ထိုင်းရောက်ကရင်နီလူငယ်များစုံစည်းရန်

27/01/2026

ထိုင်းနိုင်ငံမှာ မြန်မာအလုပ်သမားတွေကို
“ဂရုစိုက်စရာ မလိုဘူး” လို့ နာမည်ကြီး ချန်နယ်တစ်ခုမှာ ဗျူးဖြေရင်း ပြောတဲ့နုတ်ခမ်းမွေး

အခုရက်ပိုင်း လူမှုကွန်ရက်တစ်လျှောက် ဆူညံသွားစေခဲ့ပါတယ်။
ကိုယ့်နိုင်ငံသား၊ ကိုယ့်လူမျိုးအချင်းချင်းဆိုရင်
အခက်အခဲကြုံလာတဲ့အချိန်မှာ
ဖေးမကူညီရမယ်၊ လက်တွဲရမယ်ဆိုတာကို
မြန်မာလူမျိုးအများစု လက်ခံထားပြီးသားပါ။
ဒါပေမဲ့ ထိုင်းရောက် မြန်မာတွေကို
“နိုင်ငံသား” လို့မခေါ်ဘဲ “အလုပ်သမား” လို့သာ ခွဲခြားသုံးနှုန်းပြီး
ဂရုစိုက်စရာ မလိုဘူးဆိုတဲ့ စကားတစ်ခွန်းက
လူတော်တော်များများရဲ့ နှလုံးသားကို ထိခိုက်သွားစေခဲ့ပါတယ်။
အလုပ်သမားတွေဟာ နေ့စဉ်ဘဝမှာ
ဥပဒေရေးရာဖိအားတွေ၊ လူမှုရေးခွဲခြားဆက်ဆံမှုတွေ၊
အလုပ်ရှင်ဘက်က အ_နိုင်_ကျင့်_မှုတွေကို
တိတ်တိတ်လေး ခံနေရသူတွေပါ။
အဲဒီလို အခြေအနေထဲမှာ
“ဂရုစိုက်စရာ မလိုဘူး” ဆိုတဲ့ စကားက
အားမပေးနိုင်ရင် နောက်ထပ် ထိုးနှက်လိုက်သလို ဖြစ်သွားပါတယ်။
နှုတ်ခမ်းမွှေးရဲ့ ပြောဆိုချက်ထဲမှာ
“ကိုယ့်အားကိုယ်ကိုးရမယ်” ဆိုတဲ့ အဓိပ္ပါယ် ပါချင်ပါမယ်။
ဒါပေမဲ့ သုံးသွားတဲ့ စကားလုံးတွေကတော့
ကြိုက်ရင်နေ၊ မကြိုက်ရင် ပြန်ကြ
ကိုယ့်ဘဝကို ကိုယ်သာ တာဝန်ယူ
ဆိုတဲ့ သဘောကို ပိုပြီး ထင်ရှားစေခဲ့ပါတယ်။
ဒီကိစ္စနဲ့ပတ်သက်ပြီး
ထိုင်းရောက် မြန်မာ အလုပ်သမားတွေကြား၊
ပြည်တွင်းမှာရှိတဲ့ ပြည်သူတွေကြားမှာပါ
အမြင်ကွဲပြားမှုတွေ ထွက်ပေါ်လာပါတယ်။
တချို့က လက်တွေ့ကျတဲ့ စကားလို့ ပြောကြပေမယ့်
အများစုကတော့
ကိုယ့်လူမျိုးအပေါ် စာနာမှုကင်းမဲ့မှု
အချင်းချင်းကိုယ်တိုင် အားနည်းစေတဲ့ စကား
လို့ ပြင်းပြင်းထန်ထန် ကန့်ကွက်နေကြပါတယ်။
အလုပ်သမားအခွင့်အရေးကို ကာကွယ်သူတွေကတော့
ဒီလို ပြောဆိုမှုတွေဟာ
အာဏာပိုင်တွေ၊ အလုပ်ရှင်တွေဘက်က
အလုပ်သမားတွေကို ပိုပြီး ဖိနှိပ်နိုင်အောင်
လမ်းဖွင့်ပေးသလို ဖြစ်သွားနိုင်တယ်လို့ စိုးရိမ်နေကြပါတယ်။
တကယ်တော့
ဘယ်နိုင်ငံမှာပဲ ရောက်နေပါစေ
အထူးသဖြင့် ပြည်ပမှာ အသက်ရှင်ဖို့ ရုန်းကန်နေရတဲ့ အချိန်မျိုးမှာ
အချင်းချင်းကို ဂရုစိုက်ခြင်း၊ စည်းလုံးခြင်းက
မြန်မာတွေအတွက် အားအရှိဆုံး လက်နက်ပါ။
ဒီစကားတွေက
နောက်ထပ် ဘယ်လောက်အထိ ဂယက်ရိုက်သွားမလဲ၊
ရှင်းလင်းချက်တွေ ထပ်ထွက်လာဦးမလားဆိုတာက
စောင့်ကြည့်ရမယ့် အချက်ပါပဲ။
ဒါပေမဲ့ တစ်ခုတော့ သေချာပါတယ်
မြန်မာ အလုပ်သမားတွေရဲ့ လုံခြုံမှုနဲ့ ဂုဏ်သိက္ခာအတွက်
အချင်းချင်း ဖေးမကူညီဖို့က
ဘယ်တော့မှ မလိုအပ်တော့တဲ့ ကိစ္စ မဟုတ်ပါဘူး။

27/01/2026

မြန်မာဘက်ပစ်လိုက်သောကျည် ထိုင်းဘက်ခြမ်းကျ၍ နေအိမ်တစ်လုံးထိမှန်ပျက်စီး

ဇန်နဝါရီ ၂၆ ရက်၊ ၂၀၂၆ ခုနှစ်။

ကရင်ပြည်နယ်၊ မြဝတီမြို့တောင်ပိုင်း၊ မင်းလက်ပံကျေးရွာတွင် ယနေ့၊ ဇန်နဝါရီ(၂၆)ရက်နေ့က မြန်မာဘက် ခြမ်းမှပစ်ခတ်သည့် ကျည်ဆန်အချို့ တစ်ဖက်ကမ်းထိုင်းနိုင်ငံ၊ မယ့်ကိုကင်းကျေးရွာတစ်ဝိုက်သို့ ကျရောက်ထိမှန် သောကြောင့် နေအိမ်တစ်လုံး ပျက်စီးမှုအနည်းငယ်ရှိခဲ့ကြောင်း နယ်စပ်သတင်း အရင်းအမြစ်များမှ သိရသည်။

ယနေ့ မနက်ပိုင်းတွင် ကရင်အမျိုးသားလွတ်မြောက်ရေးတပ်မတော်-KNLA ပူးပေါင်းတပ်အထိုင်ချစခန်းကို စစ်အုပ်စုခြေမြန်တပ်မ(၂၂)လက်အောက်ခံတပ်များက သိမ်းပိုက်ရန်ကြိုးပမ်းချက်ကြောင့် အပြန်အလှန် ပစ်ခတ်မှုဖြစ်ပွားခဲ့သည်ဟု ထိုင်းသတင်းဌာနက ဖော်ပြသည်။ တိုက်ပွဲအတွင်း စစ်အုပ်စုဘက်က ဒရုန်းဗုံးချ တိုက်ခိုက်ခြင်းနှင့် အသေခံဒရုန်း(ကာမီကာဇေ)များဖြင့်ပါ ပစ်လွှတ်တိုက်ခိုက်ခဲ့သည်ဟု နယ်စပ်နေဒေသခံနှင့်ထိုင်းမီဒီယာများက ဆိုသည်။

မြန်မာဘက်မှပစ်လွှတ်လိုက်သော ကျည်ဆန်အချို့မှာ ထိုင်းနိုင်ငံ၊ မဲဆောက်မြို့နယ်၊ မယ့်ကို ကင်းကျေးရွာ တစ်ဝိုက်ကိုကျရောက်ခဲ့ခြင်းဖြစ်ပြီး ထိုင်းနိုင်ငံသားပိုင်နေအိမ်တစ်လုံး အနည်းငယ်ပျက်စီးမှုမှလွဲ၍ ဒဏ်ရာရသူ မရှိကြောင်း သိရသည်။

“မနေ့ညနေ နေဝင်မိုးချုပ်ကတည်းက ည ၁၀ နာရီလောက်အထိ အလုံးကြီးသံတွေကြားနေရတာ အိမ်ပါတုန် တယ်။ ပြီးတော့တစ်ညလုံးငြိမ်သွားပြီး ဒီမနက်ကျတစ်ခါထပ်ဖြစ်ကြပြန်ရော။ ထိုင်းဘက်ကျည်ရောက်တာတော့ ဟုတ်တယ် ဘယ်နားကျလဲအတိအကျတော့မသိဘူး၊ ဒီအနီးအနားမယ့်ကိုကင်းတစ်ဝိုက်ပဲ” ဟု မယ့်ကိုကင်းဘက်ခြမ်းသို့ စစ်ရှောင်လာသူ မင်းလက်ပံရွာသား အမျိုးသားက ပြောသည်။

မြန်မာဘက်ခြမ်းတွင် တိုက်ပွဲသံပြင်းထန်နေပြီး ထိုင်းနိုင်ငံဘက်ကျည်ကျော် ဝင်ရောက်လာခြင်းကြောင့်ပါ မြဝတီတောင်ပိုင်း၊ သောင်ရင်းမြစ်ကမ်းနားသို့ ထိုင်းအာဏာပိုင်များက လုံခြုံရေးအခြေအနေကို လာရောက်စောင့်ကြည့်နေသည်ဟုလည်း နယ်စပ်အနီးနေထိုင်သူအချို့က ဆိုသည်။

လေးကေကော်ဒေသ၊ မင်းလက်ပံကျေးရွာတစ်ဝိုက်တွင် ပြီးခဲ့သည့် ၂၀၂၅ ခုနှစ်၊ အောက်တိုဘာလကတည်းက စစ်အုပ်စုနှင့်နှစ်ဖက်ပဋိပက္ခအပြင် ငွေလိမ်ခြံဝန်းကိစ္စများနှင့်ဆက်စပ်ပြီး စစ်အုပ်စုကဗုံးကြဲတိုက်ခိုက်ခြင်း၊ လက်နက်ကြီးပစ်ခတ်ခြင်းတို့ကြောင့် ဒေသခံများယခုအချိန်ထိ စစ်ရှောင်နေရသည်။

ပြီးခဲ့သည့်နှစ် နိုဝင်ဘာလကလည်း အလားတူ မြန်မာ စစ်အုပ်စုဘက်မှပစ်ခတ်သည့်လက်နက်ကြီး၊ ထိုင်းနိုင်ငံ၊ မယ့်ကိုကင်းကျေးရွာသို့ကျရောက်ပြီး အရပ်သားထိခိုက်ဒဏ်ရာရမှုဖြစ်ပွားခဲ့သေးသည်။

Photo credit- เอก เกียรติศักดิ์ แม่สอด.

27/01/2026

27/01/2026

ထိုင်းအမျိုးသားလွှတ်တော်အမတ်နှင့် လူ့အခွင့်အရေးလှုပ်ရှားသူ တစ်ဦးဖြစ်တဲ့ Tisana Choonhavan က ထိုင်းနဲ့မြန်မာ ရွှေ့ပြောင်းလုပ်သားတွေကြား တင်းမာမှုတွေကို ပြောပြသွားတာကတော့..

ဒီလို မကျေနပ်မှု၊ တင်းမာမှုတွေက ထိုင်းနိုင်ငံတစ်ဝန်းလုံးမှာ ရှိနေတာမဟုတ်ဘဲ ဆင်းရဲတဲံ လူမှုအသိုင်းအဝိုင်းတွေမှာ အဓိက ဖြစ်နေတာလို့ ပြောကြားခဲ့ပါတယ်။

ထိုင်းနိုင်ငံသားတွေအနေနဲ့ နေ့စဉ်ဘဝကလည်း ခက်ခဲကြပ်တည်းနေချိန်မှာ အိမ်နီးချင်းရွှေ့ပြောင်းလုပ်သားတွေနဲ့ ဝင်ငွေနည်းတဲ့ အလုပ်တွေကို ပြိုင်လုပ်နေရတာတွေကြောင့် ပိုပြီးအာရုံစိုက်မိကာ မကျေနပ်မှုတွေ စုမိနေကြတာ ဖြစ်တယ်လို့ ထောက်ပြခဲ့ပါတယ်။

အရေးကြီးဆုံးတစ်ချက်ကတော့ မြန်မာလုပ်သားတွေဟာ ထိုင်းနိုင်ငံအတွက် ဝန်ထုတ်ဝန်ပိုးတွေ မဟုတ်ကြပါဘူး လို့ ပြောကြာခဲ့ပါတယ်။

သူမနေနဲ့ ယခင်ကလည်း -

ထိုင်းနိုင်ငံရဲ့ ကွန်ဒိုဝယ်ယူမှုမှာ မြန်မာတွေက ဒုတိယအများဆုံး ဝယ်ယူကြသူတွေ ဖြစ်ကြောင်း

ထိုင်းနိုင်ရဲ့ စီးပွားရေးလုပ်ငန်းတွေမှာလည်း အောင်မြင်နေသူများ များကြောင်းနဲ့

လုပ်သားအနေနဲ့လည်း မြန်မာလုပ်သားတွေက အရေးပါတဲ့နေရာတွေမှာ ပါဝင်လုပ်ကိုင်အကျိုးပြုနေကြသူတွေဖြစ်ကြောင်း ပြောကြားခဲ့ဖူးပါတယ်။

ကိုယ့်ဖက်က ရပ်တည်ပေးသူတွေ မျက်နှာမပျက်ရအောင် စည်းကမ်းတကျ နေကြပါစို့..

28/10/2025

ပြန်တွေးကြည့် ��

28/10/2025

25/10/2025

ထိုင်းနယ်စပ်အနီး KK Park ဧရိယာတွင် နောက်ထပ်ပေါက်ကွဲမှုတစ်ခု ဖြစ်ပွားခဲ့သော်လည်း ထိုင်းနိုင်ငံကို ထိခိုက်မှုမရှိပါ။ သို့သော် နိုင်ငံခြားသားများသည် ထိုင်းနိုင်ငံသို့ တရားမဝင်ဝင်ရောက်နေဆဲဖြစ်သည်။ အရေအတွက် လျော့ကျသွားသော်လည်း အများအပြားသည် မြန်မာနိုင်ငံတွင် ဆက်လက်ရှိနေဦးမည်ဟု မျှော်လင့်ရသည်။

10/05/2025

🥲

21/04/2025

20/04/2025

19/04/2025