19/07/2026
១៩ កក្កដា ២០២៦
កម្ពុជា កំពុងដើរចូលល្បែងភូមិសាស្ដ្រនយោបាយទាំងងឹងងុល តាមរយៈការប្ដេជ្ញាចិត្តដ៏ម៉ឺងម៉ាត់ម្ដងហើយម្ដងទៀតចំពោះគោលនយោបាយចិនតែមួយពីសំណាក់មដឹកនាំកំពូលៗ និងតាមរយៈសម្ដីអ្នកនាំពាក្យក្រសួងការបរទេស ដែលក្លាហាននិយាយទាំងមិនដឹងទិសខ្យល់ដោយចាត់ទុកតៃវ៉ាន់ត្រឹមជាខេត្តមួយរបស់ចិន។ សម្ដីនេះនិយាយឱ្យស្រួលស្ដាប់ ស្មើនឹងការប្រកាសសង្គ្រាមជាមួយតៃវ៉ាន់ និងបំពានគុណតម្លៃនៃរដ្ឋធម្មនុញ្ញរបស់ខ្លួន។ បន្ថែមលើនេះ វាជាការផ្ដល់ឱកាសឱ្យថៃកាន់តែខ្លាំងឡើងៗក្នុងការទទួលបានភាពត្រឹមត្រូវ និងការគាំទ្រ ចំពោះអំពើឈ្លានពានរបស់ខ្លួនមកលើកម្ពុជា។ តើអាចទេ ដែលបណ្ដាប្រទេសអាស៊ានមិនចេញថ្កោលទោសថៃ ក៏ព្រោះពួកគេមើលឃើញថា គោលនយោបាយអន្ដរជាតិកម្ពុជា ក៏មានចរិកឈ្លានពាន និងគាំទ្រការឈ្លានពានដែរ? គួររំលេចថា តៃវ៉ាន់តូចមែន ប៉ុន្ដែសមត្ថភាពមិនអន់ទេ ជាពិសេសខាងបច្ចេកវិទ្យាយោធា។ ចុះបើតៃវ៉ាន់សហការជាមួយថៃដើម្បីវាយបំបាក់កម្ពុជា ដែលពួកគេចាត់ទុកជាកូនអុករបស់ចិន ប្រៀបដូចអ៉ីស្រាអ៊ែលបានវាយកម្ទេចក្រុមឧទ្ទាមរបស់អ៉ីរ៉ង់ម្ដងមួយៗ មុននឹងឈានដល់ការវាយអ៉ីរ៉ងផ្ទាល់។ ពុំគួរព្រោះតែអំណាចបុគ្គលយកប្រទេសជាតិ និងប្រជាជាជនទៅប្រថុយគ្រោះថ្នាក់បែបនេះទេ។ នៅមានមួយចំណុចទៀត បើកម្លាំងប្រជាធិបតេយ្យខ្មែរឆ្លាត ពួកគេទំនាក់ទំនងជាមួយតៃវ៉ាន់ ហើយអាចឈានដល់ការគាំទ្រគ្នាទៅវិញទៅមក ថាតើនឹងមានអ្វីប្រែប្រួលសម្រាប់នយោបាយកម្ពុជា?
