เว็บไซต์คืออะไร?

https://www.facebook.com/108161424185191/

BWFM, Tak (2026)

22/09/2026

ဖိလစ်ပိုင်တွင် အဓမ္မလုပ်အားပေးခိုင်းစေမှု တိုက်ဖျက်ရေး ILO နှင့် ကနေဒါ ပူးပေါင်း

စက်တင်ဘာ ၂၂၊ ၂၀၂၆

အပြည်ပြည်ဆိုင်ရာအလုပ်သမားအဖွဲ့ (ILO) နှင့် ကနေဒါအစိုးရတို့သည် ဖိလစ်ပိုင်နိုင်ငံတွင် အဓမ္မလုပ်အားပေးခိုင်းစေမှု ပပျောက်ရေးအတွက် လေးနှစ်ကြာ စီမံကိန်းတစ်ရပ်ကို စတင်လိုက်ကြောင်း ILO က ထုတ်ပြန်သည်။
PRIME PH ဟု အမည်ပေးထားသည့် အဆိုပါစီမံကိန်းသည် အလုပ်သမားများအား ကာကွယ်ပေးနိုင်ရေး၊ တရားမျှတမှုရရှိရေးနှင့် အဓမ္မလုပ်အားပေးခိုင်းစေမှု ဖြစ်စဉ်များကို ဖော်ထုတ်တားဆီးနိုင်ရေးအတွက် အစိုးရ၊ အလုပ်သမားအဖွဲ့အစည်းများ၊ အလုပ်ရှင်များနှင့် အခြားအဖွဲ့အစည်းများ ပူးပေါင်းဆောင်ရွက်ရန် ရည်ရွယ်ထားသည်။
စီမံကိန်းသည် ၂၀၂၆ ခုနှစ်မှ ၂၀၃၀ ခုနှစ် ဖေဖော်ဝါရီအထိ လုပ်ဆောင်သွားမည်ဖြစ်ပြီး စိုက်ပျိုးရေးနှင့် ထုတ်လုပ်ရေးကဏ္ဍများကိုလည်း အာရုံစိုက်သွားမည်ဖြစ်သည်။

22/09/2026

ချွန်ဘူရီတွင် မြန်မာ ၂၀ ဦးပါ ငါးဖမ်းလှေတိမ်းမှောက်၊ ၃ ဦးသေဆုံး ၄ ဦးပျောက်ဆုံး

စက်တင်ဘာ ၂၂၊ ၂၀၂၆

ထိုင်းနိုင်ငံ၊ ချွန်ဘူရီပြည်နယ် ကမ်းလွန်ပင်လယ်ပြင်တွင် ထိုင်းနိုင်ငံသား ၂ ဦးနှင့် မြန်မာနိုင်ငံသား ၂၀ ဦး စုစုပေါင်း ၂၂ ဦး လိုက်ပါလာသည့် “S. Kanchana Waree 888” ငါးဖမ်းလှေ တိမ်းမှောက်နစ်မြုပ်ခဲ့ရာ လူ ၁၅ ဦးကို ကယ်ဆယ်နိုင်ခဲ့ပြီး ၃ ဦး သေဆုံးကာ ၄ ဦး ပျောက်ဆုံးနေကြောင်း သိရသည်။

လှေသည် စက်တင်ဘာ ၂၁ ရက် ညပိုင်းတွင် ချွန်ဘူရီကမ်းလွန် ပင်လယ်ပြင်၌ တိမ်းမှောက်နစ်မြုပ်ခဲ့ခြင်းဖြစ်ပြီး ကမ်းခြေမှ ရေမိုင် ၄၀ ခန့်အကွာတွင် ဖြစ်ပွားခဲ့ကြောင်း ကနဦးသတင်းများအရ သိရသည်။

ဖြစ်စဉ်သတင်းရရှိပြီးနောက် ထိုင်းတော်ဝင်ရေတပ် ဒေသ ၁ က ရှာဖွေကယ်ဆယ်ရေးလုပ်ငန်းများ စတင်ဆောင်ရွက်ခဲ့ပြီး ကင်းလှည့်လှေ T.112 နှင့် လေကြောင်းမှ ရှာဖွေရေးရဟတ်ယာဉ်များ အသုံးပြုကာ ပျောက်ဆုံးနေသူများကို ရှာဖွေနေသည်။

ပျောက်ဆုံးနေသူ ၇ ဦးအနက် အလောင်း ၃ လောင်းကို ပြန်လည်တွေ့ရှိခဲ့ပြီး ကျန် ၄ ဦးကို ဆက်လက်ရှာဖွေနေဆဲဖြစ်သည်။ သေဆုံးသူများအနက် အသက် ၄၇ နှစ်အရွယ် လှေကပ္ပတိန် ဝီချန် မယ်အန်း ပါဝင်ကြောင်း ကနဦးသတင်းများတွင် ဖော်ပြထားသည်။

လှေတိမ်းမှောက်နစ်မြုပ်ရသည့် အကြောင်းရင်းနှင့် သေဆုံး၊ ပျောက်ဆုံးသူများ၏ အသေးစိတ်အချက်အလက်များကို သက်ဆိုင်ရာတာဝန်ရှိသူများက ဆက်လက်စုံစမ်းနေကြောင်း သိရသည်။

Photo - Credit

#ထိုင်းနိုင်ငံ
#ချွန်ဘူရီ
#ငါးဖမ်းလှေ
#မြန်မာအလုပ်သမား

22/09/2026

ချွန်ဘူရီတွင် မြန်မာဆောက်လုပ်ရေးလုပ်သားများတင်ဆောင်လာသည့် ၆ ဘီးကား တိမ်းမှောက်၊ ၉ ဦးဒဏ်ရာရ

စက်တင်ဘာ ၂၂၊ ၂၀၂၆

ထိုင်းနိုင်ငံ ချွန်ဘူရီပြည်နယ်၊ ဘန်လမွန်ခရိုင် နောင်ပလာလိုင်းဒေသတွင် ဆောက်လုပ်ရေးလုပ်သားများ တင်ဆောင်လာသည့် ၆ ဘီးထရပ်ကားတစ်စီး စက်တင်ဘာ ၂၂ ရက် နံနက်ပိုင်းက တိမ်းမှောက်ခဲ့ပြီး လူ ၉ ဦး ဒဏ်ရာရရှိခဲ့ကြောင်း သိရသည်။

အဆိုပါဖြစ်စဉ်သည် အဝေးပြေးလမ်းမကြီး ၃၆ ပေါ်တွင် ဖြစ်ပွားခဲ့ခြင်းဖြစ်ပြီး ဒဏ်ရာရသူများအနက် အမျိုးသား ၁ ဦးမှာ ပြင်းထန်ဒဏ်ရာရရှိခဲ့ကာ အမျိုးသား ၃ ဦး အလယ်အလတ်နှင့် အမျိုးသား ၃ ဦး၊ အမျိုးသမီး ၂ ဦးမှာ အနည်းငယ်ဒဏ်ရာရရှိခဲ့ကြောင်း ကနဦးသတင်းများအရ သိရသည်။

ကယ်ဆယ်ရေးအဖွဲ့များက ဒဏ်ရာရသူများကို ဆေးဘက်ဆိုင်ရာအဖွဲ့များနှင့် ပူးပေါင်းကာ နီးစပ်ရာဆေးရုံများသို့ ပို့ဆောင်ပေးခဲ့ကြသည်။

ယာဉ်တိမ်းမှောက်မှုနှင့် ပတ်သက်၍ ဘန်လမွန်ရဲစခန်းက စုံစမ်းစစ်ဆေးမှုများ ဆက်လက်ပြုလုပ်နေကြောင်း သိရသည်။

Ref: Chonburi News Hawk / Fern Pattaya

#မြန်မာရွေ့ပြောင်း

21/09/2026

ICC တစ်ရုံးလုံးကို ပိတ်ဆို့အရေးယူရန် ထရမ့်အစိုးရ ပြင်ဆင်နေဟု Reuters ဖော်ပြ

စက်တင်ဘာ ၂၁၊ ၂၀၂၆

အမေရိကန်သမ္မတ ဒေါ်နယ်ထရမ့်၏ အစိုးရအဖွဲ့သည် နိုင်ငံတကာရာဇဝတ်မှုခုံရုံး (ICC) တစ်ရုံးလုံးကို ပစ်မှတ်ထားသည့် ပိတ်ဆို့အရေးယူမှုများ ချမှတ်ရန် ပြင်ဆင်ထားပြီး မကြာမီ ကြေညာဖွယ်ရှိကြောင်း ကိစ္စနှင့် နီးစပ်သည့် သတင်းရင်းမြစ်နှစ်ဦးကို ကိုးကား၍ Reuters က စက်တင်ဘာ ၂၀ ရက်တွင် ဖော်ပြသည်။

The Wall Street Journal ၏ ဖော်ပြချက်အရ အဆိုပါ ပိတ်ဆို့အရေးယူမှုများ ချမှတ်ပါက အမေရိကန်နိုင်ငံသားများနှင့် အမေရိကန်ကုမ္ပဏီများအနေဖြင့် အမေရိကန်ဘဏ္ဍာရေးဝန်ကြီးဌာန၏ နိုင်ငံခြားပိုင်ဆိုင်မှုများ ထိန်းချုပ်ရေးရုံး (OFAC) ထံမှ ခွင့်ပြုချက်မရှိဘဲ ICC နှင့် ငွေကြေး၊ ကုန်ပစ္စည်းနှင့် ဝန်ဆောင်မှုဆိုင်ရာ အများစုသော လုပ်ငန်းများ ဆောင်ရွက်နိုင်မည်မဟုတ်ကြောင်း သိရသည်။ ထိုစည်းမျဉ်းများ အပြည့်အဝသက်ရောက်ရန် ၆ လမှ ၇ လခန့် အချိန်ကာလပေးထားနိုင်ကြောင်းလည်း ဖော်ပြထားသည်။

အဆိုပါလုပ်ဆောင်ချက်သည် ယခင်က ICC တရားသူကြီးများ၊ အစိုးရရှေ့နေများနှင့် တာဝန်ရှိသူတချို့ကိုသာ ပိတ်ဆို့အရေးယူခဲ့ရာမှ တရားရုံးအဖွဲ့အစည်းတစ်ခုလုံးကို တိုက်ရိုက်ပစ်မှတ်ထားလာခြင်းဖြစ်သည်။ အမေရိကန်ဘဏ္ဍာရေးဝန်ကြီးဌာန OFAC သည် ၂၀၂၆ ခုနှစ် မေလနှင့် ဩဂုတ်လများအတွင်း ICC နှင့် ဆက်စပ်သူများကို ပိတ်ဆို့အရေးယူထားပြီး ICC ဆိုင်ရာ ပိတ်ဆို့အရေးယူမှုအစီအစဉ်ကိုလည်း လက်ရှိကျင့်သုံးနေသည်။

အမေရိကန်အစိုးရဘက်က ICC သည် အမေရိကန်နှင့် အစ္စရေးကဲ့သို့ တရားရုံးအဖွဲ့ဝင်မဟုတ်သည့် နိုင်ငံများ၏ တာဝန်ရှိသူများအပေါ် တရားစီရင်ပိုင်ခွင့်ကို အသုံးပြုနေသည်ဟု ကန့်ကွက်ထားသည်။ အထူးသဖြင့် ဂါဇာစစ်ပွဲနှင့် ပတ်သက်၍ အစ္စရေးဝန်ကြီးချုပ် ဘင်ဂျမင် နေတန်ယာဟုနှင့် ဝန်ကြီးဟောင်း ယိုအာဗ် ဂါလန့်တို့အပေါ် ICC က ဖမ်းဝရမ်းထုတ်ခဲ့ခြင်းနှင့် အာဖဂန်နစ္စတန်ရှိ အမေရိကန်တပ်ဖွဲ့ဝင်များနှင့် ပတ်သက်သည့် ယခင် ICC စုံစမ်းစစ်ဆေးမှုများကို အမေရိကန်က ကန့်ကွက်ထားသည်။

အမေရိကန်နိုင်ငံခြားရေးဝန်ကြီး မာကိုရူဘီယိုကလည်း ဇူလိုင်လအတွင်း ICC ကို နိုင်ငံတကာအနေဖြင့် သီးခြားဖြစ်လာစေရန် ရည်ရွယ်သည့် လှုပ်ရှားမှုတစ်ရပ်ကို ကြေညာခဲ့ပြီး အခြားနိုင်ငံများကို ICC မှ နုတ်ထွက်ရန် တိုက်တွန်းခဲ့သည်။

ICC တစ်ရုံးလုံးအပေါ် ပိတ်ဆို့အရေးယူမှုများ ချမှတ်ပါက တရားရုံး၏ နေ့စဉ်လုပ်ငန်းများဖြစ်သည့် IT ဝန်ဆောင်မှုများ၊ အာမခံဝန်ဆောင်မှုများ၊ စုံစမ်းစစ်ဆေးရေးမှူးများ ငှားရမ်းခြင်းနှင့် ငွေပေးချေမှုများအပေါ် ထိခိုက်နိုင်ကြောင်း ICC တာဝန်ရှိသူများက ယခင်က သတိပေးထားသည်။

သို့သော် အဆိုပါ ပိတ်ဆို့အရေးယူမှုများကို အမေရိကန်အစိုးရက တရားဝင်ကြေညာပြီးဖြစ်သည်ဟု မဆိုနိုင်သေးဘဲ၊ Reuters ၏ ဖော်ပြချက်အရ အစိုးရအဖွဲ့က ပြင်ဆင်ထားခြင်းဖြစ်ပြီး အတိအကျ မည်သည့်အချိန်တွင် ကြေညာမည်ကို မသိရသေးကြောင်း သိရသည်။ The Wall Street Journal ကမူ ကုလသမဂ္ဂ အထွေထွေညီလာခံ ကျင်းပနေသည့် ယခုတစ်ပတ်အတွင်း သို့မဟုတ် ထိုနောက်ပိုင်းတွင် ဆုံးဖြတ်ချက် ထွက်ပေါ်လာနိုင်ကြောင်း ဖော်ပြထားသည်။

အမေရိကန်သည် ICC ကို တည်ထောင်သည့် ရောမဥပဒေ (Rome Statute) ၏ အဖွဲ့ဝင်နိုင်ငံ မဟုတ်သည့်အပြင် ICC ၏ အဖွဲ့ဝင်နိုင်ငံလည်း မဖြစ်ခဲ့ဖူးကြောင်း သိရသည်။

#ထရမ့်

19/09/2026

ရယောင်းတွင် မြန်မာနိုင်ငံသား ရုပ်အလောင်းစွန့်ပစ်ခဲ့သည့် တရုတ်နိုင်ငံသား ၂ ဦး ဖမ်းဆီးခံရ

စက်တင်ဘာ ၁၉၊ ၂၀၂၆

ထိုင်းနိုင်ငံ ရယောင်းခရိုင် မပ်ခါဒေသရှိ ဘုန်းကြီးကျောင်းတစ်ကျောင်းတွင် မြန်မာနိုင်ငံသားတစ်ဦး၏ ရုပ်အလောင်းကို လာရောက်စွန့်ပစ်ခဲ့သည့် တရုတ်နိုင်ငံသား ၂ ဦးကို ရဲတပ်ဖွဲ့က ဖမ်းဆီးစစ်ဆေးနေကြောင်း သိရသည်။

စက်တင်ဘာ ၁၉ ရက် နံနက် ၁ နာရီခန့်တွင် တရုတ်နိုင်ငံသား ၃-၄ ဦးက ရုပ်အလောင်းကို ပစ်ကပ်ကားဖြင့် သယ်ဆောင်လာကာ ဘုန်းကြီးကျောင်းအတွင်း ထားခဲ့ပြီး တာဝန်ရှိသူများ ရောက်ရှိလာချိန်တွင် ကားထားခဲ့ကာ ထွက်ပြေးသွားကြောင်း သိရသည်။

ဖမ်းဆီးခံရသူများ၏ ထွက်ဆိုချက်အရ အလုပ်သမားစခန်းအတွင်း အချင်းချင်း စကားများရာမှ ဓားထိုးမှုဖြစ်ပွားပြီး မြန်မာနိုင်ငံသားတစ်ဦး သေဆုံးခဲ့သဖြင့် ရုပ်အလောင်းကို ဘုန်းကြီးကျောင်းသို့ သယ်ဆောင်လာခဲ့ခြင်းဖြစ်ကြောင်း ရဲတပ်ဖွဲ့ထံ ထွက်ဆိုထားသည်။

အဆိုပါအလုပ်သမားစခန်းကို ရဲတပ်ဖွဲ့က သွားရောက်စစ်ဆေးရာ အလုပ်သမားများ ပစ္စည်းများသိမ်းဆည်းကာ ထွက်ခွာသွားသည်ကို တွေ့ရှိခဲ့ပြီး ဖြစ်စဉ်တစ်ခုလုံးကို ဆက်လက်စုံစမ်းနေကြောင်း သိရသည်။

Ref — Zoom Rayong / อนุวัตจัดให้

#ရယောင်း
#ထိုင်းနိုင်ငံ
#မြန်မာအလုပ်သမား

19/09/2026

ခွင့်ပြန်လုပ်သားများ ပြည်ပပြန်ထွက်ခွာရန် လွှဲပို့ငွေ ၂၅% နှင့် အခွန် ၂% ပေးဆောင်ထားကြောင်း အထောက်အထားပြရမည်

စက်တင်ဘာ ၁၉၊၂၀၂၆

ခွင့်ပြန်လုပ်သားများအနေဖြင့် ပြည်ပသို့ ပြန်လည်ထွက်ခွာခွင့် တင်ပြရာတွင် မိသားစုထံ လစာ၏ ၂၅ ရာခိုင်နှုန်း တရားဝင်လွှဲပို့ထားကြောင်းနှင့် ဝင်ငွေခွန် ၂ ရာခိုင်နှုန်း ပေးဆောင်ထားကြောင်း အထောက်အထားများ တင်ပြရမည်ဖြစ်ကြောင်း စစ်ကောင်စီ၏အလုပ်သမားဝန်ကြီးဌာန၏ Safe Migration က ထုတ်ပြန်ထားသည်။

ထွက်ခွာခွင့်တင်ပြရာတွင် နိုင်ငံကူးလက်မှတ်၊ သက်တမ်းရှိ OWIC၊ အလုပ်လုပ်ခွင့်ပါမစ်/ဗီဇာ၊ ပြည်ဝင်/ပြည်ထွက်တံဆိပ်တုံးပါ စာမျက်နှာမိတ္တူ၊ လေယာဉ်လက်မှတ်၊ အလုပ်ရှင်၏ ခွင့်စာ၊ မိသားစုလွှဲပို့ငွေ ၂၅ ရာခိုင်နှုန်း အထောက်အထား၊ ဝင်ငွေခွန် ၂ ရာခိုင်နှုန်း ပေးဆောင်ထားသည့် အထောက်အထား၊ သက်ဆိုင်ရာသံရုံးထောက်ခံချက်နှင့် ရောက်ရှိကြောင်းသတင်းပို့ပုံစံတို့အပါအဝင် အချက် ၁၀ ချက် တင်ပြရမည်ဖြစ်သည်။

မိသားစုထံ ၂၅ ရာခိုင်နှုန်း လွှဲပို့ထားသည့် အထောက်အထားများကို ၂၀၂၄ ခုနှစ် ဩဂုတ် ၂၈ ရက်မှ စတင်၍ လွှဲပို့ထားမှုအပေါ် အခြေခံတင်ပြရမည်ဟု ထုတ်ပြန်ချက်တွင် ဖော်ပြထားသည်။

#ခွင့်ပြန်လုပ်သားများ
#ပြည်ပပြန်လည်ထွက်ခွာခွင့်
#လွှဲပို့ငွေ
#၂၅ရာခိုင်နှုန်း
#ဝင်ငွေခွန်
#၂ရာခိုင်နှုန်း

#မြန်မာလုပ်သား
#ပြည်ပအလုပ်အကိုင်

18/09/2026

📢 "ဦးကျော်မိုးထွန်းအား ကုလသမဂ္ဂတွင် မြန်မာနိုင်ငံ၏ ကိုယ်စားလှယ်အဖြစ် ဆက်လက်ထားရှိရေး BWFM အဖွဲ့ဝင်များ တောင်းဆို"

မြန်မာနိုင်ငံ၏ ပြည်သူများနှင့် အလုပ်သမားထု၏ အသံကို ကုလသမဂ္ဂတွင် ဆက်လက်ကိုယ်စားပြုနိုင်ရေးအတွက် မြန်မာနိုင်ငံဆောက်လုပ်ရေးနှင့် သစ်လုပ်ငန်းအလုပ်သမားသမဂ္ဂများအဖွဲ့ချုပ် (BWFM) အဖွဲ့ဝင်များက ဦးကျော်မိုးထွန်းအား မြန်မာနိုင်ငံ၏ ကုလသမဂ္ဂကိုယ်စားလှယ်အဖြစ် ဆက်လက်ထားရှိရန် တောင်းဆိုလိုက်သည်။

အလုပ်သမားများ၏ အခွင့်အရေး၊ ပြည်သူများ၏ ဆန္ဒနှင့် မြန်မာနိုင်ငံ၏ အနာဂတ်အတွက် မိမိတို့၏အသံကို စည်းလုံးညီညွတ်စွာ ထုတ်ဖော်တောင်းဆိုကြခြင်းဖြစ်သည်။

"အလုပ်သမားထု၏ အသံသည် ပြည်သူ့အသံဖြစ်သည်။"

အလုပ်သမားများ၏ စည်းလုံးညီညွတ်မှုဖြင့် မြန်မာပြည်သူများ၏ အသံကို နိုင်ငံတကာအသိုင်းအဝိုင်းထံ ဆက်လက်ကြားသိစေရန် ကြိုးပမ်းသွားကြမည်။

✊ "အလုပ်သမားထု စည်းလုံးညီညွတ်ရေး — ပြည်သူ့အသံ ထုတ်ဖော်ရေး"

#မြန်မာနိုင်ငံဆောက်လုပ်ရေးနှင့်သစ်လုပ်ငန်းအလုပ်သမားသမဂ္ဂများအဖွဲ့ချုပ်

#အလုပ်သမားအခွင့်အရေး

18/09/2026

ထိုင်းဥပဒေချိုးဖောက်သည့် နိုင်ငံခြားသားများ ထိုင်းနိုင်ငံမှ ထွက်ခွာရန် ဝန်ကြီးချုပ် အနူတင် သတိပေး

စက်တင်ဘာ ၁၈၊ ၂၀၂၆

ထိုင်းနိုင်ငံ၏ ဥပဒေများကို ချိုးဖောက်ခြင်း သို့မဟုတ် ထိုင်းပြည်သူများအပေါ် ခေါင်းပုံဖြတ် အနိုင်ကျင့်ခြင်းများ ပြုလုပ်နေသည့် နိုင်ငံခြားသားများအနေဖြင့် ထိုင်းနိုင်ငံမှ ထွက်ခွာသွားကြရန် ဝန်ကြီးချုပ်နှင့် ပြည်ထဲရေးဝန်ကြီး အနူတင် ချန်ဗီရာကူလ်က ပြင်းထန်စွာ သတိပေးပြောကြားခဲ့ကြောင်း Khaosod English က ဖော်ပြသည်။

စက်တင်ဘာ ၁၇ ရက်တွင် ပြည်ထဲရေးဝန်ကြီးဌာန၌ ပြုလုပ်သည့် မူဝါဒဆိုင်ရာ ရှင်းလင်းပွဲတွင် အနူတင်က နိုင်ငံခြားသားများအနေဖြင့် ထိုင်းနိုင်ငံသို့လာရောက်ပါက ဥပဒေနှင့်အညီ ရိုးသားစွာ အလုပ်လုပ်ကိုင်နေထိုင်ကြရန် ပြောကြားခဲ့သည်။

ထို့အပြင် ထိုင်းနိုင်ငံအတွင်း သီးသန့်သချႋုင်းမြေများ တည်ဆောက်ရန် ကြိုးပမ်းနေသည့် နိုင်ငံခြားသားများနှင့် ပတ်သက်၍လည်း ပြင်းထန်သည့် စကားလုံးများ အသုံးပြုကာ—

“ဒီကိုလာရင် ရိုးရိုးသားသား အလုပ်လုပ်ပြီး အသက်မွေးဝမ်းကျောင်းပြုကြပါ။ သေချင်တယ်ဆိုရင်လည်း ကိုယ့်နိုင်ငံကို ပြန်ပြီး သေကြပါ။ ဒီမှာလာပြီး သေစရာမလိုပါဘူး” ဟု ပြောကြားခဲ့သည်။

အနူတင်က ထိုင်းပြည်သူများအပေါ် ခေါင်းပုံဖြတ်ခြင်း သို့မဟုတ် တရားမဝင် လှုပ်ရှားမှုများတွင် ပါဝင်နေသည်ဟု သတ်မှတ်ခံရသည့် နိုင်ငံခြားသားများနှင့် ပတ်သက်၍ အစိုးရ၏ အရေးယူဆောင်ရွက်မှုများကို ဆွေးနွေးခဲ့ပြီး ပြည်နယ်အာဏာပိုင်များအနေဖြင့်လည်း ဥပဒေစိုးမိုးရေးလုပ်ငန်းများကို အရှိန်မြှင့် ဆောင်ရွက်ရန် ညွှန်ကြားခဲ့သည်။

Photo _AFP

#ထိုင်းနိုင်ငံ
#အနူတင်
#နိုင်ငံခြားသား
#ဥပဒေစိုးမိုးရေး
#ထိုင်းနိုင်ငံရောက်မြန်မာများ
#မြန်မာရွှေ့ပြောင်းအလုပ်သမား

14/09/2026

စံခလဘူရီတွင် အထောက်အထားမဲ့ မြန်မာ ၄၂ ဦး ဖမ်းဆီးခံရ
စက်တင်ဘာ ၁၄၊ ၂၀၂၆

ထိုင်းနိုင်ငံ၊ ကန်ချနဘူရီခရိုင်၊ စံခလဘူရီမြို့နယ်အတွင်း အထောက်အထားမပြနိုင်သည့် မြန်မာနိုင်ငံသား ၄၂ ဦးကို ထိုင်းအာဏာပိုင်များက စက်တင်ဘာ ၁၂ ရက် နံနက်ပိုင်းတွင် ဖမ်းဆီးထိန်းသိမ်းခဲ့ကြောင်း ထိုင်းသတင်းများအရ သိရသည်။

စံခလဘူရီမြို့နယ်၊ နောင်လူးကျေးရွာအုပ်စု၊ အမှတ် (၈) ရပ်ကွက်ရှိ သစ်သီးခြံအနောက်ဘက် တောစပ်တွင် လူအုပ်စုတစ်ခုရှိနေကြောင်း သတင်းရရှိပြီးနောက် နယ်မြေရဲတပ်ဖွဲ့၊ နယ်ခြားစောင့်တပ်ဖွဲ့၊ ဒေသအုပ်ချုပ်ရေးအဖွဲ့နှင့် စစ်တပ်တို့ ပူးပေါင်းစစ်ဆေးခဲ့ခြင်းဖြစ်သည်။

စစ်ဆေးရာတွင် အမျိုးသားနှင့် အမျိုးသမီး စုစုပေါင်း ၄၂ ဦးကို တွေ့ရှိခဲ့ပြီး ထိုင်းနိုင်ငံအတွင်း နေထိုင်ခွင့်ရှိကြောင်း သက်သေပြနိုင်သည့် စာရွက်စာတမ်းများ မပြနိုင်ခဲ့ကြောင်း သိရသည်။ ၎င်းတို့သည် ထိုင်းဘာသာစကားကိုလည်း ပြောဆိုနားလည်နိုင်ခြင်း မရှိကြောင်း ထိုင်းသတင်းများတွင် ဖော်ပြထားသည်။

ဖမ်းဆီးခံရသူများကို စံခလဘူရီရဲစခန်းသို့ ပို့ဆောင်ကာ စစ်ဆေးမေးမြန်းမှုများ ပြုလုပ်နေပြီး ခွင့်ပြုချက်မရှိဘဲ ထိုင်းနိုင်ငံအတွင်း ဝင်ရောက်နေထိုင်သည့် နိုင်ငံခြားသားများဆိုင်ရာ ဥပဒေဖြင့် ဆက်လက်အရေးယူရန် စီစဉ်ထားကြောင်း သိရသည်။

အလားတူ စက်တင်ဘာ ၃ ရက်ကလည်း ကန်ချနဘူရီ–စံဖန်ဘူရီ အဝေးပြေးလမ်းမပေါ်တွင် သံသယဖြစ်ဖွယ် ပစ်ကပ်ယာဉ်တစ်စီးကို ထိုင်းရဲတပ်ဖွဲ့က တားဆီးစစ်ဆေးခဲ့ရာ ယာဉ်ပေါ်တွင် မြန်မာနိုင်ငံသား ယာဉ်မောင်းတစ်ဦးနှင့် အထောက်အထားမဲ့ မြန်မာအမျိုးသား ၆ ဦးကို တွေ့ရှိခဲ့ပြီး ဖမ်းဆီးအရေးယူခဲ့ကြောင်း ထိုင်းသတင်းများအရ သိရသည်။

#မြန်မာရွှေ့ပြောင်းအလုပ်သမား
#အထောက်အထားမဲ့
#မြန်မာနိုင်ငံသား
#ထိုင်းနိုင်ငံ
#ကန်ချနဘူရီ
#စံခလဘူရီ
#ဘုရားသုံးဆူ
#ရွှေ့ပြောင်းအလုပ်သမားအရေး
#အလုပ်သမားအခွင့်အရေး

12/09/2026

ဂျပန်တရားရုံးက လုပ်အားခ ခေါင်းပုံဖြတ်ခံရသော မြန်မာ အလုပ်သမားအမျိုးသမီးကို အနိုင်ပေး

စက်တင်ဘာ ၁၂၊ ၂၀၂၆

ဂျပန်နိုင်ငံ တိုကျိုမြို့က ခေါက်ဆွဲဆိုင်မှာ အလုပ်လုပ်ခဲ့တဲ့ အသက် ၃၀ အရွယ် မြန်မာအမျိုးသမီးတစ်ဦးရဲ့ လစာကို အလွန်အကျွံ ဖြတ်တောက်ခဲ့တဲ့အမှုမှာ တိုကျိုခရိုင်တရားရုံးက အမျိုးသမီးဘက်က အနိုင်ပေးပြီး ကုမ္ပဏီကို ယန်း ၁ သန်းကျော် ပေးလျော်ရန် အမိန့်ချလိုက်ပါတယ်။

အဆိုပါအမျိုးသမီးဟာ ၂၀၂၅ ခုနှစ် ဇန်နဝါရီလမှာ Specified Skilled Worker နဲ့ ဂျပန်ကို ရောက်ရှိလာပြီး “Mitsuyado Seimen” ခေါက်ဆွဲဆိုင်မှာ အလုပ်လုပ်ခဲ့တာဖြစ်ပါတယ်။

လစဉ် ယန်း ၂၅ သောင်းခန့် ရရှိရမယ့် အလုပ်ဖြစ်ပေမယ့် ကုမ္ပဏီဘက်က အိမ်ရာစရိတ်၊ အိမ်သုံးပစ္စည်းနဲ့ အခြားကုန်ကျစရိတ်တွေကို လစာထဲက ဖြတ်တောက်ခဲ့တာကြောင့် ပထမလစာမှာ ယန်း ၀ အထိ ဖြစ်သွားခဲ့ပါတယ်။

တရားရုံးက အမျိုးသမီးရဲ့ ပထမ ၃ လအတွင်း ရရှိတဲ့လစာဟာ ယန်း ၄ သောင်းတောင် မပြည့်ခဲ့ဘူး**လို့ သတ်မှတ်ခဲ့ပြီး၊ စုစုပေါင်း ရသင့်တဲ့လုပ်ခထဲက ၇၀ ရာခိုင်နှုန်းကျော် ဖြတ်တောက်ခံခဲ့ရတယ်လို့ ဆိုပါတယ်။

တရားသူကြီးက အဆိုပါဖြတ်တောက်မှုတွေကြောင့် အမျိုးသမီးဟာ အစားအသောက်နဲ့ အခြေခံအသုံးစရိတ်တွေတောင် မပေးနိုင်တဲ့ အလွန်ခက်ခဲတဲ့အခြေအနေရောက်ရှိခဲ့တယ်လို့ သုံးသပ်ပြီး ဖြတ်တောက်မှုတွေကို တရားမဝင်ကြောင်း ဆုံးဖြတ်ခဲ့ပါတယ်။

တရားရုံးက ကုမ္ပဏီဘက်က မပေးရသေးတဲ့လုပ်ခအဖြစ် ယန်း ၅၄ သောင်းခန့်နဲ့ စိတ်ပိုင်းဆိုင်ရာထိခိုက်နစ်နာမှုအတွက် ယန်း ၄၀ သောင်း အပါအဝင် ယန်း ၁ သန်းကျော် ပေးလျော်ရန် အမိန့်ချခဲ့ပါတယ်။

အဆိုပါစီရင်ချက်ကို တရားလိုဘက်က Specified Skilled Worker နိုင်ငံခြားသားအလုပ်သမားတစ်ဦးအတွက် စိတ်ပိုင်းဆိုင်ရာထိခိုက်နစ်နာမှုကိုပါ အသိအမှတ်ပြုခဲ့တဲ့ ထင်ရှားတဲ့စီရင်ချက် အဖြစ် သုံးသပ်ထားပါတယ်။

သတင်းရင်းမြစ် — Jiji Press / Yomiuri Shimbun / FNN Prime

ဂျပန်
#မြန်မာအလုပ်သမား
#အလုပ်သမားအခွင့်အရေး
#လစာဖြတ်တောက်မှု

BWFM

22/09/2026

22/09/2026

22/09/2026

21/09/2026

19/09/2026

19/09/2026

18/09/2026

18/09/2026

14/09/2026

12/09/2026

ที่อยู่

เบอร์โทรศัพท์

เว็บไซต์

แจ้งเตือน

ทางลัด

แชร์

หมวดหมู่

คำขอนำรายการออก