23/05/2026
ကပ်လမ်းမြေပျိုခြင်း မြင်ကွင်း
စိမ်းလန်းမြေ တောင်တန်းဒေသ သဘာဝပတ်ဝန်းကျင်ထိန်းသိမ်းရေးအဖွဲ့
ရွေ့ပြောင်းတောင်ယာ စိုက်ပျိုးရေးဂေဟာစနစ်ရဲ့ အကျိုးဆက်
မြေဆီလွှာအာဟာရ ကုန်ခမ်းသွားတဲ့ စိုက်ခင်းဟောင်းကို စွန့်ခွာပြီး ၅ နှစ်ကနေ ၁၅ နှစ်အထိ အနားပေးခြင်းဖြင့် သစ်ပင်တွေ သဘာဝအတိုင်း ပြန်လည်ပေါက်ဖွားလို့ မြေဆီလွှာအာဟာရကို အလိုအလျောက် ပြန်လည်ဖြည့်တင်းချိန်ကိုစောင့်ပြီး ဒီကြားထဲ မြေနေရာသစ်ကို ၇ နေရာလောက်က အနည်းဆုံး ခုတ်ထွင်ရှင်းလင်း စိုက်ပျိုးပြီးနေပါပြီ၊၊
တောကိုခုတ်ထွင်ပြီးမီးရှို့တဲ့ စနစ်နဲ့ပတ်သက်ပြီး မကောင်းတဲ့အကျိုးဆက်တွေများစွာရှိပါတယ်
(၁) မြေဆီလွှာတိုက်စားခြင်း
သစ်တောများကို ခုတ်ထွင်ရှင်းလင်းလိုက်ခြင်းကြောင့် အပင်မြစ်များ၏ မြေဆီလွှာထိန်းသိမ်းနိုင်စွမ်း လျော့နည်းသွားပြီး၊ မိုးရွာသွန်းတဲ့အခါမှာ အဖိုးတန်သည့် အပေါ်ယံမြေဆီလွှာများကို တဖြေးဖြေတိုက်စားလာပြီး အလွယ်တကူ ပျိုကျ၊ ရေထဲမျောပါပျက်စီးစေပါတယ်၊၊
(၂) သစ်တောပြုန်းတီးခြင်း
စိုက်ပျိုးမြေနေရာသစ်များအတွက် ထပ်ခါတလဲလဲ ချဲ့ထွင်ခုတ်ထွင်ခြင်းကြောင့် အဖိုးတန်ရှားပါးသစ်တောများနှင့် မူရင်းဒေသရှိ ဇီဝမျိုးစုံမျိုးကွဲများ၏ စဉ်ဆက်မပြတ် ပျက်စီးဆုံးရှုံးရပါတယ်၊၊
(၃) ရာသီဥတုပြောင်းလဲခြင်း
တောမီးရှို့ခြင်းကြောင့် ထွက်ပေါ်လာသော ဖန်လုံအိမ်ဓာတ်ငွေ့များနှင့် မီးခိုးမြူများကတဆင့် ကမ္ဘာကြီးပူနွေးမှုကို အရှိန်အဟုန်မြှင့်စေပြီး ဒေသတွင်း လေထုအရည်အသွေးကို ဆိုးရွားစွာ ကျဆင်းစေပါတယ်။
(၄) စီးပွားရေးမတည်ငြိမ်ခြင်း
မြေဆီလွှာအာဟာရ လျင်မြန်စွာ ကုန်ခမ်းခြင်းကြောင့် သီးနှံအထွက်နှုန်း နှစ်စဉ်ကျဆင်းလာပြီး၊ ရေရှည်မှာ တောင်သူများ၏ မိသားစုဝင်ငွေနှင့် စားနပ်ရိက္ခာဖူလုံမှုကို အင်မတန်ခြိမ်းခြောက်မှုရှိလာပါတယ်။
