World of community development - Dunyoi rushdi jomea

05/11/2024

Баргузор намудани омӯзиши 2 рӯза, даври 1 дар санаҳои 1-2 ноябри соли ҷорӣ барои омӯзгорони синфҳои ибтидоӣ ва фанни ҳуқуқи муассисаҳои таҳсилоти миёнаи умумӣ ва мураббияҳои муассисаҳои таҳсилоти томактабӣ дар шаҳри Ваҳдат оиди таҳсилоти фарогир дар доираи барномаи "Васеъ гардонидани доираи ҳамкорӣ барои пеш бурдани ҳуқуқҳои маъюбон" аз тарафи мутахассисони ТҶ Дунёи рушди ҷомеа дар ҳамкорӣ бо Вазорати маориф ва илми ҶТ, Раёсати маорифи шаҳри Ваҳдат, Ҷамъияти маъюбони шаҳри Ваҳдат.
Миннатдориамонро ба роҳбарияти муасссисаи таҳсилоти миёнаи умумии №3и шаҳри Ваҳдат барои таъмини толор ва муҳайё сохтани имкониятҳо баён менамоем.
Сипоси бепоён ба муаллими фанни технологияи иттилоотии муассисаи мазкур, ки муддати 2 рӯз моро аз тарафи техникӣ кӯмак намуд ва ҳама вақт барои кӯмак дастрас буд.
Ёдовар мешавем, ки ин гурӯҳ яке аз гурӯҳҳои фаъол буд, ки муддати 2 рӯз теъдодашон аз нақша барзиёд буд, фаъол буданд ва аз вақтҳои саршавии тренинг низ барвақттар меомаданд. Умед дорем, ки даври 2юми тренингҳои мазкурро бо ин омӯзгорон сари вақт мегузаронем, чунки онҳо бисёр хоҳиши омӯхтан ва гирифтани маълумотҳои заруриро доранд.

04/10/2024

01/10/2024

Дарсҳои саломатӣ, гигиенаи шахсӣ, тозагӣ, бемориҳои аз об гузаранда, партовҳо ва идоракунии онҳо ба 240 хонандаи синфҳои 1 – 9 дар муассисаҳои таҳсилоти миёнаи умумӣ дар ноҳияи Рӯдакӣ гузаронида шуданд.

01/10/2024

Фароҳам овардани дастарсии ҷисмонӣ ин яке аз мушкилиҳои ҷомеаи имрӯза аст. На дар ҳамаи иншоотҳо дастрасиро (сохтани пандусҳо) ба назар мегиранд, агар ба назар гиранд ҳам, на ҳамаи онҳо мувофиқи меъёрҳо сохта мешаванд. Роҳрави аробача (пандус) бояд дар доираи андозаи 1:12см то 1:15см бошад, ки дар 1см баландӣ бояд 12 то 15см дарозӣ дошта бошад, то истифодабарандаи аробача ва ё шахсони дар ҳаракат мушкилидошта бе монеа худашон тавонанд ба бино ворид гарданд.
Лоиҳаи “Дастрасӣ барои ҳаёти фарогир”, ки дар якҷоягӣ бо шарикон тавассути маблағгузории Сафорати Зеландияи Нав амалӣ гашта истодааст, ин кӯмак ба хонандагони дорои маъюбият аст, то онҳо дар баробари дигар кӯдакон бе монеа дар мактаб таҳсил кунанд. Cохтани роҳраваки аробача, таъмири ҳоҷатхонаи мавҷуда бо муҳайё намудани ҷойи нишасти дастрас ва ё сохтани ҳоҷатхонаи хурди дастрас барои хонандагони маъюби истифодабарандаи аробача яке аз фаъолиятҳои асосии лоиҳа ба шумор мераванд.
Ҳамаи фаъолиятҳои сохтумонӣ бо назардошти меъёрҳои сохтумонии байналмилалию маҳаллӣ ба роҳ монда шуда истодаанд.

01/10/2024

Дар ҳамбастагӣ бо шарикон дар доираи лоиҳаи “Рӯзҳо барои духтарон - Гигиенаи шахсӣ ва саломатии репродуктивӣ барои духтарон” дарсҳоро дар шаҳри Хуҷанд, ноҳияҳои Б. Ғафуров ва Рӯдакӣ барои занони дорои кӯдаки маъюбиятдошта ва ҷавонондухтарони маъюбиятдошта баргузор намудем. Дар умум 10 дарс гузаронида шуд, ки ба ин дарсҳо 201 ҷавондухтарон ва модарон фаро гирифта шуданд. Барои онҳо маводҳои гигиенӣ тақсим карда шуд. Чорабиниҳои мазкур аз тарафи Раёсати корҳои хориҷӣ ва савдои ҳукумати Австралия маблағгузорӣ мегарданд.

24/09/2024

Ташкил ва баргузор намудани тренинги 3 рӯза барои Мушовирон оид ба масъалаҳои маъюбӣ дар самти "Қадамҳо дар нақшакашӣ ва тарҳрезӣ намудани лоиҳа" дар шаҳри Гулистон

19/09/2024

Бо мақсади баланд бардоштани сатҳи маълумотнокӣ байни занони маъюбиятдошта ва модарони кӯдакон ва шахсони дорои маъюбият оид ба ташаккули тарзи ҳаёти солим ва беҳдошти саломатии занон сессияҳои омӯзишӣ гузаронида шуд.
Дар ин омӯзиш занон дар бораи нигоҳ доштани саломатии худ, гигиенаи шахсӣ ва идоракунии ҳолати ҳиссӣ-равонӣ маълумот муфид гирифтанд.
Омӯзиш шавқовар гузашт ва иштирокчиён фаъол буданд.

30/07/2024

Баргузор намудани омӯзиши 2 рӯза барои директорони муассисаҳои таҳсилоти миёнаи умумӣ ва мудирони муассисаҳои таҳсилоти томактабӣ дар шаҳри Ваҳдат оиди таҳсилоти фарогир дар доираи барномаи "Васеъ гардонидани доираи ҳамкорӣ барои пеш бурдани ҳуқуқҳои маъюбон" аз тарафи мутахассисони ТҶ Дунёи рушди ҷомеа дар ҳамкорӣ бо Вазорати маориф ва илми ҶТ, Раёсати маорифи шаҳри Ваҳдат, Ҷамъияти маъюбони шаҳри Ваҳдат. Миннатдориамонро ба роҳбарияти муасссисаи таҳсилоти миёнаи умумии №3и шаҳри Ваҳдат барои таъмини толор ва муҳайё сохтани имкониятҳо баён менамоем.