪 Ташаббуси мазкур дар доираи лоиҳаи
«Барномаи минтақавӣ барои пиронсолон дар
Осиё» бо дастгирии молиявии Вазорати федеролии ҳамкориҳои иқтисодӣ ва рушди Олмон (Bundesministerium für wirtschaftliche Zusammenarbeit und Entwicklung (BMZ)) ва Каритас Олмон баргузор гардид.