21/06/2026
(၁၅၁) ကြိမ်မြောက် ကရင်နီအမျိုးသားနေ့ အထိမ်းအမှတ်အဖြစ် ကျွန်တော်တို့ Society of Karenni Youth (SKY) မှ ထိုင်းနိုင်ငံတောင်ပိုင်း Phang Ngaမြို့တွင်အခမ်းအနားကို အကျဥ်းချုပ် ကျင်းပပြုလုပ်ခဲ့ပါသည်။
အခမ်းအနားတွင် ကရင်နီအလံအား အလေးပြုခြင်း၊ ကရင်နီအမျိုးသားနေ့ သဝဏ်လွှာအား ဖတ်ကြားခြင်း၊ ကရင်နီအမျိုးသားနေ့ ဖြစ်ပေါ်လာပုံအား အကျဥ်းချုပ်ရှင်းပြခြင်း၊ သီချင်းများဖြင့် သီဆိုဖျော်ဖြေခြင်းများပြုလုပ်ခဲ့ပါသည်။ ထိုင်းနိုင်ငံတောင်ပိုင်းရှိ ရွေ့ပြောင်းမြန်မာများ၊ တခြားသောလူမျိုးစုများပါဝင်ပြီး ပန်းခြံတွင် စုပေါင်းအမှိုက်ကောက်ခြင်း စသည့် လူမှုအကျိုးပြုလုပ်ငန်းများကို စုပေါင်းဆောင်ရွက်ခဲ့ကြပါသည်။
တက်ရောက်လာကြသော ဧည့်သည်တော်များအားလုံးကိုလည်း ကရင်နီရိုးရာအစားအစာများဖြင့် ဧည့်ခံကျွေးမွေးခဲ့ပါသည်။
