บ้านเมืองเก่า อ.เกษตรสมบูรณ์ จ.ชัยภูมิ

บ้านเมืองเก่า อ.เกษตรสมบูรณ์ จ.ชัยภูมิ เพจชุมชนบ้านเมืองเก่า
รวมภาพบรรยากาศ วิถีชีวิต งานบุญ ประเพณี ข่าวสาร และความเคลื่อนไหวของชาวบ้านเมืองเก่า อ.เกษตรสมบูรณ์ จ.ชัยภูมิ ❤️
(268)

เพจนี้สร้างขึ้นเพื่อนำเสนอข้อมูลต่างๆ ในหมู่บ้าน
แอดมินผู้ดูแล ไม่มีส่วนเกี่ยวข้องกับทางราชการข้อมูลทุกอย่างที่นำมาเสนอ ฟังประกาศจากทางผู้ใหญ่บ้านอีกที ติดต่องานราชการกับศูนย์ราชการเท่านั้น

วันนี้วันพระใหญ่ขึ้น 15 ค่ำเดือน(มื้อเพ็ง)(บุญข้าวสาก)🙏🙏🙏
26/09/2026

วันนี้วันพระใหญ่ขึ้น 15 ค่ำเดือน(มื้อเพ็ง)
(บุญข้าวสาก)🙏🙏🙏

วันพระใหญ่ขึ้น 15 ค่ำเดือน 10 (บุญข้าวสาก)
26/09/2026

วันพระใหญ่ขึ้น 15 ค่ำเดือน 10 (บุญข้าวสาก)

26/09/2026

วันเสาร์ ที่26 กันยายน พ.ศ.2569
ขึ้น15ค่ำ เดือน10 ปีมะเมีย

#พระอาจารย์สมภพ_โชติปัญโญ
~บุญข้าวสาก ~

เถิงฤดูเดือนนี้ยมพิบาลเพิ่นปล่อยเผด
กับทังสัตว์นรกพร้อมในหม้อแผ่นแดง
เทพท่อนไท้ในระหว่างกามา
สิได้ลงมาหาหมู่เฮามวลพร้อม

ซุมที่เป็นแซงเซื้อกันมาแต่ซาติก่อน
สิมาคอยฮับต้อนรอถ้าส่วนบุญ
ซุมที่เป็นเทพไท้เนาว์อยู่เทิงสวรรค์
สิพากันลงมาจอบซอมหลิ่งเยี่ยม

เห็นเฮาทำบุญสร้างการกุศลสร้างก่อ
ดีใจนำพี่น้องสิเมื่อพร้อมอยู่สวรรค์
คันเห็นเฮาหลืบม้างฮีตเก่าคองหลัง
บุญกุศลศีลทานบ่คะนึงนำจ้อย

เขากะพากันน้อยในหัวใจเอ้าอั่ง
คิดคนิงนำพี่น้องสิลงหม้อแผ่นแดง
ส่วนว่าเผดนรกฮ้ายได้ปลดปล่อยออกมา
เขาก็สนละวนซอกหาซาติแซงซุมเซื้อ

แล่นขึ้นเหนือลงใต้ตามศาลาฮิมท่า
ตามหนทางข่วงบ้านหาเซื้อเซ่นโต
เพราะว่าทุกข์ยากฮ้ายอาศัยเพิ่งใบบุญ
ตั้งแต่ยังเป็นคนบ่ได้เฮ็ดบุญเอาไว้

มัวแต่วนเวียนสร้างปาปังกรรมบาป
ตกมาในเซ่นนี้เลยลงหม้อแผ่นแดง
เขาก็เลาะแล้งแค้งฮ้องฮ่ำหวนหา
ทังลูกหลานอาวอาบ่ได้ยินเสียงนั้น

ย่อนอกุศลเบื้องปาปังกรรมบาป
ได้มาบังเลื่อมไว้ให้เขานั้นบ่ได้ยิน
เขากะเหมื่อยเลาะซอกค้นทังไห้ฮ่ำคนิงหา
ลงไปตามเถียงนาป่าดงพงเซื้อ

เบิดเสียงโฮเฮฮ้องครวญครางเอิ้นกู่
ลูกและหลานก็บ่ฮู้ย่อนกรรมนั้นแล่นบัง
เขาก็ซมซานเข้าอารามหลวงกว้างใหญ่
ลันไปเห็นพี่น้องพอได้ส่วนบุญ

เขาก็ดีใจล้นเห็นคนแหน่นอั่ง
คือสิเห็นพี่น้องคราวนี้เที่ยงจริง
ลางผ่องเห็นพี่น้องซาติเซ่นแนวโต
มาจำศีลกินทานซื่นซมหัวแม้ง

โภชนังข้าวปูปลาซิ้นต่อน
พากันทานทอดให้กะเลยได้อิ่มพุง
เขาก็ญอมือขึ้นสาธุการพร้อมพร่ำ
ปากกล่าวต้านพอให้อยู่เย็น

ขอให้ลุละได้โดยดังใจประสงค์
ยามเจ้ามรณาตายให้เจ้าเมือเมืองฟ้า
ลางผ่องซมซานเข้าอารามหลวงกว้างใหญ่
เห็นแต่หน้าเพิ่นพู้นบ่มีเซื้อเซ่นโต

บางผ่องกรรมเวรสร้างปางหลังหนักหน่วง
เข้าไปวัดบ่ได้มันฮ้อนจั่งไฟ
เขาก็ด่าวๆดิ้นฮีบออกมาจากอาราม
เบิดเขตธรณีสงฆ์จั่งค่อยเซาหายฮ้อน

คอบว่าติเตียนเจ้าผู้ทรงธรรมองค์ประเสริฐ
กรรมแหล่นต้องแผ่นดินฮ้อนจั่งไฟ
คอบว่าเป็นจั่งสั้นเฮาจั่งได้เฮ็ดข้าวห่อไปแขน(แขวน)
ทังอาหารหวานคาวซู่อันมวลพร้อม

ทานเขาให้ซุมบ่มีซาติเซ่น
เขาบ่มีพี่น้องเป็นหน้าอิดู
นอกจากหั่นยังมีผู้เป็นกรรม
อยากเข้ามาในวัดแต่แผ่นดินมันฮ้อน

เขาเลยบวงสรวงไว้ทำทานนอกเขต
เฮ็ดเป็นฮ้านเผดไว้ทางสิเข้าวัดมา
ซุมหมู่ญาติพี่น้องทังผ่องพวกกรรมหนัก
ยามที่เขาได้กินของที่มอบเวนวางให้

เขาก็ดีใจล้นขนหัวพองน้ำตาหลั่ง
ทังปากกะผ่องเว้าให้พรเจ้าผู้ทาน
ว่าสาธุท่อน ผู้ทานทอดให้เครื่องอยู่ของกิน
ขอให้มีความสุขห่างมีดีได้

เงินคำแก้วแนวประสงค์เบิดทุกอย่าง
ยามเมื่อมดมอดเมี่ยนให้เมือฟ้าสู่สวรรค์
ซุมหมู่พี่น้องผู้ข้านั้นให้มันทุกข์จนตาย
บ่ทำบุญศีลกินทานซาติซุมแซงฮ้าย

ให้มันตายลงหม้อนาระกาฮ้อนเดือด
พ้นจากหั่นให้เป็นเป้าเผดผี
อย่าได้มีวันพ้อโภชนังข้าวพร้อม
ให้เขาทุกข์ยิ่งล้ำคือด้ามดั่งเฮา

ให้เขาเป็นเผดฮ้ายยามตายไปลดซั่ว
ข้าวประดับดินข้าวสากพร้อมตายแล้วอย่าพบพาน #สาธุ🙏🙏🙏

ละยมบาลเพิ่นกะได้ปลดปล่อยดวงวิญญาณพวกลูกหลานก็คอยเชิญเตินมาน้อมเต้าตกมื้อเพ็งเดือนสิบหาเอาดอกกล้วยบ่มพากันห่อข้าวต้มเอาไ...
25/09/2026

ละยมบาลเพิ่นกะได้
ปลดปล่อยดวงวิญญาณ
พวกลูกหลานก็คอยเชิญ
เตินมาน้อมเต้า
ตกมื้อเพ็งเดือนสิบ
หาเอาดอกกล้วยบ่ม
พากันห่อข้าวต้ม
เอาไปเลี้ยงผู้เพิ่นตาย
ผีกะหลั่งล่ายล่าย
ตั้งท่ามาหากิน
เอิ้นว่าบุญข้าวสาก
เฮ็ดมาเเต่โบราณ..
ประเพณีอีสานบุญข้าวสาก ขึ้น 15 ค่ำเดือน 10

พรุ่งนี้วันพระใหญ่ขึ้น 15 ค่ำเดือน 10(บุญข้าวสาก)
25/09/2026

พรุ่งนี้วันพระใหญ่ขึ้น 15 ค่ำเดือน 10(บุญข้าวสาก)

ทุกขเวทนากลั้น สุมอยู่สรรพางค์กายหัวใจปางวางวาย หลูบลงภายพื้นอืนแต่ควมขมแค้น ควดคาคอคั่งโทมนังเกลื่อนเบ้า น้ำตาย้อยห...
13/09/2026

ทุกขเวทนากลั้น สุมอยู่สรรพางค์กาย
หัวใจปางวางวาย หลูบลงภายพื้น
อืนแต่ควมขมแค้น ควดคาคอคั่ง
โทมนังเกลื่อนเบ้า น้ำตาย้อยหลั่งนอง

นทีฟองเฟือดฟ้ง ฟาดฝ่าภายผืน
ทิวาขมค่ำคืน ฮ่ำฮอนคนิงโอ้
โงบ่เห็นทางม้ม จมลงทางต่ำ
กรรมแล่นนำผ่านพ้อ สุดยื้อส่าวบ่ถึง แท้น้อ

เทื่อนี้จึงเห็นฮู้ เหตุแห่งควมสัจจ์
เป็นอานัติสัญญาน ส่งมาทางใต้
หากแม่นใผในหล้า ใซ้ชีวาโดยประมาท
สิบ่อาจส่อยแก้ เห็นแท้ต่อนธรรม

ญ้อนว่ากรรมจั่งพ้อ ตามคำพ่อทรงตรัส
ให้เฮาหัดฝึกฝน ประคองตนเอาไว้
ยามเพทภัยมาต้อง กรรมสนองมาตื่ม
อย่าลืมเอาเครื่องแก้ คือธรรมแท้ส่อยทุเลา..นิแหล่ว

คนในโลกนี้ สุขทุกข์ เทียมกันบุญบาปทัน หนาบาง ท่อกันโดยด้ามรูปนามขันธ์ห้า อุปมาฮ้อนเฮ่งก็หากหลีกบ่ม้ม ลงหั่นสู่คนคนกะต่าง...
12/09/2026

คนในโลกนี้ สุขทุกข์ เทียมกัน
บุญบาปทัน หนาบาง ท่อกันโดยด้าม
รูปนามขันธ์ห้า อุปมาฮ้อนเฮ่ง
ก็หากหลีกบ่ม้ม ลงหั่นสู่คน

คนกะต่างคนล้วน มวลมนุษย์สังขา
อุปมามีศีล กล่อมใจ ให้นวลล้ำ
จาริยาธรรมเต้า ไผ่มีก็หากลื้น
คนในชมภูพื้น เทวดานั้น แรแห่น

#สุขสำบายพี่น้อง
ศิลปินน้อยกำลังวาดศิลปพุทธศิลป์

แรม 14 ค่ำเดือน 9 (มื้อดับ)ประเพณีอีสานบุญข้าวประดับดิน
11/09/2026

แรม 14 ค่ำเดือน 9 (มื้อดับ)ประเพณีอีสานบุญข้าวประดับดิน

ที่อยู่

Kaset Sombun

เวลาทำการ

จันทร์ 09:00 - 21:00
อังคาร 09:00 - 21:00
พุธ 09:00 - 21:00
พฤหัสบดี 09:00 - 21:00
ศุกร์ 09:00 - 21:00
เสาร์ 09:00 - 21:00

เบอร์โทรศัพท์

+66 88 570 0119

เว็บไซต์

แจ้งเตือน

เป็นคนแรกที่รู้ข่าว: เราจะส่งอีเมลแจ้งเมื่อ บ้านเมืองเก่า อ.เกษตรสมบูรณ์ จ.ชัยภูมิ โพสต์ข่าวสารและโปรโมชั่น อีเมลของคุณจะไม่ถูกนำไปใช้เพื่อวัตถุประสงค์อื่น และคุณสามารถยกเลิกการรับข่าวสารได้ทุกเมื่อ

ติดต่อ องค์กรนั้น

ส่งข้อความของคุณถึง บ้านเมืองเก่า อ.เกษตรสมบูรณ์ จ.ชัยภูมิ:

ทางลัด

แชร์