เว็บไซต์คืออะไร?

https://www.facebook.com/103385475793127/

Migrant Rights Promotion Working Group - MRPWG

หน้าหลัก
ประเทศไทย
Mae Sot
Migrant Rights Promotion Working Group - MRPWG

ရွှေ့ပြောင်းအလုပ်သမားများအတွက် သတင်းအချက်အလက်စုစည်းရာ

27/07/2026

MRPWG ကွန်ယက်၏ လပတ်အစည်းအဝေး ကျင်းပပြုလုပ်ခြင်း

၂၀၂၆ ခုနှစ်၊ ဇူလိုင်လ (၂၇) ရက်နေ့တွင် မယ်တော်ဆေးခန်းရှိ Seminar Hall - 2 ၌ MRPWG ကွန်ယက်၏ လပတ်အစည်းအဝေးကို အောင်မြင်စွာ ကျင်းပပြုလုပ်ခဲ့ပါသည်။

အဆိုပါ အစည်းအဝေးသို့ MRPWG ကွန်ယက်အဖွဲ့ဝင် အဖွဲ့အစည်းအသီးသီးမှ ကိုယ်စားလှယ်များ တက်ရောက်ခဲ့ကြပြီး အောက်ပါ အကြောင်းအရာများကို အဓိကထား ဆွေးနွေးတိုင်ပင်ခဲ့ကြပါသည် ။

မဲဆောက်ဒေသတွင်းရှိ ရွှေ့ပြောင်းအလုပ်သမားများနှင့် သက်ဆိုင်သည့် လက်ရှိအခြေအနေများ၊ စိန်ခေါ်မှုများကို ရင်းနှီးပွင့်လင်းစွာ ဆွေးနွေးဖလှယ်ခြင်း၊ရှေ့ဆက်လုပ်ငန်းစဉ်များ ချမှတ်ခြင်း၊ ကွန်ယက်၏ ရှေ့ဆက်သွားမည့် လုပ်ငန်းစဉ်များနှင့် ပတ်သက်၍ အသေးစိတ် ဆွေးနွေးတိုင်ပင်ခဲ့ကြပြီးကွန်ယက်အဖွဲ့ဝင် အဖွဲ့အစည်းများအကြား မိမိတို့ တတ်နိုင်သည့်ဘက်မှ ပူးပေါင်းပါဝင်ကာ အပြန်အလှန် တာဝန်ခွဲဝေယူခဲ့ကြပါသည်။

MRPWG ကွန်ယက်သည် မဲဆောက်ဒေသအတွင်းရှိ မဲဆောက်အခြေစိုက် လူထုအခြေပြုအဖွဲ့အစည်း (CBO) အသီးသီးဖြင့် စုစည်းဖွဲ့စည်းထားသော ကွန်ယက်တစ်ခုဖြစ်ပြီး ရွှေ့ပြောင်းလူထု၏ အကျိုးအတွက် အစဉ်တစိုက် ပူးပေါင်းဆောင်ရွက်လျက်ရှိပါသည်။

18/07/2026

ပန်းရောင်ကတ် Update လုပ်ရန် အရေးကြီးကြောင်း အသိပေးခြင်း

- အလုပ်ရှင်တွေဆီမှာ Work Permit သက်တမ်းတိုးထားတဲ့ အဖွဲ့တွေအနေနဲ့ ပန်းရောင်ကတ်ကို Update မလုပ်ထားဘူးဆိုရင် နောက်ဆက်တွဲ အခက်အခဲတွေ ကြုံရနိုင်ပါတယ်။

- ဘဏ်အကောင့် ဖွင့်ခြင်း ကိစ္စရပ်များ၊ ယာဉ်မောင်းလိုင်စင်ပြုလုပ်ခြင်း ကိစ္စရပ်များ အဆင်ပြေစေဖို့အတွက် မိမိတို့ သက်တမ်းတိုးထားတဲ့ Work Permit နဲ့ အတူ ပန်းရောင်ကတ်ကိုပါ Update ပြုလုပ်ထားဖို့ လိုအပ်ပါတယ်ရှင်။

- ပန်းရောင်ကတ် Update ပြုလုပ်ခြင်း လုပ်ငန်းစဉ်တွေကို မိမိတို့ နေထိုင်တဲ့ သက်ဆိုင်ရာ မြို့နယ်ရဲ့ ခရိုင်ရုံး (အမ်ဖို ရုံး) တွေမှာ သွားရောက် ပြုလုပ်ရမှာဖြစ်ပါတယ်။

#ထိုင်းရောက်မြန်မာအလုပ်သမား #ရွှေ့ပြောင်းလုပ်သား #ရွေ့ပြောင်းအလုပ်သမား #ထိုင်းရောက်မြန်မာ #မဲဆောက်

08/07/2026

ထိုင်းနိုင်ငံမှာ ဥပဒေ အသက်ဝင်ပြီဖြစ်သော အရက်၊ ဘီယာ ရောင်းချခြင်း/သောက်သုံးခြင်း လုံးဝမပြုရမည့် နေရာ (၈) ခုအကြောင်း
မိမိတို့ ရွှေ့ပြောင်းအလုပ်သမားတွေ အနေနဲ့ ထိုင်းနိုင်ငံက ချမှတ်ထားတဲ့ စည်းမျဉ်းဥပဒေတွေကို လိုက်နာခြင်းအားဖြင့် ဘေးရန်ကင်းကွာစေမှာ အမှန်ပဲဖြစ်ပါတယ်ရှင်။
#ရွေ့ပြောင်းအလုပ်သမား #လူမှုဖူလုံရေး #ထိုင်းရောက်မြန်မာအလုပ်သမား #ရွှေ့ပြောင်းလုပ်သား #ထိုင်းရောက်မြန်မာ

06/07/2026

မဲဆောက်မြို့နယ်အတွင်း ဘက်ထရီစက်ဘီး (E-Bike) စီးနင်းသူများ သတိပြုရန် အရေးကြီးကြေညာချက်

E-Bike စီးနင်းခွင့် အချိန်ကန့်သတ်ချက်

နံနက်ပိုင်း: ၇:၀၀ နာရီ မှ ၉:၀၀ နာရီအထိ
ညနေပိုင်း: ၃:၀၀ နာရီ မှ ၅:၀၀ နာရီအထိ

ဘေးအန္တရာယ် ကင်းရှင်းကြပါစေ

#မဲဆောက် #ယာဉ်အန္တရာယ်ကင်းရှင်းရေး #စည်ပင်ကြေညာချက်

26/06/2026

၂၀၂၆ခုနှစ် ဇွန်လ ( ၂၆) ရက်နေ့တွင် မယ်တောင်မိုင်ကျေးရွာတွင်ရှိသော Arakan Workers Organization(AWO) ၏ ရုံး ၌ MRPWG ကွန်ယက် ၏ လပတ်အစည်းအဝေး တစ်ခုကိုပြုလုပ်ခဲ့ပါသည်။

ထိုအစည်းအဝေးတွင် MRPWG ၏ ကွန်ယက်အဖွဲ့ဝင် အဖွဲ့အစည်း
အသီးသီးမှ ကိုယ်စားလှယ်များတက်ရောက်ခဲ့ကြပြီး ကွန်ယက်မှ ကွန်ယက်အဖွဲ့ဝင်ကြားတွင် မဲဆောက်ဒေသတွင်းရှိ ရွှေ့ပြောင်းအလုပ်သမားများနှင့် သက်ဆိုင်သည့်အခြေအနေများကိုဆွေးနွေးဖလှယ်ခြင်း ၊ ကွန်ယက်အဖွဲ့ဝင်အချင်းချင်းကြားတွင် ရှေ့ဆက်လုပ်ဆောင်မည့်လုပ်ငန်းစဉ်များကို ဆွေးနွေးတင်ပြခဲ့ကြပါသည်။

MRPWG ကွန်ယက်သည် မဲဆောက်ဒေသအတွင်းရှိ မဲဆောက်အခြေစိုက် လူထုအခြေပြုအဖွဲ့အစည်းအသီးသီးဖြင့်ဖွဲ့စည်းထားသော ကွန်ယက်တစ်ခုဖြစ်ပါသည်။

18/06/2026

MRPWG ကွန်ယက်၏ နှစ်စဉ်အစီရင်ခံစာ ၂၀၂၅ ထွက်ရှိလို့လာပါပြီ။

ပြီးခဲ့တဲ့နှစ်အတွင်း MRPWG ကွန်ယက်၏လုပ်ဆောင်ချက်များ၊ အောင်မြင်မှုများနှင့် ရှေ့ဆက်လုပ်ဆောင်သွားမည့် လုပ်ငန်းစဉ်များကို အောက်ပါ လင့်တွေမှာ အသေးစိတ် လေ့လာဖတ်ရှုနိုင်ပါပြီး။

မြန်မာဘာသာဖြင့်

https://drive.google.com/file/d/1Zz0Vbe2jxuYRPuWZBQNaXUYee1cenIIs/view?usp=sharing

အင်္ဂလိပ်ဘာသာဖြင့်
https://drive.google.com/file/d/1lMAGKUzwpOdKw9w-b3lpuVm0fkK_zZT1/view?usp=sharing

19/05/2026

၂၀၂၆ခုနှစ် မေလ ( ၁၉) ရက်နေ့တွင် ကဘီဘန်းကျေးရွာတွင်ရှိသော Social Action for Women(SAW)Foundation ၏ ရုံး ၌ MRPWG ကွန်ယက် ၏ လပတ်အစည်းအဝေး တစ်ခုကိုပြုလုပ်ခဲ့ပါသည်။

ထိုအစည်းအဝေးတွင် MRPWG ၏ ကွန်ယက်အဖွဲ့ဝင် အဖွဲ့အစည်းအသီးသီးမှ ကိုယ်စားလှယ်များတက်ရောက်ခဲ့ပြီး ကွန်ယက်မှ မေလ (၁) ရက်နေ့ တွင် ကျင်းပပြီးစီးခဲ့သည့် ကမ္ဘာ့အလုပ်သမားများနေ့ အခမ်းအနား၏ အားသာချက် ၊ အားနည်းချက်များဆွေးနွေးခြင်း၊ ကွန်ယက်အဖွဲ့ဝင်ကြားတွင် မဲဆောက်ဒေသတွင်းရှိ ရွှေ့ပြောင်းအလုပ်သမားများနှင့် သက်ဆိုင်သည့်အခြေအနေများကိုဆွေးနွေးဖလှယ်ခြင်း ၊ ကွန်ယက်အဖွဲ့ဝင်အချင်းချင်းကြားတွင် ရှေ့ဆက်လုပ်ဆောင်မည့်လုပ်ငန်းစဉ်များကို ဆွေးနွေးတင်ပြခဲ့ကြပါသည်။

MRPWG ကွန်ယက်သည် မဲဆောက်ဒေသအတွင်းရှိ မဲဆောက်အခြေစိုက် လူထုအခြေပြုအဖွဲ့အစည်းအသီးသီးဖြင့်ဖွဲ့စည်းထားသော ကွန်ယက်တစ်ခုဖြစ်ပါသည်။

MRPWG ကွန်ယက်အနေဖြင့် မဲဆောက်ဒေသတွင်းရှိ ရွှေ့ပြောင်းအလုပ်သမားများ၏ အကျိုးစီးပွားနှင့် အခွင့်အရေးများအတွက် အဖွဲ့ဝင် လူထုအခြေပြုအဖွဲ့အစည်းများနှင့်အတူ ဆက်လက်ပြီး လက်တွဲလုပ်ဆောင်သွားမည် ဖြစ်ပါသည်။

01/05/2026

၂၀၂၆ ခုနှစ်၊ မေလ (၁) ရက်နေ့တွင် ကျရောက်သော အပြည်ပြည်ဆိုင်ရာကမ္ဘာ့အလုပ်သမားနေ့ကို ဂုဏ်ပြုသောအားဖြင့် MRPWG ကွန်ယက် နှင့် ရွှေ့ပြောင်းအလုပ်သမားများ စုပေါင်း၍ ထူးခြားသည့် လှုပ်ရှားမှုတစ်ရပ်ကို ပြုလုပ်ခဲ့ကြသည်။

ယနေ့ ကျရောက်သည့် (၁၃၆) ကြိမ်မြောက် အပြည်ပြည်ဆိုင်ရာ ကမ္ဘာ့အလုပ်သမားနေ့ (May Day) အထိမ်းအမှတ်အဖြစ် MRPWG (Migrant Rights Promotion Working Group) ကွန်ယက် ဦးဆောင်မှုဖြင့် ရွှေ့ပြောင်းအလုပ်သမား ရာပေါင်းများစွာသည် မယ်တောင်မိုင်ကျေးရွာတွင် စုပေါင်း၍ အလုပ်သမားအခွင့်အရေး လှုပ်ရှားမှုတစ်ရပ်ကို စည်ကားသိုက်မြိုက်စွာ ကျင်းပခဲ့ကြသည်။ အခမ်းအနားတွင် မေဒေးသမိုင်းကြောင်း၊ MRPWG ကွန်ယက်အကြောင်းမိတ်ဆက်ခြင်း၊ သံချပ်များဖြင့် ဖျော်ဖြေခြင်း၊ ၁၃၆ ကြိမ်မြောက် ကမ္ဘာ့အလုပ်သမားနေ့ ထုတ်ပြန်ကြေညာချက်ဖတ်ကြားခြင်း၊
Burmese Women’s Union(BWU) မှ Panel discussion ပြုလုပ်ခြင်း၊ အလုပ်ရှင်၊ အလုပ်သမားနှင့် သက်ဆိုင်သည့် ပဟေဠိ မေးခွန်း နှင့် အဖြေများပြုလုပ်ခြင်းနှင့် ရခိုင်တိုင်းရင်းသား အကများဖြင့် ဖျော်ဖြေခဲ့ကြပါသည်။

အခမ်းအနား၏ အဓိကရည်ရွယ်ချက်များ

ဒီနေ့ လှုပ်ရှားမှုဟာ ရိုးရိုးပွဲတော်တစ်ခုထက်မကဘဲ ရွှေ့ပြောင်းအလုပ်သမားတွေရဲ့ ဘဝလုံခြုံရေးနဲ့ တန်းတူညီမျှမှုကို ဖော်ဆောင်ဖို့ ရည်ရွယ်ထားတာဖြစ်ပါတယ်။ အဓိကအားဖြင့် -

• အခွင့်အရေးတောင်းဆိုခြင်း: လုပ်ငန်းခွင်အတွင်း ဘေးကင်းလုံခြုံမှုနှင့် ထိုက်တန်သည့် လုပ်ခလစာ ရရှိရေး။

• စည်းလုံးညီညွတ်မှု: ရွှေ့ပြောင်းအလုပ်သမားအချင်းချင်းကြား ရိုင်းပင်းကူညီမှု ကွန်ယက် ပိုမိုခိုင်မာလာစေရေး။

• အသိပညာပေးခြင်း: ရွှေ့ပြောင်းသွားလာနေထိုင်ခြင်းဆိုင်ရာ ဥပဒေများနှင့် မိမိတို့ ခံစားခွင့်ရှိသည့် အခွင့်အရေးများကို မျှဝေခြင်း။

၁၃၆ ကြိမ်မြောက် ကမ္ဘာ့အလုပ်သမားနေ့ ထုတ်ပြန်ကြေညာချက်
ရက်စွဲ။ ။ ၂၀၂၆ ခုနှစ်၊ မေလ (၁) ရက် ကြေညာချက် အမှတ်။ ။ (၁/၂၀၂၆)

ကမ္ဘာ့သမိုင်းတွင် နိုင်ငံတကာအလုပ်သမားထုသည် အလုပ်သမားများ၏ အခြေခံရပိုင်ခွင့်အတွက် အသက်၊ ချွေး၊ သွေးနှင့် တိုက်ပွဲဝင်လာခဲ့ရင်း တနေ့အလုပ်ချိန် ၈ နာရီ သတ်မှတ်ရေး တိုက်ပွဲကို ဂုဏ်ပြုလျက် ကမ္ဘာ့အလုပ်သမားနေ့ သတ်မှတ် ကျင်းပခဲ့ကြသည်မှာ ၁၃၆ ကြိမ်မြောက်သို့ ရောက်ရှိပြီဖြစ်သည်။ သို့ရာတွင် မြန်မာရွှေ့ပြောင်းအလုပ်သမားများ အပါအဝင် အလုပ်သမားထုကြီးမှာ တနေ့အလုပ်ချိန် ၈ နာရီအပါအဝင် အခြေခံအခွင့်အရေးများ အပြည့်အဝရရှိရေးမှာ အလုပ်သမားအများစုအတွက် အလှမ်းဝေးနေဆဲဖြစ်သည်။

နိုင်ငံခြားသားအလုပ်သမား (သို့) ရွှေ့ပြောင်းအလုပ်သမားများကို လက်ခံအလုပ်လုပ်ကိုင်စေသည့် နိုင်ငံများ၏ လုပ်ငန်းခွင်များတွင် ဥပဒေနှင့်အညီ ပေးဆောင်ရန် သတ်မှတ်ထားသည့် အခြေခံလုပ်အားခကိုပင် ပြည့်ပြည့်ဝဝ မရရှိခြင်း၊ အလုပ်ကြမ်းများဖြစ်သည့် ညစ်ပတ်သည့်အလုပ်၊ အသက်အန္တရာယ်ရှိသည့်အလုပ်နှင့် လုပ်ငန်းခွင် ခက်ခဲသည့်အလုပ်များကိုသာ အများစု လုပ်ကိုင်နေကြရခြင်း၊ လုပ်ငန်းခွင် ဘေးကင်းလုံခြုံရေးနှင့် လုပ်ငန်းခွင် အာမခံမှုများမှာလည်း သေချာရေရာမှုမရှိသည့်အတွက် ကြိုတင်အကြောင်းမကြားဘဲ အကြောင်းမဲ့ အလုပ်ရပ်စဲခံရခြင်း၊ လုပ်အားခ မပေးဘဲ အလုပ်ထုတ်ပယ်ခံရခြင်းနှင့် လုပ်ငန်းခွင် ပိတ်သိမ်းပြီး တာဝန်ယူမှု တာဝန်ခံမှုမရှိဘဲ လုပ်ငန်းရှင်ဘက်က တိမ်းရှောင်သွားသည့် ဖြစ်ရပ်များကိုလည်း အလုပ်သမားများ ကြုံတွေ့နေရဆဲဖြစ်သည်။

ထို့ပြင် အလုပ်ရှင်အလုပ်သမား လုပ်ငန်းခွင်သဘောတူညီချက်ဆိုရာတွင် လုပ်ငန်းရှင်ဘက်က သူတို့နိုင်ငံ ဘာသာစကားဖြင့် ကြိုတင်ရေးဆွဲထားသည့် အချက်များကိုသာ အလုပ်သမားက (နားလည်သိရှိ ရှင်းလင်းမှုမရှိဘဲ) လက်မှတ်ရေးထိုးစေခြင်းမျိုးဖြစ်ပြီး အဆိုပါ လုပ်ဆောင်မှုသည် အလုပ်သမားများ၏ အားနည်းချက်ကို အလွဲသုံးစားလုပ်ခြင်းဖြစ်ပြီး နောက်ဆက်တွဲအနေဖြင့် လုပ်ငန်းရှင်ဘက်က လုပ်ငန်းခွင် သဘောတူညီချက်ပါ အချက်များကို အလုပ်သမားက ချိုးဖောက်သည်ဟု စွပ်စွဲပြီး အလုပ်က ထုတ်ပယ်ခြင်း၊ လုပ်အားခ မပေးဆောင်ဘဲ အလုပ်မှရပ်စဲခြင်းနှင့် အလုပ်သမားများကို ကုန်ထုတ်လုပ်မှုအရည်အသွေး ပြည့်မီစေရန်ဟုဆိုကာ အတင်းအကြပ် အချိန်ပို... နေဆိုင်း၊ ညဆိုင်းများ ခွဲကာ လုပ်ကိုင်စေခြင်း၊ အလုပ်ချိန် တိုးမြှင့်ခိုင်းစေခြင်း၊ ဖိအားပေး ခိုင်းစေခြင်း၊ အလုပ်သမားများ၏ ကိုယ်ပိုင် အထောက်အထားလက်မှတ်များကို လုပ်ငန်းခွင်တာဝန်ရှိသူများက သိမ်းဆည်းထားခြင်းနှင့် အလုပ်သမားများ သွားလာလှုပ်ရှားမှုကို ကန့်သတ်ထားခြင်းများကိုလည်း ရွှေ့ပြောင်းအလုပ်သမား အများစု ရင်ဆိုင်နေကြရသည်။
လက်ရှိအချိန်တွင် ရွှေ့ပြောင်းအလုပ်သမားများ ရင်ဆိုင်နေရသည့် အခက်အခဲမှာ တရားဝင်မှုဆိုင်ရာ အထောက်အထားလက်မှတ်နှင့် work permit ကိစ္စရပ်များမှာလည်း ထိုင်းနိုင်ငံ၏ ပေါ်လစီနှင့် ပြဋ္ဌာန်းချက်ဆိုင်ရာ အပြောင်းအလဲများ၊ ကန့်သတ်ချက်များ၊ ရှုပ်ထွေးသည့် အစီအစဉ်များကြောင့် ပွဲစားများအပေါ် မှီခိုလာကြရကာ အဆမတန် ဈေးကြီးမြင့်မှုတို့ကြောင့် တရားဝင်အစီအစဉ် ရှိနေသည့် ရွှေ့ပြောင်းအလုပ်သမားများကနေ တရားမဝင်ဖြစ်ရသည့် အခြေအနေများလည်း ရှိနေသည်။

တရားဝင်မှုဆိုင်ရာ အထောက်အထားလက်မှတ် မရှိသည့်အခါ လူမှုဖူလုံရေးထည့်ဝင်မှုနှင့် ခံစားခွင့်ဆိုင်ရာများ ဆုံးရှုံးနစ်နာရသလို ကျန်းမာရေး၊ ပညာရေး၊ လူမှုရေးကိစ္စရပ်များ၊ အလုပ်အကိုင်အခွင့်အလမ်း ကိစ္စရပ်များ၊ မိသားစုဆိုင်ရာ စီစဉ်ဆောင်ရွက်ရသည့် ကိစ္စရပ်များ အားလုံးအတွက်ပါ သွားရေး လာရေး အခက်တွေ့ကာ အားလုံး လက်လှမ်းမမီ ဖြစ်ကြရသည့်အပြင် ရွှေ့ပြောင်းအလုပ်သမားများအတွက် ဘဏ်စာအုပ်လုပ်ခြင်း၊ ယာဉ်မောင်းလိုင်စင်လုပ်ခြင်း စသည့် အခွင့်အရေးများ ဆုံးရှုံးကြရသည်။ နောက်ဆက်တွဲအနေဖြင့် အာဏာပိုင်များ၏ နေထိုင်ခွင့်၊ အလုပ်လုပ်ကိုင်ခွင့်ဆိုင်ရာ အထောက်အထားလက်မှတ် စစ်ဆေးမှုများနှင့် ရင်ဆိုင်ရသည့်အခါ ဖမ်းဆီး အရေးယူမှုများကို အကျိုးဆက်အဖြစ် ခံစားကြရသည်။

အထက်ပါ ရွှေ့ပြောင်းအလုပ်သမားများ ကြုံတွေ့နေရသည့် အခက်အခဲများ ဖြစ်ရသည့် အကြောင်းအရင်းခံမှာ ရွှေ့ပြောင်းအလုပ်သမားများကို လက်ခံ အလုပ်လုပ်ကိုင်စေသည့် အိမ်ရှင်နိုင်ငံနှင့် မိမိတို့နိုင်ငံ၏ နိုင်ငံရေးအခြေအနေကြောင့်သာ ဖြစ်နေရခြင်း ဖြစ်ကြောင်း သုံးသပ်တွေ့ရှိရသည်။ သို့ပါ၍ အဆိုပါ အခက်အခဲများကို ကျော်လွှားနိုင်ရန်မှာ မေဒေးစိတ်ဓါတ်ဖြင့် အလုပ်သမားထု သွေးစည်းညီညွတ်စွာ နိုးထ ရုန်းကန်ရန်နှင့် အမိမြန်မာနိုင်ငံရေး အပြောင်းအလဲများတွင် မဖြစ်မနေ တထောင့်တနေရာက ပါဝင်လှုပ်ရှားကြရန် အထူးပင်လိုအပ်ပါသည်။

မေဒေးစိတ်ဓါတ်ဖြင့် ရုန်းထကြ အလုပ်သမားအခွင့်အရေး လူ့အခွင့်အရေး နိုင်ငံတကာအလုပ်သမားထု သွေးစည်းညီညွတ်ကြ . . . . ။

MRPWG ကွန်ယက်

23/04/2026

၂၀၂၆ခုနှစ် ဧပြီလ ( ၂၄) ရက်နေ့တွင် မယ်တောင်မိုင်ကျေးရွာတွင်ရှိသော Arakan Workers Organization(AWO) ၏ ရုံး ၌ MRPWG ကွန်ယက် ၏ လပတ်အစည်းအဝေး တစ်ခုကိုပြုလုပ်ခဲ့ပါသည်။

ထိုအစည်းအဝေးတွင် MRPWG ၏ ကွန်ယက်အဖွဲ့ဝင် အဖွဲ့အစည်း
အသီးသီးမှ ကိုယ်စားလှယ်များတက်ရောက်ခဲ့ပြီး ကွန်ယက်မှ လာမည့် မေလ (၁) ရက်နေ့ တွင် ကျင်းပမည့် ကမ္ဘာ့အလုပ်သမားများနေ့ အခမ်းအနားကျင်းပရန်အတွက် ဆွေးနွေးခြင်း၊ ကွန်ယက်အဖွဲ့ဝင်ကြားတွင် မဲဆောက်ဒေသတွင်းရှိ ရွှေ့ပြောင်းအလုပ်သမားများနှင့် သက်ဆိုင်သည့်အခြေအနေများကိုဆွေးနွေးဖလှယ်ခြင်း ၊ ကွန်ယက်အဖွဲ့ဝင်အချင်းချင်းကြားတွင် ရှေ့ဆက်လုပ်ဆောင်မည့်လုပ်ငန်းစဉ်များကို ဆွေးနွေးတင်ပြခဲ့ကြပါသည်။

MRPWG ကွန်ယက်သည် မဲဆောက်ဒေသအတွင်းရှိ မဲဆောက်အခြေစိုက် လူထုအခြေပြုအဖွဲ့အစည်းအသီးသီးဖြင့်ဖွဲ့စည်းထားသော ကွန်ယက်တစ်ခုဖြစ်ပါသည်။

22/04/2026

အသက်အရွယ်မရွေး ၊ လူမျိုးမရွေး ပြည်သူများအားလုံး ( ထိုင်းနိုင်ငံသားနှင့် နိုင်ငံခြားသားများအားလုံး ကာကွယ်ဆေးထိုးနှံသည့် ဝန်ဆောင်မှု ရယူနိုင်ပါသည်။

(အသေးစိတ်ကို ပုံတွင်ဖတ်ပေးကြရန် မေတ္တာရပ်ခံအပ်ပါသည်)

source :https://www.facebook.com/photo?fbid=1532610032202385&set=a.747545990708797

crd : photo

ที่อยู่

Mae Sot

เว็บไซต์

facebook.com

แจ้งเตือน

เป็นคนแรกที่รู้ข่าว: เราจะส่งอีเมลแจ้งเมื่อ Migrant Rights Promotion Working Group - MRPWG โพสต์ข่าวสารและโปรโมชั่น อีเมลของคุณจะไม่ถูกนำไปใช้เพื่อวัตถุประสงค์อื่น และคุณสามารถยกเลิกการรับข่าวสารได้ทุกเมื่อ