Thai Nepali Association, Central Board

20/06/2026

थाई-नेपाली सङ्घको तर्फबाट हार्दिक बधाई तथा कृतज्ञता व्यक्त
लामो समयदेखि सम्पर्कविहीन रहनुभएका श्री रतनबहादुर थापा ज्यू मिति 29 मे 2026 देखि हराइरहनुभएको अवस्थामा, मिति 19 जुन 2026का दिन लाक्सी, च्याङ्वाथाना क्षेत्रमा सुश्री दीपा पौड्याल ज्यू र सुश्री टीका लामाकार्की ज्यूले उहाँलाई सकुशल फेला पार्नुभएको सुखद समाचारले हामी सबैलाई अत्यन्त हर्षित, भावुक तथा राहत महसुस गराएको छ।
श्री रतनबहादुर थापा ज्यूलाई सकुशल फेला पार्न एवं खोजी कार्यमा प्रत्यक्ष तथा अप्रत्यक्ष रूपमा सहयोग पुर्‍याउनुहुने सम्पूर्ण महानुभावहरू, नेपाली समुदाय, सम्बन्धित निकाय तथा सहयोगी हातहरू प्रति थाई-नेपाली सङ्घ हार्दिक कृतज्ञता व्यक्त गर्दछ।
विशेष रूपमा, सुश्री दीपा पौड्याल ज्यू र सुश्री टीका लामाकार्की ज्यूले देखाउनुभएको मानवीय संवेदनशीलता, सतर्कता र जिम्मेवारीपूर्ण योगदान अत्यन्त प्रशंसनीय छ। उहाँहरूको यस मानवीय कार्यप्रति सङ्घ हार्दिक धन्यवाद तथा उच्च सम्मान व्यक्त गर्दछ।
ईश्वरको असीम कृपाले श्री रतनबहादुर थापा ज्यूको स्वास्थ्य, सुरक्षा तथा आगामी जीवन सुखमय र मंगलमय रहोस् भन्ने कामना गर्दछौं। साथै, यस कठिन परिस्थितिमा धैर्य र आशा कायम राख्नुभएका उहाँका सम्पूर्ण परिवारजनलाई थाई-नेपाली सङ्घको तर्फबाट हार्दिक बधाई तथा पूर्ण स्वास्थ्य लाभको शुभकामना व्यक्त गर्दछौं।
मातापिता र वृद्धवृद्धाहरू हाम्रो जीवनका अमूल्य सम्पत्ति, अनुभवका भण्डार तथा आशिषका स्रोत हुन्। उहाँहरूलाई सम्मान, माया, समय र उचित हेरचाह दिनु हाम्रो कर्तव्य मात्र होइन, संस्कार पनि हो। धन्यवाद

थाई-नेपाली सङ्घ
थाइल्याण्ड

19/06/2026

16/06/2026

मिति 14-6-2026 आइतबारको दिन थाई नेपाली सङ्घको आठौं कार्यकालको प्रथम त्रैमासिक बैठक सामाजिक भवनमा भव्य एवं ऐतिहासिक रूपमा सम्पन्न भएको छ। विभिन्न शाखा समिति, दशवटै विभागीय समिति, संरक्षकज्यूहरू, विशेष सल्लाहकारहरू तथा अतिथिज्यूहरूको गरिमामय उपस्थितिले बैठकलाई अझ प्रभावकारी र उपलब्धिमूलक बनाएको थियोे ।
बैठकमा विभागीय समितिहरू तथा शाखा समितिहरूले आफ्नो कार्यप्रगति, उपलब्धि र आगामी योजनाहरू र सुझाव प्रस्ताव प्रस्तुत गर्नुभएको थियो। यसले थाई नेपाली सङ्घलाई अझ व्यवस्थितरुपमा अगाडि बढाउनको लागि महत्वपूर्ण योगदान पुर्‍याएको छ। साथै विभिन्न समितिहरूको पदपूर्ति गरी सम्बन्धित व्यक्तित्वहरूलाई नियुक्तिपत्र प्रदान गरिएको थियो भने 10 वटा शाखा र 10 वटा विभागीय समितिहरूलाई हेर्न तथा अनुगमनका लागि उपाध्यक्ष मण्डल र सचिवहरूको समेत जिम्मेवारी निर्धारण गरिएको थियो।
बैठकमा उठेका विविध विषयमा उपाध्यक्ष मण्डलबाट स्पष्टिकरण प्रदान गरिएको थियो भने संरक्षकज्यूहरू र विशेष सल्लाहकारहरूबाट प्राप्त मार्गदर्शनले संस्थाको भावी यात्रालाई अझ सुदृढ बनाउने विश्वास दिलाएको छ।
शाखा तथा विभागीय समितिहरूबाट प्राप्त सुझाव, प्रस्ताव र धारणा माथि गम्भीर छलफल गरी निर्णायक मण्डलबाट आवश्यक निर्णयहरू समेत सुनाइएक‍‍ो थियोे ।
यो बैठकले एउटा महत्वपूर्ण सन्देश दिएको छ—संस्था तब मात्र बलियो बन्छ जब जिम्मेवारी, पारदर्शिता, अनुशासन र आपसी सम्मानलाई प्राथमिकता दिइन्छ। विचार फरक हुन सक्छन्, तर उद्देश्य एउटै हुनुपर्छ । तबमात्र सङ्घको प्रगति हुन्छ ।
यस ऐतिहासिक बैठकलाई सफल बनाउन प्रत्यक्ष तथा अप्रत्यक्ष रूपमा साथ, सहयोग, सुझाव र सहभागिता जनाउनुहुने सम्पूर्ण शाखा , विभागीय र उपस्थित सहभागीहरूलाई हार्दिक धन्यवाद तथा कृतज्ञता व्यक्त गर्दछौं। आउँदा दिनहरूमा पनि यही एकता, सद्भाव र सेवाभावलाई कायम राख्दै थाई नेपाली सङघको उन्नति र प्रतिष्ठाका लागि सबै मिलेर अगाडि बढौं। धन्यवाद

थाई नेपाली सङ्घ केन्द्र
थाइल्याण्ड

12/06/2026

ॐ अनादिनिधनो देव: शंखचक्रगदाधर : ।
अक्षय्य: पुण्डरीकाक्षः प्रेतमोक्षप्रदो भव ।।
🙏हार्दिक श्रद्धाञ्जली तथा गहिरो समवेदना🙏
थाइल्याण्डकी राजकुमारी Bajrakitiyabha Narendiradebyavati ( बज्रकितीयभा नरेन्द्रादेब्यवती )
ज्यूको मिति 11-6-2026 बिहीबार राति 47 वर्षको उमेरमा भएको दुःखद निधनप्रति हार्दिक श्रद्धाञ्जली अर्पण गर्दछौं।
यस दुःखद घडीमा थाई नेपाली सङ्घका तर्फबाट थाई राजपरिवार, थाई सरकार तथा सम्पूर्ण थाई नागरिकहरूमा हार्दिक समवेदना व्यक्त गर्दछौं। राजकुमारीज्यूले राष्ट्र, समाज र जनकल्याणका क्षेत्रमा पुर्‍याउनुभएको योगदान सधैं सम्मानका साथ स्मरण गरिनेछ।
उहाँको दिवंगत आत्माको चिरशान्तिको कामना गर्दै शोकसन्तप्त राजपरिवार तथा सम्पूर्ण थाई जनसमुदायप्रति गहिरो सहानुभूति र समवेदना व्यक्त गर्दछौं ।

ॐ शान्तिः शान्तिः शान्तिः

थाई नेपाली सङ्घ
थाइल्याण्ड

03/06/2026

थाइल्याण्डकी महारानी श्रीमती सुथिदाज्यूको शुभ जन्मदिनको पावन अवसरमा थाई नेपाली सङ्घ तथा थाइल्याण्डमा रहेका सम्पूर्ण नेपाली समुदायको तर्फबाट हार्दिक शुभकामना व्यक्त गर्दछौँ।

महारानीज्यूको सुस्वास्थ्य, दीर्घायु, सुख, शान्ति र समृद्धिको कामना गर्दछौँ। उहाँको यश, कीर्ति र सम्मान सदा अमर रहोस्।
हार्दिक शुभ जन्मदिन, महारानी ज्यू 🙏🙏

थाई-नेपाली सङ्घ
थाइल्याण्ड

18/05/2026

Congratulations to all the newly selected and appointed leaders of the 2026–2028 Thai Nepali Association Central Board and Departments.

Wishing you all great success, unity, and strength as you begin this important journey of leadership and service to the Nepali community. May your teamwork, dedication, and vision bring positive progress, stronger connections, and meaningful achievements for everyone.

Thank you for your commitment, hard work, and responsibility toward the community. We wish all board members and department leaders a successful and inspiring term ahead.

Best wishes for a productive and memorable 2026–2028 term.

18/05/2026

सभ्य जातिको सभ्य समाज

थाई-नेपाली संघ थाइल्याण्ड

आठौं कार्यकालका नवनिर्वाचित केन्द्रीय संरक्षक देखि क्रियासील समितिहरु 2026-2028 सम्मका लागि निम्न महानुभावहरुलाई नियुक्ति गरिएको जानकारी ।थाइल्याण्डमा रहेका नेपाली-गोर्खाली जनसमूदाय साथै विश्वमा रहेका मानवहरु‌मा यथासम्भव सेवा र साथ सहयोग पुऱ्याई रहेको छ ।
विशेषः थाइल्याण्डमा सामाजिक, शैक्षिक, साँस्कृतिक, चाड पर्व परम्परा संरक्षण ,धार्मिककार्यहरु , खेलकुद, युवा व्यक्तित्व विकाश, दुःख निवारण, महिला सशक्ति, जातिय संरक्षण, कार्यहरुमा नेपाल राजदूतावास साथै जातिय संस्था तामाङ समाज, नेवारी समाज , मगर गुरुङ समाज,ईस्कन थाइल्याण्ड मण्डली, संस्कृत स्नातक सेवा मण्डली, किराँती समाज , NRNA Thailand सबै सँग हातेमालो गरी कार्य गर्दै आएको छ ।

भविष्यमा पनि सहकार्य गर्ने प्रतिबद्धता दिदैं सबै महानुभाव समाज शुभ चिन्तकहरूमा आभार एवं धन्यवाद ज्ञापन व्यक्त गर्दछ ।

12/05/2026

श्री लक्ष्मण केसि र समाज सेवा छुटाएरै नहुने नाम हो। वहाँले सिरिपोट उपशाखामा अध्यक्षको पद 2 कार्यकाल अर्थात 4 वर्षसम्म सेवा गरिसकेपछि बैंककको एक मात्र नेपाली मन्दीर त्रिनाथ देवालय यस्को पनि अध्यक्ष पदमा रहेर 4 वर्ष सेवा दिनु भयो।

वहाँको कार्यबाट मन्त्रमुग्ध हुँदै थाइ नेपाली संघ, बैंकक शाखाले अध्यक्षको पद सुम्पेको थियो भने कोर्बीड महामारीको कारण 4 वर्षसम्म लम्बियो।

महामारीमा पनि समाजसेवामा होमिएर दुख निवारण कार्यहरूका क्रियाकलाप देखि खुसीहुँदै केन्द्रीय समितिको अध्यक्ष पदमा वहाँलाई सम्मान गरियो।

गत 2 वर्षमा पनि जनताहरूको मन जित्न सफल हुने के सिलाई आठौँ महाधीवेशनले एक कार्यकाल अर्थात 2026-2028 को निम्ति केन्द्रिय अध्यक्षको पद सुम्पिएको छ।

मिठो बोली मिलनसार व्यक्तित्व भएका वर्तमान अध्यक्ष लक्ष्मण के सि ज्यूलाई सफल कार्यकालको सुभकामना व्यक्त गर्दछौँ ।

13/04/2026

आशासे यत् नववर्ष भवतु मङ्गलकरम् अद्भुतकरञ्च ।
जीवनस्य सकल कामनासिद्धिरस्तु ।।

🙏🙏 नयाँ वर्षको शुभकामना 🙏🙏

नेपाली , थाई , म्यान्मारको नयाँ बर्षको हार्दिक मंगलमय शुभकामना

नयाँ वर्ष २०८३ सालको पावन अवसरमा देश तथा विदेशमा रहनुभएका सम्पूर्ण नेपाली गोर्खाली मातापिता दाजुभाई तथा दिदीबहिनीहरूमा हार्दिक मङ्गलमय शुभकामना व्यक्त गर्दछौं । नयाँ वर्षले हाम्रो जीवनमा नयाँ आशा उत्साह उर्जा र सम्भावनाहरूको उज्यालो ल्याओस्। आपसी प्रेम सद्भाव एकता र समृद्धिको बाटोमा हामी सबै मिलेर अगाडि बढ्न सकौं ।
जीवनमा आईपर्ने सबै अवस्थालाई धैर्यताका साथ ,दूरदर्शी बन्दै ,नैतिक मूल्ययुक्त बिधिले पार गर्न सक्ने क्षमता प्राप्त हाेस्। मनमा सदैव नवीन स्वच्छ र स्वस्थ विचार उत्पन्न हाेस् । आध्यात्मिक उन्नति , तन मनमा तन्दुरुस्ती एवं समृद्धि प्राप्त हाेस्।
सबै मन मस्तिष्कमा उमंग उत्साहकाे वहार आओस्।
हरदिन नवदिन बनेर खुसी खुसीसंग बिताेस्।
बितेको वर्ष जे भयो भयो राम्रो सजाएर गएको ठान्नुपर्छ । अबको वर्ष शुभ हुन्छ , प्रगति हुन्छ अनि स्वस्थ सुखद र कल्याणकारी हुन्छ। गत वर्षको तीता- मीठा यादहरुलाई याद मात्रै बनाउँदै अबको वर्ष रङ्गीन र सुखमय बनोस्। नयाँ उमंग, नयाँ जोश, नयाँ जगार, नयाँ खुशी,नयाँ उन्नति , नयाँ प्रगति, नयाँ बाहर, नयाँ सपना, नयाँ आयाम, नयाँ पल , नयाँ उद्देश्य , नयाँ गन्तव्य , नयाँ सोच , नयाँ विश्वास , नयाँ कल्पना , नयाँ बर्षले प्रदान गरोस् ।

फूल फूलि रहोस् जीवनको बाटोमा
खुसी चम्कि रहोस् तपाईंको मुहारमा
हर कदममा मिलोस् खुसीको बहार
तपाईंको जीवन समृद्धि बनोस्
यहीँ छ २०८३ नवबर्षको शुभकामना।


थाई-नेपाली संघ
थाइल्यान्ड

13/04/2026

थाई–नेपाली सङ्घ केन्द्रीय समितिद्वारा नयाँ वर्ष (वि.सं. 2083) र सोङक्रान को शुभ अवसरमा नेपाली राजदूतावास
बैंकक, थाइल्याण्डमा महा महिम नेपाली राजदूत श्री धन बहादुर ओली ज्यू बाट आशीर्वाद ग्रहण कार्यक्रम सम्पन्न गरिएको थियो।

उक्त कार्यक्रममा उपस्थित महानुभावहरूले नयाँ वर्षको शुभकामना आदान–प्रदान गर्नुका साथै थाई–नेपाली समुदायको समग्र विकास, सहयोग र सहकार्यलाई अझ सुदृढ बनाउने विषयमा महत्वपूर्ण छलफलहरू सम्पन्न गरेका थिए।

मुख्य छलफलका विषयहरू:

१. नि:शुल्क आँखा उपचार कार्यक्रम
नेपालका दक्ष चिकित्सकहरूद्वारा थाई–नेपाली समुदायका लागि नि:शुल्क आँखा परीक्षण तथा उपचार कार्यक्रम सञ्चालन गर्ने विषयमा योजना, सम्भावित स्थान तथा आवश्यक अनुमति प्रक्रियाबारे विस्तृत छलफल गरियो।

२. व्यापार परियोजना तथा प्लेटफर्म निर्माण
नेपाल र थाइल्याण्डबीच व्यापार प्रवर्द्धन गर्ने उद्देश्यले व्यवसायिक परियोजनाहरू विकास गर्ने तथा थाई–नेपाली व्यवसायीहरूलाई जोड्ने डिजिटल प्लेटफर्म निर्माण गर्ने विषयमा चर्चा भयो।

३. शिक्षा परियोजना तथा प्लेटफर्म निर्माण
शिक्षा क्षेत्रको विकासका लागि विभिन्न शैक्षिक परियोजनाहरू सञ्चालन गर्ने तथा विद्यार्थी र शैक्षिक संस्थाहरूलाई जोड्ने आधुनिक प्लेटफर्म निर्माण गर्ने योजना बारे चर्चा गरियो।

४. सामाजिक, सांस्कृतिक तथा साहित्यिक सम्बन्ध विस्तार
नेपाल र थाई–नेपाली समुदायबीच सामाजिक, सांस्कृतिक तथा साहित्यिक सम्बन्धलाई अझ प्रगाढ बनाउने विभिन्न कार्यक्रमहरू सञ्चालन गर्ने विषयमा विचार आदान–प्रदान गरियो।

कार्यक्रमले थाई–नेपाली समुदायबीच आपसी एकता, सहकार्य र दीर्घकालीन विकासका लागि महत्वपूर्ण आधार तयार गरेको विश्वास व्यक्त गरिएको छ।

धन्यवाद 🙏
थाई–नेपाली सङ्घ, थाइल्याण्ड