အစ်ဆာရာမြန်မာ - Issara

หน้าหลัก
ประเทศไทย
Bangkok
အစ်ဆာရာမြန်မာ - Issara

အစ်ဆာရာသည် ရွှေ့ပြောင်းအလုပ်သမားအရေးကိုဆောင်ရွက်နေသည့်အဖွဲ့ဖြစ်သည်။
(260)

အစ်ဆာရာအဖွဲ့သည် ရွှေ့ပြောင်းအလုပ်သမားများ၊ အလုပ်ရှာဖွေနေသူများ၊ အလုပ်သမားအရေးဆောင်ရွက်နေသည့်အဖွဲ့အစည်းများနှင့်သာမက နိုင်ငံတကာဝယ်လက်များ၊ အလုပ်ရှင်များနှင့် လုပ်သားစုဆောင်းသည့်အေဂျင်စီများနှင့်ပူးပေါင်း၍ လုပ်သားခေါင်းပုံဖြတ်ခံရမှုများကိုဖြေရှင်းဆောင်ရွက်လျက်ရှိပါသည်။ အလုပ်သမားများ၏အသံနှင့် အကြံဥာဏ်များဖြင့် ဤပြသနာများကိုထိရောက်စွာဖြေရှင်းနိုင်မည်ဟု ယုံကြည်ပါသည်။
ထိုင်းနိုင်ငံရောက်အ

လုပ်သမားများအနေဖြင့် ဖုန်းနံပါတ် ၁၈၀၀၀ ၁၀ ၁၈၀ သို့ ၂၄နာရီ အခမဲ့ခေါ်ဆိုနိုင်ပြီး၊ မြန်မာနိုင်ငံဖုန်း ၀၉ ၇၆ ၅၀၀၀ ၁၅၀ သို့လည်း ခေါ်ဆိုနိုင်ပါသည်။
အစ်ဆာရာမှ တီထွင်ဖန်တီးထားသည့် ရွှေအိပ်မက်ဖုန်းအပလီကေးရှင်းမှလည်း အလုပ်သမားအခွင့်အရေးများ၊ သတင်းများ၊ အလုပ်ရှင်နှင့်အေဂျင်စီဆိုင်ရာအချက်အလက်များကြည့်ရှုနိုင်သည်သာမက 'အလုပ်ရှာဖွေရာနေရာ' မှတစ်ဆင့် အလုပ်လျှောက်ထားနိုင်ပါသည်။

07/08/2026

အစ်ဆာရာမြန်မာ နာမည်နဲ့ Facebook / Tiktok / Youtube ရှိတာ မသိသေးတဲ့ သူငယ်ချင်းရှိရင် like & Follow လုပ်ပေးဖို့ လက်တို့ကူညီပေးဦးနော်။

06/08/2026

"ဒုက္ခသည်တွေကို အလုပ်အကိုင်ခွင့်ပေးဖို့ မလေးရှားအစိုးရရဲ့ ထုတ်ပြန်ချက်အသစ်"

ပြီးခဲ့တဲ့ ရက်ပိုင်းကမှ မလေးရှားအစိုးရက နိုင်ငံတွင်း ခိုလှုံလာတဲ့ Refugee ဒုက္ခသည်တွေနဲ့ ပတ်သက်ပြီး ထုတ်ပြန်ချက်သစ်တစ်ခု တရားဝင်ထုတ်ပြန်ထားတဲ့အတွက် မလေးရှားမှာရှိနေတဲ့ မြန်မာညီအကိုမောင်နှမတွေ သိရှိနိုင်ဖို့ အစ်ဆာရာက ပြန်လည် မျှဝေပေးလိုက်ပါတယ်။
ဒီရက်ပိုင်း မလေးရှား ပြည်ထဲရေးဝန်ကြီးဌာနက ဒုက္ခသည်တွေရဲ့ အလုပ်အကိုင်ခွင့်ပေးဖို့ ထုတ်ပြန်ချက်အသစ်တစ်ခု ထုတ်ထားပါတယ်။

ဒါပေမယ့် သတိပြုရမှာက မလေးရှားအစိုးရက ဒုက္ခသည်တွေကို အလုပ်လုပ်ခွင့် ပေးမယ်ဆိုရင်တောင် လုပ်သားအရမ်းလိုနေတဲ့ စိုက်ပျိုးရေး၊ စိုက်ခင်းလုပ်ငန်းနဲ့ ဆောက်လုပ်ရေး (ဆိုက်ထဲကအလုပ်တွေ) လို ရုံးလုပ်ငန်းမဟုတ်တဲ့ လုပ်အားစိုက်ရတဲ့ ကဏ္ဍတွေမှာပဲ ကန့်သတ်ပြီး ခွင့်ပြုသွားမှာပါ။ ကျွမ်းကျင်ပညာရှင်အဆင့် ရုံးလုပ်ငန်းတွေကိုတော့ သူတို့နိုင်ငံသားတွေကိုပဲ ဦးစားပေးမယ်လို့ ဆိုပါတယ်။
ဒီလိုမျိုး ခွင့်ပြုပေးထားတဲ့ လုပ်ငန်းခွင်တွေမှာ တရားဝင် လုပ်ကိုင်ခွင့်ရတဲ့သူတွေအနေနဲ့ မလေးရှားရဲ့ တရားဝင် အနည်းဆုံးအခကြေးငွေ (Minimum Wage) နဲ့ အလုပ်သမားအခွင့်အရေး ကာကွယ်စောင့်ရှောက်မှုတွေကို ရရှိမှာဖြစ်လို့ အလုပ်ရှင်တွေ ခေါင်းပုံဖြတ်တာမျိုး မခံရအောင် ကာကွယ်ပေးမယ်လို့ မလေးရှား အစိုးရက ပြောထားပါတယ်။

ဒါပေမယ့် မလေးရှားနိုင်ငံရဲ့ ဥပဒေတွေကို ချိုးဖောက်တဲ့ ဒုက္ခသည်တွေကို ပြတ်ပြတ်သားသား အရေးယူမယ်လို့ ဝန်ကြီးချုပ် အန်ဝါ အီဘရာဟင်မ်က သတိပေးထားပါတယ်။ အထူးသဖြင့် ခွင့်ပြုချက်မရှိဘဲ ကိုယ်ပိုင်ဆိုင်ဖွင့် စီးပွားရေးလုပ်တာမျိုး၊ ဥပဒေပြင်ပက အလုပ်တွေလုပ်တာမျိုးဆိုရင် ဖမ်းဆီး အရေးယူမှုတွေ ပိုတင်းကျပ်လာနိုင်ပါတယ်။

အခု မလေးရှားအစိုးရက ဒုက္ခသည်တွေရဲ့ အချက်အလက်တွေကို သေချာထိန်းချုပ်ဖို့ ကိုယ်ပိုင် Database (ဒေတာဘေ့စ်) စနစ်တစ်ခု လုပ်နေပါတယ်။ လူဝင်မှုကြီးကြပ်ရေးနဲ့ နိုင်ငံတော်လုံခြုံရေးအတွက် ဒုက္ခသည်တွေကို စနစ်တကျ မှတ်ပုံတင်ပြီး စောင့်ကြည့်သွားမယ့် သဘောပါ။

မလေးရှားမှာရှိနေကြတဲ့ မြန်မာညီအကိုမောင်နှမတွေကို တိုက်တွန်းလိုတာက အလုပ်အကိုင်ရှာဖွေရာမှာပဲဖြစ်ဖြစ်၊ သွားလာနေထိုင်တာပဲဖြစ်ဖြစ် သူတို့နိုင်ငံရဲ့ တည်ဆဲဥပဒေတွေကို အတတ်နိုင်ဆုံး လေးစားလိုက်နာကြဖို့ တိုက်တွန်းချင်ပါတယ်။ မိမိတို့ရဲ့ ကုလသမ္မဂ (UN) ကတ်တွေ၊ အထောက်အထား စာရွက်စာတမ်းတွေကိုလည်း အမြဲတမ်း စနစ်တကျ ဆောင်ထားကြဖို့ မမေ့ပါနဲ့နော်။
အားလုံးပဲ အခက်အခဲတွေကြားထဲက ဘေးကင်းကြပါစေ။
#မလေးရှားသတင်း #သတိပြုရန်

03/08/2026

ထိုင်းနိုင်ငံက ကိုယ်ဝန်သည် အလုပ်သမားများနှင့် အလုပ်သမားအခွင့်အရေး

🤰အလုပ်သမားတွေအနေနဲ့ ကလေးမီးဖွားခြင်းနဲ့ ပတ်သက်လို့ ခွင့်ရက်ဘယ်လောက်ယူခွင့် ရှိသလဲ?

👩‍🍼မိခင်အနေနဲ့ကတော့ ရက်ပေါင်း (၁၂၀) အထိ ခွင့်ယူခွင့်ရှိပါတယ်။

👨‍🍼ဖခင်အနေနဲ့ကတော့ (၁၅)ရက်ပါ။

🫵အလုပ်ရှင်ဖက်က ဒီခွင့်ရက်တွေအတွက် ရက်ပေါင်း(၆၀)အထိ လစာအပြည့်ရရှိမှာဖြစ်ပြီး နောက်ပိုင်းရက်တွေကိုတော့ ပကန်စန်ခွန်ရုံးကနေ လုပ်ခလစာရဲ့ (၅၀)ရာခိုနှုန်းအထိ ရရှိမှာဖြစ်ပါတယ်။

#အစ်ဆာရာမြန်မာ
#အလုပ်သမားအခွင့်အရေး
#အလုပ်သမားဥပဒေ

31/07/2026

သူငယ်ချင်းတို့ ရေ !
အကြောင်း အမျိုးမျိုးကြောင့် ကိုယ်နဲ့ သက်ဆိုင်တဲ့ ပကန်ဆေးရုံကို မသွားလိုက်ရဘဲ အပြင်ဆေးရုံ၊ ဆေးခန်းတွေ သွားလိုက်ရပြီး ကုန်ကျစားရိတ်ကို ကိုယ်က အရင်ရှင်းပေးခဲ့ ရရင်လဲ ငွေကျေဖြတ်ပိုင်း ကို ပြန်ယူလာပြီး စက်ရုံကနေ တဆင့် ပကန်ပြန် ထုတ်လို့ရတယ် ဆိုတာ သိကြလား?

30/07/2026

မလေးရှားအစိုးရမှ နိုင်ငံခြားသားအလုပ်သမား ခေါ်ယူခွင့် (Quota) စနစ်သစ်အကြောင်းထုတ်ပြန်ကြေငြာ
မလေးရှားအစိုးရက အလုပ်သမားခေါ်တဲ့စနစ် (Quota) အသစ် ပြောင်းလိုက်ပြီမို့ ပွဲစားတွေ လိမ်တာမခံရအောင် ဒါလေးကို အမြန်ဖတ်ထားကြပါဦးနော်။
ဒီဇူလိုင်လထဲမှာ မလေးရှား လူ့စွမ်းအားဝန်ကြီးဌာနက တရားဝင် ပြောလိုက်တာကတော့... အရင်လို လူကိုယ်တိုင်သွားပြီး Quota လျှောက်လို့ မရတော့ဘူး။ အားလုံးကို Online စနစ် (FWCMS) တစ်ခုတည်းနဲ့ပဲ လုပ်တော့မယ်လို့ ဆိုပါတယ်။
ဒါကြောင့် အလိမ်မခံရဖို့ ဒီ (၃) ချက်ကို သေချာလေး မှတ်ထားကြပါနော်။
"အစိုးရလူကြီးပိုင်းတွေနဲ့ သိလို့ ဗီဇာအမြန်ထုတ်ပေးမယ်" ဆိုတာ လုံးဝမယုံပါနဲ့!
အခုစနစ်သစ်မှာ ဝန်ကြီးကိုယ်တိုင်ဖြစ်ဖြစ်၊ ဝန်ကြီးဌာနက အရာရှိကြီးတွေပဲဖြစ်ဖြစ် ကြားဝင်ပြီး Quota ချပေးလို့ မရတော့ပါဘူး။ Computer အွန်လိုင်းစနစ်ကပဲ အဆင့်ဆင့် စိစစ်သွားမှာပါ။ "ငါတို့က မလေးရှားမှာ အဆက်အသွယ်ကောင်းတယ်။ မလေးရှား ဝန်ကြီးဌာနကလူတွေနဲ့ အဆက်အသွယ်ရှိလို့ Quota မြန်မြန်ကျမယ်၊ ဗီဇာမြန်မြန်ရမယ်" ဆိုပြီး ပွဲစားတွေက ပိုက်ဆံပိုတောင်းရင် လုံးဝ (လုံးဝ) မယုံပါနဲ့။ လိမ်နေတာပါ။
မလေးရှားနိုင်ငံသားတွေ အရင်လျှောက်ပြီးမှ မြန်မာတွေ လျှောက်ခွင့်ရမှာပါ။
မလေးရှားအလုပ်ရှင်တွေက မြန်မာအလုပ်သမားတွေကို မခေါ်ခင် သူတို့နိုင်ငံသားတွေကို အလုပ်အရင်ပေးရပါတယ်။ MYFutureJobs ဆိုတဲ့ဆိုက်မှာ အရင်ကြော်ငြာရပြီး မလေးရှားလူမျိုး လျှောက်မယ့်သူမရှိတော့မှပဲ မြန်မာတွေကို Online ကနေ တရားဝင် လျှောက်ခွင့်ပြုတာပါ။
လေဆိပ်မှာ စောင့်ရမယ့် နေရာအသစ် (Transit Centre) ရှိလာမယ်။
လေဆိပ်မှာ လူတွေပိတ်ညှပ်မနေအောင် အသစ်ရောက်လာတဲ့ ပြည်ပက အလုပ်သမားတွေ ခေတ္တနားဖို့ နေရာတစ်ခု ဆောက်နေတယ်လို့ သိရပါတယ်။ ဒါဟာ အကျဉ်းထောင်လည်း မဟုတ်သလို၊ ဖမ်းတဲ့နေရာလည်း မဟုတ်ပါဘူး။ အလုပ်ရှင် တရားဝင် လာမခေါ်ခင်အထိ ဘေးကင်းကင်းနဲ့ ခဏစောင့်နေရမယ့် နေရာလေး စီစဉ်ပေးတော့မှာမို့ စိတ်မပူကြဖို့လည်း မလေးရှား အစိုးရက ကြေငြာထားပါတယ်။
မလေးရှားအစိုးရဘက်က စနစ်တွေ ပိုတင်းကျပ်ပြီး ပွင့်လင်းမြင်သာအောင် လုပ်လာတဲ့အတွက် ပွဲစားတွေက "စနစ်အသစ်မို့" ဆိုပြီး အကြောင်းပြချက်အမျိုးမျိုးနဲ့ ပိုက်ဆံပိုတောင်းတာ၊ တရားမဝင်လမ်းကြောင်းက သွားခိုင်းတာတွေကို အထူးသတိထားပါ။ မိမိတို့သွားမယ့် အေဂျင်စီဟာ တရားဝင် လိုင်စင်ရှိရဲ့လားဆိုတာ အလုပ်သမားဝန်ကြီးဌာနမှာ သေချာစစ်ဆေးပြီးမှ ပိုက်ဆံလွှဲတာ၊ စာချုပ်ချုပ်တာတွေ လုပ်ကြပါလို့ အစ်ဆာရာက အားလုံးကို အထူးသတိပေးလိုက်ပါရစေ။ လူတိုင်းသိအောင်လည်း မျှဝေပေးကြပါဦးနော်။
Update

26/07/2026

“ခွင့်ရက်ဖြင့် မြန်မာနိုင်ငံသို့ ပြန်မည့်သူများ အလုပ်သမားသံအရာရှိရုံး၏ ထောက်ခံစာရယူရန် လိုအပ်သော စာရွက်စာတမ်းများ”

ထိုင်းနိုင်ငံမှာ လက်ရှိ အလုပ်လုပ်နေကြတဲ့ မြန်မာနိုင်ငံသားတွေအနေနဲ့ ခွင့်ယူပြီး မြန်မာနိုင်ငံကို ပြန်မယ်ဆိုရင် သံရုံးကနေ ထောက်ခံစာ ယူရပါမယ်။ ထောက်ခံစာယူဖို့အတွက် ဘန်ကောက် အလုပ်သမားသံအရာရှိရုံး၊ လိပ်စာအမှတ်-(105, Pan Road, Silom,Bangkok,10500, Thailand) မှာ ရုံးဖွင့်ရက်တွေအတွင်း နံနက် ၉း၀၀ မှ ညနေ ၄း၀၀ အချိန်အတွင်း လူကိုယ်တိုင်ဖြစ်စေ၊ ကိုယ်စားလှယ်စေလွတ်၍ ဖြစ်စေ ထောက်ခံစာ သွားရောက်လျှောက်ထားရန်လိုအပ်ပြီး လုပ်ငန်းစဉ်အတွက် ယူဆောင်သွားရမယ့် အချက်အလက်တွေကတော့ (၁) Passport မျက်နှာပြင်မိတ္ထူနှင့် သက်တမ်းရှိဗီစာ စာမျက်နှာမိတ္ထူ
(၂) မှတ်ပုံတင် မိတ္ထူ
(၃) OWIC ကတ် မိတ္ထူ (OWIC လျှောက်ထားစဉ်က အလုပ်မဟုတ်တော့ပဲ အခြားအလုပ်သို့ ပြောင်းရွေ့လုပ်ကိုင်ပါက အလုပ်ပြောင်းရွေ့စာ ပူးတွဲတင်ပြရန်လိုအပ်ပါတယ်။)
(၄) Work Permit မိတ္ထူ
(၅) ကုမ္ပဏီ/ဌာန/ အလုပ်ရှင်ခွင့်စာ
(၆) လေယာဉ်လက်မှတ်မိတ္ထူ
(၇) Bangkok Bank ရှိ သံရုံး၏ ငွေစာရင်းအမှတ်၊ 101-348-1922 (Embassy of the Republic of the Union of Myanmar) သို့ တစ်စောင်လျှင် ဘတ် ၁၅၀/-ပေးသွင်းပြီးကြောင်း ဘဏ်ချလံမူရင်း။
တို့ကို ယူဆောင်ပြီး သွားရောက်လျှောက်ထားရမှာဖြစ်ပါတယ်။ သံရုံးထောက်ခံစာ မပါ ပါက ထိုင်းကိုပြန်တက်လာဖို့အတွက် ခွင့်ပြန်တင်လို့ ပိတ်ပင်ခံရနိုင်တာမို့ အစ်ဆာရာက အလုပ်သမားညီကိုမောင်နှမတွေကို အသိပေးလိုက်ပါတယ်။
အားလုံးရဲ့
အစ်ဆာရာ

25/07/2026

မိမိရဲ့ကိုယ်ပိုင် ဘဏ်အ‌ကောင့်ကို အခြားသူကို သုံးခိုင်းခြင်း (သို့မဟုတ်) တခြားသူက ခိုးသုံးခြင်းအားဖြင့် ဖြစ်လာနိုင်တဲ့ အကျိုးဆက်တွေကတော့ အောက်ပါအတိုင်းပဲဖြစ်ပါတယ်။

‼️ဥပဒေနဲ့မညီညွှတ်တဲ့ ငွေကို ခဝါချခြင်းအဖြစ် အသုံးချခံရခြင်း - တရားမဝင်ငွေများကို မိမိအကောင့်မှ လက်ခံမိသားဖြစ်သွားနိုင်ပါတယ်။

‼️လိမ်လည်မှု ကျူးလွန်ခြင်း - မိမိအကောင့်ကတစ်ဆင့် ငွေလိမ်လည်မှုဖြစ်ပါက အကောင့်ပိုင်ရှင်က တာဝန်ခံရမှာဖြစ်ပါတယ်။

‼️အကောင့်ပိတ်ခံရခြင်း - အကောင့်ပိတ်ခံရခြင်းကြောင့် နောက်ဆက်တွဲ အဆင်မပြေမှုတွေဖြစ်စေနိုင်ပါတယ်။

‼️ငွေကြေးသုံးစွဲမှုရာဇဝင်ကို ထိခိုက်ခြင်း - ချေးငွေရယူခြင်းစသည့် အခွင့်အရေးများအတွက်လည်း ဒီမှတ်တမ်းတွေက နစ်နာမှု ဖြစ်စေနိုင်ပါတယ်။

🔴ဥ‌ပဒေအရ အကျိုးဆက်များ - အကယ်၍ သင့်ဘဏ်အကောင့်ကို တရားဥပဒေနဲ့ ညှိစွန်းတဲ့ ငွေကို ငွေကြေးခဝါချမှုအတွက် အသုံးချခံရပါက ရာဇဝတ်မှု ပြစ်ဒဏ်တွေအနေနဲ့

🚨ထောင်ဒဏ် (၁)နှစ်မှ (၁၀)နှစ်အထိ (တပါတည်း/သို့မဟုတ်) ဘတ် (၂)သောင်းမှ (၂)သိန်းအထိ ဒဏ်ကြေးငွေ ဆောင်ရနိုင်ပါတယ်။

#အစ်ဆာရာမြန်မာ
#ဘဏ်အကောင့်
#လိမ်လည်မှု
#အလုပ်သမားဥပဒေ

24/07/2026

ကိုယ့်ရဲ့အရေးကြီးတဲ့ စာရွက်စာတမ်းတွေဖြစ်တဲ့
ပတ်စပို့၊ စီအိုင်၊ ၀ါ့ပါမစ်တို့ ပျောက်ဆုံးခဲ့သည်ရှိသော်
ပြန်လျှောက်ရလွယ်အောင် သေသေချာချာ
မိတ္တူကူးပြီးသိမ်းထားကြဖို့ လိုအပ်ပါတယ်နော် # # #

23/07/2026

မလေးရှားရှိ မြန်မာသံရုံးတွင် QR ရက်ချိန်းစနစ်ဖျက်သိမ်းပြီး Whatsapp မှ ဘိုကင်စနစ်သစ် စတင်

မလေးရှားမှာရှိတဲ့ မြန်မာလုပ်သား သူငယ်ချင်းတို့အတွက် မြန်မာသံရုံး (ကွာလာလမ်ပူ) ရဲ့ အရေးကြီးတဲ့ ပတ်စ်ပို့ ရက်ချိန်း အပြောင်းအလဲသတင်းလေး မျှဝေပေးလိုက်ပါတယ်နော်။ ဇူလိုင်လ ၁ ရက်နေ့ကစပြီး စနစ်အချို့ ပြောင်းလဲထားတာမို့ အလုပ်မအားတဲ့ကြားက ရက်ချိန်းအလွဲအမှားမဖြစ်ရအောင် သေချာလေး ဖတ်ကြည့်ပေးကြစေချင်ပါတယ်။
ပထမဆုံးအနေနဲ့ ပတ်စ်ပို့ သက်တမ်းတိုးချင်သူတွေ၊ ပျောက်ဆုံး ဒါမှမဟုတ် ပျက်စီးလို့ စာအုပ်အသစ် ပြန်လျှောက်ချင်သူတွေအတွက် ယခင်က QR စနစ်နဲ့ ရက်ချိန်းယူတဲ့စနစ်ကို ဇူလိုင်လ ၁ ရက်နေ့ကစပြီး လုံးဝဖျက်သိမ်းလိုက်ပြီ ဖြစ်ပါတယ်။ ဒါကြောင့် စာအုပ်လျှောက်မယ့် မြန်မာအလုပ်သမားတွေအနေနဲ့ WhatsApp ကနေတစ်ဆင့် ရက်ချိန်းအသစ် ပြန်လည်ရယူကြရတော့မှာပါ။ စာအုပ်ထုတ်ပေးတဲ့ စနစ်ကိုတော့ ယခင်က ၃ ရက်ကြာမယ်လို့ ထုတ်ပြန်ခဲ့ပေမယ့် အခုအခါမှာတော့ နေ့ချင်းပြီး (Same Day) စနစ်နဲ့ ပြန်လည်ဆောင်ရွက်ပေးသွားမယ်လို့လည်း ထုတ်ပြန်ထားပါတယ်။ အဓိကအားဖြင့် အလုပ်လုပ်ကိုင်ခွင့် ပါမစ်သက်တမ်းကုန်ခါနီးသူတွေနဲ့ ပါမစ်သက်တမ်းကုန်လွန်လို့ Special Pass ကိုင်ဆောင်ထားသူတွေကို ဦးစားပေး ဆောင်ရွက်ပေးသွားမယ်လို့ သိရပါတယ်။
ပေးပို့လျှောက်ထားရမယ့် Whatsapp နံပါတ်တွေကတော့ ပါမစ်သက်တမ်းကုန်လွန်သူတွေနဲ့ Special Pass ကိုင်ဆောင်ထားသူတွေအတွက် 01139513924 နဲ့ ပါမစ်သက်တမ်းနှစ်လကျန်နေသေးတဲ့အဖွဲ့တွေကတော့ 01127345413ကို ဆက်သွယ်ရမှာဖြစ်ပါတယ်။
ဒါပေမဲ့ မည်သူမည်ဝါဖြစ်ကြောင်း သက်သေခံလက်မှတ် (CI) လျှောက်ထားသူများအတွက်ကတော့ အပြောင်းအလဲမရှိဘဲ ယခင်ရရှိထားပြီးသား QR ရက်ချိန်းအတိုင်း သံရုံးကို ဆက်လက်သွားရောက်နိုင်ပါတယ်။ ပတ်စ်ပို့လျှောက်ထားဖို့ WhatsApp ကနေ ရက်ချိန်းယူရမယ့် နည်းလမ်းနဲ့ လိုအပ်တဲ့ အချက်အလက် အသေးစိတ်ကိုတော့ မြန်မာသံရုံးရဲ့ တရားဝင် ဖေ့စ်ဘွတ်ခ်စာမျက်နှာဖြစ်တဲ့ “Myanmar Embassy in Kuala Lumpur, Malaysia” နဲ့ ဝက်ဘ်ဆိုက် (https://myanmarembassykl.org) တို့မှာ ဝင်ရောက်ကြည့်ရှုနိုင်ပါတယ်။ မလေးရှားရောက် မြန်မာလုပ်သား အချင်းချင်းလည်း သိရှိအောင် ပြန်လည်မျှဝေပေးရင်း အားလုံးပဲ အဆင်ပြေချောမွေ့ကြပါစေကြောင်း ဆုမွန်ကောင်းတောင်းပေးလိုက်ပါတယ်။

20/07/2026

စက်ရုံတွင်း နားချိန်များ နှင့် ပါတ်သက် သော သတိထားစရာလေးများ
ထိုင်းရောက် ရွှေ့ပြောင်းလုပ်သား ညီအစ်ကို မောင်နှမတို့ရေ
စက်ရုံမှာ ရတဲ့ နားချိန်လေးတွေ နဲ့ ပါတ်သက်ပြီး ဆွေးနွေး အကြံပေးချင်တာလေးရှိလို့ပါ။
အားလုံးသိကြတဲ့ အတိုင်းပဲ စက်ရုံမှာ အိမ်သာထွက်ချိန်၊ OT မစခင် နားချိန် နဲ့ စက်ရုံ အလိုက်ခွင့်ပြုထားတဲ့ နားချိန် အမျိုးမျိုး ရှိကြပါတယ်။ ဥပမာ ကော်ဖီသောက်နားချိန်၊ ဆေးလိပ်သောက် နားချိန်တွေ စသည်ဖြင့်ပေါ့။
ဒီလိုနားချိန်တွေထဲမှာ အိမ်သာထွက်ချိန် ကလွဲလို့ ကျန်တဲ့ နားချိန်တွေ ဆိုရင် စက်ရုံက အချိန်သတ်မှတ်ခွင့် ရှိပါတယ်။ အချိန်သတ်မှတ် ထားတဲ့ နားချိန်တွေ ရဲ့ ဝင်ချိန် /ထွက်ချိန် တိကျမှု ကို တစ်ချို့စက်ရုံတွေ က တင်းတင်းကျပ်ကျပ် သတ်မှတ် စည်းကြပ်တာ ရှိသလို ၊ တစ်ချို့ စက်ရုံတွေ မှာကြတော့ အရမ်းကြီး မတင်းကြပ်ကြပါဘူး။
ဒါပေမယ့် အကောင်းဆုံးကတော့ အိမ်သာထွက်ချိန် မဟုတ်တဲ့ အခြားနားချိန်တွေ ဆိုရင်တော့ ဝင်ချိန် ထွက်ချိန် ကို အတိအကျ လိုက်နာတာ အကောင်းဆုံးလို့ ပြောချင်ပါတယ်။ ဘာလို့လဲ ဆိုတော့ ဒီလို အချိန်နောက်ကျမှု တွေဟာ တစ်ချိန်ချိန် မှာ အပြစ်ပြောစရာ ၊ ပြစ်ချက် ပြစ်ဒဏ်တွေ အတွက် ပျော့ကွက် ဖြစ်မလာစေချင်လို့ ပါ။
အားလုံးရဲ့
အစ်ဆာရာ🥰🥰🥰