เว็บไซต์คืออะไร?

https://www.ifoms.org/, https://www.ifoms.org/login/index.html

Independent Federation of Myanmar Seafarers, 56/27 Ramkhamhaeng 156 Alley, Rat Phatthana, Saphan Sung, Bangkok (2026)

15/05/2026

15. 5. 2026
IFOMS
Weekly News

15/05/2026

ဘရာဇီးနိုင်ငံ ဆန်းတို့စ်ဆိပ်ကမ်းရှိ ကုန်တင်သင်္ဘောတစ်စီးပေါ်မှ ကာလတန်ဖိုးကြီးမားသည့် ကိုကင်း ၃၄၀ ကီလိုဂရမ်အား ဘရာဇီးအာဏာပိုင်များ သိမ်းဆည်းရမိ။
——————————————————————————
ဘရာဇီးနိုင်ငံရှိ တောင်အမေရိက၏ အစည်ကားဆုံး ဆိပ်ကမ်းတစ်ခုဖြစ်သော ဆန်းတို့စ် (Santos) ဆိပ်ကမ်းတွင် ကျောက်မီးသွေးနှင့် သတ္တုရိုင်းများ တင်ဆောင်သည့် Bulk Carrier ကုန်တင်သင်္ဘောတစ်စီးပေါ်၌ ဝှက်ကာ သယ်ဆောင်လာသော ကိုကင်း ၃၄၀ ကီလိုဂရမ်ခန့်ကို ဘရာဇီးအာဏာပိုင်များက ကြားဖြတ်ဖမ်းဆီးရမိခဲ့ကြောင်း သိရသည်။

အဆိုပါ မူးယစ်ဆေးဝါး ဖမ်းဆီးရမိမှုသည် ဘရာဇီးဖက်ဒရယ်ရဲတပ်ဖွဲ့၊ ရေတပ်၊ အခွန်ဦးစီးဌာနနှင့် ဆန်းတို့စ်ဆိပ်ကမ်း အာဏာပိုင်များ ပူးပေါင်းဆောင်ရွက်ခဲ့သည့် မူးယစ်ဆေးဝါး တိုက်ဖျက်ရေး စစ်ဆင်ရေးအတွင်း ပေါ်ပေါက်ခဲ့ခြင်းဖြစ်သည်။

သတင်းထုတ်ပြန်ချက်များအရ မူးယစ်ဆေးဝါးများကို သင်္ဘော၏ အင်ဂျင်အအေးခံစနစ်အတွက် ပင်လယ်ရေစုပ်ယူရာတွင် အသုံးပြုသည့် ရေမျက်နှာပြင်အောက်ရှိ "sea chest" ဟုခေါ်သော အကန့်အတွင်း၌ လုံခြုံစွာဝှက်ထားခြင်းဖြစ်ကြောင်း သိရသည်။

ထိုသို့ ရေအောက်ပိုင်းတွင် ဝှက်ထားခြင်းကြောင့် ရှာဖွေဖော်ထုတ်ရန် ခက်ခဲပြီး အန္တရာယ်များသည့်အတွက် ကျွမ်းကျင်ရေငုပ်သမားများကို အသုံးပြုကာ အဆိုပါပါဆယ်ထုပ်များကို ဆယ်ယူခဲ့ရသည်။

မူးယစ်ဆေးဝါးများ သယ်ဆောင်လာသည့် သင်္ဘောမှာ လိုက်ဘေးရီးယားအလံစိုက်ထူးထားသည့် Green K-Max 1 အမည်ရှိ သင်္ဘောဖြစ်ပြီး ဘရာဇီးနိုင်ငံမှ ဥရောပတိုက်ရှိ ပိုလန်နိုင်ငံသို့ ထွက်ခွာရန် ပြင်ဆင်နေချိန်တွင် ယခုကဲ့သို့ ဖမ်းဆီးခံရခြင်းဖြစ်သည်။

အာဏာပိုင်များ စစ်ဆေးခြင်းမပြုမီ သင်္ဘောအနီးတွင် သံသယဖြစ်ဖွယ် စက်လှေငယ်တစ်စီး သွားလာနေသည်ကို သင်္ဘောအမှုထမ်းအချို့က သတိပြုမိခဲ့ကြောင်းလည်း သိရသည်။

လက်ရှိတွင် သိမ်းဆည်းရမိသည့် ကိုကင်းထုပ်များကို ဓာတ်ခွဲခန်း၌ စစ်ဆေးရန်နှင့် ဆက်စပ်တရားခံများကို ဖော်ထုတ်အရေးယူနိုင်ရန်အတွက် ဆန်းတို့စ်မြို့ရှိ ဖက်ဒရယ်ရဲဌာနချုပ်သို့ လွှဲပြောင်းပေးအပ်ထားပြီး အသေးစိတ် စုံစမ်းစစ်ဆေးမှုများ ဆက်လက် လုပ်ဆောင်လျက်ရှိကြောင်း သိရှိရပါသည်။

.
.
.

15/05/2026

အိုမန်ကမ်းလွန်တွင် အိန္ဒိယကုန်သွယ်ရေးသင်္ဘော တိုက်ခိုက်ခံရ၍ နစ်မြုပ်၊ သင်္ဘောသား ၁၄ ဦးကို ဘေးကင်းစွာ ကယ်ဆယ်နိုင်ခဲ့။
——————————————————————————-

အိုမန်နိုင်ငံကမ်းလွန်တွင် အိန္ဒိယအလံတင် သင်္ဘောတစ်စီး တိုက်ခိုက်ခံရပြီး နစ်မြုပ်သွားသော်လည်း သင်္ဘောသားအားလုံးကို ဘေးကင်းစွာ ကယ်ဆယ်နိုင်ခဲ့ကြောင်း သိရှိရပါသည်။

ဆိုမာလီယာမှ ယူအေအီးနိုင်ငံ ရှာဂျာမြို့သို့ ဦးတည်ခုတ်မောင်းလာသည့် ‘Haji Ali’ အမည်ရှိ စက်တပ်သစ်သားရွက်လှေ (Dhow) သည် ဗုဒ္ဓဟူးနေ့နံနက်ပိုင်းက အိုမန်ရေပိုင်နက်အတွင်း တိုက်ခိုက်ခံခဲ့ရခြင်းဖြစ်ကြောင်း အိန္ဒိယ ဆိပ်ကမ်း၊ သင်္ဘောနှင့် ရေကြောင်းပို့ဆောင်ရေးဝန်ကြီးဌာနမှ အဆင့်မြင့်အရာရှိ မူကေ့ရှ် မန်ဂလ်က ပြောကြားခဲ့သည်။

အဆိုပါတိုက်ခိုက်မှုကြောင့် သင်္ဘောပေါ်တွင် မီးလောင်ကျွမ်းမှုဖြစ်ပွားကာ နစ်မြုပ်သွားခဲ့သော်လည်း သင်္ဘောပေါ်ပါရှိသည့် သင်္ဘောသား ၁၄ ဦးလုံးကို အိုမန်ကမ်းခြေစောင့်တပ်ဖွဲ့က အချိန်မီကယ်ဆယ်နိုင်ခဲ့ပြီး ဒစ်ဘာဆိပ်ကမ်းသို့ ဘေးကင်းစွာ ပို့ဆောင်ပေးနိုင်ခဲ့သည်။

ယခုဖြစ်ရပ်နှင့်ပတ်သက်၍ အိန္ဒိယနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ရန်ဒီဟာ ဂျေဆွာလ်က အရပ်ဘက်ကုန်သွယ်ရေးသင်္ဘောများနှင့် သင်္ဘောသားများအား ပစ်မှတ်ထားတိုက်ခိုက်နေခြင်းကို ပြင်းထန်စွာ ကန့်ကွက်ရှုတ်ချကြောင်းနှင့် လွတ်လပ်စွာ ရေကြောင်းသွားလာခွင့်ကို အဟန့်အတားဖြစ်စေသည့် လုပ်ရပ်များကို ရှောင်ကြဉ်သင့်ကြောင်း ထုတ်ဖော်ပြောကြားခဲ့သည်။

အလားတူပင် ယူအေအီးနိုင်ငံ ဖူဂျိုင်ရာမြို့ အရှေ့မြောက်ဘက်၌လည်း သင်္ဘောတစ်စီးအား လက်နက်ကိုင်အဖွဲ့တစ်ခုက စီးနင်းထိန်းချုပ်ကာ အီရန်ရေပိုင်နက်အတွင်းသို့ မောင်းနှင်သွားကြောင်း ဗြိတိန်ရေကြောင်းကုန်သွယ်မှုစနစ် (UKMTO) က သတင်းထုတ်ပြန်ထားသည်။

အရှေ့အလယ်ပိုင်းဒေသတွင် အမေရိကန်၊ အစ္စရေးနှင့် အီရန်တို့ကြား တင်းမာမှုများ မြင့်တက်နေခြင်းကြောင့် ဟော်မုဇ်ရေလက်ကြားအနီး ရေကြောင်းလုံခြုံရေးမှာ စိုးရိမ်ဖွယ်ရာဖြစ်နေပြီး ယခုနှစ် ဖေဖော်ဝါရီလနှောင်းပိုင်းမှစတင်ကာ ပဋိပက္ခများအတွင်း အာရှနိုင်ငံသား ၂၇ ဦး ထက်မနည်း သေဆုံး သို့မဟုတ် ပျောက်ဆုံးနေကြောင်း သိရှိရသည်။

.
.
.

14/05/2026

နယ်သာလန်နိုင်ငံ၊ ရော့တာဒမ်မြို့ရှိ Hilton Rotterdam ဟိုတယ်၌ ၂၀၂၆ ခုနှစ်၊ မေလ ၁၃ ရက်နေ့တွင် ကျင်းပပြုလုပ်ခဲ့သော FPC and related meetings သို့ IFOMS အဖွဲ့ချုပ်၏ တည်ထောင်သူ (Founder) ဦးရွှေထွန်းအောင် မှ မြန်မာပင်လယ်ပျော်များ၏ ကိုယ်စား တက်ရောက်ပါဝင် ဆွေးနွေးခဲ့ပါသည်။

အစည်းအဝေးပွဲ၌ ပင်လယ်ရေကြောင်းလုပ်သားများ၏ ရပိုင်ခွင့်နှင့် ဘေးကင်းလုံခြုံရေးဆိုင်ရာ အရေးကြီးသော စည်းမျဉ်းသစ်များနှင့် လက်ရှိ War Like Operation Area နှင့် စပ်လျဉ်းသော စည်းမျဉ်း ကိစ္စရပ်များအား အဓိကထား ဆွေးနွေးခဲ့ကြကြောင်း သိရှိရပါသည်။

14/05/2026

စပိန်ကမ်းလွန်တွင် နစ်မြုပ်သွားသော ရုရှားကုန်တင်သင်္ဘောသည် မြောက်ကိုရီးယားအတွက် နျူကလီးယားဓာတ်ပေါင်းဖိုများ လျှို့ဝှက်သယ်ဆောင်လာကြောင်း စုံစမ်းစစ်ဆေးမှုများက ပြသနေ။
——————————————————————————-

စပိန်နိုင်ငံကမ်းလွန်တွင် နစ်မြုပ်သွားခဲ့သော ရုရှားကုန်တင်သင်္ဘောသည် ဆီးရီးယားသို့ လက်နက်များသွားရောက်သယ်ယူမည့် မစ်ရှင်ဟု အစောပိုင်းက ယူဆခဲ့ကြသော်လည်း အမှန်တကယ်တွင် မြောက်ကိုရီးယားအတွက် နျူကလီးယားဓာတ်ပေါင်းဖို အစိတ်အပိုင်းများကို လျှို့ဝှက်သယ်ဆောင်လာခြင်းဖြစ်ကြောင်း စပိန်စုံစမ်းစစ်ဆေးရေးမှူးများ၏ ဖော်ထုတ်ချက်အရ သိရှိရသည်။

၂၀၂၄ ခုနှစ် ဒီဇင်ဘာလ ၂၃ ရက်နေ့က စပိန်နှင့် အယ်လ်ဂျီးရီးယားကြား မြေထဲပင်လယ်အတွင်း အင်ဂျင်ခန်းပေါက်ကွဲမှုဖြစ်ပွားကာ နစ်မြုပ်သွားခဲ့သည့် Ursa Major အမည်ရှိ ရုရှားကုန်တင်သင်္ဘောပေါ်တွင် ရေငုပ်သင်္ဘောသုံး နျူကလီးယားဓာတ်ပေါင်းဖိုနှစ်ခုအတွက် အစိတ်အပိုင်းများ ပါရှိနေခြင်းဖြစ်ပြီး ၎င်းတို့ကို မြောက်ကိုရီးယားသို့ ပေးပို့ရန် ရည်ရွယ်ထားခြင်းဖြစ်ကြောင်း စုံစမ်းစစ်ဆေးမှုများက ဆိုသည်။

သင်္ဘောနစ်မြုပ်ချိန်တွင် သင်္ဘောသား ၁၆ ဦးအနက် ၁၄ ဦးကို စပိန်အာဏာပိုင်များက ကယ်ဆယ်နိုင်ခဲ့သော်လည်း အင်ဂျင်နီယာနှစ်ဦးမှာ ပျောက်ဆုံးလျက်ရှိကာ သေဆုံးသွားပြီဟု ယူဆရသည်။

စုံစမ်းစစ်ဆေးမှု အသေးစိတ်အချက်အလက်များအရ ရုရှားသည် မြောက်ကိုရီးယားသို့ အဆင့်မြင့်နျူကလီးယားနည်းပညာများ လွှဲပြောင်းပေးအပ်မှုကို တားဆီးရန်အတွက် အနောက်အုပ်စုစစ်တပ်တစ်ခုက ရှားပါးပြီး အလွန်အမင်းမြန်ဆန်သော supercavitating တိုပီဒိုဖြင့် အဆိုပါသင်္ဘောကို တမင်တကာနစ်မြုပ်အောင် တိုက်ခိုက်ခဲ့ခြင်းဖြစ်နိုင်ကြောင်း စုံစမ်းစစ်ဆေးသူများက သံသယရှိနေကြသည်။

သင်္ဘောကပ္ပတိန်၏ ထွက်ဆိုချက်အရ သင်္ဘော၏ကုန်စည်စာရင်းတွင် "အန္တရာယ်မရှိသော ကုန်ပစ္စည်းများ" ဟု ဖော်ပြထားသည့် အပေါက်ပိတ်အဖုံးကြီးနှစ်ခုမှာ အမှန်တကယ်တွင် ရေငုပ်သင်္ဘောသုံး နျူကလီးယားဓာတ်ပေါင်းဖို အစိတ်အပိုင်းများဖြစ်ကြောင်း သိရသည်။

ထို့အပြင် ရုရှား၏ ကျယ်ပြန့်သော ရထားလမ်းကွန်ရက်ကို အသုံးမပြုဘဲ ကရိန်းများနှင့် ကွန်တိန်နာအလွတ်များကို ပင်လယ်ရေကြောင်းမှတစ်ဆင့် ကမ္ဘာပတ်ကာ သယ်ဆောင်ရန် ကြိုးပမ်းခြင်းသည်လည်း သံသယဖြစ်ဖွယ်ရာ ဖြစ်နေသည်။

ဤဖြစ်စဉ်သည် မြောက်ကိုရီးယားခေါင်းဆောင် ကင်ဂျုံအန်းက ယူကရိန်းကို ကျူးကျော်နေသည့် ရုရှားစစ်တပ်သို့ စစ်သည် ၁၀,၀၀၀ စေလွှတ်ကူညီခဲ့ပြီးနောက် နှစ်လအကြာတွင် ပေါ်ပေါက်လာခြင်းဖြစ်ရာ ယင်းမှာ နည်းပညာဖလှယ်သည့် သဘောတူညီချက်၏ အစိတ်အပိုင်းတစ်ခု ဖြစ်နိုင်ကြောင်း ယူဆရသည်။

မြောက်ကိုရီးယားသည် ၂၀၂၅ ခုနှစ်နှောင်းပိုင်းတွင် နျူကလီးယားစွမ်းအင်သုံး ရေငုပ်သင်္ဘောတစ်စင်း တည်ဆောက်ပြီးစီးလုနီးပါးဖြစ်နေသည့် ဓာတ်ပုံများကို ထုတ်ပြန်ခဲ့ပြီး မော်စကိုအနေဖြင့် ၂၀၂၅ ခုနှစ် ပထမနှစ်ဝက်အတွင်း နျူကလီးယားတွန်းကန်အားစနစ် မော်ဂျူးများကို ပေးပို့ခဲ့သည်ဟု တောင်ကိုရီးယားထောက်လှမ်းရေးကလည်း ယုံကြည်နေသည်။

သင်္ဘောနစ်မြုပ်ရာနေရာသည် ရေအနက် ၂,၅၀၀ မီတာခန့်တွင် ရှိနေသော်လည်း ရုရှားသူလျှိုသင်္ဘော Yantar သည် အဆိုပါနေရာတွင် ရက်အတန်ကြာ တပ်စွဲထားခဲ့သလို အမေရိကန်၏ နျူကလီးယားဓာတ်ငွေ့အာရုံခံလေယာဉ်များကလည်း ထိုနေရာကို နှစ်ကြိမ်တိုင်တိုင် ပျံသန်းစစ်ဆေးခဲ့ခြင်းတို့ကြောင့် ယခုဖြစ်စဉ်သည် နိုင်ငံတကာစစ်ရေးနှင့် လုံခြုံရေးဆိုင်ရာ အရေးကြီးသော လျှို့ဝှက်ချက်များ ပါဝင်နေသည့် အရှုပ်တော်ပုံတစ်ခုအဖြစ် ကမ္ဘာ့နိုင်ငံရေးနှင့် စစ်ရေးမျက်နှာစာတွင် အာရုံစိုက်စရာ ကိစ္စရပ်တစ်ခု ဖြစ်လာနေလျက်ရှိသည်။

.
.
.

14/05/2026

မလေးရှားပင်လယ်ပိုင်နက်အတွင်း မြန်မာသင်္ဘောသားတစ်ဦးဖြစ်သူ ကိုနေသူအောင် ပျောက်ဆုံးနေသည့်ဖြစ်စဉ်နှင့် ပတ်သက်၍ မိသားစုဝင်များမှ အရေးပေါ် အကူအညီတောင်းခံထားသည့် အချက်အလက်များမှာ အောက်ပါအတိုင်းဖြစ်ပါသည် -

🚨ပျောက်ဆုံးနေသော မြန်မာသင်္ဘောသားအတွက် အရေးပေါ်အကူအညီတောင်းခံခြင်း။🚨

မလေးရှားပင်လယ်ပြင်အတွင်း တာဝန်ထမ်းဆောင်နေစဉ် Golden Eagle Co., Ltd လက်အောက်ရှိ MCC Yangon သင်္ဘောမှ AB (Able Seaman) ရာထူးဖြင့် အလုပ်လုပ်ကိုင်နေသူ ကိုနေသူအောင် သည် ပျောက်ဆုံးလျက်ရှိပါသည်။

၎င်းသည် ၂၀၂၅ ခုနှစ်၊ ဇူလိုင်လ ၁၇ ရက်နေ့တွင် သီလဝါဆိပ်ကမ်းမှတစ်ဆင့် သင်္ဘောစတင်တက်ရောက်ခဲ့ခြင်းဖြစ်ပြီး၊ ၂၀၂၆ ခုနှစ်၊ မေလ ၅ ရက်နေ့ (မလေးရှားစံတော်ချိန် ည ၁၁:၀၀ နာရီခန့်) တွင် နောက်ဆုံးအကြိမ်အဖြစ် အွန်လိုင်း၌ တွေ့ရှိခဲ့ရကာ ယင်းနောက်ပိုင်းတွင် အဆက်အသွယ်ပြတ်တောက်သွားခဲ့ခြင်းဖြစ်ပါသည်။

လက်ရှိတွင် သင်္ဘောသားဖြစ်သူ ပျောက်ဆုံးသွားခဲ့သည်မှာ ၅ ရက်နေ့မှ ယနေ့ ၁၄ ရက်နေ့အထိ (၉) ရက်တိုင်အောင် ကြာမြင့်ခဲ့ပြီဖြစ်သော်လည်း၊ သင်္ဘောကုမ္ပဏီရုံးချုပ်ဘက်မှ မိသားစုထံသို့ တိကျသော ရှင်းလင်းချက်ဖြစ်စေ၊ တရားဝင် အကြောင်းကြားစာဖြစ်စေ တစ်စုံတစ်ရာ ပေးပို့ခြင်း မရှိသေးသည့်အတွက် မိသားစုဝင်များမှ အလွန်အမင်း စိုးရိမ်ပူပန်လျက်ရှိပါသည်။

ထို့အပြင် သင်္ဘောပေါ်မှ ပြန်လည်ပို့ဆောင်ပေးလိုက်သည့် ၎င်း၏ ကိုယ်ပိုင်ပစ္စည်းများဖြစ်သော နိုင်ငံကူးလက်မှတ် (Passport)၊ အဝတ်အစားများ၊ ပိုက်ဆံအိတ်နှင့် စာရွက်စာတမ်းများတွင် လက်ကိုင်ဖုန်း (Phone) ပါဝင်လာခြင်းမရှိဘဲ ကျန်ခဲ့သည်ကို တွေ့ရှိရပါသည်။

ယခုဖြစ်စဉ်နှင့် ပတ်သက်၍ မိသားစုအနေဖြင့် အဖြစ်မှန်ကို သိရှိနိုင်ရန်နှင့် ပျောက်ဆုံးနေသူအား ပြန်လည်ရှာဖွေနိုင်ရန်အတွက် အောက်ပါအတိုင်း အကူအညီများ တောင်းခံအပ်ပါသည် -

• မီဒီယာများအနေဖြင့် ဤဖြစ်စဉ်ကို ကျယ်ကျယ်ပြန့်ပြန့် ဖော်ပြပေးပါရန်။

• သက်ဆိုင်ရာ အာဏာပိုင်များအနေဖြင့် အရေးပေါ် စုံစမ်းစစ်ဆေးမှုများ ပြုလုပ်ပေးပါရန်။

• အပြည်ပြည်ဆိုင်ရာ အဖွဲ့အစည်းများအနေဖြင့် လိုအပ်သော အကူအညီများ ပံ့ပိုးပေးပါရန်။

လူတစ်ယောက်၏ အသက်ကို ကယ်တင်နိုင်ရန်အတွက် ဤသတင်းအချက်အလက်ကို ကျေးဇူးပြု၍ ဝိုင်းဝန်းမျှဝေ (Share) ပေးကြပါရန် မေတ္တာရပ်ခံအပ်ပါသည်။

🚨 URGENT — International Assistance Requested for Missing Myanmar Seafarer
A Myanmar seafarer has gone missing in Malaysian waters, and until today, no confirmed information regarding his whereabouts or condition has been received.

Our family urgently requests media attention, official investigation, and international assistance regarding this case.

👤 Name – Nay Thu Aung

⚓ Position – AB (Able Seaman)

🏢 Company – Golden Eagle Co., Ltd

🚢 Vessel Name – MCC Yangon

📅 Joined the vessel on 17.07.2025 from Thilawa Port, Myanmar

📡 Last seen online on 05.05.2026 around 11:00 PM (Malaysia Time)

📍 Last known location – Malaysian waters

⚠️ From 05.05.2026 until 14.05.2026, despite many days having passed, the family has still not received any official explanation or formal communication from the company headquarters regarding his disappearance.

📦 The only items returned from the vessel were:
• Passport
• Personal belongings
• Clothes and luggage bag
• Wallet and documents
❌ Not phone ❌

However, no clear explanation has been provided regarding the seafarer's current condition or what actually happened onboard.

Our family is deeply worried and respectfully requests:

👉 Media coverage
👉 Immediate investigation by relevant authorities
👉 Assistance from international organizations
🙏 Please help share this information widely. Any information could help save a life.

14/05/2026

ပြန်ပေးဆွဲခံထားရသည့် ရေနံတင်သင်္ဘော Eureka အတွက် ဆိုမာလီပင်လယ်ဓားပြများက ဒေါ်လာ ၁၀ သန်း တောင်းဆို။
——————————————————————————

ဆိုမာလီပင်လယ်ဓားပြများက ပြန်ပေးဆွဲထားသည့် ရေနံတင်သင်္ဘောအား ပြန်လည်လွှတ်ပေးရန်အတွက် အမေရိကန်ဒေါ်လာ ၁၀ သန်း တောင်းဆိုထားကြောင်း သိရပြီး ယင်းဖြစ်ရပ်ကြောင့် အဆိုပါဒေသအတွင်း ပင်လယ်ဓားပြရန်စောင့်ကြည့်ရေးနှင့် ပတ်သက်၍ စိုးရိမ်မှုများ တစ်ကျော့ပြန် မြင့်တက်လာခဲ့သည်။

ယူအေအီးနိုင်ငံမှ ဒီဇယ်ဆီ တန်ချိန် ၂,၈၀၀ ခန့် တင်ဆောင်လာသည့် Eureka အမည်ရှိ ရေနံတင်သင်္ဘောငယ်ကို ပြီးခဲ့သည့် မေလ ၂ ရက်နေ့တွင် လက်နက်ကိုင်များက စီးနင်းခဲ့ကြပြီး ဆိုမာလီကမ်းရိုးတန်းသို့ မောင်းနှင်သွားခဲ့ခြင်း ဖြစ်သည်။

ကနဦးတွင် ပြန်ပေးငွေအဖြစ် ဒေါ်လာ ၃.၅ သန်းခန့် တောင်းဆိုခဲ့သော်လည်း ညှိနှိုင်းမှုများ ပြုလုပ်နေစဉ်အတွင်း ဒေါ်လာ ၁၀ သန်းအထိ တိုးမြှင့်တောင်းဆိုလာခဲ့ခြင်း ဖြစ်ကြောင်း သိရသည်။

သင်္ဘောပေါ်တွင် အီဂျစ်နိုင်ငံသား ရှစ်ဦးနှင့် ပါကစ္စတန်နိုင်ငံသား လေးဦး၊ စုစုပေါင်း သင်္ဘောသား ၁၂ ဦး ပါဝင်ပြီး ၎င်းတို့မှာ လက်ရှိတွင် ရိက္ခာနှင့် သောက်သုံးရေ ပြတ်လပ်မှုများနှင့် ရင်ဆိုင်နေရကာ အသက်အန္တရာယ် ခြိမ်းခြောက်ခံနေရကြောင်း သင်္ဘောသားများ၏ မိသားစုဝင်များက ပြောကြားထားသည်။

အလားတူ ဧပြီလ ၂၁ ရက်နေ့ကလည်း Honour 25 အမည်ရှိ အခြားရေနံတင်သင်္ဘောတစ်စီးကို ဆိုမာလီပင်လယ်ပြင်တွင် ထပ်မံဖမ်းဆီးခဲ့ပြီး ၎င်းသင်္ဘောပေါ်တွင် ပါကစ္စတန်နိုင်ငံသား ၁၀ ဦးအပါအဝင် သင်္ဘောသား ၁၇ ဦး ဖမ်းဆီးခံထားရဆဲ ဖြစ်သည်။

အဆိုပါသင်္ဘောနှစ်စင်းလုံးသည် မီးလောင်လွယ်သော စက်သုံးဆီများကို တင်ဆောင်ထားသည့်အတွက် ကယ်ဆယ်ရေးလုပ်ငန်းများ လုပ်ဆောင်ရာတွင် အခက်အခဲနှင့် စိန်ခေါ်မှုများစွာ ရှိနေကြောင်း ရေကြောင်းလုံခြုံရေး စောင့်ကြည့်လေ့လာသူများက သုံးသပ်ထားကြသည်။

လက်ရှိတွင် သက်ဆိုင်ရာအာဏာပိုင်များက အခြေအနေကို စောင့်ကြည့်လျက်ရှိပြီး သင်္ဘောသားများ လွတ်မြောက်ရေးအတွက် ညှိနှိုင်းမှုများ ဆက်လက်လုပ်ဆောင်နေဆဲ ဖြစ်သည်။

.
.
.

13/05/2026

⚠️ ATTENTION PLEASE: MISSING SEAFARER ⚠️

Independent Federation of Myanmar Seafarers (IFOMS) အနေဖြင့် MCC Yangon သင်္ဘောပေါ်တွင် တာဝန်ထမ်းဆောင်ရင်း အစအနမရှိ ပျောက်ဆုံးသွားသည့် မြန်မာသင်္ဘောသား မောင်နေသူအောင် အတွက် အရေးပေါ် လူပျောက်ကြေညာချက် ထုတ်ပြန်အပ်ပါသည်။

မောင်နေသူအောင် (A/B) သည် ပြီးခဲ့သည့် (၅-၅-၂၀၂၆) ရက်နေ့ ည (၁၁) နာရီဝန်းကျင်အထိ မလေးရှားနိုင်ငံ၊ Northport Klang ဆိပ်ကမ်းအပြင်ဘက်၌ သင်္ဘောကျောက်ချထားစဉ် ရှိနေသေးကြောင်း အတည်ပြုနိုင်ခဲ့သော်လည်း၊ (၆-၅-၂၀၂၆) ရက်နေ့ နံနက်ပိုင်းတွင် အခန်းအတွင်း မတွေ့ရှိတော့ဘဲ စတင်ပျောက်ဆုံးခဲ့ခြင်း ဖြစ်ပါသည်။

လက်ရှိအချိန်အထိ သင်္ဘောဘက်မှ ခိုင်လုံသော ဖြစ်စဉ်ရှင်းလင်းချက်နှင့် တရားဝင် စုံစမ်းစစ်ဆေးမှု အစီရင်ခံစာ (Investigation Report) ကို မိသားစုထံ တင်ပြခြင်း မရှိသေးသည့်အပြင်၊ လူပျောက်မှုကို စုံစမ်းနေဆဲကာလမှာပင် သင်္ဘောမှာ ဆိပ်ကမ်းမှ ပြန်လည်ထွက်ခွာသွားပြီ ဖြစ်ကြောင်း သိရှိရပါသည်။

သို့ဖြစ်ပါ၍ IFOMS အဖွဲ့ချုပ်မှလည်း မလေးရှားနိုင်ငံရှိ သက်ဆိုင်ရာ Inspector ထံ တရားဝင် ဆက်သွယ်ကာလိုအပ်သည်များ အမြန်ဆုံး စုံစမ်းဆောင်ရွက်ထားရှိပြီး ဖြစ်သကဲ့သို့ သက်ဆိုင်ရာလွှတ်ကုမ္ပဏီ Golden Eagle Co. Ltd နှင့် အာဏာပိုင်များအနေဖြင့် ဤဖြစ်စဉ်နှင့် ပတ်သတ်၍ အလေးအနက်ထား တာဝန်ယူဖြေရှင်းပေးရန်နှင့်၊ သတင်းအစအန သိရှိသူများအနေဖြင့် IFOMS သို့မဟုတ် မိသားစုထံသို့ အမြန်ဆုံး ဆက်သွယ်ကူညီပေးပါရန် အလေးအနက်ထား တိုက်တွန်း နှိုးဆော်အပ်ပါသည်။

(Edited)

မိသားစုအနေဖြင့် —

Last Seen Record

Malaysia Police Report

Ship Logbook

Crew Statement

Missing Time Estimation

စသည့်အချက်အလက်များအား သိရှိလိုပါသည်။

ယခုအချိန်ထိ နေသူအောင်၏ သတင်းတစ်စုံတစ်ရာ မရရှိသေးပါ။

သက်ဆိုင်ရာတာဝန်ရှိသူများ၊ shipping company နှင့် အဖွဲ့အစည်းများမှ အမြန်ဆုံး စုံစမ်းရှင်းလင်းပေးကြပါရန် လေးစားစွာ တောင်းဆိုအပ်ပါသည်။

🙏 Share ပေးခြင်းဖြင့် ကူညီပါ
ဆက်သွယ်ရန်:+601111543226

13/05/2026

ဘော်လ်တီမိုးတံတားပြိုကျမှု- သင်္ဘောစီမံခန့်ခွဲမှုကုမ္ပဏီများနှင့် တာဝန်ရှိသူတစ်ဦးကို အမေရိကန်အစိုးရ တရားစွဲဆို။
——————————————————————————-
အမေရိကန်နိုင်ငံ၊ ဘော်လ်တီမိုးမြို့ရှိ Francis Scott Key တံတားကို M/V Dali ကုန်သေတ္တာတင်သင်္ဘောဖြင့် တိုက်မိကာ လူသေဆုံးမှုဖြစ်ပွားစေခဲ့သည့် ဖြစ်စဉ်နှင့်ပတ်သက်၍ သင်္ဘောစီမံခန့်ခွဲမှုကုမ္ပဏီနှစ်ခုနှင့် နည်းပညာဆိုင်ရာ ကြီးကြပ်မှူးတစ်ဦးတို့အား အမေရိကန်ဖက်ဒရယ် အစိုးရရှေ့နေများက ရာဇဝတ်မှုဖြင့် တရားစွဲဆိုလိုက်ပြီဖြစ်သည်။

စင်ကာပူအခြေစိုက် Synergy Marine Pte Ltd၊ အိန္ဒိယနိုင်ငံ ချန်နိုင်အခြေစိုက် Synergy Maritime Pte Ltd နှင့် နည်းပညာကြီးကြပ်မှူးဖြစ်သူ Radhakrishnan Karthik Nair တို့သည် အမေရိကန်အစိုးရကို လိမ်လည်ရန် ပူးပေါင်းကြံစည်မှု၊ တရားစီရင်ရေးကို နှောင့်ယှက်မှု၊ မမှန်မကန် ထွက်ဆိုမှုနှင့် သင်္ဘောပေါ်ရှိ အန္တရာယ်ရှိသော အခြေအနေများကို ကမ်းခြေစောင့်တပ်ဖွဲ့ထံ ချက်ချင်းအကြောင်းမကြားမှု စသည့်စွဲချက်များဖြင့် တရားစွဲဆိုခြင်း ခံထားရခြင်းဖြစ်သည်။

၂၀၂၄ ခုနှစ်၊ မတ်လ ၂၆ ရက်နေ့က ဖြစ်ပွားခဲ့သော အဆိုပါ မတော်တဆမှုကြောင့် ဆောက်လုပ်ရေးလုပ်သား ၆ ဦး သေဆုံးခဲ့ပြီး ဒေသတွင်း အရေးပါသော လမ်းပန်းဆက်သွယ်ရေး အချက်အချာဖြစ်သည့် တံတားကြီးပြိုကျကာ စီးပွားရေးအရ ဒေါ်လာ ၅ ဘီလီယံကျော် ထိခိုက်ဆုံးရှုံးခဲ့ရသည်။

စွဲချက်များအရ အဆိုပါသင်္ဘောသည် ဘော်လ်တီမိုးဆိပ်ကမ်းမှ ထွက်ခွာစဉ် ၄ မိနစ်အတွင်း လျှပ်စစ်ဓာတ်အား နှစ်ကြိမ်တိုင်တိုင် ပြတ်တောက်ခဲ့ကြောင်း၊ ပထမအကြိမ်တွင် လျှပ်စစ်ထိန်းချုပ်မှုစနစ်ရှိ ဝိုင်ယာကြိုးတစ်ခု လျော့ရဲနေခြင်းကြောင့် ဖြစ်သော်လည်း သင်္ဘော၏ အရန်စနစ်များကို ဘေးကင်းမှုမရှိသော နည်းလမ်းများဖြင့် ပြုပြင်မွမ်းမံထားခဲ့ခြင်းကြောင့် အခြေအနေ ပိုမိုဆိုးရွားခဲ့ခြင်းဖြစ်ကြောင်း စုံစမ်းစစ်ဆေးသူများက ဆိုသည်။

အထူးသဖြင့် မီးစက်များအတွက် လောင်စာဆီပေးသွင်းရာတွင် အလိုအလျောက် ပြန်လည်စတင်နိုင်စွမ်းမရှိသော "Flushing Pump" ကို ပြောင်းလဲအသုံးပြုခဲ့ခြင်းကြောင့် ဒုတိယအကြိမ် ဓာတ်အားပြတ်တောက်ချိန်တွင် သင်္ဘော၏ စက်အင်ဂျင်နှင့် တက်မစနစ်များကို ထိန်းချုပ်၍မရတော့ဘဲ တံတားကို ဝင်တိုက်ခဲ့ခြင်းဖြစ်သည်။

ထို့အပြင် တရားစွဲဆိုခံရသူများသည် အမျိုးသားသယ်ယူပို့ဆောင်ရေး ဘေးကင်းလုံခြုံမှုဘုတ်အဖွဲ့ (NTSB) ၏ စုံစမ်းစစ်ဆေးမှုကို လိမ်လည်ထွက်ဆိုခဲ့ကြောင်းနှင့် မြစ်အတွင်းသို့ ဆီနှင့် ကုန်ပစ္စည်းများ ယိုဖိတ်မှုအတွက် ပတ်ဝန်းကျင်ညစ်ညမ်းမှုဆိုင်ရာ ဥပဒေများကို ချိုးဖောက်မှုများဖြင့်လည်း ရင်ဆိုင်နေရသည်။

အဆိုပါ ဖြစ်စဉ်ကြောင့် အမေရိကန်တစ်ဝန်းရှိ တံတားများ၏ ကြံ့ခိုင်မှုကို ပြန်လည်စစ်ဆေးရန်နှင့် သင်္ဘောများ၏ ဘေးကင်းလုံခြုံရေး စံနှုန်းများကို တိုးမြှင့်ရန် တောင်းဆိုမှုများလည်း ထွက်ပေါ်လာခဲ့ပြီး ပျက်စီးသွားသော တံတားကို ပြန်လည်တည်ဆောက်ရန်အတွက် ၂၀၃၀ ပြည့်နှစ်အထိ အချိန်ယူရမည်ဖြစ်ကာ ကုန်ကျစရိတ်မှာ ဒေါ်လာ ၅.၂ ဘီလီယံအထိ ရှိနိုင်ကြောင်း ခန့်မှန်းထားသည်။

.
.
.

13/05/2026

ဂျာမနီနိုင်ငံ ရော့စတော့ခ်ဆိပ်ကမ်းရှိ Tom Sawyer ကူးတို့သင်္ဘောပေါ်တွင် မီးလောင်မှုဖြစ်ပွားပြီး သင်္ဘောဝန်ထမ်းတစ်ဦး ဒဏ်ရာရရှိ။
——————————————————————————

ဂျာမနီနိုင်ငံ၊ ရော့စတော့ခ် (Rostock) ဆိပ်ကမ်းတွင် ဆိုက်ကပ်ထားသည့် Tom Sawyer အမည်ရှိ ခရီးသည်တင် ကူးတို့သင်္ဘော (Ro-Ro Ferry) ပေါ်တွင် မီးလောင်မှုတစ်ခု ဖြစ်ပွားခဲ့ရာ သင်္ဘောဝန်ထမ်းတစ်ဦး ဒဏ်ရာရရှိခဲ့ပြီး သင်္ဘောခရီးစဉ်များကိုလည်း ယာယီရပ်ဆိုင်းလိုက်ရကြောင်း သိရှိရသည်။

ဆိုက်ပရပ်စ်နိုင်ငံအလံလွှင့်ထူထားသည့် အဆိုပါသင်္ဘော၏ စက်ခန်းအတွင်း ပြုပြင်ထိန်းသိမ်းရေးလုပ်ငန်းများ ဆောင်ရွက်နေစဉ် အလုပ်သမားတစ်ဦးသည် ဆီတိုင်ကီတစ်ခုကို မတော်တဆဖွင့်မိခဲ့ရာမှ အပူချိန်မြင့်မားနေသည့် စက်သုံးဆီများ စက်ပစ္စည်းကိရိယာများနှင့် ဝင်ရိုးတံများအတွင်းသို့ ယိုစိန်ကျခဲ့ကြောင်း၊ ထိုမှတစ်ဆင့် အပူရှိန်ပြင်းနေသည့် သတ္တုမျက်နှာပြင်များနှင့် ထိတွေ့မိရာမှ မီးစတင်လောင်ကျွမ်းခဲ့ခြင်းဖြစ်ကြောင်း ကနဦးစုံစမ်းစစ်ဆေးမှုများအရ သိရသည်။

မီးလောင်မှုဖြစ်ပွားချိန်တွင် သင်္ဘောဝန်ထမ်းများက ကိုယ်တိုင်ငြှိမ်းသတ်ရန် ကြိုးပမ်းခဲ့ကြသော်လည်း မီးခိုးနှင့် အပူရှိန်မှာ စက်ခန်းအထက်ပိုင်းအထိ ကူးစက်ပြန့်နှံ့သွားသောကြောင့် ရော့စတော့ခ်မြို့မှ မီးသတ်တပ်ဖွဲ့ဝင် ၅၀ ကျော် လာရောက်ကူညီငြှိမ်းသတ်ခဲ့ရသည်။ မီးသတ်သမားများက သင်္ဘော၏ အခြားကုန်းပတ်များပေါ်တွင်လည်း မီးကူးစက်လောင်ကျွမ်းနေသည့် နေရာအချို့ကို ထပ်မံတွေ့ရှိခဲ့သဖြင့် မီးငြှိမ်းသတ်ရေးလုပ်ငန်းမှာ ပိုမိုစိုးရိမ်ဖွယ် အခြေအနေသို့ ရောက်ရှိခဲ့ရသည်။

အဆိုပါဖြစ်စဉ်အတွင်း ဝန်ထမ်းတစ်ဦးမှာ ပူပြင်းသည့်ဆီများ စင်ဟပ်မိသောကြောင့် မစိုးရိမ်ရသည့် ဒဏ်ရာအနည်းငယ် ရရှိခဲ့ပြီး ဆိပ်ကမ်းရှိ အရေးပေါ်ဆေးဘက်ဆိုင်ရာအဖွဲ့က လိုအပ်သည့် ကုသမှုများ ပြုလုပ်ပေးခဲ့ကြောင်း အာဏာပိုင်များက အတည်ပြုခဲ့သည်။ လက်ရှိတွင် ဂျာမနီနှင့် ဆွီဒင်နိုင်ငံ၊ ထရယ်လီဘော့ဂ် (Trelleborg) မြို့ကြား ပြေးဆွဲနေသည့် အဆိုပါသင်္ဘောကို စစ်ဆေးမှုများနှင့် ပြုပြင်မှုများ ဆောင်ရွက်ရန်အတွက် ခရီးစဉ်များအားလုံးကို ယာယီပိတ်ပင်ထားပြီး မည်သည့်အချိန်တွင် ပြန်လည်ပြေးဆွဲမည်ကိုမူ အတည်ပြုထုတ်ပြန်ခြင်း မရှိသေးပေ။

.
.
.

13/05/2026

ဟော်မုဇ်ရေလက်ကြားမှတစ်ဆင့် ရေနံနှင့် သဘာဝဓာတ်ငွေ့များ တင်ပို့နိုင်ရန် အီရတ်နှင့် ပါကစ္စတန်တို့က အီရန်နှင့် သဘောတူညီမှုရယူ။
——————————————————————————
အီရန်နိုင်ငံအနေဖြင့် ဟော်မုဇ်ရေလက်ကြား (Strait of Hormuz) မှတစ်ဆင့် စွမ်းအင်စီးဆင်းမှုများကို ထိန်းချုပ်နိုင်စွမ်းရှိကြောင်း ပြသသည့်အနေဖြင့် အီရတ်နှင့် ပါကစ္စတန်နိုင်ငံတို့သည် အဆိုပါ ရေလက်ကြားမှတစ်ဆင့် ရေနံနှင့် အရည်ပျော်သဘာဝဓာတ်ငွေ့ (LNG) များ သယ်ယူပို့ဆောင်နိုင်ရန် အီရန်နှင့် သဘောတူညီမှုများ ရယူခဲ့ကြောင်း သတင်းရင်းမြစ်များအရ သိရသည်။

အမေရိကန်-အစ္စရေးနှင့် အီရန်တို့အကြား ဖြစ်ပွားနေသော စစ်မက်ရေးရာများကြောင့် ကမ္ဘာ့ရေနံစိမ်းနှင့် LNG ၂၀ ရာခိုင်နှုန်းခန့် တင်ပို့ရာဒေသတွင် စွမ်းအင်ပို့ကုန်များ သိသိသာသာ လျော့ကျသွားခဲ့ပြီး အမေရိကန်ကလည်း အီရန်ဆိပ်ကမ်းများကို ပိတ်ဆို့မှုများ ပြုလုပ်ထားသည်။

အစပိုင်းတွင် အီရန်သည် ရေလက်ကြားအတွင်း သွားလာမှုများကို ပိတ်ဆို့ရန် ကြိုးပမ်းခဲ့သော်လည်း ယခုအခါတွင်မူ ဟော်မုဇ်ရေလက်ကြားအား ကြားနေဖြတ်သန်းခွင့် လမ်းကြောင်းတစ်ခုအဖြစ်မှ အီရန်က ထိန်းချုပ်ခွင့်ပြုပေးရသည့် စင်္ကြံတစ်ခုအဖြစ်သို့ ပြောင်းလဲလုပ်ဆောင်လာကြောင်း ကျွမ်းကျင်သူများက သုံးသပ်ကြသည်။

အီရတ်နိုင်ငံသည် ၎င်း၏ ဘတ်ဂျက် ၉၅ ရာခိုင်နှုန်းခန့်ကို ရေနံဝင်ငွေအပေါ် မှီခိုနေရသဖြင့် ရေလက်ကြားပိတ်ဆို့မှုဒဏ်ကို အဆိုးရွားဆုံး ခံစားခဲ့ရပြီး ယခုအခါ ဘဂ္ဂဒက်နှင့် တီဟီရန်တို့အကြား ရယူခဲ့သည့် သဘောတူညီချက်အရ ရေနံစိမ်းစည်ပေါင်း ၄ သန်းခန့် တင်ဆောင်လာသည့် သင်္ဘောကြီးနှစ်စင်းမှာ ပြီးခဲ့သည့် တနင်္ဂနွေနေ့က အဆိုပါ ရေလက်ကြားကို ဘေးကင်းစွာ ဖြတ်သန်းသွားနိုင်ခဲ့ပြီ ဖြစ်သည်။

အလားတူ ပါကစ္စတန်နိုင်ငံသည်လည်း နွေရာသီ လျှပ်စစ်ဓာတ်အား လိုအပ်ချက်ကို ဖြည့်ဆည်းရန်အတွက် ကာတာနိုင်ငံမှ LNG သင်္ဘောနှစ်စင်းကို အီရန်နှင့် သီးခြားသဘောတူညီမှု ရယူကာ တင်သွင်းနိုင်ခဲ့သည်။

အဆိုပါ ဖြတ်သန်းခွင့်များအတွက် အီရတ်နှင့် ပါကစ္စတန်တို့က အီရန် သို့မဟုတ် အီရန်တော်လှန်ရေး အစောင့်တပ်ဖွဲ့ (IRGC) ထံသို့ တိုက်ရိုက်ငွေပေးချေမှုများ ပြုလုပ်ခဲ့ခြင်း မရှိသော်လည်း သင်္ဘောပိုင်ဆိုင်မှုနှင့် ကုန်စည်အသေးစိတ် အချက်အလက်များကို အီရန်ဘက်သို့ တင်ပြပေးရကြောင်း သိရသည်။

စစ်ပွဲကြောင့် Brent ရေနံဈေးနှုန်းမှာ ဖေဖော်ဝါရီလကုန်မှစ၍ ၅၀ ရာခိုင်နှုန်းကျော် မြင့်တက်လာပြီး ဥရောပနှင့် အာရှတွင်လည်း LNG ဈေးနှုန်းများ ၃၅ ရာခိုင်နှုန်းမှ ၅၀ ရာခိုင်နှုန်းအထိ ခုန်တက်သွားခဲ့ရာ၊ အခြားနိုင်ငံများကလည်း အလားတူ ဖြတ်သန်းခွင့် သဘောတူညီချက်များ ရယူရန် ကြိုးပမ်းလာကြသဖြင့် အနာဂတ်တွင် ဟော်မုဇ်ရေလက်ကြားအပေါ် အီရန်၏ ထိန်းချုပ်မှုမှာ ပိုမိုခိုင်မာလာနိုင်ကြောင်း လေ့လာသူများက သတိပေးထားကြသည်။

.
.
.

Independent Federation of Myanmar Seafarers

15/05/2026

15/05/2026

15/05/2026

14/05/2026

14/05/2026

14/05/2026

14/05/2026

13/05/2026

13/05/2026

13/05/2026

13/05/2026

ที่อยู่

เว็บไซต์

แจ้งเตือน

ติดต่อ องค์กรนั้น

ทางลัด

แชร์

ประเภท