13/09/2024
بلشت المدرسة وبلشنا نشوف ظاهرة جديدة والي هي اللانش بوكس
"أنا معلمة وعم شوف طلاب بجيبوا معهم لانش بوكس أنا الكبيرة بشتهي اللي فيه، كيف الطفل اللي جالس جنب ابنك !!!!
بالله عليكِ خلي لانش بوكس ابنك متواضع كلهم ٥ ساعات اللي بغيب فيهم سندويشة بسيطة وعلبة عصير بتكفي
ما في داعي للفواكه والخضار اللي مش كل الطلاب أهاليهم بقدروا يشترولهم.
ابنك بس يرجع من المدرسة طعميه كل شي بتتمنيه
لا تزرعي الحسرة والقهر في قلب طفل كل ذنبه إنه أهله فقراء وطلع بصف ابنك
منه لله اللي اخترع اللانش بوكس
تربينا ع سندويشة الزعتر اللي بالكيس الشفاف ويا محلى أيامنا وطلعنا ما شاء الله علينا لا صابنا فقر دم ولا موتنا من الجوع
لأني معلمة وبشوف عيون الطلاب كلهم على لانش بوكس طلاب معينين بنقهر على طلابي من كل أم ما بتحس إلا بإبنها
قبل ما يطلع من عندك أو بس يرجعلك طعميه الفراولة والمانجا والموز والكيوي والبرغر والتوست والنوتيلا لأنه في طلاب بس بشوفوهم بلانش ابنك ما بشوفهم بثلاجة بيتهم"...
★★★*منقووول عن أحد المعلمات*
