Иттифоқи ҷавонони Тоҷикистон

28/10/2026

ҲАР ПИРАЗАНЕ ТУРО ПИСАР МЕГӮЯД,
ҲАР ФАРДИ ЯТИМ ТУРО ПАДАР МЕГӮЯД.
ҲАСТӢ БА АМАЛ ТУ ҲОДИИ ПИРУ ҶАВОН,
ҶОНУ ТАНИ МАН ТУРО СИПАР МЕГӮЯД.

28/10/2026

ТУ ҲАМ МИСЛИ ПАДАР ЯК ҚАҲРАМОНӢ,
ХИРАДМАРДУ ҶАСУРУ ПАҲЛАВОНӢ.

28/10/2026

ЧИЛДУХТАРОН — РАМЗИ ИФТИХОР, САРБАЛАНДӢ, ИФФАТ ВА САРГУЗАШТИ ҚАҲРАМОНОНАИ ДУХТАРОНИ ТОҶИК, КИ ТО АБАД ДАР САҲИФАҲОИ ТАЪРИХИ МИЛЛАТ НАКШ БАСТААСТ!

28/10/2026

28/10/2026

ШИНОСОӢ БО ФАЪОЛИЯТИ МАКТАБИ ВАРЗИШӢ ОИД БА НАМУДИ ВАРЗИШИ ТЕННИС

Дар доираи сафари корӣ ба ноҳияи Ёвон намояндаи Итифоқи ҷавонони Тоҷикистон Шарифзода Беназир бо фаъолияти мактаби варзишӣ оид ба намуди варзиши теннис шинос гардид.

Зимни боздид раванди машқу тамрини варзишгарони наврас, фаъолияти мураббиён ва шароити фароҳамовардашуда барои рушди ин намуди варзиш мавриди таваҷҷуҳ қарор гирифт.

Ҳамзамон, масъалаҳои ҷалби бештари наврасону ҷавонон ба теннис, дарёфти истеъдодҳои нав ва баланд бардоштани маҳорати варзишгарон баррасӣ гардиданд.

Таъкид шуд, ки рушди теннис ва дастгирии варзишгарони ҷавон дар тарғиби тарзи ҳаёти солим ва омода намудани варзишгарони соҳибистеъдод нақши муҳим дорад.

28/10/2026

ШИНОСОӢ БО ФАЪОЛИЯТИ МАКТАБИ МАХСУСИ ВАРЗИШӢ ВА БАРРАСИИ РУШДИ ФУТБОЛИ НАВРАСОН ДАР НОҲИЯИ ЁВОН

Имрӯз намояндаи Итифоқи ҷавонони Тоҷикистон Шарифзода Беназир дар доираи сафари корӣ ба ноҳияи Ёвон бо фаъолияти Муассисаи давлатии «Мактаби махсуси варзишӣ оид ба футболи ноҳияи Ёвон» шинос гардид.

Зимни боздид раванди таълиму тамрин, маҳорати футболбозони наврас ва шароити машқу тамрин мавриди таваҷҷуҳ қарор гирифта, бо роҳбарияти муассиса масъалаҳои рушди футбол, дарёфти истеъдодҳои ҷавон ва беҳтар намудани фаъолияти мактаб баррасӣ шуданд.

Таъкид гардид, ки дастгирии наврасони боистеъдод, фароҳам овардани шароити мусоиди тамрин ва ҷалби бештари ҷавонон ба варзиш омили муҳимми омода намудани футболбозони касбӣ ва муаррифии шоистаи кишвар дар мусобиқаҳои ҷумҳуриявию байналмилалӣ мебошад.

28/10/2026

ДАР НОҲИЯИ ЁВОН МУСОБИҚАИ ҶУМҲУРИЯВИИ ФУТБОЛ МИЁНИ НАВРАСОНИ ТО 12-СОЛА ОҒОЗ ГАРДИД.

дар Варзишгоҳи марказии ноҳияи Ёвон мусобиқаи ҷумҳуриявӣ оид ба футбол миёни наврасони то 12-сола ба ифтихори хотираи мураббии шоистаи Ҷумҳурии Тоҷикистон Владимир Гуломайдаров бо ташаббуси Мақомоти иҷроияи ҳокимияти давлатии ноҳияи Ёвон ва дастгирии раиси ноҳия муҳтарам Вализода Икромиддин Сироҷиддин расман ифтитоҳ гардид.

Дар мусобиқа 8 даста аз минтақаҳои гуногуни кишвар иштирок намуда, барои нишон додани маҳорати варзишӣ ва ба даст овардани натиҷаҳои назаррас рақобат менамоянд.

Дар маросими ифтитоҳ намояндаи Иттифоқи ҷавонони Тоҷикистон Шарифзода Беназир иштирок намуда, доир ба аҳаммияти футбол дар тарбияи насли солиму ватандӯст, дарёфти истеъдодҳои ҷавон ва муаррифии шоистаи Тоҷикистон дар арсаи байналмилалӣ ибрози назар кард.

Зимни суҳбат нақши ташаббусҳои созанда ва саҳми арзандаи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар рушди футбол, таҳкими заминаҳои моддию техникии соҳаи варзиш ва баланд бардоштани мақому манзалати футболи тоҷик махсус таъкид гардид. Пешниҳоди мавсуф вобаста ба таҷлили Рӯзи ҷаҳонии футбол низ бозгӯи таваҷҷуҳи хосса ба рушди ин навъи варзиш ва ҷалби бештари наврасону ҷавонон ба он мебошад.

Футбол на танҳо василаи тарбияи ҷисмонӣ, балки омили муҳими муаррифии давлату миллат, баланд бардоштани нуфузи байналмилалии Тоҷикистон ва таҳкими ифтихори миллӣ мебошад. Баргузории чунин мусобиқаҳо барои дарёфти истеъдодҳои ҷавон, таҳкими дӯстиву рафоқат ва омода намудани насли нави футболбозони соҳибмаҳорат заминаи мусоид фароҳам меорад.

#ИттифоқиҶавонониТоҷикистон
#ФутболиТоҷик
#ҶавонониТоҷикистон
#РушдиВарзиш

28/10/2026

ШИНОСОӢ БО ФАЪОЛИЯТИ БАХШИ ҶАВОНОНИ НОҲИЯИ ЁВОН, МУАССИСАҲОИ ВАРЗИШӢ ВА ВОХӮРӢ БО ҶАВОНОНИ НОҲИЯ

Дар доираи сафари корӣ ба ноҳияи Ёвон намояндаи Иттифоқи ҷавонони Тоҷикистон Шарифзода Беназир ҳамчун масъули бахши ҷавонони ноҳияи Ёвон бо фаъолияти бахши ҷавонони ноҳия ва муассисаҳои варзишӣ шиносоӣ намуда, ҳамзамон бо ҷавонони ноҳия вохӯрии корӣ баргузор намуд.

Зимни шиносоӣ фаъолияти бахши ҷавонон, раванди татбиқи сиёсати давлатии ҷавонон, иҷрои нақшаи чорабиниҳои соҳавӣ, дастгирии ташаббусҳои созандаи ҷавонон ва тақвияти нақши онҳо дар ҳаёти ҷамъиятӣ мавриди баррасӣ қарор гирифтанд.

Ҳамзамон, зимни боздид аз муассисаҳои варзишии ноҳия ба раванди ташкили машқу тамрин, шароити фароҳамовардашуда барои варзишгарони наврасу ҷавон, фаъолияти мураббиён ва имкониятҳои мавҷуда ҷиҳати рушди минбаъдаи варзиш таваҷҷуҳи махсус зоҳир карда шуд.

Дар идомаи сафар вохӯрӣ бо ҷавонони ноҳия баргузор гардида, зимни он масъалаҳои марбут ба татбиқи самараноки сиёсати давлатии ҷавонон, баланд бардоштани маърифати сиёсиву ҳуқуқӣ, тарбияи ватандӯстӣ, тарғиби тарзи ҳаёти солим, рушди иқтидори зеҳниву эҷодӣ ва ҷалби бештари ҷавонон ба корҳои ҷамъиятӣ мавриди баррасӣ қарор гирифтанд.

Зимни суҳбат таъкид гардид, ки ҷавонон ҳамчун неруи пешбарандаи ҷомеа ва захираи стратегии рушди давлат дар татбиқи ҳадафҳои созанда, таҳкими худшиносии миллӣ ва пешрафти соҳаҳои гуногуни ҳаёти кишвар нақши муҳим доранд. Аз ин рӯ, тақвияти ҳамкорӣ бо сохторҳои марбута, дастгирии ташаббусҳои ҷавонон ва фароҳам овардани шароити мусоид барои татбиқи иқтидору имкониятҳои онҳо аз ҷумлаи вазифаҳои муҳими самти кор бо ҷавонон ба ҳисоб меравад.

Боздиди мазкур ва вохӯрӣ бо ҷавонони ноҳия дар заминаи таҳкими ҳамкориҳои соҳавӣ, шиносоӣ бо вазъи фаъолияти сохторҳои марбута ва баррасии масъалаҳои мубрами самти кор бо ҷавонон сурат гирифта, барои муайян намудани самтҳои афзалиятноки ҳамкориҳои минбаъда аҳаммияти муҳим дорад.

#ИттифоқиҶавонониТоҷикистон
#ҶавонониЁвон
#СиёсатиДавлатииҶавонон
#ҶавонониТоҷикистон

28/10/2026

ИМРӮЗ БАХШИДА БА РӮЗИ КОНСТИТУТСИЯ ҶУМҲУРИИ ТОҶИКИСТОН БО ТАШАББУСИ ФИЛИАЛИ ИТТИФОҚИ ҶАВОНОНИ ТОҶИКИСТОН ДАР ШАҲРИ ДУШАНБЕ ДАР НАМОЯНДАГИИ ИТТИФОҚИ ҶАВОНОНИ ТОҶИКИСТОН ДАР РАЁСАТИ САРМОЯГУЗОРИ ВА МОЛУ МУЛКИ ДАВЛАИИ МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ДУШАНБЕ КОНФЕРЕНСИЯИ ИЛМӢ-НАЗАРЯВӢ БАРГУЗОР ГАРДИД.