ဉာဏ်အလင်းသို့ သွားရာလမ်း The path to enlightenment

19/09/2026

"Live : ❗️ဆရာတော်ကြီး လွန်ပူ ပရာမို့ ပါမို့ချိုး ၏ တိုက်ရိုက် တရားတော်ကို Satihome YouTube Channel မှ စက်တင်ဘာလ ၂၀ ရက်နေ့မှ စတင်၍ နာယူရန် ဖိတ်ကြားအပ်ပါသည်။"

20.09.20268.30-9.30 (မြန်မာစံတော်ချိန်)။ မြန်မာလို တိုက်ရိုက်ဘာသာ...

13/09/2026

ဆရာတော်ကြီး လွန်ပူ ပရာမို့ ပါမို့ချိုး၏တရားဓမ္မသဘင်ကို တိုက်ရိုက် Live ထုတ်လွှင့်မည်ဖြစ်ပါသည်။

12/09/2026

သိသူစိတ်ကလည်း လက္ခဏာရေး (၃) ပါး အောက်မှာပဲရှိတယ်။

စိတ်ကို အရမ်းထိန်းထားရင် သိစိတ်က ထင်းထွက်သလိုမျိုး ဖြစ်နေတာကြောင့် ဒီသိစိတ်ကလွဲပြီး လောကကြီးထဲမှာ ရှိသမျှ အရာရာတိုင်းက ဓါတ်သဘောမမြဲဘူးလို့ မြင်မယ်။ ဒီလိုမျိုးဆိုရင် တကယ့်ကို ရှေ့ဆက်သွားလို့မရသေးဘူး။ သိသူစိတ်ကို စွဲနေသေးတယ်။ သိသူစိတ်ကို မြဲတယ်ထင်နေတာကိုး။

ဝပ်ဖူကျော့ကော့ကျောင်းတိုက်ဆရာတော် လွန်ပူလာ့က “သိသူစိတ်ကို မြဲတယ်လို့ မြင်နေသေးတဲ့သူက မိစ္ဆာဒိဌိဖြစ်နေတုန်းပဲ” လို့ ဆုံးမဖူးပါတယ်။

ဒါကြောင့် သိသူစိတ်ကို ထိန်းမထားပါနဲ့။ သိသူစိတ်နဲ့ ခန္ဓာ၊ ဝေဒနာ၊ သင်္ခါရ စတာတွေကို သိသွားပါ။ ဒါပေမဲ့ သိသူစိတ်ကို ထိန်းမထားပါနဲ့။

မိမိက သိသူစိတ်ကို သွားမထိန်းထားရင် သိသူကိုလည်း မမြဲဘူးဆိုတဲ့ ဖြစ်စဉ်တစ်ခုအနေနဲ့ မြင်ပါလိမ့်မယ်။
သိသူစိတ် ကိုယ်၌ကိုက ခဏနေ သိသူဖြစ်လိုက်၊ ခဏနေ တွေးသူဖြစ်လိုက်၊
သိသူစိတ်ကိုက ခဏနေ သိသူဖြစ်လိုက်၊ ခဏနေ မျောသူဖြစ်လိုက်၊
ခဏနေ သိသူဖြစ်လိုက်၊ ခဏနေ စူးစိုက်သူဖြစ်လိုက်နဲ့၊ ဒီလိုပြောင်းလဲနေတာ။ သိသူကိုယ်၌က မမြဲတာနော်။
နောက်ဆုံးတော့ ခန္ဓာအားလုံးအပြင် စိတ်ကိုယ်၌ကလည်း တစ်ချိန်လုံးဖြစ်ပျက်နေတာ၊ ဘယ်တစ်ခုမှ မတည်မြဲတာကို မြင်သွားလိမ့်မယ်။

ဒါပေမဲ့ မိမိက ခန္ဓာအားလုံး ဖြစ်ပျက်နေတာကို မြင်ဖို့အတွက် စိတ်က သတိမြဲပြီး အလယ်အလတ်ဖြစ်နေမှရမယ်။
တကယ်လို့ စိတ်က အာရုံတစ်ခုခုမှာ နစ်ဝင်နေရင်တော့ မြင်မှာမဟုတ်ဘူး။ ပညာဉာဏ်လည်း မဖြစ်ဘူး။ ဒါကြောင့် စိတ်မှာ သတိမြဲနေမှ ဖြစ်မှာ။
(24/04/2010)

စိတ်မှာ သတိမြဲပြီဆိုရင် အဲဒီသတိမြဲနေတဲ့စိတ်ကို မစောင့်ရှောက်၊ မထိန်းသိမ်းထားနဲ့။
ဒီနေရာမှာ သတ္တိရှိဖို့ အရမ်းလိုတယ်။ လူအများစုက စိတ်မှာ သတိမြဲပြီဆိုရင် သိသူစိတ်ကို ထိန်းထားတတ်ကြတယ်။ စောင့်ရှောက်ထားတတ်ကြတယ်။

ဒကာ၊ ဒကာမတွေကို ဘုန်းဘုန်း ခဏခဏမေးတယ်လေ။ “အသိခံရတဲ့ အရာအားလုံးက မမြဲပေမယ့် ကိုယ့်ခန္ဓာထဲမှာ တစ်ခုခုမြဲနေတာကိုမြင်လား။ ငြိမ်ငြိမ်လေးဖြစ်နေတဲ့အရာတစ်ခုကို မြင်လား” လို့ ဘုန်းဘုန်းမေးတယ်လေ။

အဲဒါကို မြင်လား။ အဲဒီငြိမ်နေတဲ့အရာဆိုတာ မထိန်းချုပ်ထားရင် မကောင်းတာဖြစ်သွားမှာစိုးလို့ မိမိတို့ အတင်းသွားပြီး ထိန်းချူပ်ထားတဲ့ စိတ်ပဲ။

အဆက်မပြတ် တရားအားထုတ်သွား... စိတ်မှာ သတိလွတ်သွားရင် သိလိုက်။ သတိလွတ်သွားရင် သိလိုက်... ကျေနပ်တာ၊ မကျေနပ်တာ မဖြစ်ဘူး။ စိတ်ပြန့်လွင့်သွားရင် သိလိုက်... ကျေနပ်တာ၊ မကျေနပ်တာ မဖြစ်ဘူး။ ဒီလို အဆက်မပြတ်လုပ်သွားရင် စိတ်မှာ စိတ်စွမ်းအားရှိလာပြီး သတိမြဲစိတ်က ထင်းထွက်လာလိမ့်မယ်။

အဲဒီနောက်ပိုင်း စိတ်ကို မထိန်းသိမ်း၊ မစောင့်ရှောက်ထားနဲ့။ တကယ်လို့ စိတ်ကို စောင့်ရှောက်ထားရင် စိတ်က သိသမျှအရာတိုင်းက မမြဲဘူးလို့ မြင်ပေမယ့် စိတ်ကိုတော့ မြဲတယ်လို့ထင်နေလိမ့်မယ်။

ဒီထဲမှာ ‘ငါ’ ဆိုတဲ့ တစ်‌ယောက်ရှိနေတယ်လို့ ထင်နေလိမ့်မယ်။ အဲဒီ ‘ငါ’ ဆိုတဲ့ကောင်က မာမာတောင့်တောင့်၊ အတုံးအခဲလို ငြိမ်ငြိမ်လေး နေနေတယ်။ တရားအားထုတ်တဲ့လူ တစ်ရာမှာ တစ်ရာလုံးနီးပါးက ဒီကောင်နဲ့ပဲ ပိတ်မိသွားတတ်ကြတယ်။
(10/09/2023)

“အဆက်မပြတ် ကြည့်သွားပါ။ သဘာဝတရားတစ်ခုချင်းစီ အလုပ်လုပ်နေတာကို ကြည့်ရင်းကနေ အဆုံးမှာ ဒီစိတ်ကတော့ သိသူဆိုတာကို ခွဲခြားနိုင်သွားတယ်။ စိတ်က ခန္ဓာကိုယ်ကို သိသူ... ဝေဒနာကို သိသူ... သင်္ခါရကို သိသူ... ဆိုတာကို ခွဲခြားနိုင်သွားတယ်။

စိတ်ကိုယ်၌ကလည်း မမြဲဘူး။ ခဏနေ သိသူဖြစ်လိုက်၊ ခဏနေ‌တော့ သတိလွတ်သူဖြစ်လိုက်၊
ခဏနေ သိသူဖြစ်လိုက်၊ ခဏနေတော့ တွေးသူဖြစ်လိုက်နဲ့။
ခဏနေ သိသူဖြစ်လိုက်၊ ခဏနေတော့ ရုပ်အဆင်းကို ကြည့်သူဖြစ်လိုက်။
ခဏနေ သိသူဖြစ်လိုက်၊ ခဏနေတော့ သတိလွတ်ပြီး အသံသွားနားထောင်သူ ဖြစ်လိုက်နဲ့။
ခဏနေ သိသူဖြစ်လိုက်၊ ခဏနေတော့ သတိလွတ်ပြီး အနံ့ကို သွားရှူရှိုက်သူ ဖြစ်လိုက်နဲ့။

ဒီလိုမျိုး စိတ်ကိုယ်တိုင်က ဖြစ်ပြီးပျက်တာကို မြင်မယ်။ စိတ်က တစ်စိတ်ပဲရှိတာ မဟုတ်ဘူး။ စိတ်က တစ်ချိန်လုံး ဖြစ်ပျက်နေတာ။

အဆက်မပြတ်ကြည့်သွားရင် စိတ်ကိုယ်တိုင်ကိုက မမြဲတာကို နားလည်လာလိမ့်မယ်။ သိစိတ်ကလည်း မမြဲဘူး။ သတိလွတ်စိတ်ကလည်း မမြဲဘူး။ မျက်စိ၊ နား၊ နှာခေါင်း၊ လျှာ၊ ကိုယ်၊ စိတ်မှာ သတိလွတ်နေတဲ့ ဘယ်ဟာမှ မမြဲဘူး။ နောက်ဆုံး စိတ်အားလုံးက မမြဲတာကို သိလာလိမ့်မယ်။

ပြီးတော့ စိတ်က သူ့ဘာသာသူ အလုပ်လုပ်နိုင်တယ်။ သူလုပ်နေကျအတိုင်း သူလုပ်နေတယ်။ စိတ်က ‘ငါ’ မဟုတ်ဘူး၊ စိတ်က အနတ္တပဲဆိုတာ မိမိ သိလာလိမ့်မယ်။

ဒီလိုဆိုရင် မိမိတို့ အမှန်တရားကို နားလည်သဘောပေါက်သွားပါပြီ။ ဆက်ပြီး တရားကျင့်သွားရင် ခန္ဓာ (၅) ပါးကို လွှတ်ချနိုင်မယ်။ ခန္ဓာကိုယ်ကို လွှတ်ချနိုင်မယ်။ စိတ်ကို လွှတ်ချနိုင်မယ်။ လွှတ်ချနိုင်သွားပြီဆိုရင် ဒုက္ခမရှိတော့ဘူး။ ဆင်းရဲဒုက္ခဖြစ်ရတာက ဆုတ်ကိုင်ထားလို့ပါ။”
(30/10/2025)

သိသူစိတ်နဲ့ သတိလွတ်သူစိတ်က အဆက်မပြတ် တစ်လှည့်စီဖြစ်နေတာကို မြင်သွားတဲ့နေရာမှာတင် ပညာဉာဏ်ဘက်ကို တက်လှမ်းနိုင်ပါပြီ။

သိသူစိတ်ကလည်း မမြဲသလို သတိလွတ်တဲ့စိတ်ကလည်း မမြဲဘူးဆိုတာကို မိမိမြင်လိမ့်မယ်။

သိသူစိတ်ကိုလည်း စောင့်ရှောက်ထိန်းသိမ်းထားလို့မရဘူး။ သတိလွတ်တဲ့စိတ်ကိုလည်း မဖြစ်အောင် တားလို့မရဘူး။
ဖြစ်-ပျက်၊ ဖြစ်-ပျက်နေတာကို မြင်တာပဲ မမြဲတာမြင်တယ်လို့ ခေါ်တာပါ။
စိတ်ကို ကိုယ့်ဆန္ဒအတိုင်း ထိန်းချုပ်ပြီး အတင်းလုပ်ယူလို့မရဘူးဆိုတာ မြင်ရင် အနတ္တကို မြင်တယ်လို့ခေါ်ပါတယ်။
အနိစ္စ၊ ဒုက္ခ၊ အနတ္တ မြင်တဲ့နေရာကို ဝိပဿနာကမ္မဌာန်းလို့ ခေါ်ပါတယ်။”
(16/12/2018)

ရုပ်-နာမ်ရဲ့ ဖြစ်မှု၊ ပျက်မှုကို ကြည့်ပါ။ သတိက ဘာကိုပဲမြင်လိုက်၊ မြင်လိုက်၊ မြင်လိုက်တဲ့အရာတိုင်းက လက္ခဏာရေး (၃) ပါးကိုပဲ ပြတယ်။

ဒါပေမဲ့ အပြင်ဘက်က အရာတွေကိုပဲ ကြည့်ရုံနဲ့တင် မလုံလောက်ပါဘူး။ မိမိရဲ့ သိသူအတွင်းထဲထိ ဝင်ကြည့်ရပါမယ်။
ခဏနေ သိသူဖြစ်လိုက်၊ ခဏနေ တွေးသူဖြစ်လိုက်နဲ့ ဖြစ်ပြီးပျက်နေတာချင်း အတူတူပါပဲ။

ဒါပေမဲ့ သိသူကို ကြည့်ရတာ ခက်ပါတယ်။ သူ့ကို သွားမကြည့်နဲ့။ သူ့ကို သွားစိုက်မကြည့်နဲ့။ သိသူကို စိုက်ကြည့်လိုက်ရင် သိသူပေါ် သိသူချင်း အဆင့်ဆင့် ဆက်တိုက် ဖြစ်ပေါ်လာပြီး ‘ဝိညာဏဉ္စာယတန’ ဆိုတဲ့ အရူပဈာန်ဘက်ကို ရောက်သွားလိမ့်မယ်။
မိမိက သိသူရှိတယ်လို့ သိရုံသိပေးရမှာပါ။ သူ့ကို သွားပြီး စိုက်မကြည့်ပါနဲ့။ ရှိတယ်လို့ သိရုံလေးပဲ သိပေးပါ။

ဒီလိုဆိုရင် ခဏနေ သိသူဖြစ်လိုက်၊ ခဏနေ သတိလွတ်သူဖြစ်လိုက်ဆိုတာကို မြင်လာမယ်။ ဒါကို အဆက်မပြတ်ကြည့်သွားရင် နောက်ဆုံးမှာ စိတ်တိုင်း စိတ်တိုင်းဟာ လက္ခဏာရေး (၃) ပါးကိုပဲ ပြသတယ်။ ‘ငါ’ ဆိုတာ မရှိဘူး။

တောရကျောင်းက ဆရာသမားတွေအားလုံး တသံတည်း မိန့်ကြားတာက “စိတ်ကို ကြည့်ခြင်းဟာ အတိုဆုံးနဲ့ ဖြတ်လမ်း တရားအားထုတ်နည်းပါ’ တဲ့။
မိမိမှာသာ လုံလောက်တဲ့ စိတ်စွမ်းအားရှိရင် စိတ်အတွင်းထိကို ထွင်းဖောက်မြင်နိုင်မယ်။ စိတ်ဆိုတာက သိသူစိတ်ဖြစ်ရင်လည်း မမြဲဘူး၊ တွေးသူစိတ်လည်း မမြဲဘူး၊ စူးစိုက်သူစိတ်လည်း မမြဲဘူးဆိုတာကို မြင်လာမယ်။ ကြည့်ရင်းနဲ့ စိတ်အမျိုးအစားအားလုံးဟာ ဖြစ်လိုက်၊ ပျက်လိုက်နဲ့ သံသရာလည်ပြီး ပြောင်းလဲနေတာကို မြင်ပါလိမ့်မယ်။

အမှန်တရားကို နားလည်သဘောပေါက်သွားတဲ့အခါ စိတ်က ‘ငါ’ မဟုတ်ဘူး။ ကျန်တာတွေမှာလည်း ‘ငါ’ ဆိုတာ မရှိဘူး။ ကျန်တာတွေကို ‘ငါ’ လို့ထင်နေတာက စိတ်မှာ သတိလွတ်သွားလို့ပဲ။
(30/08/2023)

သောတာပန်ပုဂ္ဂိုလ်က ‘ငါ’ ဆိုတာမရှိဘူးလို့ မြင်တယ်။
ရုပ်တရားဆိုတာ ဒီခန္ဓာကိုယ်ကြီး၊
ဝေဒနာဆိုတာ ဆင်းရဲချမ်းသာ ခံစားမှု၊
သညာဆိုတာ အဓိပ္ပါယ်သတ်မှတ်ပြီး သိရှိမှတ်သားမှု၊
သင်္ခါရဆိုတာ ကောင်းပြုပြင်၊ ဆိုးပြုပြင်ဖန်တီးမှု၊
ဝိညာဏ်ဆိုတာ မျက်စိ၊ နား၊ နှာခေါင်း၊ လျှာ၊ ကိုယ်၊ စိတ်ဆီမှာ လူးလာကူးသန်း အလုပ်လုပ်နေတဲ့စိတ်၊ ဒီမှာ သိသူစိတ်လည်း ဝိညာဏ်အုပ်စုထဲမှာပါဝင်ပါတယ်။

ဒီအပေါ်က အကုန်လုံးကို ‘ငါ’ မဟုတ်ဘူး၊ ‘ငါ’ ဆိုတာ ဘယ်နေရာမှာမှ မရှိဘူး လို့ မြင်ရမှာပါ။ ဒီခန္ဓာ (၅) ပါးမှအပ ‘ငါ’ ဆိုတာမရှိ၊ ခန္ဓာ (၅) ပါးသည် ‘ငါ’ မဟုတ်၊ ခန္ဓာ (၅) ပါးထဲမှာလည်း ‘ငါ’ မရှိ၊ ဒီလိုမြင်မှ တရားရတာပါ။

ဒါဆိုရင် အဲဒီခန္ဓာ (၅) ပါးက ‘ငါ’ မဟုတ်ဘူးဆိုတာကို မြင်အောင် ဘယ်လိုလုပ်ရမလဲ။ ဒီလိုမြင်ဖို့ဆိုရင် မိမိသိတာမဟုတ်ပဲ စိတ်က သူ့ဘာသာသူ သွားသိတဲ့ ‘သိသူစိတ်’ ရှိဖို့လိုပါတယ်။

ဒါဆိုရင် မိမိက ရုပ်ကြီး ထိုင်နေတာ၊ ရုပ်ကြီး မတ်တပ်ရပ်နေတာ၊ ရုပ်ကြီး လမ်းလျှောက်နေတာ၊ ရုပ်ကြီး အိပ်နေတာ၊ ရုပ်ကြီး အသက်ရှူသွင်းနေတာ၊ ရုပ်ကြီး အသက်ရှူထုတ်နေတာကို မြင်ရလိမ့်မယ်။ အရပ်စကားနဲ့ ပြောရမယ်ဆိုရင် ခန္ဓာကိုယ်ကြီး မတ်တပ်ရပ်နေတယ်၊ လမ်းလျှောက်နေတယ်၊ ထိုင်နေတယ်၊ အိပ်နေတယ်၊ ခန္ဓာကိုယ်ကြီးအသက်ရှူသွင်း၊ ရှူထုတ်လုပ်နေတာကို မြင်ရမယ်ပေါ့။

ဒီလို သွား၊ ရပ်၊ ထိုင်၊ လျောင်းလုပ်နေတာက ‘ငါ’ မဟုတ်ဘူး။ အသက်ရှူသွင်း၊ ရှူထုတ်လုပ်နေတာက ‘ငါ’ မဟုတ်ဘူး။
ဒီလိုဆိုရင် ‘ငါ’ ဆိုတဲ့ အယူမှား၊ ခန္ဓာကိုယ်က ‘ငါ’ ဆိုတဲ့ အယူမှားကိုစွန့်လွှတ်သွားနိုင်လိမ့်မယ်။ အယူမှားတွေကို တဖြည်းဖြည်းချင်း ဆေးကြောသွားလိုက်။

အရှိတရားကို ဆက်ကြည့်သွားပါ။ ‘ကြည့်သူ’ စိတ်ရှိရင် သွား၊ ရပ်၊ ထိုင်၊ လျောင်းလုပ်နေတဲ့ ခန္ဓာကိုယ်၊ အသက်ရှူသွင်း၊ ရှူထုတ်လုပ်နေတဲ့ ခန္ဓာကိုယ်က ‘ငါ’ မဟုတ်ဘူး လို့ စမြင်လာလိမ့်မယ်။ သူက အသိခံ၊ အကြည့်ခံပဲ၊ ‘ငါ’ မဟုတ်ဘူး။

ဆက်သိ၊ ဆက်ကြည့်သွား၊ ဆက်ပြီး ခွဲခြားသိအောင် လေ့ကျင့်သွားရင် ပညာဉာဏ်ဖြစ်ပေါ်လာမယ်။ ‘ငါ’ ဆိုတာ ဘယ်နေရာမှာမှ မရှိတာကို မြင်လာမယ်။ ခန္ဓာကိုယ်ကလည်း ‘ငါ’ မဟုတ်၊ ခန္ဓာကိုယ်မှာဖြစ်ပေါ်တဲ့ ချမ်းသာမှု၊ ဆင်းရဲမှုကလည်း ‘ငါ’ မဟုတ်၊ စိတ်မှာဖြစ်ပေါ်တဲ့ ချမ်းသာမှု၊ ဆင်းရဲမှု၊ ဆင်းရဲချမ်းသာ မဟုတ်တဲ့ အဒုက္ခမသုခတွေဟာလည်း ‘ငါ’ မဟုတ်၊ စိတ်က သိရုံသိလိုက်တဲ့ ဖြတ်သန်းသွားတဲ့ ခံစားမှုသက်သက်မျှသာပဲ။
(08/11/2020)
-------------------------------
ဆရာတော်ကြီး လွန်ပူ ပရာမို့ ပါမို့ချိုး
ဝပ်စဝမ်စံသစ်ထန်မ် ချွန်ဘူရီခရိုင် ထိုင်းနိုင်ငံ

📍တရားစတင်ကျင့်ကြံမည့်ပုဂ္ဂိုလ်များအတွက် တရားကျင့်ကြံနည်းများကို စုစည်းပေးထားသော လင့်ခ်များ
https://youtube.com/playlist?list=PLSlZ74g7BC6QDSCK9usQ48ZbhfGDzhUox

📍ဆရာတော်ကြီး လွန်ပူ ပရာမို့ ပါမို့ချိုး၏ တိုက်ရိုက် Live ထုတ်လွှင့်ထားသော တရားတော်များ
https://youtube.com/playlist?list=PLSlZ74g7BC6R7ptZTnm1nakr5IDm_ExTe&si=GD5nX5B63yOLQeB4

📍Recommended Dhamma teachings in english version via the youtube for the newcomers ; full clip
https://youtube.com/playlist?list=PLSlZ74g7BC6Q9N6dIWVTV36zOgmAXKGTf&si=foa1e5XJtRhVjZDa
A Collection of Dhamma Principles for Beginners in english version; Short clip
https://youtube.com/playlist?list=PLSlZ74g7BC6RSu6pI0eAWiDCadU_T1MRV&si=8edVRbmdySub9kQM

📍Compilation of Dhamma talks from Luangpu Pramote Pamojjo for newcomers, available in both dubbed and English subtitled versions via the youtube. You can listen in sequence ,at the following link:
https://youtube.com/playlist?list=PLSlZ74g7BC6RcMKtSSKqy-zoUzLUwSx18

📍Dhamma talks with English-dubbed teaching at the following link:
https://youtube.com/playlist?list=PLth1DquOKn1Licm--Pmhx-JPJ23bQS8So

📍You can read the English version of the Dhamma teachings at
https://www.dhamma.com/download/luangpor-dhamma-books/

📍A page in English dedicated to the teachings of Luangpor Pramote Pamojjo:
https://www.facebook.com/luangporpramotepamojjo?mibextid=LQQJ4d

📍You can listen to the English version of the Dhamma teachings via the podcast at https://www.dhamma.com/enaudio/

📍更多中文法宝资讯，请点击此链接
解脱园 Jie Tuo Yuan
https://www.youtube.com/
https://www.facebook.com/JieTuoYuan
https://www.jietuoyuan.com

#ဉာဏ်အလင်းသို့_သွားရာလမ်း

#လွန်ဖော့ပါရာမို့ပါးမို့ချိုး
#သတိပဌာန် #စိတ်ကိုကြည့်ခြင်း
#မြို့ပြနေ_ပြည်သူလူထုအတွက်_တရားဓမ္မ
#မြို့နေသူများအတွက်_ကမ္မဌာန်းတရား

12/09/2026

ဆရာတော်ကြီး လွန်ပူ ပရာမို့ ပါမို့ချိုး၏တရားဓမ္မသဘင်ကို တိုက်ရိုက် Live ထုတ်လွှင့်မည်ဖြစ်ပါသည်။

05/09/2026

ဆရာတော်ကြီး လွန်ပူပရာမို့ ပါမို့ချိုး

20/08/2026

သတိပဋ္ဌာန်တရားစခန်း (အခြေခံ လက်တွေ့ကျင့်စဉ်)
“ဒုက္ခခပ်သိမ်း ငြိမ်းရာသို့ လျှောက်လှမ်းခြင်း”

ဆရာတော်ကြီး လွန်ပူ ပရာမို့ ပါမို့ချိုး၏ တရားတော်များအတိုင်း လက်တွေ့ကျင့်ကြံအားထုတ်ရပါမည်။

29/05 -02/06 : 2026

10/08/2026

သတိပဋ္ဌာန်တရားစခန်း (အခြေခံ လက်တွေ့ကျင့်စဉ်)

“ဒုက္ခခပ်သိမ်း ငြိမ်းရာသို့ လျှောက်လှမ်းခြင်း”

ဆရာတော်ကြီး လွန်ပူ ပရာမို့ ပါမို့ချိုး၏ တရားတော်များအတိုင်း လက်တွေ့ကျင့်ကြံအားထုတ်ရပါမည်။

31.05.2026

ဆရာတော်ကြီး လွန်ပူ ပရာမို့ ပါမို့ချိုးဝပ်စဝမ်စံသစ်ထန်မ် ချွန်ဘူရ...

05/07/2026

ဉာဏ်အလင်းသို့ သွားရာလမ်