เปิดทำการกี่โมง?

จันทร์ 09:00 - 17:00 อังคาร 09:00 - 17:00 พุธ 09:00 - 17:00 พฤหัสบดี 09:00 - 17:00 ศุกร์ 09:00 - 17:00

Karen Youth Organization - KYO, Mae Sot (2026)

15/07/2026

ကညီသစၢ်ကရၢ အလံၥ်ဟ့ၣ်ယုၢ်ဆူ ကညီဒီကလုၥ်ဂၢၤသးကရၢ အမုၢ်နံၤပှဲၤထီၣ် (၇၉) ၀ီတ၀ီ

(၇၉)နှစ်မြောက် ကေအဲန်ဒီအို-ကရင်အမျိုးသားကာကွယ်ရေးတပ်ဖွဲ့ နေ့သို့ ကရင်လူငယ်အစည်းအရုံးမှ ပေးပို့သော သ၀ဏ်လွှာ ။

15/07/2026

၇၉ ကြိမ်မြောက် ကရင်အမျိုးသားကာကွယ်ရေးတပ်ဖွဲ့ (KNDO) နေ့

၂၀၂၆ ခုနှစ်၊ ဇူလိုင်လ ၁၅ ရက်၊ ကေအဲန်ယူ-ဗဟို

၇၉ ကြိမ်မြောက် KNDO နေ့အား လေးစားဂုဏ်ပြုအပ်ပါသည်။

၁၉၄၇ ခုနှစ်၊ ဇူလိုင်လ (၁၆) ရက်နေ့တွင် စတင်ဖွဲ့စည်းခဲ့သော ကရင်အမျိုးသားကာကွယ်ရေးတပ်ဖွဲ့ (Karen National Defence Organisation – KNDO) သည် ကရင်အမျိုးသားလွတ်မြောက်ရေးတော်လှန်ရေး သမိုင်းတစ်လျှောက် ကရင်ပြည်သူလူထု၏ အသက်အိုးအိမ်၊ အခြေခံအခွင့်အရေးများနှင့် အမျိုးသားတန်းတူရေးကို ကာကွယ်စောင့်ရှောက်ရန်အတွက် နှစ်ပေါင်း (၇၉) နှစ်တိုင် ခိုင်မာစွာ တာဝန်ထမ်းဆောင်လျက်ရှိပါသည်။

ဤအထိမ်းအမှတ်နေ့တွင် ကရင်အမျိုးသားတို့၏ လွတ်လပ်ခွင့်၊ ကိုယ်ပိုင်ပြဋ္ဌာန်းခွင့်၊ တရားမျှတရေးနှင့် ဖက်ဒရယ်ဒီမိုကရေစီပြည်ထောင်စု ပေါ်ပေါက်ရေးအတွက် အသက်၊ သွေး၊ ခွန်အားများကို ပေးဆပ်စွန့်လွှတ်ခဲ့ကြသော KNDO ရဲဘော်အဆက်ဆက်နှင့် ကျဆုံးခဲ့ကြသည့် အာဇာနည်သူရဲကောင်းများအား လေးနက်စွာ ဂုဏ်ပြုအောက်မေ့အပ်ပါသည်။

ထို့အပြင် ယနေ့အချိန်အထိ ကရင်ပြည်သူလူထု၏ လုံခြုံရေး၊ ဂုဏ်သိက္ခာနှင့် အခြေခံအခွင့်အရေးများကို ကာကွယ်စောင့်ရှောက်လျက် အမျိုးသားလွတ်မြောက်ရေး၊ တရားမျှတရေးနှင့် ရေရှည်တည်တံ့ခိုင်မြဲသော ငြိမ်းချမ်းရေး ဖော်ဆောင်ရေးအတွက် တာဝန်ထမ်းဆောင်နေကြသော KNDO ရဲဘော်များနှင့် တော်လှန်ရေးအင်အားစုအားလုံးကိုလည်း လေးစားဂုဏ်ပြုအပ်ပါသည်။

၇၉ ကြိမ်မြောက် KNDO နေ့ အခါသမယတွင် ကရင်အမျိုးသားတော်လှန်ရေး၏ ရည်မှန်းချက်များ အောင်မြင်ပြီး ကရင်ပြည်သူလူထု၏ အခွင့်အရေး၊ ဂုဏ်သိက္ခာနှင့် ငြိမ်းချမ်းလုံခြုံသော အနာဂတ်ကို ဖော်ဆောင်နိုင်ပါစေကြောင်း ဆုမွန်ကောင်းတောင်းအပ်ပါသည်။

"ပြည်သူနှင့်အတူ ရပ်တည်၍ အမျိုးသားအခွင့်အရေးကို ကာကွယ်စောင့်ရှောက်ကာ တရားမျှတမှုနှင့် ငြိမ်းချမ်းသော ဖက်ဒရယ်အနာဂတ်ကို အတူတကွ တည်ဆောက်ကြပါစို့။"

79th Karen National Defence Organisation (KNDO) Day
15 July 2026,KNU-HQ

Commemorating the 79th Anniversary of the Karen National Defence Organisation (KNDO)

Established on 16 July 1947, the Karen National Defence Organisation (KNDO) has, for seventy-nine years, remained steadfast in its commitment to protecting the Karen people, safeguarding their fundamental rights, and advancing the cause of national equality and self-determination.

On this commemorative day, we pay our deepest tribute to the generations of KNDO soldiers and all those who made the ultimate sacrifice in the pursuit of freedom, justice, self-determination, and the establishment of a federal democratic union. Their courage, dedication, and sacrifice continue to inspire the ongoing struggle for the rights and dignity of the Karen people.

We also extend our profound respect and appreciation to all KNDO personnel and members of the resistance who continue to serve with commitment and determination in defending the security, dignity, and rights of the Karen people, while working towards a future founded on justice, lasting peace, and federal democracy.

On the occasion of the 79th KNDO Day, the Karen National Union (KNU) honours the enduring legacy of the KNDO and reaffirms its commitment to the shared aspirations of the Karen people for freedom, equality, peace, and self-determination.

"Standing with the people, defending our rights, and advancing justice for a peaceful federal future."

07/07/2026

“နိူးကြားတဲ့နိုင်ငံရေးအသိမရှိနေသမျှကတော့ တော်တော်နဲ့မရပါဘူး။ ဒါကြောင့်
ဆယ်စုနှစ်အချို့ကြာအုံးမယ်။”
"ဒီတိုင်းပြည်တိုးတက်ဖို့က ဒီတိုင်းပြည်က ပြည်သူပြည်သားတွေက လွတ်လွတ်လပ်လပ်နဲ့ လုပ်ကိုင်စားသောက်မှ ရမှာ။ လူတစ်စုကနေချယ်လှယ်လို့ကတော့ ဒီတိုင်းပြည်က ဘယ်တော့မှ တိုးတက်မှာမဟုတ်ဘူး။"

စောအယ်တာတော (ခ) ဆရာဂျက်ကော့
(၂၀၁၄ ခုနစ်၊ ဂျူလိုင်လ ၇ ရက်နေ့)

(၆၄) နှစ်မြောက် ဆဲဗင်းဂျူလိုင် အထိမ်းအမှတ်အနေဖြင့် ၁၉၆၂ ခုနစ်၊ ဆဲဗင်းဂျူလိုင် အဖြစ်အပျက်မှ ကျောင်းသားလူငယ်များအပေါ် စစ်တပ်၏ ရပ်စက်ကြမ်းကြုတ်မှုများအား စောအယ်တာတော (ခ) ဆရာဂျက်ကော့မှ မျှဝေပြောကြားခြင်း အပိုင်း (၂) အား ပြန်လည်မျှဝေလိုက်ပါသည်။

#ဆဲဗင်းဂျူလိုင် #ဖူးဂျက်ကော့

07/07/2026

“ခွေးတွေက လူငယ်တွေကို အညွှန့်တုံးအောင်လုပ်တော့ Generation က အညွှန့်တုံးသွားတဲ့အခါကျတော့ တိုင်းပြည်ကအဲ့လိုဖြစ်ရော။ လူမလေးခွေးမခန့်တွေ ဖြစ်ကုန်တာပေါ့။”

စောအယ်တာတော (ခ) ဆရာဂျက်ကော့
(၂၀၁၄ ခုနစ်၊ ဂျူလိုင်လ ၇ ရက်နေ့)

(၆၄) နှစ်မြောက် ဆဲဗင်းဂျူလိုင် အထိမ်းအမှတ်အနေဖြင့် ၁၉၆၂ ခုနစ်၊ ဆဲဗင်းဂျူလိုင် အဖြစ်အပျက်မှ ကျောင်းသားလူငယ်များအပေါ် စစ်တပ်၏ ရပ်စက်ကြမ်းကြုတ်မှုများအား စောအယ်တာတော (ခ) ဆရာဂျက်ကော့မှ မျှဝေပြောကြားခြင်း အပိုင်း (၁) အား ပြန်လည်မျှဝေလိုက်ပါသည်။

#ဆဲဗင်းဂျူလိုင် #ဖူးဂျက်ကော့

05/07/2026

ကရင်အမျိုးသားလွတ်မြောက်ရေးတပ်မတော်နေ့” ဖြစ်ပေါ်လာပုံ။

နှစ်စဥ် ဇူလိုင်လ (၅) ရက်နေ့သည် ကရင်အမျိုးသားလွတ်မြောက်ရေးတပ်မတော်နေ့ (သို့မဟုတ်) ကော်သူးလေတပ်မတော်နေ့ (ကီၢ်သူလ့ၤသုးမုၢ်ဒိၣ် အမုနံၤ) နေ့ဖြစ်သည်။

ယနေ့ ၂၀၂၆ ခုနှစ်၊ ဇူလိုင်လ(၅) ရက်နေ့သည် (၇၇)နှစ်မြောက် ကရင်အမျိုးသားလွတ်မြောက်ရေးတပ်မတော်နေ့ ဖြစ်သည်။

ကရင်အမျိုးသားလွတ်မြောက်ရေးတပ်မတော်နေ့” ဖြစ်ပေါ်လာပုံအကျဉ်း

၁၉၄၇ ခုနှစ်၊ ဖေဖော်ဝါရီ (၅) ရက်နေ့တွင် အောက်ပါ အဖွဲ့ (၄) ဖွဲ့ စုပေါင်းပြီး KNU - ကရင်အမျိုးသားအစည်းအရုံး ကို စတင်ဖွဲ့စည်းခဲ့သည်။
၁။ Karen National Association - KNA(ကရင်အမျိုးသားအသင်း)
၂။ B.K.N.A - Buddhist Karen National Association (ဗုဒ္ဓဘာသာ ကရင်အမျိုးသားအသင်း)
၃။ K.C.O - Karen Central Organization (ကရင်ဗဟိုအဖွဲ့ချုပ်)
၄။ K.Y.O- Karen Youth Organization(ကရင်လူငယ် အသင်း)

၁၉၄၇ ခုနှစ် ဇူလိုင်လ (၁၆)ရက် နေ့တွင် K.N.D.O ခေါ် ကရင်အမျိုးသား ကာကွယ်ရေးတပ်ဖွဲ့ ကို စတင်ဖွဲ့စည်းလေသည်။

၁၉၄၉ ခုနှစ် ဇန်နဝါရီ(၃၁)ရက်နေ့ K.N.D.O အင်းစိန် ဌာနချုပ်ကို ဝိုင်းဝန်းတိုက်ခိုက်သည့်အတွက် တစ်ပြည်လုံး ရှိ ကရင်များ ပြန်လှန်ခုခံ တိုက်ခိုက်ရာမှ ကရင့်လက်နက်ကိုင်တော်လှန်ရေး စတင် ဖြစ်ပေါ်လာလေ တော့သည်။

၁၉၄၉ ခုနှစ် ဇွန်လ (၁၄) ရက်နေ့တွင် ကော်သူးလေအစိုးရ ဖွဲ့စည်းတည်ထောင်ခဲ့သည်နှင့်တပြိုင်နက် ကရင်အမျိုးသား ခုခံတော်လှန်ရေး အစုအဖွဲ့များအားလုံးကို“ကော်သူးလေတပ်မတော်"(Kawthoolei Arms Forces-KAF) ၏ လက်အောက်တွင် ဖွဲ့စည်းဦးဆောင်ခဲ့သည်။

နိုင်ငံရေးလမ်းစဉ်နှင့် လက်နက်ကိုင်အခြေအနေပေါ်မူတည်၍ ၁၉၅၃ ခုနှစ်တွင် ကျင်းပပြုလုပ်သည့် မြစ်ဝကျွန်းပေါ်(ဝိန့်ထောင်)ကွန်ကရက်မှ ကရင်လက်နက်ကိုင်တော်လှန်ရေး၏ ဒုတိယလမ်းစဉ်ကို မြစ်ဝကျွန်းပေါ် ဒေသတွင် စမ်းသပ် အကောင်အထည်ဖော်ခြင်းကို ပြုလုပ်ခဲ့ကြသည်။

၁၉၅၆ ခုနှစ် ဇွန်လ (၂၆) ရက်နေ့တွင် ခလယ်လွီထူခရိုင်၊ မောကို(ဆောထိမြို့နယ်)၌ ကျင်းပပြုလုပ်သည့် ကရင်အမျိုးသားဆိုင်ရာ ကွန်ကရက်တွင် ကရင်တော်လှန်ရေး၏ ဒုတိယလမ်းစဉ်နှင့် “စစ်ရေးလမ်းစဉ်နှင့်အတူ ကရင်လက်နက်ကိုင် တပ်မတော်၏ဖွဲ့စည်း ပုံ"ကို အတည်ပြုခဲ့သည်။

ကရင်အမျိုးသားအစည်းအရုံးသည်"ကော်သူးလေ ပြည်သူ့ လွတ်မြောက်ရေးတပ်မ တော်" (KPLAF) ကို ထူထောင်ပြီး၊ ထိုတပ်မတော်ကို “ကရင်ပြည်သူ့လွတ်မြောက်ရေး တပ်မတော် (Karen People Liberation Army-KPLA) : (Karen People Guerilla Force-KPGF) နှင့် ကရင်အမျိုးသားကာကွယ်ရေးတပ်ဖွဲ့ (Karen National Defense Organization - KNDO)ဟူ၍ တပ်မတော် (၃)ရပ်ဖြင့် ဖွဲ့စည်း ထူထောင် ခဲ့သည်။ “စစ်ရေးလမ်းစဉ် နှင့် တပ်မတော်ဖွဲ့စည်းပုံ” အတည်ပြုခဲ့သည့် ဇူလိုင်လ (၅) ရက်နေ့ကို အစွဲပြုပြီး “ကော်သူးလေ တပ်မတော်နေ့” အဖြစ် ယနေ့ထက်ထိတိုင် ဂုဏ်ပြုကျင်းပလျက် ရှိပါသည်။

သို့ရာတွင် ခေတ်စနစ်နှင့် နိုင်ငံရေးအရ တိုးတက်ဖြစ်ပေါ်မှုများကြောင့် ကော်သူးလေတပ်မတော်အားကရင်အမျိုး သားလွတ်မြောက်ရေးတပ်မတော် အဖြစ်ပြောင်းလဲ အသိအမှတ်ပြုခေါ်ဝေါ်ခဲ့ပါသည်။

လက်ရှိ ကေအဲန်ယူ-က ရင်အမျိုးသားအစည်းအရုံး၊ကာကွယ်ရေးဌာနလက်အောက်တွင်"ကရင်အမျိုးသားလွတ်မြောက်ရေးတပ်မတော်” နှင့် "ကရင် အမျိုးသားကာကွယ်ရေးတပ်ဖွဲ့” (၂)ရပ် အပါအဝင် “ဒေသကာကွယ်ရေးတပ်ဖွဲ့" ဟူ၍ ထားရှိထားပြီး ကေအဲန်ယူ-ကရင်အမျိုးသားအစည်းအရုံး၏ နိုင်ငံရေးရည်မှန်းချက်ဖြစ်သော လုံခြုံရေးနှင့်စစ်ဘက်ဆိုင်ရာလုပ် ငန်းစဉ်များကို ဆောင်ရွက်ရန် ဖြစ်သည်။

Photo - KNU

03/07/2026

"ကော်သူးလေ ထာဝစဉ်စိမ်းလမ်းစိုပြေဖို့ နှစ်စဉ်စုပေါင်းသစ်ပင်စိုက်ကြစို့"
၂၀၂၆ ခုနှစ်၊ ဇူလိုင်လ (၃) ရက်
ကေဝိုင်အို- ကရင်လူငယ်အစည်းအရုံးနှင့် ကော်သူးလေသစ်တောဌာနတို့ ဦးဆောင်ပြီး ကော်သူးလေ “ထာဝစဉ်စိမ်းလမ်းစိုပြေဖို့ နှစ်စဉ်စုပေါင်းသစ်ပင်စိုက်ကြစို့ “ဆောက်ပုဒ်ဖြင့် ၂၀၂၆ ခုနှစ် ဇူလိုင်လတွင် ကျရောက်သည့် “၉” ကြိမ်မြောက် ကော်သူးလေ စုပေါင်းသစ်ပင်စိုက်လဖွင့်ပွဲကို ထိပ်မံတိုးချဲ့ဖွဲ့စည်းလိုက်သည့် ကေအဲန်ယူ-ကရင်အမျိုးသားအစည်းအရုံး ဒူးပလာယာခရိုင်၊ ရမတီးမြို့နယ်သစ်တွင် လုပ်ဆောင်ခဲ့ပါသည်။
အဆိုပါစုပေါင်းသစ်ပင်စိုက်ခြင်းအခမ်းအနားသို့ ကော်သူးလေ သစ်တောဌာန (ဗဟို)၊ ဒူးပလာယာခရိုင်နှင့် မြို့နယ်မှ သစ်တောတာဝန်ရှိသူများ၊ ကျောင်းသားကျောင်းသူ၊ ဆရာ/မများ၊ ပြည်သူလူထုများနှင့် စစ်ပိုင်းဆိုင်ရာ တာဝန်ရှိသူများ စုစုပေါင်း လူဦးရေ (၇၀၀)ကျော် တက်ရောက်ပါဝင်ခဲ့ကြသည်။
အခမ်းအနားတွင်ကော်သူးလေသစ်တောဌာန(ဗဟို) ဌာနမှူး ပဒိုမန်းဘထွန်းက “ကော်သူးလေသစ်တောများ ရေရှည်စိမ်းလန်းစိုပြေစွာ တည်ရှိနေခြင်းသည် ကရင်လူမျိုးများ၊ ဒေသခံပြည်သူများနှင့် ဌာနေတိုင်းရင်းသားများ၏ အသက်မွေးဝမ်းကျောင်းနှင့် သဘာဝပတ်ဝန်းကျင်၊ ဂေဟစနစ် ထိန်းသိမ်းရေးအတွက် အလွန်အရေးကြီးကြောင်း”ပြောကြားခဲ့သည်။
ကော်သူးလေသစ်တောများ ရေရှည်တည်တံ့၍ စိမ်းလန်းစိုပြေစေရေးသည် လူတိုင်း၏ တာဝန်ဖြစ်ပြီး သစ်ပင်စိုက်ပျိုးခြင်းသည် သစ်တောထိန်းသိမ်းရေး၏ အရေးကြီးသောအစိတ်အပိုင်းတစ်ရပ်ဖြစ်သကဲ့သို့ သစ်တောပြုန်းတီးမှု မဖြစ်ပေါ်စေရေးအတွက် သစ်တောများကို စုပေါင်းထိန်းသိမ်းကာကွယ်ခြင်း၊ သဘာဝသယံဇာတများကို တာဝန်ယူအသုံးပြုခြင်းနှင့် ထိန်းသိမ်းစောင့်ရှောက်ခြင်းတို့ကိုလည်း အလေးထားဆောင်ရွက်ကြရန် လိုအပ်လျက် ကရင်လူမျိုးတို့၏ သစ်တောထိန်းသိမ်းရေးဆိုင်ရာ ရိုးရာဓလေ့ထုံးတမ်းများ၊ ဌာနေတိုင်းရင်းသားများ၏ သဘာဝထိန်းသိမ်းရေးအသိပညာနှင့် အစဉ်အလာကောင်းများကို ပြန်လည်ဖော်ထုတ်ခြင်း၊ မှတ်တမ်းတင်ခြင်း၊ မြှင့်တင်ခြင်းနှင့် လက်တွေ့လိုက်နာကျင့်သုံးခြင်းတို့ကို ဒေသအသီးသီးတွင် အားပေးဆောင်ရွက်သွားကြရန် လိုအပ်ပေသည်။
မိဘဘိုးဘွားများထံမှ လက်ဆင့်ကမ်းရရှိခဲ့သည့် သစ်တောသယံဇာတအမွေသည် ယနေ့မျိုးဆက်၏ ပိုင်ဆိုင်မှုသာမက အနာဂတ်မျိုးဆက်များအတွက် အပ်နှံထားသည့် တာဝန်တစ်ရပ်လည်း ဖြစ်ပါသည်။ ထို့ကြောင့် ကရင်ပြည်သူလူထု၊ ဒေသခံတိုင်းရင်းသားများနှင့် ပြည်သူလူထုအားလုံးအနေဖြင့် ကော်သူးလေသစ်တောများ ရေရှည်တည်တံ့စေရေးအတွက် သစ်ပင်စိုက်ပျိုးခြင်း၊ သစ်တောထိန်းသိမ်းကာကွယ်ခြင်းနှင့် သဘာဝပတ်ဝန်းကျင်ထိန်းသိမ်းရေးလုပ်ငန်းများတွင် တက်ကြွစွာ ပူးပေါင်းပါဝင်ဆောင်ရွက်ကြရန် ကေအဲန်ယူ-ကရင်အမျိုးသားအစည်းအရုံးမှ လေးနက်စွာ တိုက်တွန်းနှိုးဆော်အပ်ပါသည်။

02/07/2026

၂၀၂၆ ခုနှစ်တွင် ကျရောက်သည့် (၉ ) ကြိမ်မြောက် ကော်သူးလေ သစ်ပင်စိုက်ပျိုးလတွင် ယနေ့ ဇူလိုင်လ ၁ရက်နေ့ ကရင်လူငယ်အစည်းအရုံး(KYO)မှ မြို့နယ်သစ်တောဌာန၊ ကျေးရွာသူ/ကျေးရွာသားများ စုပေါင်း၍ ကော့ကရိတ်မြို့နယ်တွင် စုပေါင်းသစ်ပင်စိုက်ပျိုးခြင်း

၂.၇.၂၀၂၆ ကော်သူးလေ

ကော့ကရိတ်မြို့နယ် ကရင်လူငယ်အသည်းအရုံး နှင့် မြို့နယ် သစ်တောဌာနတို့မှ ပူးပေါင်းကာ (၉)ကြိမ်မြောက် ကော်သူးလေ သစ်ပင်စိုက်ပျိုးခြင်းနေ့ အခမ်းအနားကျင်းပခြင်နှင့် သစ်ပင်စိုက်ပျိုးခြင်း ပြုလုပ်ခဲ့ပြီး ၄င်းသစ်ပင်စိုက်ပျိုးခြင်းအစီအစဉ်တွင်
ကော့ကရိတ်မြို့နယ် တွဲဖက်အတွင်းရေးမှူး ပဒိုမန်းဆန်းမင်း၊ သစ်တောဌာနမှ ဌာနမှူး ပဒိုစောအဲ့နော်နှင့် သစ်တောအဖွဲ့ဝင်များ၊ ကရင်လူငယ် အစည်းအရုံး(KYO)၊ ကျိုက်ဒုံရဲတပ်ဖွဲ့၊
ထော်ဝါလော်အုပ်စု၊ ကျောထအုပ်စု၊ မိနန်းအပ်အုပ်စု၊မိတန်အုပ်စု၊ပိုး‌ရေအုပ်စု၊ကျိုက်ဒုံအုပ်စု စသည့် ‌‌‌‌‌‌‌‌‌‌ရွာသူ/ရွာသားများ စုစုပေါင်း (၃၅၀) ဦး ဝန်းကျင် ပူးပေါင်းလုပ် ဆောင်ခဲ့သည်။

29/06/2026

"ကီၢ်သူလ့ၤ ထီဘိကလါဟ့အဂီၢ် ကိးနံၣ်ဒဲး သူၣ်သကိးသ့ၣ် ပ၁်ဖှိၣ်ထီၣ်"
" ခါန်ႋဆူလါင့် မ်ုသိင့်ယေဝ့်ၰီ့လါထင့်အ်ုၯင်ႋ ကိုဝ်ဏိင်းဍေ သုင်းယှံင်သိင်း ၰူ့ၰူ့ၰင်ၰင်"
"ခးၥူၫလဲၫ့ကဎံၫလၩမူၭရှူၪဆိၩကၠၪအဂးၥုၪ့ထၪ့ထဲၩ့ၥံၪ့မုၥံၪ့ထံၭကိၭနံၪ့လါဆံၭ"
"Plant Trees Together, Keep Kawthoolei Green Forever"
"ကော်သူးလေ ထာဝစဉ် စိမ်းလန်းစိုပြေဖို့ နှစ်စဉ် စုပေါင်းသစ်ပင်စိုက်ကြစို့"

Kawthoolei Tree Planting Month (July 1 - 31)

-------------

၂၀၂၆ ခုနှစ် ဇူလိုင်လ (၁) ရက်မှ (၃၁) ရက်အထိ
ကေအဲန်ယူ-ကရင်အမျိုးသားအစည်းအရုံးမှ ၂၀၂၃ ခုနှစ်တွင် “ကော်သူးလေသစ်ပင်စိုက်နေ့” ကို “ကော်သူးလေစုပေါင်းသစ်ပင်စိုက်လ” အဖြစ် သတ်မှတ်ခဲ့ပြီး ဇူလိုင်လတစ်လလုံး ကော်သူးလေတစ်ဝန်း သစ်ပင်စိုက်ပျိုးရေးလှုပ်ရှားမှုများကို ဆောင်ရွက်လျက်ရှိပါသည်။

၂၀၂၆ ခုနှစ် ဇူလိုင်လ ကော်သူးလေစု‌ပေါင်းသစ်ပင်စိုက်လ ၏ ဆောင်ပုဒ်မှာ အောက်ပါအတိုင်းဖြစ်သည်။
"ကီၢ်သူလ့ၤ ထီဘိကလါဟ့အဂီၢ် ကိးနံၣ်ဒဲး သူၣ်သကိးသ့ၣ် ပ၁်ဖှိၣ်ထီၣ်"
" ခါန်ႋဆူလါင့် မ်ုသိင့်ယေဝ့်ၰီ့လါထင့်အ်ုၯင်ႋ ကိုဝ်ဏိင်းဍေ သုင်းယှံင်သိင်း ၰူ့ၰူ့ၰင်ၰင်"
"ခးၥူၫလဲၫ့ကဎံၫလၩမူၭရှူၪဆိၩကၠၪအဂးၥုၪ့ထၪ့ထဲၩ့ၥံၪ့မုၥံၪ့ထံၭကိၭနံၪ့လါဆံၭ"
"Plant Trees Together, Keep Kawthoolei Green Forever"
"ကော်သူးလေ ထာဝစဉ် စိမ်းလန်းစိုပြေဖို့ နှစ်စဉ် စုပေါင်းသစ်ပင်စိုက်ကြစို့"

ဤလှုပ်ရှားမှု၏ ရည်ရွယ်ချက်မှာ သစ်တောများ ရေရှည်တည်တံ့ဖွံ့ဖြိုးစေရန်၊ သဘာဝပတ်ဝန်းကျင်ထိန်းသိမ်းရေး အသိအမြင်နှင့် ပြည်သူလူထုပူးပေါင်းပါဝင်မှုကို မြှင့်တင်ရန်၊ အစိုးရဌာနများနှင့် ဒေသခံပြည်သူများအကြား ပူးပေါင်းဆောင်ရွက်မှုကို ခိုင်မာစေရန် ဖြစ်ပါသည်။

ကော်သူးလေသစ်ပင်စိုက်သည့်လှုပ်ရှားမှုကို ၂၀၁၇ ခုနှစ်မှစတင်လုပ်ဆောင်ခဲ့ပါသည်။၂၀၂၆ ခုနှစ်သည် (၉) ကြိမ်မြောက် ကော်သူးလေစုပေါင်းသစ်ပင်စိုက်လ ဖြစ်ပြီး ကရင်တစ်မျိုးသားလုံး၊ ဒေသခံတိုင်းရင်းသားများနှင့် ပြည်သူလူထုအားလုံး မိမိတို့ဒေသအလိုက် တစ်နိုင်တစ်ပိုင်ဖြစ်စေ၊ စုပေါင်းအားဖြင့်ဖြစ်စေ သစ်ပင်များစိုက်ပျိုးကာ စိမ်းလန်းစိုပြေသော ကော်သူးလေကို အတူတကွတည်ဆောက်ကြဖို့ ကော်သူးလေသစ်တောဌာနမှ တိုက်တွန်းနှိုးဆော်လိုက်ပါသည်။

#ကော်သူးလေသစ်ပင်စိုက်လ

26/06/2026

ကညီသးစၢ်ကရၢ ဖၣ်အၣ်ကီၢ်ရ့ၣ် ၊တၢ်ကြဲၣ် ကီၢ်ဆၣ် မၤဝဲ ခီကရဲး (၃) ဝီတဝီ တၢ်ရဲၣ်တၢ်ကျဲၤ
လါနွံ (၂၆) သီ ၊ ၂၀၂၆ နံၣ်။
ခံၣ်အဲၣ်ယူၣ် - ကညီဒီကလုာ်စၢဖှိၣ်ကရၢ ၊ ဖၣ်အၣ်ကီၢ်ရ့ၣ် ၊ တၢ်ကြဲၣ် ကီၢ်ဆၣ် ကညီသးစၢ်ကရၢ မၤဝဲ ခီကရဲး (၃) ဝီတဝီ ဖဲ မုၢ်နံၤ (၁၇. ၆.၂၀၂၆ )နံၣ် တုၤ (၂၀.၆.၂၀၂၆ ) နံၣ် လွံၢ်သီအတီၢ်ပူၤ န့ၣ်လီၤ.
လၢခီကရဲးအပူၤ (တၢ်ကြဲၣ်ကီၢ်ဆၣ်) ကညီသးစၢ်ကရၢ တၢ်ဟူးတၢ်ဂဲၤလၢ (၂) နံၣ်အတီၢ်ပူၤ တၢ်ဟူးတၢ်ဂဲၤတဖၣ် ပဲာ်ထံနီၤဖးက့ၤဒီး ခိၣ်နၢ်လၢဟဲထီၣ် ခီကရဲးတဖၣ် ထူးစုနဲၣ်ကျဲ တဂၤဘၣ်တဂၤ စုာ်စုာ်န့ၣ်လီၤ.
ဖၣ်အၣ်ကီၢ်ရ့ၣ် ၊ တၢ်ကြဲၣ်ကီၢ်ဆၣ် ကညီသးစၢ်ကရၢ မၤဝဲ ခီကရဲး (၃) ဝီတဝီ အပူၤ ခိၣ်နၢ်လၢပၣ်ဃုာ်တဖၣ် မ့ၢ်ဝဲ - တၢ်ကြဲၣ်ကီၢ်ဆၣ် (ကီၢ်ဆၣ်ခိၣ် ပဒိၣ် စီၤဆၣ်ပလဲ D1 ၊ နဲၣ်ရွဲၣ်သဃဲၤ ပဒိၣ်စီၤပူလူ ၊ တၢ်ကြဲၣ်ကီၢ်ဆၣ် စံၣ်ညီၣ်ကွီၢ်ခိၣ် မါစၤစွ့ၤမၠ့ၣ် ၊ ကညီပိာ်မုၣ်ကရၢ ၊ သုးရ့ၣ် (၁၉) သုးခိၣ် စီၤပံၣ်လ့ ဒီး ကရူၢ်/ဒူသဝီ (၁၉) ကရူၢ် ခၢၣ်စးသ့ၣ်တဖၣ် ပှၤနီၣ်ဂံၢ် ခဲလၢာ် (၉၀) ဂၤ ဃၣ်ဃၣ် ဟဲထီၣ်ဝဲ ခီကရဲးဘျီဝဲအံၤန့ၣ်လီၤ.
ခီကရဲး (၃) ဝီတဝီ တၢ်ကြဲၣ် ကီၢ်ဆၣ် ကညီသးစၢ်ကရၢ ပၢဆှၢတၢ်ကမံးတံာ်လၢ တၢ်ဘၣ်ဃုထၢ ထီၣ်အီၤတဖၣ် လၢအမ့ၢ် -
၁။ စီၤအဲၣ်ကပီၤထူ (ကရၢခိၣ်)
၂။ စီၤစွဲခၠံးအူ (နဲၣ်ရွဲၣ်)
၃။ စီၤပူတူ (တၢ်ကရၢရီးဒီး တၢ်ဘိးဘၣ်ရၤလီၤ မူဒါခိၣ်)
၄။ နါ အဲးစူပဲၤ (တၢ်ကတီၤခိၣ်ဃၢၤန့ဆၢၣ်ဒီး တၢ်ဂုၤထီၣ်ပသီထီၣ် မူဒါခိၣ်)
၅။ နါ ခလ့ ခလ့ (ပှၤဂ့ၢ်ဝီ မူဒါခိၣ်)
၆။ နါအ့စူၣ်ကၠံၤ (ပှၤပၢၤစ့ မူဒါခိၣ်)
၇။ ခိၤအီၤသူၤရၣ်ဖၠိ (ပှၤသမံသမိးစ့ မူဒါခိၣ်)
သ့ၣ်တဖၣ် ဘၣ်တၢ်ဃုထၢထီၣ်အီၤ န့ၣ်လီၤ.

(၃)ကြိမ်မြောက် ပိုင်ကျုံမြို့နယ် ကရင်လူငယ်အစည်းအရုံးကွန်ဂရက် ကျင်းပပြီးစီး

ဇွန်လ(၂၆)ရက်၊၂၀၂၆ ခုနှစ်။

ကေအဲန်ယူ-ကရင်အမျိုးသားအစည်းအရုံး၊ ဖားအံခရိုင်၊ (၃)ကြိမ်မြောက် ပိုင်ကျုံမြို့နယ် ကရင်လူငယ်အစည်းအရုံးကွန်ဂရက်ကို ၂၀၂၆ခုနှစ်၊ဇွန်လ (၁၇)ရက်နေ့မှ(၂၀)ရက်နေ့အထိ ပိုင်ကျုံမြိုနယ်တစ်‌နေရာတွင် (၄)ရက်တာကျင်းပပြုလုပ်ခဲ့သည်။

၎င်းကွန်ဂရက်တွင် (၂)ကြိမ်မြောက် ပိုင်ကျုံမြို့နယ် ကရင်လူငယ်အစည်းအရုံး၏ ၂နှစ်တာလှုပ်ရှားဆောင်ရွက်မှု အစီရင်ခံစာအား ဝေဖန် သုံးသပ် ဆွေးနွေးအကြုံပြုခြင်း၊ တက်ရောက်လာသည့်ခေါင်းဆောင်များမှ လမ်းညွှန်အကြံပြုစကားအသီးသီးပြောကြားခဲ့သည်။

အဆိုပါကွန်ဂရက်တွင် ဖားအံခရိုင် ကရင်လူငယ်အစည်းအရုံး၊ ပိုင်ကျုံမြို့နယ် ဥက္ကဌ ပဒိုစောဆာပုလဲD1 နှင့် တွဲဖက်အတွင်းရေးမှူး ပဒိုစောပုလူ၊ ပိုင်ကျုံမြို့နယ် တရားသူကြီး ပဒိုမန်းစံရွှေမြင့်၊ ပိုင်ကျုံမြို့နယ် ကရင်အမျိုးသမီးအစည်းအရုံး၊ တပ်ရင်း(၁၉)မှ ဗိုလ်မှူးစောပိလေးနှင့် ကျေးရွာအုပ်စု(၁၉)အုပ်စုမှ လူငယ်ကိုယ်စားလှယ်များ စုစုပေါင်းလူဦးရေ(၉၀)ကျော် တက်ရောက်ခဲ့သည်။

(၃) ကြိမ်မြောက် ပိုင်ကျုံမြိုနယ် ကရင်လူငယ်အစည်းအရုံး ကွန်ဂရက်တွင် အလုပ်အမှုဆောင်ကော်မတီအဖြစ်
၁။ စောအယ်ကပေါ်ထူး (ဥက္ကဋ္ဌ)
၂။ စောဇွဲချစ်ဦး (အတွင်းရေးမှူး)
၃။ စောပူးတူး (စည်းရုံးရေးနှင့် ပြန်ကြားရေးတာဝန်ခံ)
၄။နန်းအဲစူးပိုင် (သဘာဝပတ်ဝန်းကျင်ထိန်းသိမ်းစောင့်ရှောက်ရေးနှင့် လူမှုဝန်းကျင်ဖွံ့ဖြိုးတိုး တက်ရေး တာဝန်ခံ)
၅။ နန်းခလိန်းခလိန်း (လူမှုရေးတာဝန်ခံ)
၆။ နန်းအေးစုကြည် (ဘဏ္ဍာရေးတာဝန်ခံ)
၇။ခွန်အောင်သူရဖြိုး (စာရင်းစစ် တာဝန်ခံ) တို့အား ရွေးကောက်တင်မြှောက်ခဲ့သည်။

02/06/2026

“Summer Youth Camp ခရိုင် (၅) ခုတွင် အောင်မြင်စွာ ပြီးစီး”
၂၀၂၆ ခုနှစ်၊ ဇွန်လ၊ (၂) ရက်နေ့

ကရင်လူငယ်အစည်းအရုံးမှ ဦးဆောင်ပြီး ၂၀၂၆ ခုနှစ်၊ မတ်လမှ မေလအထိ နွေရာသီလူငယ်စခန်းသွင်းသင်တန်း ( Summer Youth Camp) ကို ဒူးသထူခရိုင်၊ ခလွယ်လွီထူခရိုင်၊ ဘိတ်-ထားဝယ်ခရိုင်၊ ဒူးပလာယာခရိုင် နှင့် ဖားအံခရိုင်တွင် အောင်မြင်စွာလုပ်ဆောင်ခဲ့ပြီး သင်တန်းသူ (၁၄၅) ဦး နှင့် သင်တန်းသား (၂၀၃) ဦး စုစုပေါင်း (၃၄၈) ဦး သင်တန်းအောင်မြင်စွာ ပြီးစီးခဲ့ပါသည်။ ဤနွေရာသီလူငယ်စခန်းသွင်းသင်တန်းတွင် ကရင်လူငယ်များအပါအဝင် ကော်သူးလေအတွင်းရှိ မွန်လူငယ်များ၊ ပအိုဝ်းလူငယ်များ၊ နယ်စပ်ဒေသရှိ ဒုက္ခသည်စခန်းများမှ လူငယ်များ နှင့် အခြားဒေသရှိ လူငယ်များလည်း ပါဝင်တက်ရောက်ခဲ့ကြသည်။

နွေရာသီလူငယ်စခန်းသွင်းသင်တန်းတွင်
• ကိုယ်ကာယကျန်းမာကြံ့ခိုင်ရေး နှင့် အခြေခံစစ်သင်တန်း
• ကရင်အမျိုးသားရေး ရုန်းကန်လှုပ်ရှားမှုဆိုင်ရာသမိုင်းကြောင်း
• ကေအဲန်ယူ၏ ဖွဲ့စည်းပုံအခြေခံဥပဒေ၊ နည်းဥပဒေ၊အခြေခံလမ်းစဉ် လုပ်ငန်းစဉ်
• Federalism
• Bottom-up Federalism
• KawThooLei Charter
• Good Governance
• Essential Leadership
• Critical Thinking
• မိုင်းအမျိုးမျိုးဆိုင်ရာ အသိပညာပေးခြင်း
• Panel Discussion
• Guest Speaker များမှ တော်လှန်ရေးအတွေ့အကြုံများ မျှဝေခြင်းများ ပါဝင်ခဲ့ပါသည်။

အရှေ့ပိုးကရင်ဘာသာဖြင့်ဖတ်ရန်.....

"လ်ုခြိုင့် (၅)ၜိင်းဖိုင် မာဟှံင်ဖၠံင့်ဟှခွိက် Summer Youth Camp"
၂၀၂၆ဏိင်း၊ လာဂျံင်၊ (၂)သင့်

ဖၠုံဆိုဒ်သာၜင်းအ်ုဖူ့အ်ုဍံင်း တာ်ခေါဟ်အင်းတာင်မာ ၂၀၂၆ဏိင်း၊ လာမး ထံင်လ်ု လာမေ၊ ဆ်ုခေါဝ်ႋခါ့သာၜင်းဆ်ုမာလောဟ် (Summer Youth Camp)ဏှ် လ်ုဍုံသ်ုထုံ့ခြိုင့်၊ ခၠုံးလီႋထုင်းခြိုင့်၊ ၜိင်း-ထ်ုဝယ့်ခြိုင့်၊ ဍုံဖၠာႋယးခြိုင့် ဍေ ထ်ုအင်ခြိုင့်ဖိုင် ဖၠံင့်ဖၠံင့်ဟှဟှ ဖါ်မာဟှံင်ဝေ့တာႋ ဆ်ုမာလောဟ်ဖောဟ် အ်ုမူး (၁၄၅)ဟှာ ဍေ အ်ုခွါ့ (၂၀၃)ဟှာ လုက်ဆိင့်လုက်ကၠိင် (၃၄၈)ဟှာ ဆ်ုမာလောဟ် ဖၠံင့်ဟှဝေ့ဆေဝ်ႋလှ်။ ယိုဝ် လ်ုဆ်ုခေါဝ်ႋခါ့သာၜင်းဆ်ုမာလောဟ်ဖိုင် ဖၠုံဆိုဒ်သာၜင်းသယ်လ်ုဖး ပါဃှုဂ်ဍိင်ဍေ အှ်ခါန်ႋဆူလာင့်ဖိုင် ယောဝ်ဆိုဒ်သာၜင်း၊ ပ်ုအိုဝ်းဆိုဒ်သာၜင်း၊ အှ်ခါန်ႋဆိုင့်ဏာင် လ်ုၜးကးဟှယ်လင်ႋဍာ သာၜင်းသယ် ဍေ အှ်ဃှာင်ဃှံင်လင်ႋဌာန့် သာၜင်းလ်ုဖးသီး နုက်လင်ထင်းသီးဝေ့ဆေဝ်ႋလှ်။

လ်ု ဆ်ုခေါဝ်ႋခါ့သာၜင်းဆ်ုမာလောဟ် အ်ုဖိုင်
- ဏင့်က်ုဆာ့ဆ်ုဆံင်းဆ်ုခၠါင့် ဍေ သုဂ်ဆ်ုမာလောဟ်အ်ုခင်းထာ်
- ၜးဆာင့် ဖၠုံဆိုဒ်ဖေါဟ်ဟှင်ႋဆ်ုကုက်ကၠေစိုဒ်ဖါ်မာဆ်ု အ်ုမေင်စိင်ႋ
- ခေအဲန်ယူဝေ့ ထုံ့ခွင်ႋကဝ်ခြာင့်အ်ုခင်းထာ်၊ ထုံ့ခွင်ႋကဝ့်ခြာင့်ဆ်ုမာကျံင်းဖၠံင်၊ ဖၠုံဆိုဒ်ဖေါဟ် တိုဒ်က်ုရေင့်ဖိုင်သာသၞောဝ့်အ်ုခင်းထာ်ဍေ ဆ်ုမာသုဂ်ကၠယ်
- Federalism
- Bottom-up Federalism
- KawThooLei Charter
- Good Governance
- Essential Leadership
- Critical Thinking
- ၜးဆာင့်မာင်ႋၜုင်ႋအ်ုမိင်မိင် ဆ်ုဖှ်ေ ဆ်ုသှ်ေယာ့ဏးသှ်ေ
- Panel Discussion
- Guest Speaker လ်ုဖး ဆ်ုဖှ်ေအင်းဏင်လင် တိုဒ်က်ုရေင့်ဆ်ုခင့်ဖၠံင့်လ်ုဖး သယ် ပါဝေ့ဆေဝ်ႋလှ်။

အနောက်ပိုးကရင်ဘာသာဖြင့်ဖတ်ရန်

“လၧခးရ့ၫ(၅)လးအဖၧၩ့မၩထဲၩ့ဝ့ၫSummer Youth Camp ဂီၩ့ယူၭ”

၂၀၂၆ နံၪ့၊ လၩယူၫ၊ (၂) ၥၫ့
ဖျိၩ့ဆၨၩၥၭဘၪ့အဖုၫအဂီကဲၪခိၪကဲၪနါဂီၩ့၂၀၂၆နံၪ့စၭထၪ့လၧလၩမၫၡၭထးထီၩ့လၩမ့ၫဆၧယီၩခၫၥၭဘၪ့ဖိၪၥံၪအဂးဆၧမၩလိၪ( Summer Youth Camp) ယီၩမၩထဲၩ့ဝ့ၫလၧဒူၩၥထူၫခးရ့ၫ,ခလွဲၫလွံၫထူၫခးရ့ၫ,ဘျံၭ-ထဝဲၫခးရ့ၫ, ဒူၩပလၫယၫခးရ့ၫဒဲထအၫ့ခးရ့ၫဖၧၩ့ဂီၩ့ယူၭဂီၩ့ဆၧမၩလိၪအမုၪ(၁၄၅)ဂၩဒဲအခွၫ(၂၀၃)ဂၩထီးအလူၬ(၃၄၈)ဂၩထၪ့ဝ့ၫဒဲခၪ့ဖျီၪ့ထဲၩ့ဆၧမၩလိၪဂီၩ့ယူၭနီၪလီၫ.
ဆၧမၩလိၪအဖၧၩ့ဖျိၩ့ၥၭဘၪ့ဖိၪၥံၪအပၫအီၪလၧခးၥူၪလဲၫ့လးဝၩ့ဖၧၩ့ ယိၩၥၭဘၪ့ဖိၪၥ့ၪ, ပအဲၩ့ၥၭဘၪ့ဖိၪၥံၪ, အီၪလၧဆၧတတုၬတနၬလးဝၩ့ဖၧၩ့ၥၭဘၪ့ဖိၪၥံၪဒဲ အဂူၫဂၩလးဝၩ့ဖၧၩ့ၥၭဘၪ့ဖိၪၥံၪဂဲၫထၪ့ထဲၩ့ပၫဝ့ၫနီၪလီၫ.
ဆၧယီၩခၫဆၧမၩလိၪအဖၧၩ့ နးခီၫ့မိၡါကအီၪဆီၪ့အီၪချဲၫ့အဂဲးဒဲအခၪ့ထံၭၥုၭဆၧမၩလိၪ, ၦဖျိၩ့ဆၨၩဆၬအဆၧဂဲၩ ထၪ့ဝၭထၪ့ဘၪထွ့ၫဖးဖီၩ့, ခ့ၫအၫ့ယူၫအခၪ့ထံၭကၧၩ့ထၪ့ဝ့ၫၥနိၫ, ကိၪ့ၥ့ၪဘၪၥနိၫ, အခၪ့ထံၭအဆၧဖံၭဆၧမၩဖၧၩ့ၥၭအဖျီၩ့, Federalism , Bottom-up Federalism , KawThooLei Charter, Good Governance , Essential Leadership , Critical Thinking , ဘၪထွ့ၫလၧမ့ၪဖီးဆၧကိၪ့ၥ့ၪကိၪ့ဘၪ အၪ့နၩ့လၩ့ဝ့ၫ, Panel Discussion , Guest Speaker ၥံၪအဆၧဒၪခီၩ့ဝ့ၫဆၧပိၩ့ထၪ့အဂဲးအဖးၥံၪ အၪ့နၩ့ လၩ့ဝ့ၫပၫဝ့ၫနီၪလီၫ.

#2026

Karen Youth Organization - KYO

15/07/2026

15/07/2026

07/07/2026

07/07/2026

05/07/2026

03/07/2026

02/07/2026

29/06/2026

26/06/2026

02/06/2026

ที่อยู่

เวลาทำการ

เว็บไซต์

แจ้งเตือน

ติดต่อ องค์กรนั้น

ทางลัด

แชร์

ประเภท

คำขอนำรายการออก

จันทร์	09:00 - 17:00
อังคาร	09:00 - 17:00
พุธ	09:00 - 17:00
พฤหัสบดี	09:00 - 17:00
ศุกร์	09:00 - 17:00