02/04/2026
သွေးအေးလာတယ်လည်း
ပြောလို့ မရသလို
ရိုးသွားတာလည်း
ဆိုလို့ မဖြစ်သေးဘူး
အမြင်နဲ့ အထင်ကို
နှိုင်းဆကြည့်ရင်
ပန်းနေပြီလို့တော့ ကောက်ချက်ချလို့ရတယ်
လက်ပန်းကျတာထက်
စိတ်ပန်းကျတာက
ပိုနွမ်းပါတယ်
တချို့တွေကတော့
ကမ္ဘာမီးလောင်
သားကောင်ချနင်းကောင်းတုန်း
တချို့တွေကျလည်း
ငပိသည်ကအိပ်
ဆားသည်က ခွေးမောင်းနေရတုန်း
တချို့တွေကျတော့
မပဋာလက်သစ်လေးတွေ
တနယ်တမျိုးမရိုးရအောင်
သောကတွေ ဖြာနေရတုန်း
ပညာရေးစကားနဲ့ ပြောရရင်
မိဘဆရာကျောင်းသား ပူးပေါင်းမှ
အောင်မြင်မှု့ ရသလို
NUG,PDF,ပြည်သူတွေ
စည်းလုံးညီညွတ်ပြီး ဖြေရှင်းမှ
လိုချင်တာက ရမှာ ဖြစ်ပါတယ်
မဟုတ်ရင်
ဘုန်းကြီးရူးနဲ့ လှေလူးလို
ချာလပတ်လည်ရင်း
နောက်ဆုံး ဆုံးဆုံးနစ်ရချည်ရဲ့
အဆိုးဆုံးက
ဘီလူးတွေ နှိမ်နင်းရအောင်
ယက္ခဆေးတွေ ပေါက်ပေးမိမှ
အာဠာဝက ဖြစ်လာသူတွေပဲ
အသိသတိအမြဲရှိရတယ်
ထိုက်တာထက်
လိုချင်တာများလာရင်တော့
အာဏာက မျက်စိဖုံးလာတတ်တယ်
လူကြီးမင်းများခင်မျ
ကိုယ့်ရင်ခုန်သံ
ကိုယ်နားထောင်ရဲဖို့ဆိုရင်
စာရိတ္တသတ္တိ ရှိဖို့လိုပါတယ် ။ ။
#ခွန်ဟိဏ်း( ရေစကြို )
Nway Oo Thanzin
