เปิดทำการกี่โมง?

จันทร์ 08:00 - 17:00 อังคาร 08:00 - 17:00 พุธ 08:00 - 17:00 พฤหัสบดี 08:00 - 17:00 ศุกร์ 08:00 - 17:00

RaksThai Foundation Surat Thani, 58/27-28, ตำบล ขุนทะเล อำเภอเมืองสุราษฎร์ธานี สุราษฎร์ธานี, Surat Thani (2026)

29/05/2026

🌈6.6.2026 မှာဆုံကြမယ်နော်🏳️‍🌈

26/05/2026

Tuberculin Skin Test
အရေပြား၌တီဘီစစ်ဆေးခြင်း💉

25/05/2026

ထိုင်းနိုင်ငံတွင် ကိုဗစ်-၁၉ ကူးစက်မှုနှုန်း ပြန်မြင့်တက်လာ

ထိုင်းနိုင်ငံမှာ ပြီးခဲ့တဲ့ လအနည်းငယ်အတွင်း ကိုဗစ်-၁၉ ရောဂါ ကူးစက်ခံရသူ အရေအတွက် ပြန်လည်မြင့်တက်လာတာ တွေ့ရတယ်လို့ ထိုင်းရောဂါထိန်းချုပ်ရေးဦးစီးဌာနရဲ့ ထုတ်ပြန်ချက်ကို ကိုးကားပြီး Thai PBS World သတင်းမှာ မေ ၂၄ ရက်က ဖော်ပြပါတယ်။

ထိုင်းနိုင်ငံတွင်းက ကူးစက်ရောဂါ ၅၉ မျိုးကို စောင့်ကြည့်ခြေရာခံနေတဲ့ ဒီဂျစ်တယ်ရောဂါ စောင့်ကြည့်ရေးစနစ် (DDS) ရဲ့ အချက်အလက်တွေအရ အခုနှစ်အစကနေ မေ ၂၃ ရက်အထိ ကိုဗစ်-၁၉ ကူးစက်ခံရသူ စုစုပေါင်း ၃,၆၄၂ ယောက်ရှိခဲ့ပြီး သေဆုံးသူကတော့ တယောက်ပဲ ရှိခဲ့တယ်လို့ ဆိုပါတယ်။

ကူးစက်ခံရသူ အများစုဟာ အသက် ၃၀ ကနေ ၃၅ နှစ်ကြား လူငယ်တွေဖြစ်ပြီး အသက် ၆၀ အထက် သက်ကြီးရွယ်အိုတွေနဲ့ အသက် ၂၀ ကနေ ၂၉ နှစ်ကြား အရွယ်တွေကတော့ ဒုတိယအများဆုံး ဖြစ်ပါတယ်။

ကူးစက်ခံရသူတွေထဲက တဝက်ကျော်ဖြစ်တဲ့ ၅၀ ဒသမ ၉၅ ရာခိုင်နှုန်းဟာ လက်ရှိ ထိုင်းနိုင်ငံမှာ အဓိက ကူးစက်ပျံ့နှံ့နေတဲ့ NB.1.8.1 ဗိုင်းရပ်စ်မျိုးစိတ်သစ်ကြောင့် ဖြစ်တယ်လို့ ဆိုပါတယ်။

ဒါပေမဲ့ ရောဂါဖြစ်ပွားမှုနှုန်းဟာ လွန်ခဲ့တဲ့ ၅ နှစ် က မှတ်တမ်းတင်ထားခဲ့တဲ့ ပျမ်းမျှအဆင့်ထက် အများကြီး လျော့နည်းတယ်လို့ သိရပါတယ်။

ပြီးခဲ့တဲ့ ၂၀၂၅ ခုနှစ်၊ ဧပြီနဲ့ ဇွန်လအတွင်းကာလမှာတုန်းကလည်း အုပ်စုလိုက် ကူးစက်မှုတွေ တိုးပွားခဲ့ဖူးပြီး၊ အဲဒီတုန်းကလည်း ကူးစက်မှုအများစုဟာ NB.1.8.1 မျိုးစိတ်ကြောင့် ဖြစ်ခဲ့ပါတယ်။

ဒီမျိုးစိတ်ဟာ နောက်ပိုင်းမှာ ဗီဇပြောင်းလဲသွားခဲ့ပြီး ခန္ဓာကိုယ်ရဲ့ ခုခံအားစနစ်ကို ရှောင်ကွင်းနိုင်သလို ကူးစက်မှုလည်း အရမ်းမြန်တယ်လို့ ထိုင်းသတင်းမှာ ဖော်ပြပါတယ်။

ထိုင်းရောဂါထိန်းချုပ်ရေးဦးစီးဌာန ညွှန်ကြားရေးမှူးချုပ် ဒေါက်တာ မွန်သီယန် ကာနာဆာဝပ်ကတော့ ဒီမျိုးစိတ်ကြောင့် ရောဂါပိုပြီး ပြင်းထန်လာတယ်ဆိုတဲ့ သက်သေအထောက်အထား မရှိသေးပါဘူးလို့ ပြောပါတယ်။

ဒါ့အပြင် စင်ကာပူနိုင်ငံ ကူးစက်ရောဂါကာကွယ်ရေးအေဂျင်စီက မေ ၂၁ ရက်မှာ ပေးပို့လာတဲ့ အစီရင်ခံစာကိုလည်း သူက ထုတ်ဖော်ပြောပြခဲ့သလို အဲဒီအစီရင်ခံစာအရ စင်ကာပူမှာ မေ ၁၀ ရက်ကနေ ၁၆ ရက်အတွင်း ကိုဗစ်ကူးစက်သူအရေအတွက်ဟာ ၈,၀၀၀ ကနေ ၁၂,၇၀၀ အထိ သိသိသာသာ ထိုးတက်သွားခဲ့တယ်လို့ သိရပါတယ်။

လက်ရှိ ထိုင်းနိုင်ငံမှာတော့ ဆေးရုံတက်ရတဲ့လူနာ ပျမ်းမျှအရေအတွက်ဟာ အရင်က တရက်ကို ၆၃ ယောက်ရှိရာကနေ အခု ၇၃ ယောက်အထိ တိုးလာပေမဲ့ အထူးကြပ်မတ် ကုသဆောင် (ICU) တက်ရတဲ့ လူနာကတော့ တရက်ကို တယောက်နှုန်းလောက်ပဲ ရှိသေးတယ်လို့ ဆိုပါတယ်။

တချိန်တည်းမှာပဲ ရောဂါထိန်းချုပ်ရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာ ဒီရက် ခမ်ပန်က ကိုဗစ်-၁၉ ဟာ အခုအခါမှာတော့ ဒေသတွင်း ပုံမှန်ဖြစ်လေ့ရှိတဲ့ ကူးစက်ရောဂါတခု ဖြစ်သွားပြီဖြစ်သလို ရောဂါပြင်းထန်မှုလည်း သိသိသာသာ လျော့ကျသွားပြီဖြစ်လို့ ကူးစက်မှုနှုန်းက ပြန်ပြီးကျဆင်းသွားမယ့် အလားအလာရှိနေတယ်လို့ ပြောပါတယ်။

ဒါပေမဲ့လည်း ပြည်သူတွေအနေနဲ့ ကိုဗစ်-၁၉ ကူးစက်မှုကနေ မိမိကိုယ်ကို ကာကွယ်ဖို့အတွက် အခြေခံ ကျန်းမာရေးသတိပေးချက်တွေကို ဆက်ပြီးလိုက်နာကြဖို့ သူက သတိပေးထားပါတယ်။

အစားအသောက် မစားခင်၊ မသောက်ခင်မှာဖြစ်ဖြစ်၊ တံခါးလက်ကိုင်တွေနဲ့ လှေကားလက်ရန်းတွေကို ကိုင်တွယ်ပြီးရင်ဖြစ်ဖြစ် လက်ကို ဆပ်ပြာ၊ ရေ ဒါမှမဟုတ် အယ်လ်ကိုဟောဂျယ်လ်နဲ့ ပုံမှန်ဆေးကြောဖို့၊ လူထူထပ်တဲ့ နေရာတွေကို ရှောင်ကြဉ်ဖို့နဲ့ လိုအပ်ရင် နှာခေါင်းစည်း (Mask) ကို အမြဲတစေ တပ်ဆင်ထားဖို့ တိုက်တွန်းထားပါတယ်။

ဒါ့အပြင် အသက်ရှူလမ်းကြောင်းဆိုင်ရာ ရောဂါဝေဒနာ ခံစားနေရသူတွေ၊ ဒါမှမဟုတ် အခံရောဂါရှိသူတွေနဲ့ အနီးကပ် ထိတွေ့ဆက်ဆံတာမျိုးကိုလည်း ရှောင်ကြဉ်ကြဖို့ အကြံပြုထားပါတယ်။

#ထိုင်း #ကိုဗစ်၁၉ #ထိုင်းရောက်မြန်မာ

22/05/2026

📢 “LGBTQ+ များကို ဂုဏ်ပြုတဲ့ပွဲ” ပြန်လည်ရောက်ရှိလာပါပြီ
🏳️‍🌈 SURATTHANI PRIDE 2026 🏳️‍🌈
LGBTQ+ ကို နွေးထွေးစွာလက်ခံပြီး တန်းတူညီမျှမှုရှိတဲ့ လူမှုအသိုင်းအဝိုင်းတစ်ခုကို အတူဖန်တီးကြမယ်။
သင့်ရဲ့ဂုဏ်ယူမှုအသံကို ကမ္ဘာကြီးသိအောင် ပြသလိုက်ပါ!

📍 ၂၀၂၆ ခုနှစ် ဇွန်လ ၆ ရက် စနေနေ့

💃 အဖွဲ့အစည်းအသီးသီးနှင့် LGBTQ+ အသိုင်းအဝိုင်းများ၏ လှပသော Parade အခမ်းအနားများ
👑 MISS RAKSTHAI PRIDE 2026 နှင့် MISS JUMBO RAKSTHAI PRIDE 2026 ပြိုင်ပွဲများ
💕 ပွဲကို ပိုမိုပျော်ရွှင်စေမည့် နာမည်ကြီး Influencer များနှင့်လည်း တွေ့ဆုံရမည်

✨️ Parade ပြင်ဆင်မှုကို နေ့လည် 3:00 နာရီတွင် Surat Thani မြို့တော်စည်ပင်သာယာရုံး၌ စတင်မည်
✨️ ညနေ 5:00 နာရီတွင် လှပသော Parade ကို saphan Narit Bridge မြန်မာလူမျိုးများအခေါ် (စနေဈေး) သို့ စတင်လှုပ်ရှားမည်
✨️ ညနေ 6:00 နာရီတွင် စင်မြင့်ဖွင့်ပွဲအခမ်းအနား ကျင်းပမည်
✨️ ည 7:00 နာရီမှစ၍ MISS RAKSTHAI PRIDE 2026 နှင့် MISS JUMBO RAKSTHAI PRIDE 2026 ပြိုင်ပွဲများ စတင်ကျင်းပမည်

🏳️‍🌈 တန်းတူညီမျှမှုရဲ့ အလံကို အတူတူ လွှင့်ထူကြရအောင်နော် 🏳️‍🌈
ရွှေ့ပြောင်းမြန်မာ LGBTQ+ အားလုံးလာရောက်ပူး‌ ပေါင်းပါဝင်နိုင်ကြောင်းနှင့်စူလတ်မြို့အတွင်းလမ်း‌ လျှောက်လှည့်လည်မှုများတွင်လာရောက်ပူးပေါင်းပါဝင်နိုင်ပါကြောင်းသတင်းကောင်းပါအပ်ပါတယ်ခင်ဗျားအသေးစိတ်အချက်အလက်များကိုChatBoxကနေတဆင့်လာရောက်မေးမြန်းစုံစမ်းနိုင်ပါတယ်ခင်‌ဗျား။အောက်ပါဖုန်းနံပါတ်များကလည်းဆက်သွယ်မေးမြန်းနိုင်ပါတယ်ခင်ဗျား
0642145248
0945679980
RaksThai Foundation Surat Thani

22/05/2026

Viralload အကြောင်းနှင့် Viralloadများနေသူတွေ HIV ပိုးကောင်ရေ ဘယ်လောက်ဆို Counselling ယူသင့်မယူသင့် ?

HIV ရှိသူတစ်ယောက်မှာ Viral Load (ပိုးကောင်ရေ) များလာတာက ART ဆေးသောက်မှု မမှန်ခြင်း၊ ဆေးခုခံမှု၊ သို့မဟုတ် အခြားအကြောင်းရင်းတွေကြောင့် ဖြစ်နိုင်ပါတယ်။
Counselling ကတော့ Viral Load ဘယ်လောက်ဖြစ်ဖြစ် လိုအပ်နိုင်ပေမယ့် အထူးသဖြင့်—

* Viral Load detectable ဖြစ်လာတဲ့အခါ
* 1,000 copies/mL နှင့်အထက် ဖြစ်လာတဲ့အခါ
* ဆေးမမှန်သောက်မိတာရှိတဲ့အခါ
* Viral Load တက်နေတုန်း ဆက်တိုက်တွေ့ရတဲ့အခါ

တွေမှာ adherence counselling (ဆေးမှန်မှန်သောက်ရေး ဆွေးနွေးပေးခြင်း) ယူသင့်ပါတယ်။

WHO guideline တွေအရ ART သောက်နေသူမှာ Viral Load ≥ 1,000 copies/mL ဆိုရင် enhanced adherence counselling ပေးပြီး နောက် ၃ လလောက်အကြာ ပြန်စစ်ကြည့်တာများပါတယ်။

အရေးကြီးတာက—

* Viral Load မြင့်တယ်ဆိုတာ ချက်ချင်း AIDS ဖြစ်သွားတာ မဟုတ်ပါဘူး။
* ဆေးမှန်မှန်သောက်ပြီး counselling ကောင်းကောင်းယူရင် Viral Load ပြန်ကျနိုင်ပါတယ်။
* ကိုယ့်ဘာသာ ဆေးရပ်တာ၊ dose ကျော်တာ မလုပ်သင့်ပါဘူး။
RaksThai Foundation Surat Thani #ထိုင်းရောက်မြန်မာ

21/05/2026

**ထိုင်းနိုင်ငံတွင် Mpox (မျောက်ကျောက်) ရောဂါ ကူးစက်မှုအပေါ် အစိုးရ သတိပေးချက်ထုတ်ပြန်**

ထိုင်းနိုင်ငံ ကျန်းမာရေးဌာနက ၂၀၂၆ ခုနှစ် မေလအတွင်း Mpox (မျောက်ကျောက်) ရောဂါကူးစက်သူအသစ်များ တွေ့ရှိထားကြောင်း ထုတ်ပြန်ခဲ့ပြီး ရောဂါကူးစက်မှုကို အနီးကပ်စောင့်ကြည့်နေကြောင်း ပြောကြားထားသည်။

ကျန်းမာရေးတာဝန်ရှိသူများအဆိုအရ Mpox ရောဂါသည်

* အရေပြားချင်းထိတွေ့မှု
* လိင်ဆက်ဆံမှု
* ကိုယ်ခန္ဓာအရည်များထိတွေ့မှု
* ရောဂါရှိသူအသုံးပြုပစ္စည်းများကို မျှဝေသုံးစွဲခြင်း
တို့မှတဆင့် ကူးစက်နိုင်ကြောင်း သတိပေးထားသည်။

အထူးသဖြင့် အကာအကွယ်မဲ့ လိင်ဆက်ဆံမှုများနှင့် မသိသူများနှင့် အနီးကပ်ထိတွေ့မှုများသည် ကူးစက်နိုင်ခြေ ပိုမိုမြင့်မားနိုင်ကြောင်း ထိုင်းရောဂါထိန်းချုပ်ရေးဌာနက ပြောကြားထားသည်။

သို့သော် Mpox ရောဂါသည် လိင်တူချင်းဆက်ဆံသူများတွင်သာ ကူးစက်သည်မဟုတ်ဘဲ လူတိုင်းတွင် ကူးစက်နိုင်ကြောင်း WHO က ထုတ်ပြန်ထားပြီး ရောဂါရှိသူနှင့် အနီးကပ်ထိတွေ့မှုရှိပါက မည်သူမဆို ကူးစက်နိုင်ကြောင်း အသိပေးထားသည်။ ([World Health Organization][2])

ထိုင်းအစိုးရက

* ရောဂါလက္ခဏာရှိသူများကို ဆေးရုံသို့ အမြန်သွားရောက်စစ်ဆေးရန်
* အနီးကပ်ထိတွေ့မှုများကို ရှောင်ရှားရန်
* ကိုယ်ရေးသန့်ရှင်းရေးကို ဂရုပြုရန်
* အန္တရာယ်ရှိသူများအတွက် ကာကွယ်ဆေးထိုးနှံရေးကို မြှင့်တင်ဆောင်ရွက်နေကြောင်း
ထုတ်ပြန်ထားသည်။
RaksThai Foundation Surat Thani #ထိုင်းရောက်မြန်မာ

19/05/2026

၂၀၂၆ ခုနှစ် မေလ (၁၉) ရက်နေ့တွင် ကျင်းပပြုလုပ်ခဲ့သော ရပ်ထိုင်းဖောင်ဒေးရှင်း၏ ကျန်းမာရေးနှင့် လူ့အခွင့်အရေး အသိပညာပေးအစီအစဉ်

၂၀၂၆ ခုနှစ် မေလ (၁၉) ရက်နေ့တွင် ရပ်ထိုင်းဖောင်ဒေးရှင်းမှ ထိုင်းနိုင်ငံတောင်ပိုင်း စူလတ်ဌာနီခရိုင်အတွင်းရှိ စေတနာဝန်ထမ်းများအား ရည်ရွယ်၍ ကျန်းမာရေးနှင့် လူ့အခွင့်အရေးဆိုင်ရာ အသိပညာပေးအစီအစဉ်တစ်ရပ်ကို ကျင်းပပြုလုပ်ခဲ့သည်။

အဆိုပါအစီအစဉ်တွင် လိင်မှတဆင့် ကူးစက်တတ်သော ရောဂါများ (STIs) ၊ HIV/AIDS ၊ တီဘီ (TB) ရောဂါနှင့် အခြားကူးစက်ရောဂါများအကြောင်းကို အသေးစိတ်ရှင်းလင်းပြောကြားခဲ့ပြီး ရောဂါကူးစက်ပုံများ၊ ကြိုတင်ကာကွယ်နိုင်မည့်နည်းလမ်းများ၊ စောစီးစွာ စစ်ဆေးကုသမှုခံယူခြင်း၏ အရေးပါမှုများကို အသိပညာပေးဆွေးနွေးခဲ့ကြသည်။

ထို့အပြင် LGBTQIA+ အသိုင်းအဝိုင်းများအတွက် ဖြစ်တည်မှုကို လေးစားအသိအမှတ်ပြုခြင်း၊ လူ့အခွင့်အရေး၊ လွတ်လပ်စွာနေထိုင်ခွင့်နှင့် ဂုဏ်သိက္ခာရှိစွာ ဘဝကိုဖြတ်သန်းနိုင်ခွင့်တို့အကြောင်းကိုလည်း အသိပညာပေးဆွေးနွေးခဲ့ကြသည်။ လူမှုအသိုင်းအဝိုင်းအတွင်း ခွဲခြားဆက်ဆံမှုများ လျော့နည်းလာစေရန်နှင့် အားလုံးတန်းတူအခွင့်အရေးရရှိစေရန် ရည်ရွယ်၍ ဆောင်ရွက်ခြင်းဖြစ်ကြောင်း သိရသည်။

ရပ်ထိုင်းဖောင်ဒေးရှင်းမှ ယခုကဲ့သို့သော အသိပညာပေးလုပ်ငန်းများကို ဆက်လက်ဆောင်ရွက်သွားမည်ဖြစ်ပြီး ပြည်သူများ၏ ကျန်းမာရေးအသိပညာ တိုးတက်လာစေရန်နှင့် လူ့အခွင့်အရေးကို ပိုမိုနားလည်လေးစားလာစေရန် အထောက်အကူပြုနိုင်မည်ဟု မျှော်လင့်ထားကြောင်း ပြောကြားခဲ့သည်။
RaksThai Foundation Surat Thani
#ထိုင်းရောက်မြန်မာ #လူ့အခွင့်အရေး

17/05/2026

5 လပိုင်း 17 ရက်နေ့ 2026 ခုနှစ်တွင်ကျနော်တို့ရပ်ထိုင်းဖောင်ဒေးရှင်းနှင့်ထိုင်းပြည်သူ့ကျန်းမာရေးဝန်ထမ်းများပူးပေါင်း၍ ထိုင်းနိုင်ငံတောင်ပိုင်းစူလတ်ဌာနေ ကန်ချနဒက်သစ်စက်အနီးတွင် အဆုတ်တီဘီ ဓာတ်မှန်ရိုက်စစ်ဆေးပေးခြင်းပုံရိပ်များ...

10/05/2026

5 လပိုင်း 10 ရက်နေ့ 2026 ခုနှစ်တွင်ကျနော်တို့ရပ်ထိုင်းဖောင်ဒေးရှင်းနှင့်ထိုင်းပြည်သူ့ကျန်းမာရေးဝန်ထမ်းများပူးပေါင်း၍ ထိုင်းနိုင်ငံတောင်ပိုင်းစူလတ်ဌာနေ ခူထလေ စွယ်‌ေကာင်းသစ်စက်အနီးတွင် အဆုတ်တီဘီ ဓာတ်မှန်ရိုက်စစ်ဆေးပေးခြင်း.....
#ထိုင်းရောက်မြန်မာများသတိပြုရန် #ထိုင်းရောက်မြန်မာ

09/05/2026

🐁 ကြွက်မှတစ်ဆင့် ကူးစက်တတ်သည့် ဟန်တာဗိုင်းရပ်စ်ရောဂါ (Hantavirus) (မေလ၊ ၂၀၂၆ ခုနှစ်)

🔴 အဓိကသတင်းအချက်အလက်များ

🐭 ဟန်တာဗိုင်းရပ်စ်များ (Hantavirus) ဆိုသည်မှာ ပြင်းထန်သော နာမကျန်းမှုများနှင့် အသက်သေဆုံးသည်အထိ ဖြစ်စေနိုင်သည့် ဗိုင်းရပ်စ်များအုပ်စုဖြစ်သည်။
🐭 ဟန်တာဗိုင်းရပ်စ်ကြောင့်ဖြစ်သော အဆုတ်ရောဂါလက္ခဏာစု (Hantavirus Pulmonary Syndrome- HPS) နှင့် သွေးလန့်ခြင်းနှင့် ကျောက်ကပ်ရောဂါလက္ခဏာစု (Haemorrhagic Fever with Renal Syndrome - HFRS) စသည့် ရောဂါများကို ဖြစ်စေသည်။
🐭 ကြွက်ကဲ့သို့သော ချွန်ထက်သောသွား များရှိသည့် တိရစ္ဆာန်များကြောင့် ကူးစက်ပျံ့နှံ့သည်။
🐭 ဟန်တာဗိုင်းရပ်စ်များထဲတွင် အန်းဒီးစ်ဗိုင်းရပ်စ် (Andes Virus) သည် လူတစ်ဦးမှ တစ်ဦးသို့ ကူးစက်စေနိုင်သည်။ အန်းဒီးစ်ဗိုင်းရပ် ကူးစက်ခံရသူနှင့် အနီးကပ်ထိတွေ့မိသူများတွင် ကူးစက်ခံရနိုင်ကြောင်း တွေ့ရသည်။

🔴 ခြုံငုံတင်ပြချက်

ဟန်တာဗိုင်းရပ်စ်သည် ကမ္ဘာတစ်ဝန်းရှိ လူများကို ကူးစက်စေနိုင်ပြီး ပြင်းထန်သော ရောဂါများကို ဖြစ်ပွားစေပါသည်။ ရောဂါပိုး ကူးစက်ခံထားရသည့် ကြွက်များနှင့် ထိတွေ့မိသူများ၊ ကြွက်သေး၊ ကြွက်ချေး သို့မဟုတ် ကြွက် တံတွေးနှင့် ထိတွေ့မိသူများတွင် ရောဂါကူးစက်ဖြစ်ပွားနိုင်သည်။ ကြွက်ကိုက်ခံရခြင်း၊ ကုတ်ခြစ်မိခြင်းကြောင့် ကူးစက်ခံရနိုင်ခြေရှိသော်လည်း ရှားပါးပါသည်။

ဟန်တာဗိုင်းရပ်စ်ကြောင့် ရောဂါလက္ခဏာစု နှစ်မျိုးဖြစ်ပွားစေသည်။ အမေရိကန်အပါအဝင် အနောက်ကမ္ဘာခြမ်းတွင် ဟန်တာဗိုင်းရပ်ကြောင့်ဖြစ်သော အဆုတ်ရောဂါလက္ခဏာစု (hantavirus pulmonary syndrome - HPS) ဖြစ်ပွားစေပြီး အဓိကအားဖြင့် အမေရိကန်တွင်သာ တွေ့ရလေ့ရှိသော ကြွက်အမျိုးအစားတစ်ခုဖြစ်သည့် ကြွက်သမင် (Deer Mouse) ကြောင့် ကူးစက်ပြန့်ပွားခြင်းဖြစ်သည်။

ဟန်တာဗိုင်းရပ်စ်ကြောင့်ဖြစ်သော သွေးလန့်ခြင်းနှင့် ကျောက်ကပ်ရောဂါလက္ခဏာစု (Haemorrhagic Fever with renal syndrome - HFRS) ကို ဥရောပနှင့် အာရှတို့တွင် အများဆုံးတွေ့ရသည်။

🔴 ရောဂါလက္ခဏာများ

🔵 ဟန်တာဗိုင်းရပ်ကြောင့်ဖြစ်သော အဆုတ်ရောဂါလက္ခဏာစု (Hantavirus pulmonary syndrome - HPS)

အဆုတ်ကို ထိခိုက်ပြီး အသက်သေဆုံးစေသည်အထိ ပြင်းထန်သောရောဂါဖြစ်သည်။ ရောဂါရှိသော ကြွက်နှင့် ထိတွေ့မိပြီး ၁ ပတ်မှ ၈ ပတ်အတွင်း ရောဂါလက္ခဏာများ စတင်ဖြစ်ပေါ်သည်။

ကနဦးရောဂါလက္ခဏာများအနေဖြင့်

◼️ နုံးခွေခြင်း
◼️ ဖျားခြင်း
◼️ ကြွက်သားနာကျင်ကိုက်ခဲခြင်း အထူးသဖြင့် ပေါင်၊ တင်ပါးဆုံနှင့် နောက်ကျောကြွက်သားများကဲ့သို့ ကြွက်သားထုကြီးသောနေရာများ၊ ရံဖံရံခါတွင် ပခုံးကြွက်သားများ။

အဆုတ်ရောဂါလက္ခဏာစု ခံစားရသူ ထက်ဝက်ခန့်သည်

◼️ ခေါင်းကိုက်ခြင်း
◼️ ခေါင်းမူးခြင်း
◼️ ချမ်းတုန်ခြင်း
◼️ ပျို့ခြင်း၊ အော့အန်ခြင်း၊ ဝမ်းလျောခြင်း၊ ဗိုက်နာခြင်းတို့ကဲ့သို့ ဗိုက်ပြဿနာများ

ကနဦးရောဂါလက္ခဏာများဖြစ်ပေါ်ပြီး ၄ ရက်မှ ၁၀ ရက်ခန့်အကြာတွင် နောက်ဆက်တွဲရောဂါလက္ခဏာများ ခံစားရနိုင်သည်။ ချောင်းဆိုးခြင်း၊ မောပန်းခြင်းနှင့် (အဆုတ်ထဲတွင် အရည်များပြည့်လာခြင်းကြောင့်) အသက်ရှူရခက်ခဲခြင်းတို့ ခံစားရနိုင်သည်။

ဟန်တာဗိုင်းရပ်စ်ကြောင့်ဖြစ်သော အဆုတ်ရောဂါလက္ခဏာစု (HPS) သည် အသက်သေဆုံးစေနိုင်သောရောဂါ ဖြစ်သည်။ အသက်ရှူလမ်းကြောင်းဆိုင်ရာ ရောဂါလက္ခဏာခံစားရသူများ၏ (၃၈ %) ခန့်သည် အသက်ဆုံးရှုံးနိုင်ခြေရှိသည်။

🔵 ဟန်တာဗိုင်းရပ်စ်ကြောင့်ဖြစ်သော သွေးလန့်ခြင်းနှင့် ကျောက်ကပ်ရောဂါလက္ခဏာစု (Haemorrhagic Fever with renal syndrome - HFRS)

ကျောက်ကပ်ကိုထိခိုက်စေသော ပြင်းထန်သည့် ရောဂါဖြစ်ပြီး အသက်သေဆုံးသည်အထိ အန္တရာယ်ရှိပါသည်။ ရောဂါကူးစက်ခံရပြီး ၁ ပတ်မှ ၂ ပတ်အတွင်း ရောဂါလက္ခဏာများ ဖြစ်ပေါ်နိုင်သည်။ ရှားပါးလူနာများတွင် ၈ ပတ်ကြာမှ ရောဂါလက္ခဏာများ ဖြစ်ပေါ်နိုင်သည်။

ကနဦးလက္ခဏာများအနေဖြင့်

◼️ ပြင်းထန်စွာခေါင်းကိုက်ခြင်း
◼️ နောက်ကျောနှင့် ဝမ်းဗိုက်နာကျင်ခြင်း
◼️ ဖျားခြင်း၊ ချမ်းတုန်ခြင်း
◼️ ပျို့ခြင်း
◼️ အမြင်ဝေဝါးခြင်း

မျက်နှာနီရဲခြင်း၊ မျက်လုံးနီရဲပြီး ရောင်ရမ်းခြင်း၊ အရေပြားတွင် အနီကွက်အနီစက်များ ထွက်ခြင်းတို့လည်း ခံစားရနိုင်သည်။

နောက်ဆက်တွဲရောဂါလက္ခဏာများအနေဖြင့်

◼️ သွေးပေါင်ကျခြင်း
◼️ နောက်ဆက်တွဲအနေဖြင့် ကနဦး သွေးလန့်ခြင်း (acute shock)
◼️ ကိုယ်တွင်းအင်္ဂါများတွင် သွေးယိုခြင်း (သွေးကြောယိုစိမ့်ခြင်း)
◼️ ရုတ်တရက် ကျောက်ကပ်ပျက်စီးခြင်း

ရောဂါပြင်းထန်မှုသည် ကူးစက်ခံရသည့် ဗိုင်းရပ်စ်အမျိုးအစားအပေါ် မူတည်ပြီး တစ်ဦးနှင့်တစ်ဦး ကွာခြားနိုင်သည်။ ရောဂါ အရှင်းပျောက်ကင်းသက်သာနိုင်ရန် ရက်သတ္တပတ်ပေါင်း၊ လပေါင်းများစွာ အချိန်ယူရနိုင်သည်။

🔴 ရောဂါကူးစက်ပုံ

ရောဂါပိုး ကူးစက်ခံထားရသည့် ကြွက်များနှင့် ထိတွေ့မိသူများ၊ ကြွက်သေး၊ ကြွက်ချေး သို့မဟုတ် ကြွက် တံတွေးနှင့် ထိတွေ့မိသူများတွင် ရောဂါကူးစက်ဖြစ်ပွားနိုင်သည်။ ကြွက်ကိုက်ခံရခြင်း၊ ကုတ်ခြစ်မိခြင်းကြောင့် ကူးစက်ခံရနိုင်ခြေရှိသော်လည်း ရှားပါးပါသည်။ ကြွက်များနှင့် ထိတွေ့နိုင်ခြေများသော အလုပ်များဖြစ်သည့် အလုံပိတ်အခန်းများ သို့မဟုတ် လေဝင်လေထွက် ညံ့သော နေရာများကို သန့်ရှင်းရေးလုပ်ရသူများ၊ စိုက်ခင်းများနှင့် သစ်တောများတွင် အလုပ်လုပ်သူများ၊ ကြွက်ပေါများသောနေရာများတွင် နေထိုင်အိပ်စက်ရသူများသည် ရောဂါကူးစက်ခံရနိုင်ခြေ များသူများ ဖြစ်သည်။

ဟန်တာဗိုင်းရပ်စ်များထဲတွင် အန်းဒီးစ်ဗိုင်းရပ်စ် (Andes Virus) သည် လူတစ်ဦးမှ တစ်ဦးသို့ ကူးစက်စေနိုင်သည်။ ရေရှည်နှင့် နီးကပ်စွာ ထိတွေ့သူများ၊ အထူးသဖြင့် တစ်အိမ်တည်းနေထိုင်သူ မိသားစုဝင်များ၊ လက်တွဲဖော်များတွင် လူတစ်ဦးမှ တစ်ဦးသို့ ကူးစက်စေနိုင်သည်။ များသောအားဖြင့် နာမကျန်းဖြစ်ပွားသည့် အစောပိုင်းကာလတွင် ဗိုင်းရပ်စ်ပိုး ကူးစက်နိုင်ခြေ ပိုများတတ်ပါသည်။

🔴 ရောဂါသတ်မှတ်ခြင်း (Diagnosis)

ရောဂါကူးစက်ခံရပြီး အစောပိုင်းကာလတွင် ဟန်တာဗိုင်းရပ်စ်ကို ရောဂါသတ်မှတ်ရန် ခက်ခဲပါသည်။ ကနဦးရောဂါလက္ခဏာများသည် အခြားသော အသက်ရှူလမ်းကြောင်းဆိုင်ရာ ရောဂါများဖြစ်သည့် ရာသီတုပ်ကွေး၊ COVID-19၊ ဗိုင်းရပ်စ်ကြောင့်ဖြစ်သော အဆုတ်ရောင်ရောဂါ၊ လက်ပတို စပိုင်ရိုးစစ်ရောဂါ၊ သွေးလွန်တုပ်ကွေးနှင့် သွေးဆိပ်တက်ခြင်း (sepsis) စသည်တို့နှင့် ရောဂါလက္ခဏာ တူညီလေ့ရှိသောကြောင့် ဖြစ်သည်။ လူနာ၏ ခရီးသွားခြင်းရာဇဝင်၊ အလုပ်အကိုင်၊ ကြွက်များနှင့် ထိတွေ့နိုင်ခြေရှိမရှိ၊ နေထိုင်ရာနေရာ၊ ပတ်ဝန်းကျင်၊ ကူးစက်ခံထားရသည့် လူနာနှင့် ထိတွေ့မှု ရှိမရှိ စသည့် နောက်ခံအကြောင်းအရာများပါဝင်သော လူနာ၏ ရာဇဝင်ကို သေချာစွာမေးမြန်း မှတ်တမ်းတင်ထားရန် အရေးကြီးသည်။

ဓာတ်ခွဲစစ်ဆေး၍ ရောဂါသတ်မှတ်ခြင်းအနေဖြင့် သွေးရည်ကြည်စစ်ဆေးခြင်း (hantavirus-specific IgM antibodies or rising IgG titres) နှင့် ရောဂါ ကနဦး ဖြစ်ပွားချိန်ကာလတွင် (RT-PCR) မော်လီကျူလာ နည်းလမ်းများနှင့် စစ်ဆေးခြင်းတို့ကို ပြုလုပ်နိုင်သည်။

🔴 ကုသခြင်း

ဟန်တာဗိုင်းရပ်စ်အတွက် ကာကွယ်ဆေး သို့မဟုတ် ကုသဆေးများ မရှိသေးပါ။ လူနာများအနေဖြင့် အနားယူခြင်း၊ ရေဓာတ်ဖြည့်တင်းခြင်းနှင့် ပေါ်ပေါက်လာသော ရောဂါလက္ခဏာများကို ကုသခြင်း စသည့် ထောက်ကူစောင့်ရှောက်ကုသခြင်း (Supportive care) ကို ခံယူသင့်ပါသည်။ ရောဂါလက္ခဏာများကို သေချာစွာ စောင့်ကြပ်ကြည့်ရှုခြင်း၊ အဆုတ်၊ နှလုံးနှင့် ကျောက်ကပ်ရောဂါလက္ခဏာများကို ကုသခြင်းတို့ကို လုပ်ဆောင်နိုင်သည်။ လိုအပ်ပါက အရေးပေါ်ကြပ်မတ်ကုသခြင်းကို စောစီးစွာ ရရှိခြင်းသည် အထူးသဖြင့် နှလုံးနှင့် အဆုတ် ရောဂါလက္ခဏာများ ဖြစ်ပွားနေသည့် လူနာများအတွက် ပြန်လည်သက်သာရန် ကောင်းစွာ အထောက်အကူဖြစ်ကြောင်း တွေ့ရှိရသည်။

🔴 ရောဂါကာကွယ်ခြင်း နည်းလမ်းများ

ရောဂါကာကွယ်ရေးအနေဖြင့် ကြွက်များနှင့်ထိတွေ့မှု လျှော့ချခြင်းသည် အခြေခံအကျဆုံးဖြစ်သည်။

ထိရောက်သောနည်းလမ်းများမှာ

◼️ နေအိမ်နှင့် လုပ်ငန်းခွင်ကို သန့်ရှင်းစွာ ထားပါ။
◼️ ကြွက်များဝင်ရောက်နိုင်သော အဆောက်အအုံ အပေါက်များကို ပိတ်ပါ။
◼️ အစားအသောက်များကို လုံခြုံစွာ သိမ်းဆည်းပါ။ စားကြွင်းစားကျန်များကို ရှင်းလင်းပါ။
◼️ ကြွက်များဝင်ရောက်နိုင်သော၊ ထိတွေ့ညစ်ညမ်းစေနိုင်သော နေရာများကို ကူးစက်ရောဂါ ကာကွယ်ထိန်းချုပ်ရေးနည်းလမ်းများအတိုင်း သန့်ရှင်းရေးပြုလုပ်ပါ။
◼️ အိမ်တွင်းနှင့် အိမ်ပတ်ချာလည်တွင် ကြွက်ထောင်ချောက်များ ထားရှိပါ။
◼️ ကြွက်ချေးများကို ခြောက်သွေ့သော တံမြက်စည်းဖြင့် လှည်းကျင်းခြင်း သို့မဟုတ် ဖုန်စုပ်စက်ဖြင့် စုပ်ခြင်းတို့မှ ရှောင်ကြဉ်ပါ။
◼️ ညစ်ညမ်းသော နေရာများကို အနည်းငယ် စိုစွတ်စေပြီးမှ သန့်ရှင်းရေး ပြုလုပ်ပါ။
◼️ လက်ကို ရေနှင့် ဆပ်ပြာအသုံးပြု၍ သို့မဟုတ် လက်သန့်စင်ဆေးရည်သုံး၍ သေချာစွာ ဆေးကြောပါ။

🔴 ကပ်ရောဂါအသွင်ဖြစ်ပွားလျှင်ဖြစ်စေ သို့မဟုတ် သံသယလူနာများ တွေ့ရှိလျှင်ဖြစ်စေ သံသယလူနာများကို ဆောလျင်စွာ ဖော်ထုတ်၍ သီးခြားခွဲထားခြင်း၊ လူနာနှင့် အနီးကပ်ထိတွေ့သူများကို စောင့်ကြည့်ခြင်းနှင့် ကူးစက်ရောဂါ ကာကွယ်ထိန်းချုပ်ရေး စံပြုနည်းလမ်းများကို အသုံးပြုခြင်းအားဖြင့် ရောဂါဆက်လက်၍ မကူးစက်၊ မပြန့်ပွားအောင် ကန့်သတ်ရန် အရေးကြီးပါသည်။

ကျန်းမာရေးဝန်ကြီးဌာန၊ အမျိုးသားညီညွတ်ရေးအစိုးရမှပြန်တဆင့်လည်ကူးယူဖော်ပြခြင်းဖြစ်ပါသည်

References: US CDC and WHO
#ထိုင်းရောက်မြန်မာ #ထိုင်းနိုင်ငံအလုပ်အကိုင် #ထိုင်းရောက်မြန်မာများသတိပြုရန်
#ကြွက်

07/05/2026

❝Hantavirus စိုးရိမ်စရာ မရှိသေးတဲ့ ထိုင်းနိုင်ငံ❞

နိုင်ငံတကာခရီးသည်တင်သင်္ဘော တစ်စီးပေါ်မှာ ဖြစ်ပွားခဲ့တဲ့ Hantavirus ကူးစက်မှုနဲ့ ပတ်သက်ပြီး ထိုင်းနိုင်ငံမှာတော့ စိုးရိမ်စရာမရှိသေးဘူးလို့ ထုတ်ပြန်ထားပါတယ်။
ဒါပေမယ့်ထိုင်းနိုင်ငံ ကျန်းမာရေးဝန်ကြီးဌာနကတော့ စောင့်ကြည့်စစ်ဆေးမှုတွေကို တိုးမြှင့်လုပ်ဆောင်နေပါတယ်။
ထိုင်းနိုင်ငံအတွင်းမှာ လက်ရှိအချိန်အထိ ဒီဗိုင်းရပ်စ်ကူးစက်ခံရသူ မရှိသေးပါဘူး။ လက်ရှိမှာတော့ ပြည်ပကနေ လာတဲ့သူတွေကို အထူးစစ်ဆေးကြပ်မတ်နေတယ်လို့သိရပါတယ်။
ဒီဗိုင်းရပ်စ်ဟာ များသောအားဖြင့် ကြွက်တွေကနေတစ်ဆင့် ကူးစက်တတ်တာ ဖြစ်ပါတယ်။ ဓာတ်ခွဲခန်းစစ်ဆေးချက်တွေအရ ဒီဗိုင်းရပ်စ်ဟာ လူအချင်းချင်း ကူးစက်နိုင်စွမ်းရှိတဲ့ Andes strain အမျိုးအစားဖြစ်ကြောင်း အတည်ပြုထားပါတယ်။ ဒီ Andes strain ဗိုင်းရပ်စ်ဟာ တခြားသော Hantavirus တွေနဲ့မတူဘဲ လူအချင်းချင်း နီးကပ်စွာ ထိတွေ့ရာကနေတစ်ဆင့် ကူးစက်နိုင်စွမ်း ရှိလို့ ကမ္ဘာ့ကျန်းမာရေးအဖွဲ့ (WHO) နဲ့ နိုင်ငံတကာ ကျန်းမာရေးဌာနတွေက ဒီဖြစ်စဉ်ကို အထူးအလေးထား စောင့်ကြည့်နေကြတာ ဖြစ်ပါတယ်။
လက်ရှိမှာ သင်္ဘောပေါ်က ခရီးသည် ၂ ဦးကို အရေးပေါ် ကုသဖို့အတွက် နယ်သာလန်နိုင်ငံကို လွှဲပြောင်းပို့ဆောင်ထားပြီး ကျန်သူတွေကို Quarantine လုပ်ထားပါတယ်။

#ထိုင်းရောက်မြန်မာ

RaksThai Foundation Surat Thani

29/05/2026

26/05/2026

25/05/2026

22/05/2026

22/05/2026

21/05/2026

19/05/2026

17/05/2026

10/05/2026

09/05/2026

07/05/2026

ที่อยู่

เวลาทำการ

เว็บไซต์

แจ้งเตือน

ทางลัด

แชร์

ประเภท

จันทร์	08:00 - 17:00
อังคาร	08:00 - 17:00
พุธ	08:00 - 17:00
พฤหัสบดี	08:00 - 17:00
ศุกร์	08:00 - 17:00