Honouring Fallen Political Prisoners

Honouring Fallen Political Prisoners Through this Museum, AAPP salutes and pays great respect to all those who sacrificed their lives in prisons and to those currently incarcerated in prisons.

11/02/2025

ငွေသား ထောက်ပံ့ကူညီ‌ပေးရန်အတွက် လျှောက်လွှာခေါ်ယူခြင်း
*************************************************
OIA-ဖေဖော်ဝါရီလ(၁၁)ရက်၊၂၀၂၅ခုနှစ်။

ဤလျှောက်လွှာကို ဝင်ရောက်မဖြည့်စွက်မီ အောက်‌တွင်ဖော်ပြထားသော စာများကို သတိပြုဖတ်စေလိုပါသည်။

-ဤအစီအစဉ်သည် အခက်အခဲဖြစ်သူများ (အထူးသဖြင့် အိမ်လစာ၊ က‌လေးကျောင်းစရိတ်၊ ကျန်းမာရေးစရိတ် လိုအပ်နေသူများ) ကို ပံ့ပိုးကူညီရန် ဖြစ်ပါသည်။

-ဤအစီအစဉ်တွင်အမှန်တကယ် အခက်အခဲဖြစ်နေသော အိမ်ထောင်စု (၇၀) ခန့်ကို ပံ့ပိုးကူညီ‌ေပးသွားမည်ဖြစ်ပါသည်။
အိမ်ထောင်စု တစ်စုလျှင် လိုအပ်ချက်ပေါ်် မူတည်ပြီး ဘတ်ငွေ (၂၀၀၀ မှ - ၅၀၀၀ အတွင်း) ထောက်ပံ့ပေးမည် ဖြစ်ပါသည်။

-ဤလျှောက်လွှာကို (၂၀၂၁) ခုနှစ် နောက်ပိုင်း အကြောင်းအမျိုးမျိုးကြောင့်ရောက်ရှိလာသူများ ဝင်ရောက်လျှောက်ထားနိူင်ပါသည်။

-လျှောက်ထားသူများအနေဖြင့် မိသားစုတစ်စုလျှင် တစ်စောင်သာ လျှောက်ထားရန်လိုအပ်ပါသည်။
မိသားစုဝင်မဟုတ်ပဲ သူငယ်ချင်း မိတ်ဆွေများဆိုရင် တစ်ယောက်တစ်စောင်နှုန်းလျှောက်ထားရန်လိုအပ်ပါသည်။ (အိမ်လစာအတွက် လျှောက်ထားလိုပါက အတူတကွနေထိုင်သော သူငယ်ချင်းဆိုလျှင်တစ်စောင်တည်းတွင် စုပေါင်းလျှောက်ထားရန်လိုအပ်ပါသည်)

-လျှောက်ထားမည့်သူများသည် နာမည်အား နာမည်အရင်းဖြင့်သာ ဖြည့်စွက်ပေးရန် လိုအပ်ပါသည်။ နာမည်အရင်းမဟုတ်ပါက 'OIA' မှ ထည့်သွင်းစဉ်းစားပေးမည်မဟုတ်ပါ။

-ထောက်ခံပေးမည့် လူပုဂ္ဂိုလ်၏အမည် နှင့် ဖုန်းနံပါတ်ကို မိသားစုဝင်အချင်းချင်း (သို့) 'OIA' မှရုံးဝန်ထမ်း၏ အမည်နှင့် ဖုန်းနံပါတ်များ ဖြည့်စွက်လာသူများကို ထည့်သွင်းစဉ်းစားပေးမည်မဟုတ်ပါ။

-ထောက်ခံပေးမည့်သူသည် မိမိထောက်ခံပေးလိုက်သည့်လူနှင့်ပတ်သက်၍ OIA မှ ဆက်သွယ်မေးမြန်းစဉ် အဆိုပါပုဂ္ဂိုလ်၏ အချက်အလက်ကို ရည်ရွယ်ချက်ရှိရှိ လွဲမှားစွာ ဖြေဆိုပါက နောက်နောင်တွင် ထောက်ခံပေးသူအပါအဝင်၊ ထပ်မံထောက်ခံပေးမည့်သူများကိုပါ OIA မှ ဆောင်ရွက်မည့် ကိစ္စရပ်များတွင် လုံးဝထည့်သွင်းစဉ်းစားမည်မဟုတ်ပါ။

-မိမိဖြည့်စွက်လိုက်သော ဖုန်းနံပါတ်သည် အမှန်တကယ် ဆက်သွယ်၍ ရသောဖုန်းနံပါတ်ဖြစ်ရမည်။ အကယ်၍ ဆက်သွယ်လို့မရပါက ဤအစီအစဉ်တွင် ထည့်သွင်းစဉ်းစားပေးမည်မဟုတ်ပါ။

ရွေးချယ်ခံရပါက ထပ်မံလိုအပ်သော အချက်အလက်များကို ရုံးဘက်မှ ဆက်သွယ်မေးမြန်းလာချိန်တွင် ဖြေဆိုပေးနိူင်သူများ ဖြစ်ရန်အထူးလိုအပ်ပါသည်။

ဤအစီအစဉ်နှင့်ပတ်သက်ပြီး ဆက်သွယ်စုံစမ်းမေးမြန်းရန် OIA ရုံး Phone နံပါတ်

-062 750 3730

အဝေးရောက်ဧရာဝတီအသင်း OIA

လျှောက်ထားရန် Link

https://forms.office.com/Pages/ResponsePage.aspx?id=8KVuLYE3g0SOeoLwEqwmWNlzlIRqY1hCloIS6vkjsRJUMkJJWjgxNzBCVUJJVUtYMFQwR0E4MjdZSC4u

07/02/2025

🎁ချစ်ခင်တန်ဖိုးထားရတဲ့လူတွေ၊ အရာတွေကို ဆုံးရှုံးရတဲ့အခါ
ဝမ်းနည်းပူဆွေးမှုကို ခံစားရပါတယ်။
ဒီခံစားမှုဟာ အချိန်ကြာမြင့်လေ့ရှိပြီး ခံစားချက်တွေဟာလည်း
ရောထွေးနေတတ်ပါတယ်။
သတင်းဆိုးကို ကြားသိရလိုက်တာကြောင့် အံ့ဩတာ၊
ထိတ်လန့်တုန်လှုပ်တာ၊ လက်မခံနိုင်တာတွေ ဖြစ်လေ့ရှိပြီး
ဖြစ်ရပ်ကို လက်ခံဖို့ခက်ခဲနိုင်ပါတယ်။
ဒါ့အပြင် မိမိကိုယ်ကို (သို့မဟုတ်) အခြားလူတွေကို
ပြစ်တင် ဒေါသထွက်တာတွေလည်း ခံစားရပါတယ်။
စိတ်ပင်ပန်းမှုနဲ့အတူ မျှော်လင့်ချက်မဲ့တာ၊
စိတ်ဓာတ်ကျတာတွေကို ခံစားရတာလည်း ရှိပါတယ်။
နောင်တစိတ်တွေနဲ့ မိမိကိုယ်ကို ပြစ်တင်မိပြီး ပူဆွေးသောကကို
ခံစားရနိုင်ပါတယ်။ ဒီလိုနဲ့ အချိန်တစ်ခုကြာပြီးနောက်မှာ
ဖြစ်ရပ်ကို လက်ခံနိုင်သွားပြီး ဘဝကိုရှေ့ဆက်ဖို့ ပြင်ဆင်နိုင်တာပါ။
အထက်ပါအခြေအနေတွေဟာ ဝမ်းနည်းပူဆွေးခြင်းရဲ့
အဆင့်တွေဆိုပေမဲ့လည်း လူတစ်ဉီးနဲ့တစ်ဉီးခံစားရတာခြင်းက
တူမှာမဟုတ်ပါဘူး။ ဒီအချိန်ဟာ အခက်ခဲဆုံးအချိန်လည်း ဖြစ်နိုင်ပါတယ်။
သင့်အနေနဲ့ အကောင်းဆုံးပြုလုပ်နိုင်တာကတော့ မိမိကိုယ်ကို
မှန်ကန်သင့်လျော်တဲ့နည်းလမ်းတွေနဲ့ ထိန်းသိမ်းတာဖြစ်ပြီး
လိုအပ်တဲ့အကူညီကို ရယူခြင်းဟာလည်း ဘဝကိုရှေ့ဆက်ဖို့အတွက်
ခွန်အားရစေမှာ ဖြစ်ပါတယ်။

အားလုံးဘေးကင်းကျန်းမာကြပါစေ။ ဗဟုသုတလေးတွေရမယ်လို့လည်း
မျှော်လင့်ပါတယ်။
#ပူဆွေးမှု #စိတ်ခွန်အား

06/12/2022

“လက်ထပ်ဖို့ မဆုံးဖြတ်ခင် သူဟာ ဘယ်လိုပုံစံမျိုးနဲ့ ပြုစုပျိုးထောင်ခံခဲ့ရသလဲ ဆိုတာကို သိအောင်လုပ်ပါ။”

(ဖတ်ရန် ကြာချိန် ၄ မိနစ်)

ဆောင်းပါးခေါင်းစဉ်က ရှည်ပါတယ်။ သို့သော် အောက်က စာတွေ ဆက်မဖတ်ဖြစ်တောင် ဒါလေးတစ်ကြောင်းပဲ မှတ်မိသွားဦးတော့ ကျေနပ်ပြီ ဆိုတဲ့ သဘောနဲ့ ပေးထားတာပါ။

ချစ်သူအဖြစ် အဖြေမပေးခင်၊ လက်ထပ်ဖို့ မစဉ်းစားခင် တစ်ယောက်ကို တစ်ယောက် လေ့လာကြပါတယ်။ ပညာ၊ အဆင့်အတန်း၊ အသိုင်းအဝိုင်း၊ စိတ်နေစိတ်ထား၊ အမူအကျင့် စသဖြင့်ပေါ့လေ။ အဲဒီထဲမှာ ထည့်မစဉ်းစားမိတာ၊ လေ့လာရလည်း ခက်တာတစ်ခုကတော့ တိမ်မြုပ်နေတဲ့ စိတ်ဒဏ်ရာတွေအကြောင်းပါပဲ။

ဒီအတိုင်း ကြည့်လိုက်ရင် စမတ်ကျတယ်။ ကိုယ့်ကိုယ်ကိုယ် ယုံကြည်မှု ရှိတယ် ထင်ရပေမဲ့ တကယ်တမ်းမှာ စိတ်ဒဏ်ရာ တပွေ့တပိုက်နဲ့ ဖြစ်နေသူတွေ တစ်ပုံကြီးပါပဲ။ တချို့လည်း ကိုယ့်ဟာကိုယ် သိတယ်။ တချို့လည်း ပေါင်းကြည့်ရင်းနဲ့မှ ဘေးလူအနေနဲ့ မြင်လာရတာမျိုး။ အဲဒါကို သတိထားမိလိုက်ရင် ပိုပြီးလည်း သူ့ကို နားလည်သွားနိုင်လိမ့်မယ်။ ကိုယ်နဲ့ သူနဲ့ရဲ့ Relationship ကလည်း ခုထက်ပို အဆင်ပြေလာပါလိမ့်မယ်။

တကယ်တမ်း ပြောရရင် အနည်းနဲ့အများပဲ ကွာတာပါ။ ကျွန်တော်တို့ တော်တော်များများမှာ အဲ့လို စိတ်ဒဏ်ရာတွေ ရှိတတ်ကြပါတယ်။ အဲ့လိုဒဏ်ရာတွေ၊ ကျွန်တော်တို့ရဲ့ တွေးခေါ်ပုံ၊ ရှုမြင်ပုံ၊ စဉ်းစားပုံတွေက ကျွန်တော်တိုရဲ့ ငယ်ဘ၀ အတွေ့အကြုံတွေနဲ့ အများကြီး ပတ်သက်ဆက်စပ်ပါတယ်။ အဲဒီလို ငယ်ဘ၀ အတွေ့အကြုံတွေထဲမှာ ထိပ်ပိုင်းက ပါနေတာကတော့ မိဘရဲ့အုပ်ထိန်းမှုပုံစံပါပဲ။ ဒါကြောင့် သူ ငယ်ငယ်က ဘယ်လိုတွေ ကြုံတွေ့ခဲ့ရသလဲ၊ သူ့မိဘက ဘယ်လိုလဲ ဆိုတာကို သိအောင် လုပ်ပါလို့ အကြံပေးရတာပါ။

ကျွန်​​တော် ​ရေးတာဆို​တော့ အမျိုးသား​တွေအ​ကြောင်းကိုပဲ အသား​ပေး ​ရေးထားပါတယ်။ ကျွန်မတို့ အမျိုးသမီး​​တွေက ဘယ်လို ဘာညာ အချင်းချင်း ​ပြော​နေရုံနဲ့​တော့ Healthy Relationship တစ်ခု တည်​ဆောက်နိုင်ဖို့ မလုံ​လောက်ဘူးမို့လား။ ဒါ​ကြောင့် ဖတ်ကြည့်ကြည့်ပါ။

◾️၁။ သားယောက်ျားလေးကို ဘယ်လိုဆုံးမထားသလဲ

ဒါကတော့ မိန်းကလေးတွေအတွက်ပဲ ရည်ရွယ်ပါတယ်။ ကျွန်တော်တို့မှာ ရှိနေတဲ့ ယောက်ျား ဆိုတာ ဘယ်လို၊ မိန်းမ ဆိုတာ ဘယ်လို စတဲ့ သတ်မှတ်ချက်တွေက မိဘဆီကတစ်ဆင့် လက်လွှဲယူခဲ့ကြရတာ များပါတယ်။ ဒါကြောင့် သူ့မိဘက ယောက်ျားနဲ့ မိန်းမအပေါ် အတော်လေး ခွဲခြားဆက်ဆံတဲ့သူမျိုး၊ သားရှင် ဆိုပြီး လက်မထောင်တတ်တဲ့ လူစားမျိုးတွေဆို နည်းနည်း သတိထားသင့်ပါတယ်။

တစ်ချိန်ကျရင် နင့်မိန်းမက အိမ်မှုကိစ္စလည်း မနိုင်ဘူး၊ တစ်ချိန်လုံး အပြင်ချည်း ထွက်နေတာပဲ၊ ငါ့သား ယောက်ျားဆိုတာ လှေကား ၃ ထစ်ဆင်းရင် လူပျို ပြန်ဖြစ်တယ်၊ ယောက်ျားလေးဆိုမှတော့ ဒီလောက်က အနည်းအပါး ရှိမှာပဲ၊ နင်က ခွင့်လွှတ်ပေးရမှာပေါ့ စသဖြင့် ပြောလာတတ်လို့ပါ။

◾️၂။ Self-image

ပထမတစ်ချက်ကလို ပျိုးထောင်ပုံသွင်းခံခဲ့ရတော့ ကျွန်တော်တို့ ယောက်ျားတွေရဲ့ စိတ်ထဲမှာ ငါတို့က မြင့်မြတ်တယ်၊ မိန်းမတွေထက် တစ်ဆင့်မြင့်တယ် ဆိုတဲ့ အသိက ဝင်လာပါတယ်။ ငါတို့ပဲ ဦးဆောင်မယ်၊ ငါတို့ပဲ လုပ်ပေးမယ်၊ ငါတို့က အိမ်ထောင်ဦးစီး၊ မင်းဘဝကြီးကို ဘယ်လိုထားမယ်၊ လိုလေသေးမရှိအောင်၊ အများအားကျရအောင် ဖန်ဆင်းပေးမယ် စသဖြင့် တွေးထားတတ်ကြတယ်။

အိုခေ၊ ကိုယ်ကလည်း အရည်အချင်း ရှိတယ်၊ အဲ့လို ဦးဆောင်နိုင်တယ်ဆို ပြဿနာ မရှိပါဘူး။ ဒါပေမဲ့ ကိုယ်တိုင်က အရည်အချင်း မရှိလို့သော်လည်းကောင်း၊ မိန်းမက ပိုတော်နေလို့သော်လည်းကောင်း၊ ကျန်းမာရေး အခြေအနေကြောင့်ဖြစ်ဖြစ်၊ မျှော်လင့်မထားတဲ့ ပြဿနာ (ဥပမာ Covid) ကြောင့်ဖြစ်ဖြစ် အလုပ်ပြုတ်သွားတဲ့အခါမှာသော်လည်းကောင်း အဲဒီ ပြဿနာက စတက်လာပါတယ်။ ကျွန်တော်တို့ရဲ့ အတ္တ (Ego) ကို လာထိတာပေါ့။

ကျွန်တော်တို့တွေကလေ ပွဲတစ်ခုကို သွားတဲ့အခါ ဒါ ကျွန်မအမျိုးသားလေ ဆိုပြီး မိတ်ဆက်ခံချင်တာ မဟုတ်ပါဘူး။ ဒါ ကျွန်တော့်အမျိုးသမီးပါလို့ပဲ မိတ်ဆက်ပေးချင်တာပါ။ ဒါ အမျိုးသားအများစုရဲ့ ဆန္ဒပဲ။ ဒါကို သဘောမပေါက်တဲ့အခါ ငါ ဒီလောက် လိုလေသေးမရှိ ထားပေးပါရက်နဲ့၊ နင်တောင် ဘာမှ ရှာကျွေးစရာ မလိုဘူး အဲဒါကိုတောင် ဖောက်ပြန်ရလား ဆိုပြီး အပြစ်တင်ကြရော။

တကယ်တော့ အစ်မတို့ ညီမတို့ဆီမှာ မရခဲ့တဲ့ ကိုယ့်ကိုယ်ကိုယ် လေးစားမှု (Self-esteem) က အဲ့ကောင်မလေးနဲ့မှ သွားရတာပါ။ လှတာ၊ ငယ်တာတွေနဲ့ပဲလည်း အခါခပ်သိမ်း ဆိုင်တာ မဟုတ်ပါဘူး။ ဒါကို ယောက်ျားအချင်းချင်းပဲ နားလည်ကြပါတယ်။ အိမ်တွင်းအကြမ်းဖက်မှုတွေမှာဆိုလည်း ဒီလို ကိုယ့်ကိုယ်ကိုယ် လေးစားမှု ပျောက်ဆုံးနေခြင်းက အကြောင်းရင်းတစ်ခုအနေနဲ့ ပါဝင်နေတယ်။ သူ့ထက် ခွန်အားနည်းတဲ့ မိန်းမကို နိုင်စားခြင်းကနေမှ အဲဒီလို Self-esteem ကို ရနေတာကိုး။

အဲဒီလို အသုံးမကျခြင်း၊ မအောင်မြင်ခြင်းတွေကို ထပ်ပြီး အားဖြည့်ပေးလိုက်တာက သူတို့ကိုယ်သူတို့ မြင်ထားတဲ့ Self-image ပဲ။

သူ့ရဲ့ ငယ်ဘဝမှာ မင်းက သောက်သုံးကို မကျဘူး။ မင်း ယောက်ျားဖြစ်ပြီး ဒါလေးတောင် မလုပ်တတ်ဘူးလား၊ မင်း အသက်ကြီးလာရင် မင်းမိသားစုကို မင်းဘယ်လိုဦးဆောင်မလဲ စတဲ့ အပြစ်တင်သံတွေနဲ့ ပြည့်နှက်နေခဲ့မယ်။

ဒါမှမဟုတ်လည်း ကလေးတစ်ယောက်လိုပဲ ထားခံခဲ့ရမယ်၊ ဟိုဟာဆိုလည်း မလုပ်နဲ့၊ ဒီဟာဆိုလည်း ဟယ် သားတစ်ယောက်တည်း မဖြစ်ပါဘူး၊ စိတ်မချဘူး၊ အမေတို့ပါ လိုက်မယ် စသဖြင့် လုပ်ခံခဲ့ရမယ် ဆိုရင် သူ့မှာ Negative self-image ရှိနေလိမ့်မယ်။

အဲဒီအခါ ကိုယ့်ကိုယ်ကိုယ် လေးစားမှုက ပျောက်လာမယ်။ ဘယ်သူနဲ့မဆို သူ့မိန်းမကို အထင်လွဲမယ်။ သူ့မိန်းမက သူ့ထက် တခြားတစ်ယောက်ကို ပိုအားကိုးနေတယ်၊ အထင်ကြီးနေတယ် ဆိုတဲ့ ခံစားချက်က ယောက်ျားတစ်ယောက်အတွက် သိပ်ခံရခက်တယ်။

မထက်မြက်ရဘူး မပြောပါဘူး။ ကိုယ့်ယောက်ျားရဲ့ Self-image က ဘယ်လိုနေတယ် ဆိုတာလေး ထည့်စဉ်းစားစေချင်တာ။ သူ့ကို တစ်နေ့တစ်နေ့ အသုံးဝင်နေတယ် ဆိုတဲ့ ခံစားချက်မျိုး ရအောင် လုပ်စေချင်တာ။

ပွဲတစ်ခုမှာ တက်ရောက်လာသူ အစ်မတစ်ယောက်က ထဆွေးနွေးတယ်။ သူက သူတို့မိသားစုမှာ ဝင်ငွေရှာသူ။ သူ့အမျိုးသားက အိမ်မှုကိစ္စလုပ်တယ်၊ နောက်ကနေ အကုန်ပံ့ပိုးပေးတယ်။ စစချင်းတော့ တဲ့၊ သူ့ယောက်ျားကို နောက်ကြပြောင်ကြတယ်ပေါ့လေ။ မင်းက မိန်းမရ ကံကောင်းတယ် ဘာညာပေါ့။ နောက်တော့ သူက အဲ့လိုနောက်တာကို မကြိုက်ကြောင်း ပြတ်ပြတ်သားသား ပြောတယ်၊ သူ့ယောက်ျားက သူတို့ မိသားစုအတွက် ဘယ်လောက်အရေးပါကြောင်း လူပုံအလယ် အမြဲ ရှင်းပြတယ်၊ အခွင့်ကြုံတိုင်းလည်း သူ့ယောက်ျားကို ချီးကျူးတယ်၊ ဒီလိုနဲ့ တဖြည်းဖြည်း အဆင်ပြေလာပါတယ် ဆိုပြီး ဝေမျှသွားပါတယ်။

သူ အဲ့လိုလုပ်လိုက်တာနဲ့ပဲ သူ့ယောက်ျားရဲ့ စိတ်တွေ တကယ်အဆင်ပြေမပြေတော့ ကျွန်တော်လည်း မသိဘူးပေါ့။ သို့သော် ယောက်ျားတွေရဲ့ စိတ်ကို နားလည်ပြီးမှ လုပ်သွားတဲ့ ချဉ်းကပ်မှုလေးကို သဘောကျလို့ ဝေမျှချင်တာပါပဲ။

◾️၃။ အိမ်ထောင်ရေးကို အယုံအကြည် မရှိမှု

ငယ်ငယ်ကတည်းက အဖေနဲ့ အမေ ရန်ဖြစ်တာကို အမြဲမြင်တွေ့ ကြားသိနေခဲ့ရမယ်ဆိုရင် သူ့အတွက်တော့ အိမ်ထောင်ရေးဆိုတာ ပျော်ရွှင်မှုတွေကို အဆုံးသတ်စေတဲ့ အရာအဖြစ် စွဲနေတတ်တယ်။ တစ်ယောက်ယောက်နဲ့ တစ်ဘဝလုံး အတူတူ ဖြတ်သန်းရမှာကြီးကို စိုးရိမ်တယ်။ ငါ ဘယ်သူနဲ့မှ အဲ့လို အဆင်ပြေအောင် နေနိုင်မှာ မဟုတ်ဘူးလို့ ထင်မယ်။ လူတွေဟာ ပြောင်းလဲသွားမှာပဲ ဆိုတဲ့ အမြင်မျိုးနဲ့ပဲ ကြည့်မိနေမယ်။ အဲ့လိုလူမျိုးက ရည်းစားသာ ထားမယ်။ လက်ထပ်ဖို့ကျ တွန့်ဆုတ်နေတတ်တယ်။ အဲဒါ အပျော်ကြံတာ မဟုတ်ဘူး။ မချစ်တာ မဟုတ်ဘူး။ သူ့မှာ ရှိနေတဲ့ စိတ်ဒဏ်ရာအစွဲတစ်ခုပဲ။ နည်းနည်းလေး အဆင်မပြေ ဖြစ်ရင်ကို ကြိုးစားညှိနှိုင်းတာမျိုး မလုပ်တော့ဘဲ မြန်မြန်ဆန်ဆန် အဆုံးသတ်ပစ်လိုက်တတ်တယ်။ တကယ်က ပြဿနာက သိပ်မကြီးဘူး။ ငါနဲ့တော့ မဖြစ်ပါဘူး ဆိုတဲ့ အစွဲက အဓိက ပြဿနာပေးနေတာ။ အဲဒါကို ပြေပျောက်အောင် အတော်လေး ဖေးဖေးမမနဲ့ စိတ်ရှည်ပေးရပါလိမ့်မယ်။

◾️၄။ တစ်ဖက်သားအပေါ် ယုံကြည်မှု နည်းပါးတာ

ကျွန်တော်တို့ သတိထားမိသည်ဖြစ်စေ၊ မထားမိသည်ဖြစ်စေ၊ ကိုယ့်ဘဝရဲ့ ပထမဦးဆုံး Idol ဟာ အဖေနဲ့ အမေပဲ။ ကိုယ် ခပ်ငယ်ငယ်မှာ အဖေက သစ္စာဖောက်သွားမယ်၊ အမေ့ပါးစပ်က ထွက်သမျှစကားက အလိမ်အညာတွေချည်း ဖြစ်နေမယ် ဆိုရင် အဲဒီကလေးက အသက်ကြီးလာတဲ့အခါ လူတွေကို အယုံအကြည်နည်းမယ်။ မယုံရင် မီးပွိုင့်မှာ စံပယ်ပန်း ရောင်းတဲ့ ကလေးတွေကို ပိုက်ဆံ နောက်မှ ပြန်လာပေးမယ်၊ လောလောဆယ် ပန်းအရင်ပေးလိုက် ဆို ပေးမလား မပေးဘူးလား စမ်းကြည့်ပါ။ ပေးမှာ မဟုတ်ပါဘူး။ ဘာလို့လဲ။ မယုံလို့ပါ။ လူတွေကို ယုံရင် ငါပဲ ခံရမှာ ဆိုတဲ့ အသိကို သူတို့ဘဝက သင်ပေးထားလို့ပါ။

အဲဒီအခါ ကိုယ့်ရဲ့ ဘာမဟုတ်တဲ့ ဖုံးကွယ်မှုလေးတစ်ခုကတင် သူ့ကို ဒဏ်ရာတွေ ရစေလိမ့်မယ်။ မပြောပလောက်တဲ့ အထင်လွဲစရာလေးက သူနဲ့ကိုယ်နဲ့ ဆက်ဆံရေးကို အဖုအထစ် ဖြစ်စေလိမ့်မယ်။

ကိုယ့်ဘက်က ကြည့်ရင်တော့ ငါ့ကို မယုံတာလား၊ ငါ့ကို စော်ကားတယ်ပေါ့။ တကယ်တော့ သူကိုယ်က အယုံအကြည် နည်းတာပါ။ ဒါကို နားလည်ပေးပြီး သတိထားပေးမယ်ဆိုရင် အဆင်ပြေနိုင်ပါတယ်။

စိတ်ဒဏ်ရာ ဆိုတဲ့ Psychological trauma က ကူးစက်ရောဂါတော့ မဟုတ်ပေမဲ့ သူ့ကိုယ်သူ သတိမထားမိရင် ဘေးပတ်ဝန်းကျင်ကို ဒုက္ခလိုက်ပေးတတ်တဲ့ သဘောရှိတယ်။ နောက်ဆုံး ကိုယ်ကနေ ကိုယ့်လိုပဲ စိတ်ဒဏ်ရာအပြည့်နဲ့ ဖြစ်နေမဲ့ ကောင်ကလေး၊ ကောင်မကလေးတွေကို လူ့လောကကြီးဆီ ထပ်တင်ပို့လိုက်သလို ဖြစ်သွားတတ်ပါတယ်။

ဒါကြောင့် ကိုယ့်မှာ ရှိနေတဲ့ စိတ်ဒဏ်ရာတွေကို သတိထားမိအောင် လုပ်ပါ။ စိတ်ပိုင်းဆိုင်ရာနဲ့ ပတ်သက်တဲ့ စာအုပ်တွေ၊ အဲ့လို စိတ်ဒဏ်ရာတွေအကြောင်း သေသေချာချာ ရေးဖွဲ့ထားတဲ့ ဝတ္ထုတွေ ဖတ်ပါ။ လိုအပ်ရင်လည်း ကျွမ်းကျင်သူနဲ့ ဆွေးနွေးကြည့်ပါ။ မရှက်ပါနဲ့။ ရှက်စရာလည်း မဟုတ်ပါဘူး။ မရှိဘူး မဖြစ်ဘူးဆိုပြီး အတင်းချိုးနှိမ်ထားတာက ပိုဆိုးစေပါတယ်။ ကိုယ့်လက်တွဲဖော်ကိုလည်း ပွင့်ပွင့်လင်းလင်း ပြောပြထားပါ။ သူ့မှာရော ဘယ်လိုစိတ်ဒဏ်ရာတွေ ရှိနေလဲ သိအောင်လုပ်ပါ။ နားလည်ပေးပါ။ ဖေးမပေးပါ။

​အပြီးသတ် ​ပျောက်မ​ပျောက်​တော့ မသိ​ပေမဲ့၊ ရှိ​နေမှန်း မသိတာ၊ အတင်းဖုံးကွယ် ငြင်းဆန်ထားတာထက်စာရင်​ အရှိအတိုင်း လက်ခံ​ပေးလိုက်တာ၊ ကုစားဖို့ ကြိုးစားတာက ပို​ကောင်းတယ်ဆိုတာ​တော့ အ​သေအချာပါပဲ။

ဒေါက်တာ ဖြိုးသီဟ
၁၄.၄.၂၀၂၀

Photo credit - pixabay

ที่อยู่

26/2 RaUthit Road, Maesot
Tak
63110

เบอร์โทรศัพท์

+66821757987

เว็บไซต์

แจ้งเตือน

รับทราบข่าวสารและโปรโมชั่นของ Honouring Fallen Political Prisonersผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ องค์กรนั้น

ส่งข้อความของคุณถึง Honouring Fallen Political Prisoners:

ทางลัด

แชร์

ประเภท