12/06/2026
လုၵ်ႈယိင်းလူင်ၸဝ်ႈမုၼ်ယႂ်ႇၶုၼ်ႁေႃၶမ်းထႆး ၸၢမ်ႇပူႈၼွၼ်းၽေး
ၸဝ်ႈယိင်း ၽတ်းၶျရ ၵိတ်ႇတိယႃႊၽႃႊ ၼရဵၼ်ႊထိရႃႊ ထဵပ်ႉၽယဝတီ ၵရူမ်ႊလူင် ရၢတ်ႉၶျသႃရိၼီႊ သီႇရီႇၽတ်း မႁႃဝတ်ႉၶျရထိၻႃႊ ဢႃယု 47 ပီ လႆႈသဵင်ႈၵၢမ်ႇ သုတ်းမုၼ်ၵႂႃႇ မိူဝ်ႈၶမ်ႈဝႃး 11/06/2026 ယၢမ်းၵၢင်ၶမ်ႈ 7 မူင်း 48 မိၼိတ်ႉ တီႈႁူင်းယႃလူင် ၵျႃလႃႊလူင်ႊၵွၼ်ႊ သၽႃၵႃၶျၢတ်ႉထႆး။ ႁွင်ႈၵၢၼ်ၾၢႆႇပွင်ႇၶၢဝ်ႇၶုၼ်ႁေႃၶမ်းထႆးပိုၼ်ၽၢဝ်ႇ
ဢွၵ်ႇမႃးၼင်ႇၼႆ။
ၸဵမ်မိူဝ်ႈ 4 ပီပူၼ်ႉမႃးၼၼ်ႉ ၸဝ်ႈယိင်းလႆႈပဵၼ်ၽေးၵိုင်ႉၵၢင်ႉသေ
လႆႈၶဝ်ႈႁပ်ႉယႃတူဝ်ဝႆႉတီႈႁူင်းယႃလူင် ၸူႊလႃႊလူင်ႊၵွၼ်ႊ ၵုင်းထဵပ်ႈ။ ၸွမ်းၼင်ႇႁွင်ႈၵၢၼ်ၾႆၢႇပိုၼ်ၽၢဝ်ႇၶုၼ်ႁေႃၶမ်းထႆး လၢတ်ႈဝႆႇတႄႉ
မွၵ်ႈၼႂ်းလိူၼ်ထိ 5 ၼၼ်ႉ ၸဝ်ႈယိင်း လႆႈၸပ်းတၢင်းပဵၼ် သႆႈၵႂ်ႈ ၊
ၸိူဝ်ႉမႅင်းၶဝ်ႈၼႂ်းတွင်ႉ ၊ ႁႅင်းလိိူတ်ႈဢေႇလူင်း ၊ ႁူဝ်ၸႂ်ဢမ်ႇတွတ်ႇတဵၼ်ႈလႆႈလီလႄႈ ဢဝ်လွင်ႈပၢႆးယူႇလီမၼ်းၸဝ်ႈ လူတ်းလူင်သေ ထိုင်ငဝ်းလႆၢးပဵၼ်ၵိၼ်းမႃးတႄႉတႄႉလႄႈ ၽိူဝ်ႇထိုင်မႃး ဝၼ်းထိ 11/ 06/ 2026
ယၢမ်းၵၢင်ၶမ်ႈ 7 မူင်းပၢႆ 48 မိၼိတ်ႉၼၼ်ႉ ၸဝ်ႈယိင်းလႆႈသဵင်ႈၵၢမ်ႇသုတ်းမုၼ် ၽွင်းမိူဝ်ႈတိုၵ်ႉလႆႈဢႃႇယု 47 ပီ။
ၸဝ်ႈမုၼ်ယႂ်ႇၶုၼ်ႁေႃၶမ်းထႆး မႁႃႇဝၸိရႃႇလူင်းၵွၼ်း (Maha Vajiralongkorn) လႆႈၸိသင်ႇဢွၵ်ႇၶေႃႈပူင်ဝႆႉတႄႉ တေဢဝ်
ၶၢပ်ႈတူဝ်ၸဝ်ႈယိင်း ဝႆႉတီႈႁေႃၽိမၢတ်ႇရၢတ်ႉတယႃႉ ၼႂ်းဝၢင်းႁေႃၶမ်း
တႃႇႁၢင်ႈႁႅၼ်း ပၢင်ၸႃႇပၼ လုမ်းလႃးသၢင်းၵဵဝ်ႇၽဝ်ၶၢပ်ႈတူဝ်
ၸွမ်းၼင်ႇၾိင်ႈႁိတ်ႈႁွႆးႁေႃၶမ်းမီး - ဝႃႈၼႆ။
