เว็บไซต์คืออะไร?

https://www.facebook.com/122364134193105/

Matu Community Bangkok, Bangkok (2026)

23/05/2026

မတူလူမှုရေးအသင်း ဘန်ကောက်၏ လုပ်ငန်းစဉ်များနှင့် ပတ်သက်သည့် အသိပညာပေး တွေ့ဆုံပွဲကို အောက်ပါအတိုင်း ကျင်းပပြုလုပ်သွားမည်ဖြစ်သောကြောင့် ဘန်ကောက်မြို့ရှိ မတူလူမျိုးများအားလုံး တက်ရောက် ပါဝင်ပေးကြပါရန် လေးစားစွာ ဖိတ်ကြားအပ်ပါသည်။

သိလိုသည်များကို Page Messenger မှသော်လည်းကောင်း အောက်ပါ ဖုန်းနံပါတ်များဖြင့် သော်လည်းကောင်း ဆက်သွယ်မေးမြန်းနိုင်ပါသည်၊၊

Ph: 06600010567, 0824909810

19/05/2026

🚨 ထိုင်းနိုင်ငံတွင် မေလ ၂၁ ရက်နေ့အထိ မိုးကြီးမည်

ထိုင်းမိုးဇလဌာနရဲ့ ထုတ်ပြန်ကြေညာချက်အရ တစ်နိုင်ငံလုံးနီးပါး မေလ ၂၁ ရက်နေ့အထိ မိုးသည်းထန်စွာ ရွာမယ်လို့ ထုတ်ပြန်ထားပါတယ်။ ခုလို မိုးကြီးရသည့် အကြောင်းအရင်းကတော့ အနောက်တောင်ပိုင်းက မုတ်သုန်လေကြောင့် ဖြစ်ပါတယ်။

ဒါကြောင့် ရေကြီးတတ်တဲ့ နေရာမှာ နေထိုင်သူများ လျှပ်တပြတ် ဖြစ်ပေါ်လာတတ်သော ရေကြီးမှုနှင့် ပတ်သက်ပြီး သတိထားရန် ကြေညာထားပါတယ်။ ကပ္ပလီပင်လယ်အတွင်းက လှေငယ်များကိုလည်း ကမ်းကပ်ထားရန် သတိပေးထုတ်ပြန်ထားပြီး၊ မုန်တိုင်း ဖြစ်ပေါ် ချိန်မှာ ရေလှိုင်းများဟာ အမြင့် ၃ မီတာအထိ ရှိလာနိုင်တယ်လို့ ကြေညာထားပါတယ်။

13/05/2026

ဥပဒေချိုးဖောက်သည့် နိုင်ငံခြားသားများကို ၃ လအတွင်း အပြတ်နှိမ်နှင်းရန် ထိုင်းရဲချုပ် ညွှန်ကြား

ထိုင်းနိုင်ငံမှာ ဥပဒေချိုးဖောက်တဲ့ နိုင်ငံခြားသားတွေကို သက်ဆိုင်ရာအဖွဲ့အစည်းတွေ စုပေါင်းပြီး ၃ လအတွင်း အမြစ်ပြတ်နှိမ်နင်းဖို့၊ အထူးသဖြင့် နိုင်ငံခြားသားတွေ စုဝေးနေထိုင်တဲ့ နေရာတိုင်းကို ဦးတည်စစ်ဆေးနှိမ်နင်းဖို့ ထိုင်းအမျိုးသားရဲတပ်ဖွဲ့က အရေးပေါ် ညွှန်ကြားလိုက်ကြောင်း ထိုင်းသ တင်းတွေမှာ ဖော်ပြပါတယ်။

ထိုင်းအမျိုးသားရဲတပ်ဖွဲ့ ရဲချုပ်ကြီး ကစ်သီရတ် ဖန်းဖိတ်က နိုင်ငံတကာဖြတ်ကျော်ရာဇဝတ်မှုတွေ ကာကွယ်ရေး၊ နိုင်ငံတော်လုံခြုံရေးကို ထိပါးမှုကာကွယ်ရေး၊ ထိုင်းပြည်သူတို့ရဲ့ နေထိုင်မှုဘဝ ထိခိုက်မှုတွေ ကာကွယ်ရေးအတွက် ထိုင်းတနိုင်ငံလုံးမှာရှိတဲ့ တရားဥပဒေချိုးဖောက်တဲ့ နိုင်ငံခြားသားတွေ၊ နိုင်ငံထဲကို တရားမဝင် ဝင်ရောက်နေထိုင်မှုတွေ၊ ထိုင်းနိုင်ငံကို ကြားခံမြေအဖြစ် အသုံးချပြီး ရာဇဝတ်မှုကျူးလွန်တာတွေ၊ အလုပ်သမားဥပဒေ ချိုးဖောက်တာ၊ ထိုင်း အမည်ခံပြီး ဥပဒေနဲ့မညီတဲ့ စီးပွားရေးလုပ်ငန်း လုပ်ကိုင်တာတွေကို စီမံချက် ၃ ရပ်နဲ့ ချမှတ်နှိမ်နင်းဖို့ ညွှန်ကြားထားကြောင်း ထိုင်းအမျိုးသားရဲတပ်ဖွဲ့ ပြောရေးဆိုခွင့်ရှိသူ ရဲချုပ် သရိုင်းရုန်း ဖျူဖန်းက မေ ၁၂ ရက်မှာ ထုတ်ပြန်ပြောပါတယ်။

အဆိုပါစီမံချက် ၃ ရပ်မှာ ပထမ ၃ လတွင်း “စုပေါင်း စစ်ဆေးနှိမ်နင်းခြင်း”၊ ဒုတိယ အလယ်အလတ် ၆ လ မှ ၉ လအတွင်း “အမြစ်ကို တူးဆွ နုတ်ပစ်ခြင်း”၊ တတိယ ရေရှည်စီမံချက် ၁ နှစ်မှ ၂ နှစ်တာ ကာလတွင်း “ဒေတာဘေ့စ်ဖွင့်ပြီး နိုင်ငံခြားသားတွေရဲ့ အချက်အလက်တွေ စုစည်းစိစစ်ခြင်း” စတာတွေ ပါဝင်တယ်လို့ ဆိုပါတယ်။

ပထမ ၃ လ စီမံချက်အရ ဒေသတွင်းရှိ သက်ဆိုင်ရာအဖွဲ့အစည်းတွေ စုပေါင်းပြီး အခြေခံအချက်အလက် စုဆောင်းဖို့၊ နိုင်ငံခြားသား ရွှေ့ပြောင်းနေထိုင်သူတွေ စုစည်းနေထိုင်ရာ နေရာတွေကို ဝင်ရောက်စစ်ဆေးပြီး မူးယစ်ဆေးဝါး ရောင်းဝယ်တာ၊ စီးပွား‌ရေးဆိုင်ရာ ရာဇဝတ်မှု ကျူးလွန်တာ၊ အကောက်ခွန်ဥပ‌ဒေ၊ နည်းပညာဆိုင်ရာ ရာဇဝတ်မှု ကျူးလွန်တာ၊ လူမှုအသိုင်းအဝန်းအတွက် အန္တရာယ်ရှိ လူဆိုးတွေ၊ တရားမဝင် ဝင်ရောက်တာနဲ့ ပွဲစားကွန်ရက်တွေ၊ လူကုန်ကူးမှု၊ တခြားနိုင်ငံတွေကို ထပ်ဆင့်ပို့ဆောင်မှု စတဲ့ ပြစ်မှုတွေ နှိမ်နင်းဖို့၊ ကြိုတင်ကာကွယ်ခြင်းနဲ့ နောက်ဆက်တွဲပြဿနာတွေ မဖြစ်ရလေအောင် ဥပဒေနဲ့ တင်းကျပ်စွာ ကိုင်တွယ်ဖို့ စတဲ့အချက်တွေ ပါဝင်ပါတယ်။

ဒါ့အပြင် ထိုင်းအမျိုးသားရဲတပ်ဖွဲ့ နိုင်ငံကျော်ဖြတ်ရာဇဝတ်မှုနဲ့ တရားမဝင် ဝင်ရောက်မှုနှိမ်နင်းရေး ဗဟိုဌာနအနေနဲ့ (Joint Task Force) လို့ ‌ခေါ်တဲ့ အထူးလုပ်ငန်းအဖွဲ့ ဖွဲ့စည်းပြီး ဥပ‌‌ဒေချိုးဖောက်တဲ့ နိုင်ငံခြားသားတွေကို ဖမ်းဆီးနှိမ်နင်းဖို့၊ အရင်ဆုံးနှိမ်နင်းရမဲ့ နေရာကို သတ်မှတ် ဆောင်ရွက်သွားဖို့ ဖြစ်ပါတယ် ။

ဒုတိယစီမံချက်မှာ ၆ လမှ ၉ လအတွင်း လူဝင်မှုကြီးကြပ်ရေးရဲတပ်ဖွဲ့ နဲ့ ဌာနဆိုင်ရာအဖွဲ့အစည်းတွေ ပူးပေါင်းပြီး နိုင်ငံခြားသား/ရွှေ့ပြောင်းတွေရဲ့ အချက်အလက်တွေကို ကောက်ယူစစ်ဆေးဖို့၊ သက်သေခံအထောက်အထား၊ နေထိုင်ခွင့်ဗီဇာနဲ့ လုပ်ငန်းဆိုင်ရာ အချက်အလက် မှန်ကန်မှု ရှိ၊ မရှိ စစ်ဆေးဖို့၊ မှန်ကန်မှုမရှိက ဗီဇာပြန်လည်ရုပ်သိမ်းဖို့၊ ဥပ‌ဒေချိုးဖောက်နိုင်တဲ့ လမ်းကြောင်းတွေကို ပိတ်ဆို့ဖို့၊ ပြစ်မှုတခုရဲ့ နောက်ဆက်တွဲကို ဆက်လက်စုံစမ်းစစ်ဆေးပြီး “အရင်းအမြစ်ကို တူးဆွရှာဖွေ နုတ်ပစ်ဖို့” စတဲ့အချက်တွေ ပါဝင်တယ်။

ဒါ့အပြင် ဥပဒေချိုးဖောက်မှုမှာ ပါဝင်ပတ်သက်တဲ့ အစိုးရ၊ ဌာနဆိုင်ရာဝန်ထမ်းတွေကိုလည်း စုံစမ်းစစ်ဆေးပြီး ထိရောက်စွာ အရေးယူ အပြစ်ပေးရမယ်လို့ ဆိုပါတယ်။

တတိယ ရေရှည်စီမံချက်မှာ ၁ နှစ်မှ ၂ နှစ်တာကာလအတွင်း နိုင်ငံခြားသားတွေနဲ့ ပတ်သက်တဲ့ ကိုယ်ရေးကိုယ်တာ အချက်အလက်အားလုံး ဒေတာဘေ့စ်ကို စုစည်းပြီး ထိုင်းအမျိုးသားရဲတပ်ဖွဲ့ရဲ့ One Police စနစ်ကနေ အခြားသောဌာနဆိုင်ရာရုံးတွေနဲ့ ချိတ်ဆက်မှု ရှိနေရမယ်၊ နိုင်ငံခြားသား တယောက် ဥပဒေချိုးဖောက်ပါက သူနဲ့ဆိုင်တဲ့ တူညီတဲ့ အချက်အလက်တွေကို ဌာနတိုင်းက ရယူနိုင်မယ်၊ အမှုကို တဖွဲ့နဲ့တဖွဲ့ကြားမှာ‌‌ရော ထိုသူရဲ့ မူရင်းနိုင်ငံ တာဝန်ရှိသူတွေနဲ့ပါ ချိတ်ဆက် ဆောင်ရွက်ရမှာ ဖြစ်တယ်။ မူရင်းနိုင်ငံမှ ပြစ်မှုကျူးလွန်သူတွေ နာမည်ပျက်စာရင်းရှိသူတွေရဲ့ အချက်အလက်ကို လူဝင်မှုကြီးကြပ်ရေးရဲတပ်ဖွဲ့ရဲ့ (TDAC) စနစ်နဲ့ စစ်ဆေးပြီး ဝင်ရောက်လာတာနဲ့ ပြည်ဝင်ခွင့်ဗီဇာ ပိတ်ပင်နိုင်မယ်လို့ ပါရှိပါတယ်။

ဒါ့အပြင် ထိုင်းအမျိုးသားရဲတပ်ဖွဲ့ဝင်တွေ၊ အစိုးရဝန်ထမ်းတွေ အားလုံး နိုင်ငံခြားသားတွေရဲ့ ဥပ‌ဒေချိုးဖောက်မှုမှာ ပါဝင်ကူညီပတ်သက်ခြင်း လုံးဝမပြုဖို့ ထိုင်းရဲချုပ်ကြီးက တင်းကျပ်စွာ ညွှန်ကြားပါတယ်။

သက်ဆိုင်ရာ အထက်အရာရှိ အကြီးအကဲတွေ၊ ညွန်မှူးတွေအနေနဲ့လည်း မိမိလက်အောက်ခံဝန်ထမ်းတွေကို ထိန်းသိမ်းကြပ်မတ်ဖို့၊ ချိုးဖောက်တာတွေ တွေ့ရှိက ရာဇဝတ်မှုဥပ‌‌ဒေ ကျင့်ဝတ်ဆိုင်ရာ ဥပဒေတွေနဲ့ ချက်ချင်းအရေးယူဖို့လည်း ထိုင်းရဲချုပ်ကြီးက ညွှန်ကြားထားတယ်လို့ ထိုင်းသတင်းတွေမှာ ဖော်ပြပါတယ်။

မဲဆောက်ရဲတပ်ဖွဲ့ (Photo: Thai CJ)
Credit - DVB

04/05/2026

❝ထိုင်းတစ်နိုင်ငံလုံးမှာ မိုးတုရွာသွန်းရေး လေယာဉ်တွေ ပျံတော့မယ်❞

ထိုင်းနိုင်ငံ တော်ဝင်မိုးတုရွာသွန်းခြင်းနှင့် စိုက်ပျိုးရေးလေကြောင်းဦးစီးဌာနဟာ လာမယ့် မေလကနေ နှစ်ကုန်အထိ ကြုံတွေ့ရမယ့် အပြင်းအထန် ပူပြင်းခြောက်သွေ့တဲ့ ရာသီဥတုကို ရင်ဆိုင်ဖို့အတွက် မေလ ၁ ရက်နေ့ကစပြီး တစ်နိုင်ငံလုံးမှာ မိုးတုရွာသွန်းရေး စခန်း ၆ ခုကို စတင်လိုက်ပါပြီ။�
ထိုင်းရဲ့ ခရိုင် ၆ ခု (Phitsanulok/Buriram/ Surat Thani/ Nakhon Sawan/ Chanthaburi / Prachuap Khiri Khan) ခရိုင်တွေမှာ အခြေစိုက်ပြီး မိုးတုရွာသွန်းရေး လေယာဉ်တွေ ပျံသန်းမှာပါ။ အဓိကကတော့ ဆည်တွေထဲမှာ ရေဝင်ရောက်မှု တိုးလာစေဖို့နဲ့ စိုက်ပျိုးရေးမြေတွေ မိုးခေါင်လို့ ပျက်စီးမသွားအောင် မိုးတုရွာသွန်းပေးဖို့ ဖြစ်ပါတယ်။
ပြီးခဲ့တဲ့ မတ်လကနေ ဧပြီလအထိ ရွာသွန်းမှူ ၄၀၀ ကျော် လုပ်ဆောင်ခဲ့ရာမှာ ၉၈% ကျော် အောင်မြင်ခဲ့ပြီး ခရိုင် ၃၃ ခုက စိုက်ပျိုးမြေတွေအတွက် ရေရရှိစေခဲ့ပါတယ်။
မိုးတုရွာသွန်းခြင်းဟာ မိုးခေါင်တာကို ကာကွယ်ရုံတင်မကဘဲ ဘန်ကောက်နဲ့ မြောက်ပိုင်းဒေသတွေမှာ ဖြစ်ပေါ်နေတဲ့ PM 2.5 လေထုညစ်ညမ်းမှုကိုလည်း လျှော့ချပေးနေပါတယ်။ ဘန်ကောက်မှာ မိုးတုရွာသွန်းပေးခြင်းကြောင့် လေထုအရည်အသွေးဟာ နဂိုထက် ၉၁% ထိ ကောင်းမွန်လာခဲ့တယ်လို့ ဆိုပါတယ်။
ထိုင်းအစိုးရဟာ အခုလို အယ်လ်နီညိုကြောင့် ရေရှားပါးမှုပြဿနာကို ကြိုတင်ပြင်ဆင်တဲ့အနေနဲ့ ရေလှောင်ကန်တွေထဲမှာ ရေစုဆောင်းတာ၊ မိုးတုရွာသွန်းတာနဲ့ စောင့်ကြည့်စစ်ဆေးတာတွေကို ဆက်တိုက် လုပ်ဆောင်နေတာ ဖြစ်ပါတယ်။

Ref: NT THAILAND

29/04/2026

🏥 လူနာထံသွားရောက်လည်ပတ်ခြင်း

🏥 ဆေးရုံတွင် ဆေးကုသမှု ခံယူနေသော ဦးမန်အွေးနှင့် ဒေါ်ဗာဂျင်တို့ရဲ့သား James ထံ ဘန်ကောက်မတူလူမှုရေးအသင်းမှ သွားရောက်လည်ပတ်တုန်းက ပုံရိပ် ဖြစ်ပါသည်။

🏥 ဒီပတ် သောကြာနေ့တွင် ဆက်လက်ပြီး ခွဲစိတ်ကုသမှု ပြုလုပ်မည်ဖြစ်သောကြောင့် ဆုတောင်းခြင်းဖြင့် သတိရပေးရန် အားလုံးကို တောင်းဆိုအပ်ပါသည်။

27/04/2026

လူနာထံသွားရောက်လည်ပတ်ခြင်း

ပြီးခဲ့တဲ့လတွင် ဆေးရုံးမှာ ဆေးကုသမှုခံယူခဲ့သော Philip Mon ဘန်ကောက်မတူလူမှုရေးအသင်းမှ သွားရောက်လည်ပတ်ခဲ့တုန်း ပုံရိပ်ဖြစ်ပါသည်။ ခုဆို Philip Mon ဟာ ဘုရားသခင်ရဲ့ ကျေးဇူးတော်ကြောင့် ဆေးရုံက ဆင်းပြီး ပြန်လည် ကျန်းမာလာပြီဖြစ်ပါသည်။

23/04/2026

ထိုင်းနိုင်ငံသို့ ရက် ၆၀ ဗီဇာကင်းလွတ်ခွင့်အစီအစဉ်ကို ဖျက်သိမ်း၍ စနစ်သစ်ဖြင့် ပြန်လည်စိစစ်ရန် ပြင်ဆင်နေ

ထိုင်းအစိုးရသည် နိုင်ငံခြားသားခရီးသွားများအတွက် လက်ရှိခွင့်ပြုထားသည့် ရက်ပေါင်း ၆၀ ဗီဇာကင်းလွတ်ခွင့် (Visa-Free) အစီအစဉ်ကို ပြန်လည်သုံးသပ်နေပြီး နိုင်ငံအားလုံးကို အစုလိုက်ခွင့်ပြုထားရာမှ နိုင်ငံအလိုက် စိစစ်ခွင့်ပြုသည့်စနစ်သို့ ပြန်လည်ပြောင်းလဲရန် စီစဉ်နေသည်။

ခရီးသွားလုပ်ငန်းနှင့် အားကစားဝန်ကြီးဌာန၏ အဆိုအရ ယခုကဲ့သို့ ဗီဇာမူဝါဒ ပြောင်းလဲရခြင်းမှာ မလိုလားအပ်သည့် ဧည့်သည်များကို ပိုမိုထိရောက်စွာ စိစစ်နိုင်ရန်နှင့် နိုင်ငံစီးပွားရေးအတွက် အကျိုးဖြစ်ထွန်းစေမည့် အရည်အသွေးမြင့် ခရီးသွားများကိုသာ အဓိကထား ဆွဲဆောင်ရန်ဖြစ်ကြောင်း သိရသည်။

ကောက်ယူရရှိသည့် အချက်အလက်များအရ ခရီးသွား ၉၀ ရာခိုင်နှုန်းခန့်သည် ရက်ပေါင်း ၃၀ ထက်ပို၍ နေထိုင်လေ့မရှိခြင်းကြောင့် လက်ရှိရက် ၆၀ ခွင့်ပြုချက်မှာ လက်တွေ့ခရီးသွားဟန်ချက်နှင့် ကိုက်ညီမှုမရှိကြောင်း ဝန်ကြီးဌာနက သုံးသပ်ထားသည်။ သို့ဖြစ်ရာ ရက်ရှည်နေထိုင်လိုသူများအနေဖြင့် ရက်ပေါင်း ၁၈၀ အထိ နေထိုင်ခွင့်ရှိသည့် Destination Thailand Visa (DTV) ကဲ့သို့သော အခြားဗီဇာအမျိုးအစားများကို အစားထိုးအသုံးပြုရမည်ဖြစ်သည်။

ထို့ပြင် အစိုးရအနေဖြင့် ဗီဇာစည်းမျဉ်းများ ပြင်ဆင်ရုံသာမက ပြည်တွင်းခရီးသွားကဏ္ဍ မြှင့်တင်ရန်အတွက် အခွန်လျှော့ပေါ့ပေးခြင်းနှင့် ကုန်ကျစရိတ်သက်သာစေမည့် အထူးအစီအစဉ်များကိုလည်း ဆက်လက်လုပ်ဆောင်သွားမည်ဖြစ်ကြောင်း သိရသည်။

Source; Nation Thailand

18/04/2026

ထိုင်းမှာ Melioidosis ရောဂါကြောင့် ၂၃ ဦး ‌သေဆုံးခဲ့ပြီး မြေကြီးနဲ့ ရေကို တိုက်ရိုက်ထိတွေ့တာမျိုး ရှောင်ကြဉ်ဖို့ အစိုးရက သတိပေး..

၂၀၂၆ ခုနှစ်၊ ဧပြီလ ၁၈ ရက်နေ့မှာ ထိုင်းအစိုးရက "မီလီယွိုက်ဒိုးဆစ်" (Melioidosis) ဒါမှမဟုတ် "မြေဆီလွှာမှတစ်ဆင့် ကူးစက်တတ်သောရောဂါ" နဲ့ ပတ်သက်ပြီး သတိပေးလိုက်ပါတယ်။

ဒီနှစ် ဇန်နဝါရီလ ၁ ရက်နေ့ကနေ ဧပြီလ ၁၆ ရက်နေ့အထိ တစ်နိုင်ငံလုံးမှာ ရောဂါကူးစက်ခံရသူ ၇၃၂ ဦး ရှိနေပြီး အဲဒီထဲက ၂၃ ဦး ‌ေ-သဆုံးခဲ့တယ်လို့ အစိုးရဒုတိယပြောရေးဆိုခွင့်ရှိသူက ပြောပါတယ်။ ခွန်ကန် (Khon Kaen) အပါအဝင် ကျန်းမာရေးဇုန် ၇ မှာတင် ကူးစက်သူ ၆၈ ဦးရှိပြီး အသက် ၅၀ နဲ့အထက် လူကြီးတွေမှာ အဖြစ်များနေတာ ဖြစ်ပါတယ်။

🔶ကူးစက်ပုံနဲ့ ရောဂါလက္ခဏာ
မြေကြီးနဲ့ ရေထဲမှာရှိတဲ့ Burkholderia pseudomallei ဘက်တီးရီးယားပိုးကြောင့် ဖြစ်ပွားတာဖြစ်ပြီး အရေပြားက အနာတွေကတစ်ဆင့် ထိတွေ့မိတာ၊ ဖုန်မှုန့်နဲ့ ရေမှုန်တွေကို ရှူမိတာ ဒါမှမဟုတ် ရောဂါပိုးရှိတဲ့ အစားအစာနဲ့ ရေကို သောက်မိရာကနေ ကူးစက်နိုင်ပါတယ်။ အဓိက လက္ခဏာတွေကတော့ ရုတ်တရက် အဖျားတက်တာ၊ ခေါင်းကိုက်တာ၊ ကြွက်သားနာကျင်တာနဲ့ အသက်ရှူလမ်းကြောင်းဆိုင်ရာ ပြဿနာတွေ ခံစားရတတ်ပါတယ်။

🔶 အန္တရာယ်ရှိနိုင်ခြေရှိသူများ
ဆီးချို၊ ကျောက်ကပ်၊ အသည်းနဲ့ အဆုတ်ရောဂါ အခံရှိသူတွေ၊ ခုခံအားနည်းသူတွေမှာ ရောဂါပြင်းထန်တတ်ပြီး ပိုးက သွေးထဲရောက်သွားရင် အသက်အန္တရာယ်အထိ စိုးရိမ်ရပါတယ်။ အထူးသဖြင့် မြေကြီးနဲ့ ရေကို အမြဲထိတွေ့နေရတဲ့ လယ်သမားတွေနဲ့ စိုက်ပျိုးရေးလုပ်သားတွေဟာ အန္တရာယ်အရှိဆုံး အုပ်စုထဲမှာ ပါဝင်ပါတယ်။

🔶 ကာကွယ်ရေးနဲ့ ကုသရေး
လက်ရှိမှာ ကာကွယ်ဆေး မရှိသေးတာကြောင့် မြေကြီးနဲ့ ရေကို တိုက်ရိုက်ထိတွေ့တာမျိုး ရှောင်ကြဉ်ကြဖို့၊ မဖြစ်မနေ ထိတွေ့ရမယ်ဆိုရင် လည်ရှည်ဖိနပ် (Boots) နဲ့ လက်အိတ်တွေ ဝတ်ဆင်ကြဖို့ အစိုးရက တိုက်တွန်းထားပါတယ်။ ရောဂါကို စောစောစီးစီး သိရှိရင် ကုသလို့ရတာကြောင့် အဖျား ၂ ရက်ထက်ပိုပြီး ရှိနေရင် ဒါမှမဟုတ် အသက်ရှူရခက်ခဲလာရင် ဆေးရုံ၊ ဆေးခန်းကို အမြန်ဆုံး သွားရောက်ပြသကြဖို့ သတိပေးထားပါတယ်။

Ref : Khaosod

02/04/2026

ထိုင်းနိုင်ငံ ဒစ်ဂျစ်တယ်စီးပွားရေးနှင့် လူမှုရေးဝန်ကြီးဌာန (DE Ministry) မှ ၂၀၂၆ ခုနှစ် ဧပြီလအစောပိုင်းတွင် အပူအညွှန်းကိန်း (Heat Index) မှာ ၆၀ ဒီဂရီစင်တီဂရိတ် အထိ မြင့်တက်လာနိုင်သည်ဟူသော သတင်းများမှာ မှန်ကန်ကြောင်း ထိုင်းမိုးလေဝသဌာန၏ ထုတ်ပြန်ချက်ကို ကိုးကား၍ အတည်ပြုပြောကြားလိုက်ပြီး ပြည်သူများအနေဖြင့် အပူဒဏ်ဘေးကင်းရေး လမ်းညွှန်ချက်များကို လိုက်နာကြရန် တိုက်တွန်းထားသည်။

အပူချိန်အညွှန်းကိန်းဆိုသည်မှာ သာမန်တိုင်းတာရရှိသည့် လေထုအပူချိန်ထက် လူ့ခန္ဓာကိုယ်က အမှန်တကယ် ခံစားရသည့် အပူရှိန်ကို ဆိုလိုခြင်းဖြစ်ကြောင်း ဝန်ကြီးဌာနက ရှင်းလင်းပြောကြားသည်။ ၎င်းကို လေထုအပူချိန်နှင့် စိုထိုင်းဆတို့အပေါ် မူတည်၍ တွက်ချက်ခြင်းဖြစ်ပြီး အပူကြောင့်ဖြစ်ပွားနိုင်သော ကျန်းမာရေးအန္တရာယ်များကို အပူချိန်တစ်ခုတည်းထက် ပိုမိုတိကျစွာ ဖော်ပြပေးနိုင်သည်။ လေထုစိုထိုင်းဆ ပိုမြင့်လေ ပို၍ပူပြင်းပြီး နေရထိုင်ရ ပိုမိုခက်ခဲလေဖြစ်သည်။

ဝန်ကြီးဌာနအနေဖြင့် မြင့်မားသောအပူချိန်အညွှန်းကိန်းသည် အများပြည်သူ၊ အထူးသဖြင့် သက်ကြီးရွယ်အိုများ၊ ကလေးငယ်များ၊ ကိုယ်ဝန်ဆောင်မိခင်များ၊ နာတာရှည်ရောဂါရှိသူများ၊ အပြင်ဘက်တွင် အလုပ်လုပ်ကိုင်သူများ၊ အဝလွန်သူများ၊ စိတ်ကျန်းမာရေးလူနာများနှင့် အရက်စွဲရောဂါရှိသူများကဲ့သို့သော ထိခိုက်လွယ်သည့် အုပ်စုများကို သက်ရောက်မှုရှိနိုင်ကြောင်း သတိပေးထားသည်။ ထို့ကြောင့် အောက်ပါ ကျန်းမာရေးကြိုတင်ကာကွယ်မှုများကို ပုံမှန်ပြုလုပ်ရန် တိုက်တွန်းထားသည် -

- မိုးလေဝသခန့်မှန်းချက်များနှင့် အပူအညွှန်းကိန်း သတင်းအချက်အလက်များကို စောင့်ကြည့်ရန်နှင့် အလွန်အမင်း ပူပြင်းသည့်အချိန်များ (အထူးသဖြင့် မွန်းလွဲ ၁:၀၀ နာရီမှ ညနေ ၄:၀၀ နာရီအတွင်း) အပြင်ဘက်သွားလာခြင်းကို ရှောင်ကြဉ်ရန်။

- ရေဆာသည်အထိ မစောင့်ဘဲ တစ်နေ့လျှင် အနည်းဆုံး ရေ ၆ ခွက်မှ ၈ ခွက်အထိ သောက်ရန်။

- အရက်သေစာနှင့် သကြားဓာတ်များသော အချိုရည်များ၊ ဂက်စ်ပါသော အအေးများကို ရှောင်ကြဉ်ရန်။

- လေဝင်လေထွက်ကောင်းသော အဝတ်အထည်များကို ဝတ်ဆင်ရန်၊ အပြင်ထွက်ပါက ဦးထုပ်ဆောင်းခြင်း သို့မဟုတ် ထီးအသုံးပြုခြင်းဖြင့် နေရောင်ခြည်ကို ကာကွယ်ရန်။

- သွေးတိုးကျဆေး၊ အအေးမိနှာပိတ်ပျောက်ဆေး၊ ဆီးဆေး သို့မဟုတ် စိတ်ကျန်းမာရေးဆိုင်ရာ ဆေးဝါးများ သောက်သုံးနေရသူများသည် မိမိတို့၏ ရောဂါလက္ခဏာများကို ဂရုတစိုက်စောင့်ကြည့်ရန် (အချို့သောဆေးဝါးများသည် ခန္ဓာကိုယ်၏ အပူချိန်ထိန်းညှိမှုကို ထိခိုက်စေနိုင်သောကြောင့် ဖြစ်သည်)။

- အပြင်ဘက်တွင် အလုပ်လုပ်သူများ သို့မဟုတ် ကိုယ်လက်လှုပ်ရှားမှု ပြုလုပ်သူများအနေဖြင့် ပုံမှန်မဟုတ်သော လက္ခဏာများရှိပါက အပြန်အလှန် ကူညီပေးနိုင်ရန် အစုအဖွဲ့လိုက် ဆောင်ရွက်ကြရန်။

- သက်ကြီးရွယ်အိုများအနေဖြင့် ရေခဏခဏသောက်ရန်၊ အနားယူရန်၊ လေဝင်လေထွက်ကောင်းသော နေရာတွင်နေထိုင်ရန်နှင့် အလွန်ပူပြင်းသည့်အချိန်များတွင် အပြင်ထွက်ခြင်းကို ရှောင်ကြဉ်ရန်။

Credit: The Nation News

27/03/2026

Matu Community Bangkokကို ထိုင်းနိုင်ငံ၏ တရားဝင် အသင်းအဖွဲ့ အဖြစ် မှတ်ပုံတင်ခြင်းလုပ်ငန်း စတင်တော့မှာဖြစ်တဲ့ အတွက် အလှူငွေအားဖြင့် သော်လည်းကောင်း၊ အကြံညဏ်အားဖြင့် သော်လည်းကောင်း ပါဝင်ပေးပါရန် အကြောင်းကြား မေတ္တာရပ်ခံအပ်ပါတယ်..

Matu Community Bangkok ရဲ့ ဖွဲ့စည်းပုံကိုလည်း အများပြည်သူများ လေ့လာ ဖတ်ရှုနိုင်ရန် English မြန်မာ ဘာသာ နှစ်မျိုးနှင့် တင်ပေးလိုက်ပါတယ်..

26/03/2026

📍 ထိုင်းနိုင်ငံတွင် ယာဉ်စည်းကမ်းတင်းကြပ်စွာ ကျင့်သုံးမည်

လာမဲ့ ဧပြီလ ၁ ရက်နေ့ ၂၀၂၆ ကစပြီး ထိုင်းနိုင်ငံတွင် ယာဉ်စည်းကမ်းကို ထိုင်းအစိုးရက တင်းကြပ်စွာ အကောင်အထည်ဖော် ကျင့်သုံးတော့မှာ ဖြစ်ပါတယ်။

ဒီလို စည်းကမ်း တင်းကြပ်ရသည့် ရည်ရွယ်ချက်ကတော့ ခရီးသွားမှုနှုန်း မြင့်မားတဲ့ ရာသီမှာ သေဆုံးမှု ဖြစ်စေနိုင်သော ယာဉ်မတော်တဆမှုများ လျှော့ချဖို့ ဖြစ်ပါတယ်။

လက်ရှိ ကျင့်သုံးနေတဲ့ သတိပေးကာလကတော့ မတ်လ ၃၁ ရက်နေ့မှာ သက်သမ်း ကုန်မှာ ဖြစ်ပြီးတော့ ဒီကာလကို ဇန်နဝါရီလက စတင်ခဲ့တာ ဖြစ်ပါတယ်။ ဒီသုံးလတာအတွင်း ကား၊ ဆိုင်ကယ်မောင်းသူများ ယာဉ်စည်းကမ်းများကို ပိုမိုနားလည်စေရန် သတိပေးကာလအဖြစ် သတ်မှတ်ပြီး သတိပေးစာ ပေါင်း ၁၉၆၀၀၀ အထိ ပေးခဲ့ပါတယ်။

ဒါပေမဲ့ လာမဲ့ ဧပြီလကစပြီး ယာဉ်စည်းကမ်းများကို တင်းကြပ်စွာ ကျင့်သုံးတော့မှာ ဖြစ်ပြီး၊ အဲထဲမှာ သတ်မှတ်နှုန်းထားထက် မောင်းနှင်ခြင်း၊ အရက်မူးရင်း မောင်းနှင်ခြင်းနှင့် အန္တရာယ်ရှိသော လမ်းကြောင်း ပြောင်းခြင်းတို့ ပါဝင်ပါတယ်။

ထိုင်းနိုင်ငံမှာ ခရီးသွားမှုမြင့်မားတဲ့ ရာသီ သင်္ကြန်ရာသီတွင်၊ ပြီးခဲ့တဲ့ နှစ်က မတော်တဆမှုပေါင်း ၁၅၀၀ ကျော် ဖြစ်ပွားခဲ့ပြီး သေဆုံးမှု ၂၇၂ ဦးအထိ ရှိခဲ့ပါတယ်။

Like & Share #ထိုင်း #ယာဉ်စည်းကမ်း #ဘန်ကောက်

Matu Community Bangkok

23/05/2026

19/05/2026

13/05/2026

04/05/2026

29/04/2026

27/04/2026

23/04/2026

18/04/2026

02/04/2026

27/03/2026

26/03/2026

ที่อยู่

เว็บไซต์

แจ้งเตือน

ทางลัด

แชร์

ประเภท