28/07/2026
بين القاعة وهدوء الحديقة، مشينا مشوار على مدى جلستين ضمن برنامج "صوت المواطن" بالشراكة مع Bond, لنبحث بجذور ضعف العمل الجماعي بمدينتنا، ونفهم ليش طاقتنا أحياناً عم تضيع وما عم توصل لنتائج حقيقية. انطلقنا من تحليل العوائق اللي بتواجه فُرقنا، واكتشفنا إنه الوجع الأساسي هو سوء استغلال وتوظيف العمل التطوعي يلي عم يخلي الشباب يفقدوا شغفهم ويحسوا حالهم مجرد أدوات لتنفيذ مهام خدمية منها لمجالس بلدية بعيدة عن توجهاتهم و بشكل استنزافي.
حكينا بكل صراحة عن الخيط الرفيع بين العطاء الصادق وبين استنزاف طاقات الأفراد تحت مسميات عاطفية متل نحن عيلة و غيرك عم يحلم يكون مكانك، وكيف هي الوعود والأحلام الكاذبة والضغط النفسي والمادي عم يخلوا الفِرق تموت ع البطيء وتخسر كفاءاتها لمجرد إنه عم يتم تجميل الصورة من برا و للممولين، بينما الأفراد عم يدبلوا من جوا.
بقعداتنا أدركنا إنه قوتنا بتبدأ لما نعرف قيمة تعبنا ونحمي كرامتنا المهنية، وإنَّنا نبطل نقبل نكون عمالة مجانية ونبلش نطالب بأبسط حقوقنا مثل بدل المواصلات والتقدير الحقيقي؛ هدول هنون الجسر الوحيد لحتى نبني بيئة تطوعية صحية بتحترم الإنسان وبتعطيه مساحة حقيقية للنمو.
ً_التطوعي
#سوريا #دريكيش
