MIC - ရွှေ့ပြောင်းအလုပ်သမားသတင်းအချက်အလက်စင်တာ, Chiang Mai (2026)

24/05/2026

ချင်းမိုင်မြို့လယ်အတွင်းရှိ လျှို့ဝှက်ဘားဆိုင်တွင် မြန်မာလုပ်သား ၁၂ ဦး ဖမ်းဆီးခံရ

24/5/2026

ထိုင်းဒေသခံပြည်သူများ၏တိုင်ကြားချက်အရ မေလ ၂၃ ရက်နေ့တွင် ခရီးသွားစုံစမ်းစစ်ဆေးရေးရဲတပ်ဖွဲ့ နှင့် Chang Phueak ရဲစခန်းတာဝန်ရှိသူတို့ ၂ ဖွဲ့ ပူးပေါင်းကာ ချင်းမိုင်မြို့လယ်အတွင်း ဖွင့်လှစ်ထားသော လျှို့ဝှက်ဘားဆိုင် တဆိုင်အား ဝင်ရောက်စစ်ဆေးပြီး ဆိုင်အတွင်း တရားမဝင်မြန်မာအလုပ်သမား ၁၂ ဦးဖမ်းဆီးရမိသွားကြောင်း သိရပါသည်။

ဖမ်းဆီးခံသွားရသော မြန်မာလုပ်သားများဟာ ဂီတပညာရှင် နှင့် ဆိုင်အတွင်း ဝန်ထမ်းများဖြစ်ကာ အလုပ်လုပ်ခွင့်လက်မှတ် ဝေါ့ပါမစ်များရှိသော်လည်း လုပ်ရှင်အမည် နှင့် လုပ်ငန်းခွင်လိပ်စာ မှတ်ပုံတင်ထားသည့် အချက်လက်များ ကိုက်ညီမှုမရှိသောကြောင့် ဖမ်းခံရပြီး ထိုင်းရဲများမှ အလုပ်သမားများဥပဒေအရ အရေးယူထားပါသည်။

၎င်းဆိုင်သည် ပြီးခဲ့သည့် သင်္ကြန်ကာလမှ ဖျော်ဖြေရေးဆိုင်အဖြစ် စတင်ဖွင့်လှစ်ကာ မန်နဂျာသည် ထိုင်းလူမျိုးတစ်ဦးဖြစ်သော်လည်း မြန်မာရွှေ့ပြောင်းအလုပ်သမားများ မကြာခဏဆိုသလို စုဝေးရာနေရာတစ်ခုဖြစ်ပြီး ဒေသခံများအား ဆူညံသံများဖြင့် စိတ်အနှောက်ယှက်ဖြစ်စေမှုများကြောင့် ယခုကဲ့သို့ စစ်ဆေးမှုများပြုလုပ်ခံခဲ့ရခြင်းဖြစ်သည်။

လက်ရှိတွင် တာဝန်ရှိသူများနှင့်ပတ်သက်သည့် ငွေကြေးလမ်းကြောင်းများကို ထိုင်းနိုင်ငံ တာဝန်ရှိသူများမှ စစ်ဆေးနေပြီး ဤလျှို့ဝှက်ဘားဆိုင်ကို ဖွင့်လှစ်သူရဲ့နောက်ကွယ်မှ အလုပ်ရှင်နှင့် ရင်းနှီးမြှုပ်နှံသူများကို ဆက်လက်စုံစမ်းနေကြောင်းလည်းသိရသည်။ထိုင်းရဲတပ်ဖွဲ့များ စစ်ဆေးတင်းကြပ်မှုများပြုလုပ်နေစဉ် မိမိကိုင်‌ဆောင်ထားသည့် နိုင်ငံကူးပြောင်း လက်မှတ်(Passport)၊ ပန်းရောင်ကတ် (Pink Card) နှင့် အလုပ်လုပ်ခွင့် (Work Permit)တို့ကို တပ်ကြပ်မကွာကိုယ်နှင့် ဆောင်ထားရန်လိုအပ်‌သည်။

ဤကာလတွင် ချင်းမိုင်မြို့ခရိုင်အတွင်း နေရာတော်တော်များများမှ အခန်းငှားနေသူများ၊ နေအိမ်ငှားနေသူများကို ထိုင်းအာဏာပိုင်များက ဆက်တိုက်စစ်ဆေးမှုများပြုလုပ်နေသည်။

#အလုပ်သမားဥပဒေ #ထိုင်းဥပဒေ ွှေ့ပြောင်းအလုပ်သမားသတင်းအချက်လက်စင်တာ #မြန်မာရွှေ့ပြောင်းအလုပ်သမား #ခွင့်ရက် #အလုပ်သမားအခွင့်အရေး #နားရက်အလုပ်လုပ်ခွင့် #ထိုင်းနိုင်ငံ #တားမြစ်ထားသောအလုပ်အကိုင်များ #လုပ်အားခ #လုပ်ကိုင်နိုင်သောအလုပ်အကိုင် #အလုပ်အကိုင် #နားရက်အခွင့်အရေး #နားရက် #အလုပ်ချိန် #အလုပ်သမားစည်းကမ်း #ဝေါ့ပါမစ် #လျော်ကြေး

22/05/2026

ထိုင်းနိုင်ငံရဲ့ တော်ဝင်အစိုးရပြန်တမ်း (Royal Gazette) အရက်ယမကာ
ထိန်းချုပ်ရေးကော်မတီရဲ့ ထုတ်ပြန်ချက်

ပြီးခဲ့တဲ့ မေလ ၁၂ ရက်နေ့မှာ ထိုင်းအများပြည်သူများသိရှိရန်နှင့် ထိုင်းရောက်ရွှေ့ပြောင်းအလုပ်သမားများသိရှိန်ရန်အတွက် ထိုင်းနိုင်ငံရဲ့ တော်ဝင်အစိုးရပြန်တမ်း (Royal Gazette) ကထုတ်ပြန်ချက်အရ အရက်နဲ့ ဘီယာ ရောင်းချခြင်း၊ သောက်သုံးခြင်းတွေကို ယနေ့မစ၍စတင်အကျူံးဝင်ကြောင်း အောက်ပါတားမြစ်ချက် ၈ နေရာကို လိုက်နာကျင့်သုံးရမည်ဖြစ်ကြောင်း ထုတ်ပြန်ကြေညာထားပါတယ်။

(၁) လမ်းမပေါ်၊ ယာဉ်ပေါ် သို့မဟုတ် လမ်းပေါ်ရှိ မည်သည့်ယာဉ်အတွင်း၌မဆို အရက် ရောင်းချခြင်း မပြုရန်နှင့် ကားမောင်းနေစဉ် သို့မဟုတ် ကားပေါ်တွင် လိုက်ပါစီးနင်းနေစဉ်အတွင်း ယမကာရည်များ သောက်သုံးခြင်း လုံးဝမပြုရ။

၂။ နိုင်ငံပိုင်လုပ်ငန်းများနှင့် အစိုးရဌာနနေရာများတွေမှာ အရက်ရောင်းချခြင်း မပြုရ (သတ်မှတ်ထားသော အရောင်းဆိုင် သို့မဟုတ် ကလပ်များမှလွဲ၍)။ ထို့နည်းတူ နေအိမ်၊ ကလပ် သို့မဟုတ် ရိုးရာပွဲလမ်းသဘင်များမှအပ ၎င်းနေရာများတွင် အရက်ယမကာသောက်သုံးခြင်းကိုလည်း တားမြစ်ထားတာကိုလည်းတွေ့ရပါတယ်။

(၃) အများပြည်သူသုံး သင်္ဘောဆိပ်ကမ်း ဧရိယာအတွင်း သို့မဟုတ် ပုံမှန်ပြေးဆွဲနေသော ခရီးသည်တင်သင်္ဘောများပေါ်တွင် အရက်ရောင်းချခြင်းနှင့် သောက်သုံးခြင်း မပြုရ။
(၄) ကုန်းလမ်းပို့ဆောင်ရေးဥပဒေအရ သတ်မှတ်ထားသော အဝေးပြေးယာဉ်ရပ်နားသည့် ဂိတ်ဝင်းစခန်းနေရာမျိုးတွေမှာ အရက်ရောင်းချခြင်းနှင့် သောက်သုံးခြင်း မပြုရ။

(၅) စက်ရုံလုပ်ငန်းခွင် ဧရိယာနေရာမျိုးမှာ - စက်ရုံဥပဒေအရ သတ်မှတ်ထားသော စက်ရုံဝင်းအတွင်း ရောင်းချခြင်း၊ သောက်သုံးခြင်း မပြုရ။ (အရက်ထုတ်လုပ်သည့်စက်ရုံများအတွက် မပါဝင်ပါ)

(၆) အစိုးရပိုင်နေရာ သို့မဟုတ် နိုင်ငံပိုင်လုပ်ငန်းလိုနေရာများမှာ အကျိုးခံစားခွင့်ရှိသော နေရာများတွင် အရက်ရောင်းချခြင်း ၊ သောက်သုံးခြင်း မပြုရ။

(၇) အစိုးရပိုင်နေရာ သို့မဟုတ် နိုင်ငံပိုင်လုပ်ငန်းများမှ အများပြည်သူ အပန်းဖြေရန်အတွက် ပြုလုပ်ထားသော ပန်းခြံများတွင် အရက်ရောင်းချခြင်းနှင့် သောက်သုံးခြင်း မပြုရ။

(၈) မီးရထားဘူတာရုံနှင့် ရထားတွဲများပေါ် သို့မဟုတ် မီးရထားဘူတာရုံဝင်းအတွင်း သို့မဟုတ် ပြေးဆွဲနေသော ရထားတွဲများအတွင်း ရောင်းချခြင်း၊ သောက်သုံးခြင်း မပြုရ။
(ခြွင်းချက်အနေဖြင့် ဘန်ကောက်မီးရထားဘူတာကြီး လေအေးပေးစက်ခန်းမအတွင်း ကျန်းမာရေးဝန်ကြီးဌာနမှ ခွင့်ပြုချက်ရရှိထားသည့် အထူးပွဲအတွက် စနစ်တကျ ကန့်သတ်ချက်ဖြင့် သောက်သုံးခြင်းကိုသာ ခွင့်ပြုမည် ဖြစ်သည်။

#အလုပ်သမားဥပဒေ #ထိုင်းဥပဒေ ွှေ့ပြောင်းအလုပ်သမားသတင်းအချက်လက်စင်တာ #မြန်မာရွှေ့ပြောင်းအလုပ်သမား #ခွင့်ရက် #အလုပ်သမားအခွင့်အရေး #နားရက်အလုပ်လုပ်ခွင့် #ထိုင်းနိုင်ငံ #တားမြစ်ထားသောအလုပ်အကိုင်များ #လုပ်အားခ #လုပ်ကိုင်နိုင်သောအလုပ်အကိုင် #အလုပ်အကိုင် #နားရက်အခွင့်အရေး #နားရက် #အလုပ်ချိန် #အလုပ်သမားစည်းကမ်း #ဝေါ့ပါမစ် #လျော်ကြေး

20/05/2026

MAP Radio ကို အစဉ်အမြဲ အားပေးနားဆင်နေကြတဲ့ မိဘပြည်သူများနှင့် ရွှေ့ပြောင်းလုပ်သားသူငယ်ချင်းများအားလုံး မင်္ဂလာပါ ခင်ဗျာ။ MAP Radio ကနေပြီးတော့ မိဘပြည်သူတွေအတွက် ဗဟုသုတလည်းရ၊ အပန်းလည်းပြေစေမယ့် အစီအစဉ်ကောင်းတွေကို နေ့စဉ် တင်ဆက်ပေးနေတာ အားလုံးလည်း အကြိုက်တွေ့ကြလိမ့်မယ်လို့ မျှော်လင့်ပါတယ်နော်။ 🥰

အခုအခါမှာတော့ ကျွန်ုပ်တို့ MAP Radio ရဲ့ ရေဒီယိုအစီအစဉ်တွေကို အရင်ကထက် "ပိုမိုကောင်းမွန်ပြီး အရည်အသွေးမြင့်မားလာစေဖို့" အတွက် နားဆင်သူပရိသတ်ကြီးရဲ့ အဖိုးတန်တဲ့ ထင်မြင်ယူဆချက်နဲ့ အကြံဉာဏ်လေးတွေကို သိရှိလိုပါတယ် ခင်ဗျာ။

ဒါကြောင့် ပရိသတ်ကြီးအနေနဲ့ မိနစ်အနည်းငယ်လောက် အချိန်ပေးပြီး ကျွန်တော်တို့ရဲ့ "ထင်မြင်ချက်စစ်တမ်း (Survey)" လေးကို အောက်ပါလင့်ခ်ကနေတစ်ဆင့် ဝင်ရောက်ဖြေဆိုပေးခြင်းဖြင့် ဝိုင်းဝန်းကူညီပေးကြဖို့ မေတ္တာရပ်ခံအပ်ပါတယ်နော်။
📑👇
🔗 စစ်တမ်းဖြေဆိုရန်လင့်ခ် - [https://forms.gle/1gbQ1BSts7h1m8TK6]

ပရိသတ်ကြီးရဲ့ တုံ့ပြန်ချက်တစ် ခုချင်းစီဟာ MAP Radio ပိုမိုတိုးတက်ကောင်းမွန်လာဖို့အတွက် အလွန်အရေးကြီးတဲ့ အထောက်အကူပြုချက်တွေ ဖြစ်တာကြောင့် အားလုံးပဲ တက်ကြွစွာ ပါဝင်ဖြေဆိုပေးကြဖို့ ဖိတ်ခေါ်လိုက်ရပါတယ်။ 🙏✨

#စစ်တမ်းဖြေဆိုပေးပါ #ရွှေ့ပြောင်းလုပ်သားအသံ #ပိုမိုကောင်းမွန်သောဝန်ဆောင်မှု

14/05/2026

ရွှေ့ပြောင်းအလုပ်သမားများကို တစ်နိုင်ငံလုံးအတိုင်းအတာဖြင့် စစ်ဆေးရန် ထိုင်းအလုပ်သမားဝန်ကြီး ညွှန်ကြား

ပြီးခဲ့သည့် မေလ ၁ ရက်နေ့က စူရတ်ဌာနီခရိုင် ၊ ကော့ဖငန်ကျွန်း ကလေးထိန်းကျောင်း
တစ်ခုကို ထိုင်းစစ်တပ်၊ အုပ်ချုပ်ရေးရဲနှင့် လူဝင်မှုကြီးကြပ်ရေးအရာရှိများ ပူးပေါင်းပြီး ဝင်ရောက်စစ်ဆေးချိန်တွင် တရားမဝင်အလုပ်လုပ်ကိုင်နေတဲ့ ထိုင်းနဲ့ ထိုင်းငံခြားသား ၉ ဦးကို ဖမ်းဆီးရမိပြီးနောက်၊ တစ်နိုင်ငံလုံးအတိုင်းအတာဖြင့် စစ်ဆေးရန် ထိုင်းအလုပ်သ
မားဝန်ကြီး ဂျူလာဖန်း အမွမ်းဝိဝတ့်က အခုလိုညွှန်ကြားခဲ့သည်

ဒီဖြစ်စဉ်နဲ့ပတ်သက်ပြီး ရွှေ့ပြောင်းအလုပ်သမားများကို ခွင့်ပြုထားသည့်အတိုင်းသာ အလုပ်လုပ်ရမည်ဟု ထိုင်းအလုပ်သမားဝန်ကြီးက ထပ်မံပြောကြားသွားသည်။
ထို့အပြင် နိုင်ငံခြားသားလုပ်သားများနှင့် စီးပွားရေးလုပ်ငန်းရှင်များ အလုပ်အကိုင်ကို တင်းကျပ်စွာ စောင့်ကြည့်ရန်အတွက် ကြိုတင်ကာကွယ်သည့် စစ်ဆေးမှုများပြုလုပ်ရန် အလုပ်သမားဌာန ညွှန်ကြားရေးမှူးချုပ်အား ကဏ္ဍအားလုံးနှင့် ပူးပေါင်းဆောင်ရွက်ရန် ညွှန်ကြားထားသည်ကိုလည်း ပြောပါတယ်။

အလုပ်အကိုင်ဌာန ညွှန်ကြားရေးမှူးချုပ် မစ္စတာ ဆွန်ချိုင်း မိုရာကို့ဆရီဝမ်က အလုပ်လုပ်ခွင့်မရှိဘဲ အလုပ်လုပ်နေသော သို့မဟုတ် ၎င်းတို့၏ ခွင့်ပြုချက်ဘောင်အတွင်း ကျော်လွန်၍ အလုပ်လုပ်နေသော ရွှေ့ပြောင်းအလုပ်သမားများကို ဒဏ်ငွေ ၅၀၀၀ မှ ၅၀၀၀၀ အထိ ချမှတ်ခံရမည်ဖြစ်ပြီး ၎င်းတို့၏ မူရင်းနိုင်ငံသို့ နှင်ထုတ်ခံရမည်ဟု လည်းပြောကြားခဲ့သည်။

၎င်းတို့သည် ပြစ်ဒဏ်ချမှတ်သည့်နေ့မှစ၍ နှစ်နှစ်အတွင်း အလုပ်လုပ်ခွင့်လျှောက်
ထားခြင်းကို တားမြစ်ခြင်း ၊ အလုပ်ရှင်များသည်အလုပ်လုပ်ခွင့်မရှိဘဲ ရွှေ့ပြောင်း
အလုပ်သမားများကို ငှားရမ်းခြင်း သို့မဟုတ် ခွင့်ပြုချက်ဘောင်အတွင်း ကျော်လွန်၍ အလုပ်လုပ်ခွင့်ပြုခြင်း စသည်တို့ကို လုပ်ဆောင်ပါက ဒဏ်ငွေ ၁၀၀၀၀ မှ ၁၀၀၀၀၀ အထိ ချမှတ်ခံရမည်ဖြစ်ပြီး ထပ်မံကျူးလွန်ပါက ထောင်ဒဏ်တစ်နှစ်အထိ သို့မဟုတ် ဒဏ်ငွေ ၅၀၀၀၀ မှ ၂၀၀၀၀၀ အထိ သို့မဟုတ် ရွှေ့ပြောင်းအလုပ်သမား ငှားရမ်းခွင့်ကိုလည်း ပိတ်ပင်သွားမည်ဖြစ်ကြောင်း အသိပေးကြေညာခဲ့ပါသည်

#ဝေါ့ပါမစ် #ထိုင်းဥပဒေ #အလုပ်အကိုင် #လုပ်အားခ #မြန်မာရွှေ့ပြောင်းအလုပ်သမား #အလုပ်သမားအခွင့်အရေး #အလုပ်ချိန် #နားရက် #ခွင့်ရက် #ထိုင်းနိုင်ငံ #နားရက်အလုပ်လုပ်ခွင့် #အလုပ်သမားစည်းကမ်း #လုပ်ကိုင်နိုင်သောအလုပ်အကိုင် #နားရက်အခွင့်အရေး #တားမြစ်ထားသောအလုပ်အကိုင်များ ွှေ့ပြောင်းအလုပ်သမားသတင်းအချက်လက်စင်တာ #အလုပ်သမားဥပဒေ #လျော်ကြေး

12/05/2026

မြန်မာအလုပ်
သမားဝန်ကြီးဉီးစီးဌာန နဲ့ ဘန်ကောက်မြန်မာသံရုံးက ထုတ်ပြန်ကြေညာ

ပြီးခဲ့သည်မေလ ၂၉ ရက် ၂၀၂၆ နေ့တွင် မြန်မာသံရုံးကထုတ်ပြန်ချက်အရ ပြည်ပနိုင်ငံ များတွင် အလုပ်လုပ်ကိုင်လျက်ရှိသည့် ရွှေ့ပြောင်းမြန်မာအလုပ်သမားများ မြန်မာနိုင်ငံသို့ ပြန်လည်ဝင်ရောက်ရာတွင် အလုပ်ရှင်ခွင့်စာရယူပြီး သက်ဆိုင်ရာနိုင်ငံရှိ မြန်မာသံရုံး ၊ ကောင်စစ်ဝန်ချုပ်ရုံး၌ ထောက်ခံစာပါ ရုံးဖွင့်ရက်များအတွင်း နေ့စဉ် နံနက် ၉ နာရီကနေ ညနေ ၄ နာရီအထိ သွားရောက်၍ ခွင့်စာပြသပြီး လျှောက်ထားရယူ
ရနိုင်ကြောင်း ထုတ်ပြန်ထားတာကို တွေ့ရပါတယ်။ ၎င်းထုတ်ပြန်ချက်ကို နှောင့်နှေးမှု
မရှိစေရန်အတွက် ၂၀၂၆ ခုနှစ် မေလ ၅ ရက်နေ့မှာ စတင်ဆောင်ရွက်ပေးသွားမည်ဖြစ်
ကြောင်းလည်း သိရှိရပါတယ်။

ယင်းသို့လျှောက်ထားရာမှာ အောက်ပါဖော်ပြပါ စာရွက်စာတမ်းများ တစ်ပါတည်းယူ ဆောင်သွားရန် လိုအပ်ကြောင်းအသိပေးခဲ့ပါသည်

(၁) ပတ်စပို့စ် စာမျက်နှာပြင်မိတ္တူ နှင့် သက်တမ်းရှိဗီဇာစာမျက်နှာမိတ္တူ
(၂) မှတ်ပုံတင်မိတ္တူ
(၃) OWIC ကဒ်မိတ္တူ ( OWIC လျှောက်ထားခဲစဉ်တွင် တင်ပြခဲ့သည့် လုပ်ငန်းခွင်မှ အခြားလုပ်ငန်းခွင့်သို့ ပြောင်းလဲလုပ်ကိုင်ခဲ့ပါက အလုပ်ပြောင်းရွှေ့စာ ပူးတွဲတင်ပြ
ရန် လိုအပ်မည်)
(၄) ဝေါ့ပါမစ် မိတ္တူ
(၅) ကုမ္ပဏီ / ငှာန / အလုပ်ရှင်ခွင့်စာ
(၆) လေယာဉ်လက်မှတ် မိတ္တူ စသည့်တို့ တင်ပြရမည်ဖြစ်ပြီး ၊ တစ်စောင်လျှင် ဘတ် ၁၅၀ ပေးသွင်းရမည်။

အကယ်၍ မြန်မာသံရုံး ၊ ကောင်စစ်ဝန်ချူပ်ရုံးများဖွင့်လှစ်ထားခြင်းမရှိသည့် နိုင်ငံများ အနေဖြင့် အနီးဆုံးနိုင်ငံ သို့မဟုတ် အနီးဆုံးမြို့ရှိ မြန်မာသံရုံး ၊ အဖွဲ့ရုံး ၊ ကောင်စစ်ဝန် ချုပ်ရုံးများသို့ သွားရောက်၍ ခွင့်စာပြသပြီး ထောက်ခံစာရယူနိုင်ပါသည်

ခွင့်ဖြင့် မြန်မာနိုင်ငံသို့ ပြန်လည်ဝင်ရောက် ထွက်ခွာမည့် အလုပ်သမားများအနေဖြင့်
ဝေါ့ပါမစ် ၊ ဗီဇာနှင့် ခွင့်စာပါလုပ်ငန်းခွင်းနှင့် OWIC ကဒ်တွင်ပါရှိသည့် လုပ်ငန်းနှင့် မတူညီမှုရှိခဲ့ပါက မြန်မာနိုင်ငံသို့ ပြန်လည်ရောက်ရှိနေချိန်တွင် OWIC ကဒ်အားအသစ် ပြန်လည်လျှောက်ထားရမည်ဟုလည်း ကြေညာခဲ့ပါသည်။

#နားရက်အခွင့်အရေး #နားရက်အလုပ်လုပ်ခွင့် #ဝေါ့ပါမစ် #နားရက် #အလုပ်အကိုင် #ခွင့်ရက် #လုပ်ကိုင်နိုင်သောအလုပ်အကိုင် #မြန်မာရွှေ့ပြောင်းအလုပ်သမား #လုပ်အားခ ွှေ့ပြောင်းအလုပ်သမားသတင်းအချက်လက်စင်တာ #ထိုင်းနိုင်ငံ #အလုပ်သမားဥပဒေ #အလုပ်ချိန် #အလုပ်သမားစည်းကမ်း #ထိုင်းဥပဒေ #တားမြစ်ထားသောအလုပ်အကိုင်များ #အလုပ်သမားအခွင့်အရေး #လျော်ကြေး #မွေးဖွားခွင့်

30/04/2026

ထိုင်းအလုပ်သမားဝန်ကြီးထုတ်ပြန်ကြေညာချက်
စီအိုင်ထုတ်ပေးခြင်းလုပ်ငန်းစဉ်ကို အချိန်ထပ်တိုးမြင့်

ထိုင်းရောက် ရွှေပြောင်းမြန်မာအလုပ်သမားတွေအတွက် မည်သူမည်ဝါဖြစ်ကြောင်း သက်သေခံလက်မှတ် စီအိုင် ပြုလုပ်နိုင်မယ့် ရက်ကို လာမယ့်ဩဂုတ်လ ၁၇ ရက် ၂၀၂၆ အထိ ရက်ထပ်တိုးပေးတယ်လို့ ထိုင်းအလုပ်သမားဝန်ကြီးဌာန ကိုယ်စားလှယ်ဖြစ်သူ ဆွမ်ချိုင်း မော်ရာကုတ်ဆီဝမ်း (Somchai Morakodsriwan) က ပြီးခဲ့သည့် ဧပြီလ ၂၃ ရက်နေ့မှာ ထုတ်ပြန်ကြေညာခဲ့ပါတယ်။

ပြီးခဲ့သည့် ၂၀၂၆ ခုနှစ် မတ်လ ၃၁ ရက်နေ့တွင် သက်တမ်းကုန်ဆုံးပြီး သက်တမ်းတိုးရန်
လိုအပ်တဲ့ ရွှေပြောင်းမြန်မာအလုပ်သမားတွေ အတွက် CI (Certificate of Identity) စာအုပ် ပြုလုပ်ရန် ယခင်မူလထုတ်ပြန်ချက်အရ စီအိုင်စင်တာကို ၂၀၂၆ ခုနှစ် မေလ ၁၇ ရက်နေ့အထိသာဖွင့်လှစ်ရန်
သတ်မှတ်စီစဉ်ထားပေမယ့် စီအိုင် ပြုလုပ်ရန် ရွှေပြောင်းမြန်မာအလုပ်သမားတွေ အများအပြား
ကျန်ရှိနေသဖြင့် အချိန်မီ ဆောင်ရွက်နိုင်ရန် လာမယ့်ဩဂုတ်လ ၁၇ ရက်နေ့အထိ အချိန်ကာလ ထပ်တိုးပေးလိုက်တာဖြစ်တယ်လို့ လည်းသိရပါတယ်။

၎င်းဖွင့်လှစ်ထားတဲ့ CI စခန်း တည်ရှိရာနေရာတွေကတော့ စမွတ်စခွန်၊ စမွတ်ပရာကန်၊ ဆူရတ်ဌာနီနှင့် ချင်းမိုင်ခရိုင် တို့မှာ ဖွင့်လှစ်ထားပြီး ချွှန်ဘူရီခရိုင်မှာတော့ မိုဘိုင်းဝန်ဆောင်မှု ယူနစ်တစ်ခုအနေဖြင့် ဆောင်ရွက်ပေးလျက်ရှိကြောင်း သိရပါတယ်။
ရွှေပြောင်းမြန်မာအလုပ်သမားတွေအနေဖြင့် ယခုကဲ့သို့ အချိန်တိုးမြင့်ပေးထားရာမှာအမြန်ဆုံး
သွားရောက်ဆောင်ရွက်ကြရန် သတင်းကောင်းပါးအပ်ပါသည်။

ွှေ့ပြောင်းအလုပ်သမားသတင်းအချက်လက်စင်တာ #နားရက်အခွင့်အရေး #လုပ်ကိုင်နိုင်သောအလုပ်အကိုင် #ထိုင်းနိုင်ငံ #လုပ်အားခ #ဝေါ့ပါမစ် #တားမြစ်ထားသောအလုပ်အကိုင်များ #အလုပ်အကိုင် #အလုပ်သမားစည်းကမ်း #အလုပ်ချိန် #ခွင့်ရက် #မြန်မာရွှေ့ပြောင်းအလုပ်သမား #အလုပ်သမားဥပဒေ #အလုပ်သမားအခွင့်အရေး #နားရက်အလုပ်လုပ်ခွင့် #ထိုင်းဥပဒေ #နားရက် #လျော်ကြေး #မွေးဖွားခွင့်

29/04/2026

ထိုင်းနိုင်ငံတွင် အပြည်ပြည်ဆိုင်ရာ အလုပ်သမားနေ့ကို အလုပ်ပိတ်ရက်အဖြစ်သတ်မှတ်

ထိုင်းနိုင်ငံတွင် အပြည်ပြည်ဆိုင်ရာအလုပ်သမားနေ့ဖြစ်သည့် မေလ (၁) ရက်နေ့ကို အလုပ်ပိတ်ရက်အဖြစ်သတ်မှတ်ပြီး ထိုနေ့အတွက်ပုံမှန်အတိုင်း လုပ်ခလစာပေးရန်
လိုအပ်ကြောင်း အလုပ်သမားကာကွယ်စောင့်ရှောက်ရေးဌာနက ပြီးခဲ့သည့် ဧပြီလ ၁၇ ရက်နေ့ မှာ အလုပ်ရှင်နှင့် အလုပ်သမားများလိုက်နာရန် အောက်ပါ အချက် ၄ ချက်ကို ထုတ်ပြန်ကြေညာခဲ့ပါတယ်။

(၁) ထိုင်းအလုပ်သမား ကာကွယ်စောင့်ရှောက်ရေးဥပဒေအရ မေလ (၁) ရက်နေ့ကို အလုပ်ပိတ်ရက်အဖြစ် သတ်မှတ်ပေးရမည်ဖြစ်ပြီး ပုံမှန်အတိုင်း လုပ်ခလစာ အပြည့်ပေးရမည်။ အကယ်၍ ထိုနေ့သည် အလုပ်သမား၏ ပတ်စဉ်ပိတ်ရက်နှင့် တိုက်ဆိုင်နေပါက နောက်တစ်ရက်ကို အစားထိုးပိတ်ရက်အဖြစ် ပေးရမည်။

(၂) အကယ်၍ လုပ်ငန်းသဘာဝအရ (ဥပမာ - ဟိုတယ်၊ စားသောက်ဆိုင်၊ ဆေးရုံ၊ သယ်ယူပို့ဆောင်ရေး စသည့်လုပ်ငန်းများ) မပိတ်နိုင်ပါက၊ အလုပ်ရှင်သည် အလုပ်သမားနှင့် သဘောတူညီမှုရယူပြီး အခြားနေ့တွင် အစားထိုးပိတ်ရက်ပေးရန်နှင့် သို့မဟုတ် ပိတ်ရက်တွင် လုပ်ကိုင်သည့်အတွက် အပိုလုပ်အားခ ပေးဆောင်ရမည်

(၃) အကယ်၍ မေလ (၁) ရက်နေ့တွင် အလုပ်သမားအား အလုပ်ဆင်းခိုင်းပါက အလုပ်ပိတ်ရက်အတွက် ရရှိမည့် လုပ်ခအပြင်၊ ပုံမှန်ရရှိသော လုပ်ခနှုန်းထားအပြင် အနည်းဆုံး (၁) ဆထပ်တိုး (စုစုပေါင်း ၂ ဆ) ကို အပိုပေးဆောင်ရမည်။

(၄) အကယ်၍ အလုပ်သမားနေ့ (အားလပ်ရက်) တွင် အချိန်ပို (OT) ဆင်းခိုင်းပါက၊
သာမန်အလုပ်လုပ်ရက်တွင် ရရှိသော နာရီအလိုက် လုပ်ခနှုန်းထား၏ ၃ ဆ ထက်မနည်းသော အချိန်ပိုလုပ်ခကို ပေးချေရမည်ဟု ကြေညာထားကြောင်း သတင်းကောင်းပါးလိုက်ပါတယ်ရှင်။

#အလုပ်အကိုင် #မြန်မာရွှေ့ပြောင်းအလုပ်သမား #နားရက်အလုပ်လုပ်ခွင့် #တားမြစ်ထားသောအလုပ်အကိုင်များ #ထိုင်းနိုင်ငံ #ခွင့်ရက် #အလုပ်သမားဥပဒေ ွှေ့ပြောင်းအလုပ်သမားသတင်းအချက်လက်စင်တာ #အလုပ်သမားအခွင့်အရေး #အလုပ်ချိန် #အလုပ်သမားစည်းကမ်း #နားရက် #လုပ်ကိုင်နိုင်သောအလုပ်အကိုင် #ဝေါ့ပါမစ် #ထိုင်းဥပဒေ #လုပ်အားခ #နားရက်အခွင့်အရေး #လျော်ကြေး

27/04/2026

၂၀၂၆ ခုနှစ်၊ မေလ ၁ ရက်
အပြည်ပြည်ဆိုင်ရာ အလုပ်သမားနေ့ အထိမ်းအမှတ် အခမ်းအနားသို့ ဖိတ်ကြားခြင်း

မကြာမီ ရက်ပိုင်းအတွင်း ၂၀၂၆ ခုနှစ်၊ မေလ ၁ ရက်နေ့သို့ ရောက်ရှိတော့မည်။ နှစ်စဉ် မေလ ၁ ရက်နေ့ကို “အပြည်ပြည်ဆိုင်ရာ အလုပ်သမားနေ့” သို့မဟုတ် “မေဒေးနေ့” (May Day) ဟု ခေါ်ဆိုကြပါသည်။ ဤနေ့သည် လူမျိုး ၊ ဘာသာမရွေး အလုပ်သမားအား
လုံးအတွက် အထူးအရေးကြီးသော နေ့တစ်နေ့ ဖြစ်ပြီး မေလ ၁ ရက်နေ့သို့ ရောက်ရှိ
တိုင်း ကမ္ဘာတစ်ဝှမ်းလုံးတွင် အလုပ်သမားနေ့ အထိမ်းအမှတ် အခမ်းအနားများကို နေရာ
အနှံ့ ကျင်းပပြုလုပ်လေ့ရှိကြပါသည်။

ဒီလာမယ့် ၂၀၂၆ ခုနှစ်၊ မေလ ၁ ရက်နေ့တွင် ထိုင်းနိုင်ငံ မြောက်ပိုင်းအလုပ်သမားကွန်ရက် နှင့် MAP ဖောင်ဒေးရှင်း (MAP Foundation) တို့ ပူးပေါင်း၍ ချင်းမိုင်မြို့ မီးရထားဘူတာရုံ အားကစားကွင်း၌ အထိမ်းအမှတ် အခမ်းအနားကို ကျင်းပသွားမည် ဖြစ်ပါသည်။ အဆိုပါ အခမ်းအနားတွင် အဖွဲ့အစည်းပေါင်းစုံမှ လာရောက်၍ လှုပ်ရှားမှုများ ပြုလုပ်ခြင်း၊ လက်ကမ်းစာစောင်များ ဝေငှခြင်း၊ ဂိမ်းကစားခြင်းတို့ကို ပြုလုပ်သွားမည် ဖြစ်ပါသည်။

ထို့အပြင် အထူးအစီအစဉ်အနေဖြင့် အဖွဲ့အစည်းအသီးသီးမှ ကိုယ်စားလှယ်များ၊ အလုပ်သမားရေးရာ ကျွမ်းကျင်သူများနှင့် အလုပ်သမားအခွင့်အရေး လှုပ်ရှားသူများ ပါဝင်သည့် အလုပ်သမားအခွင့်အရေး ဆွေးနွေးဖလှယ်ပွဲကိုလည်း ကျင်းပသွားမည် ဖြစ်ပါသည်။

ဒါကြောင့် ချင်းမိုင်ခရိုင်အတွင်းရှိ နယ်ပယ်အသီးသီးမှ ရွှေ့ပြောင်းအလုပ်သမားများ အားလုံး အဆိုပါအခမ်းအနားသို့ လာရောက်ဆင်နွှဲကြပါရန် ဖိတ်ကြားအပ်ပါသည်။
အခြားခရိုင် သို့မဟုတ် အခြားနိုင်ငံများတွင် ရောက်ရှိနေသော ရွှေ့ပြောင်းအလုပ်
သမားများ အနေဖြင့် MAP Foundation ၏ Facebook စာမျက်နှာမှတစ်ဆင့် တိုက်ရိုက်ထုတ်လွှင့်မှု (Live) ကိုလည်း ကြည့်ရှုနိုင်ပါသည်။

အချိန်
ညနေ ၅ နာရီ - ချင်းမိုင် ဗုဒ္ဓသာသနာ့ရိပ်သာ၌ စတင်စုရုံး
ညနေ ၅ နာရီခွဲ - မီးရထားပန်းခြံသို့ ချီက်တက်လမ်းလျှောက်
နေရာ - မီးရထားပန်းခြံ
အချိန် - ညနေ ၅ နာရီ - ည ၉ နာရီအထိ

- 17:00 စုရုံးနေရာ https://maps.app.goo.gl/QAJiHmEZkjSBaNKM8
- 17:30 မီးရထားပန်းခြံ https://maps.app.goo.gl/THLXcYFnkZ25kgWb8

23/04/2026

ထိုင်း အလုပ်သမားကာကွယ်ရေးနှင့် လူမှုဖူလုံရေးဌာန မေလ (၁) ရက်နေ့ အလုပ်သမားနေ့ဆိုင်ရာ ကြေညာချက်မှ အဓိကအချက်များ...........

👉 မေလ (၁) ရက်နေ့သည် အလုပ်သမားနေ့ (May Day) ဖြစ်ပြီး အလုပ်သမားများအားလုံး နားခွင့်ရှိသည်။

👉 အလုပ်သမားနေ့အတွက် ပုံမှန်လစာကို အပြည့်အဝ ပေးချေရမည်။

👉 အလုပ်သမားနေ့သည် အပတ်စဉ်ပိတ်ရက်နှင့် တိုက်ဆိုင်ပါက အလုပ်ရှင်များသည် အစားထိုးပိတ်ရက် ပေးရမည်။

👉 အလုပ်ရပ်နားရန် အဆင်မပြေသော လုပ်ငန်းများ (ဥပမာ- ဟိုတယ်၊ စားသောက်ဆိုင်၊ ဆေးရုံ၊ ခရီးသွားဝန်ဆောင်မှု) အတွက် အစားထိုးပိတ်ရက်ပေးခြင်း သို့မဟုတ် သဘောတူညီချက်အရ ဆောင်ရွက်ရမည်။

👉 အလုပ်သမားနေ့တွင် အလုပ်ဆင်းရသူများအတွက် ပုံမှန်လစာ၏ နှစ်ဆ ပေးချေရမည်။

👉 အလုပ်သမားနေ့တွင် အချိန်ပို (Overtime) လုပ်ကိုင်ရပါက ပုံမှန်လစာ၏ သုံးဆအထိ ပေးချေရမည်။

ွှေ့ပြောင်းအလုပ်သမားသတင်းအချက်လက်စင်တာ
#နားရက်အလုပ်လုပ်ခွင့်
#အလုပ်သမားစည်းကမ်း
#မြန်မာရွေ့ပြောင်းအလုပ်သမားများ

22/04/2026

မေလ (၁) ရက်နေ့တွင် အလုပ်သမားအားလုံး နားခွင့်ရှိမည်ဟု
ထိုင်းအလုပ်သမားကာကွယ်ရေးဌာန ကြေညာ

နှစ်စဉ် မေလ (၁) ရက်နေ့ကို အလုပ်သမားနေ့အဖြစ် သတ်မှတ်ထားပြီး အလုပ်သမားအားလုံး နားခွင့်ရှိရမည်ဖြစ်ကြောင်း၊ အလုပ်ရှင်များ သည် အလုပ်သမားများအား အနားယူခွင့်ပေးရန်နှင့် ပုံမှန်လစာပေးချေရန်လိုအပ်ကြောင်း၊ ထိုင်းအလုပ်သမားကာကွယ်ရေးနှင့် လူမှုဖူလုံရေးဌာနမှ အလုပ်သမားအနားခွင့်နှင့်ပတ်သတ်ပြီး အလုပ်ရှင်များ လိုက်နာရမည့် စည်းမျဉ်းများကို ၂၀၂၆ ခုနှစ် ဧပြီလ ၁၇ ရက်တွင် ထုတ်ပြန်ကြေညာထားသည်။

အလုပ်သမားနေ့သည် အပတ်စဉ်ပုံမှန်ပိတ်ရက်နှင့် တိုက်ဆိုင်ပါက အလုပ်ရှင်များသည် အစားထိုးပိတ်ရက်ပေးရမည်ဖြစ်ကြောင်း၊ ဟိုတယ်၊ စားသောက်ဆိုင်၊ ဆေးရုံနှင့် ခရီးသွားဝန်ဆောင်မှုလုပ်ငန်းများကဲ့သို့ နားခွင့်ယူရန် အဆင်မပြေသော လုပ်ငန်းများတွင် အလုပ်သမား များအား အစားထိုးပိတ်ရက်ပေးခြင်း သို့မဟုတ် အလုပ်သမားနှင့် သဘောတူညီချက်ရယူပြီး ဆောင်ရွက်နိုင်ကြောင်း ထုတ်ပြန်ချက်တွင် ဖော်ပြထားသည်။

အလုပ်သမားနေ့တွင် အလုပ်ဆင်းရသူများအတွက် လုပ်အားခ ပုံမှန်လစာ၏ နှစ်ဆပေးရမည်ဖြစ်ပြီး အချိန်ပိုလုပ်ကိုင်ရပါက သုံးဆအထိ ပေးချေရမည်ဖြစ်ကြောင်း ကြေညာချက်တွင်‌ဖော်ပြထားသည်။

ွှေ့ပြောင်းအလုပ်သမားသတင်းအချက်လက်စင်တာ
#နားရက်အလုပ်လုပ်ခွင့်
#အလုပ်သမားစည်းကမ်း
#မြန်မာရွေ့ပြောင်းအလုပ်သမားများ

MIC - ရွှေ့ပြောင်းအလုပ်သမားသတင်းအချက်အလက်စင်တာ

24/05/2026

22/05/2026

20/05/2026

14/05/2026

12/05/2026

30/04/2026

29/04/2026

27/04/2026

23/04/2026

22/04/2026

ที่อยู่

เบอร์โทรศัพท์

เว็บไซต์

แจ้งเตือน

ติดต่อ องค์กรนั้น

ทางลัด

แชร์

ประเภท