17/09/2026
Feminism ကို ရောချနေကြတာလား။
Feminism ကို တကယ်လက်ခံရဲ့လား။
ဒါမှမဟုတ် တကယ်ကော သက်ဝင်ယုံကြည်လို့ လုပ်နေကြတာလား။
Feminism ဆိုတဲ့ စကားလုံးကို သုံးလိုက်တာနဲ့
ကျမတို့ဟာ feminist ဖြစ်သွားပြီလား။
အလုပ်ထဲမှာ feminist တွေရဲ့ စည်းမျဥ်းတွေ (principles) ကို ပြောကြတယ်။
Gender equality အကြောင်း ပြောတယ်။
Power နဲ့ privilege အကြောင်း ပြောတယ်။
ဒါပေမယ့် ကိုယ့်အဖွဲ့အစည်းထဲမှာတော့—
ဆုံးဖြတ်ချက်တွေကို လူနည်းစုကပဲ ချနေတုန်းလား။
ကိုယ် ကိုယ်တိုင်ကကော လူကြီးတွေ ဆုံးဖြတ်ကြပါလိမ့်မယ်ဆိုတဲ့ အကြောင်းပြချက်ကို ကျော်လွန်ပြီး၊ Power ရှိသူတွေကို ထောက်ပြ၊ Feedback ပေးဖို့ ကိုယ့်ကိုကိုယ် စိန်ခေါ်ရဲပြီလား။
တစ်ဖက်က ပေးလာတဲ့ Feedback ကို ကော နားထောင်ရဲပြီလား။
Power ရှိသူကို မေးခွန်းထုတ်ဖို့ ခက်နေတုန်းလား။
Care, wellbeing နဲ့ dignity တွေကို “အလုပ်ပြီးမှ” ဆိုပြီး နောက်ဆုံးထားနေတုန်းလား။
တစ်ခါတလေ Care နဲ့ Wellbeing ကို ဂရုစိုက်တာနဲ့
ခက်ခဲတဲ့စကားတွေကို မပြောတော့တာ၊
Feedback မပေးတော့တာ၊
Accountability ကို ရှောင်တာတွေကို
ရောထွေးမိနေကြလား။
တစ်ယောက်ယောက် Burnout ဖြစ်နေတဲ့အခါ
“ပိုပြီး Care လိုတယ်” ဆိုတာမှန်ပေမယ့်
ဘာကြောင့် workload မနိုင်တာလဲ၊
ဘာ skill နဲ့ support လိုအပ်နေတာလဲ၊
တာဝန်တွေကို ဘယ်လို ပိုကောင်းအောင် စီမံမလဲဆိုတာကိုလည်း
အတူတူ ပြောနိုင်ဖို့လိုတယ်။
Care ဆိုတာ ခက်ခဲတဲ့အရာတွေကို မပြောတော့တာ မဟုတ်ဘူး။
Accountability ဆိုတာလည်း အပြစ်တင်တာ မဟုတ်ဘူး။
Feminism ကို ပြောရတာ လွယ်တယ်။
Feminism ကို တကယ်ကျင့်သုံးရတာက ခက်ပါတယ်။
Feminism က project တစ်ခုမဟုတ်ဘူး။
Position တစ်ခုမဟုတ်ဘူး။
Funding proposal ထဲမှာ ထည့်ရေးဖို့ keyword တစ်ခုလည်း မဟုတ်ဘူး။
ကိုယ်တိုင်က Power ရှိသူတွေနဲ့ တွေ့လာတဲ့အခါ—
ရဲရဲဝံ့ဝံ့ ရပ်တည်ရဲဖို့၊
Power ရှိသူကို မေးခွန်းထုတ်ရဲဖို့၊
မသင့်တော်တာကို မသင့်တော်ဘူးလို့ ရိုးသားစွာ ပြောရဲဖို့၊
ကိုယ့်ကို ထိခိုက်နိုင်တယ် ဆက်ဆံရေးကို ထိခိုက်နိုင်တယ်လို့ Risk ရှိနိုင်တယ်ဆိုတာ သိသိနဲ့
အတူတူ ပိုကောင်း ပိုတိုးတက်လာစေဖို့ အတွက် Feedback ပေးရဲဖို့။
တစ်ဖက်မှာလည်း
ကိုယ်တိုင် Power ရှိလာတဲ့အခါ—
ကိုယ့် Power ကို မစွဲကိုင်ထားဖို့၊
ကိုယ့်ကိုကိုယ် ပြန်မေးခွန်းထုတ်ခွင့်ပေးဖို့၊
Feedback ကြားရတဲ့အခါ နားထောင်ရဲဖို့၊
ကိုယ့်အမှားကို ဝန်ခံပြီး ပြောင်းလဲရဲဖို့။
ဒါတွေက personal level မှာတင် မပြီးဘူး။
Feminist organization ဆိုတာ
Feminism အကြောင်း ပြောတဲ့ organization ဖြစ်ရုံနဲ့ မလုံလောက်ဘူး။
ကိုယ့်ရဲ့ feminist values တွေကို
အဖွဲ့အစည်းရဲ့ culture၊ ဆုံးဖြတ်ချက်ချတဲ့ နေရာ၊ ခေါင်းဆောင်မှုပိုင်း (leadership)၊ မူဝါဒ (policies)၊ resource allocation နဲ့ နေ့စဥ်ဘ၀ရဲ့ လက်တွေ့တွေထဲမှာပါ မြင်ရဖို့လိုတယ်။
အပြင်မှာ Power ကို ဝေဖန်ပြီး
အတွင်းမှာ Power ကို မျှဝေမထားတဲ့ organization ဖြစ်နေမလား။
အပြင်မှာ Equality ကို ပြောပြီး
အတွင်းမှာတော့ Hierarchy ကို ပုံမှန်အတိုင်း ဆက်ပြီးကျင့်သုံးနေဦးမလား။
အပြင်မှာ Care ကို ပြောပြီး
အတွင်းမှာ လူတွေ burnout ဖြစ်တဲ့အထိ အလုပ်လုပ်နေကြတာလား။
Feminism ရဲ့ တကယ်စမ်းသပ်ခံရတဲ့နေရာက
ကျမတို့ ပြောတဲ့စကားတွေထက်
ကျမတို့ အသုံးပြုနေတဲ့ power တွေ၊
လုပ်နေတဲ့ဆုံးဖြတ်ချက်တွေ၊
တည်ဆောက်ထားတဲ့ relationship တွေ၊
ဖန်တီးထားတဲ့ workplace culture တွေထဲမှာပါ။
ဒါကြောင့် ကိုယ့်ကိုယ်ကိုယ်လည်း မေးကြည့်ရအောင်—
“ငါ Feminism ကို ပြောလို့ကောင်းလို့ ပြောနေတာလား။ သက်သာတဲ့ ကောင်းတဲ့အပိုင်းလေးတွေပဲ ယူသုံးနေတာလား။
ဒါမှမဟုတ် "Feminism ရဲ့ တကယ့်အနှစ်သာရကို လက်ခံပြီး
မတရားမှုတွေကို ထုတ်ဖော်ပြောဆို နေထိုင်၊ အလုပ်လုပ်၊ ဦးဆောင်ဖို့ တကယ်ကြိုးစားနေတာလား။”
Feminism ဆိုတာ perfect ဖြစ်အောင် လုပ်ဖို့မဟုတ်ဘူး။
ကိုယ့်ရဲ့ power နဲ့ practice တွေကို အမြဲပြန်ကြည့်၊
မေးခွန်းထုတ်၊ feedback နားထောင်ပြီး ပြောင်းလဲနေဖို့ပါ။
အဲဒါကပဲ
Feminism ကို စကားလုံးတစ်ခုကနေ လက်တွေ့ဘ၀ထဲကို ရောက်လာ ပြောင်းလဲစေတာ။ 🌱
Inspired by:
CREA — Achieving Transformative Feminist Leadership
JASS — Power and Transformative Leadership
AWID — Practicing Shared Leadership
ို့ဝန်းကျင်
