حالة الطقس في حلب لحظة بلحظة

Directions

حالة الطقس في حلب لحظة بلحظة لست الصفحه الوحيده في الطقس لكنني الأصدق 😌

10/09/2026

اعلن وبشكل #رسمي انتهاء موجات الحر بشكل كامل وفصل الصيف لأول مره منذ سنوات طويله يودعنا فصل الصيف بشكل مبكر 😍

#للتوضيح طبعا الجو رح يكون شوب بس مو متل قبل ومارح تتجاوز الحرارة ال 31د والجو رح يكون مقبول وشوي شوي حتى ندخل بفصل الخريف انشالله ❤️

05/09/2026

بكره الأحد طقسنا ظريف وهويات حلوه وإذا إذا توفرت رطوبه رح ينزل مطر غير شكل وإذا لا منكون كسبنا شوفة الغيوم والنسمات المنعشه بدون مطر 🌦🌤🌪

اما باقي الايام بكره بنزل نشره لانو والله انا برا البيت حاليا ومشغول وماعندي وقت حقكن علي ❤️🙏🏻

03/09/2026

بتعرفوا متل هل ايام بشهر 9 من السنه الماضيه كنا عم نتاثر بموجات حر متواصله وطويله والحراره وقتها وصلت لل 47د بنص مدينة حلب !!! وهي السنه كلا ما تاثرنا غير بموجتين حر فقط وكانو سريعين وماوصلت الحرارة فوق 41د ونزل مطر واجواء حلوه كانت والحمدلله ❤️

اييي ايااام ... ع كلااا برجع بعيد كلامي الصيف عم يضب غراضو وبدو يودعنا بس يلاقي حجز بأقرب طياره رح يحل عنا انشالله 😂❤️

31/08/2026

جماعه الصيف بدي صالحكن وخبركن رح ترجع الأجواء الصيفيه من يوم الاربعا انشالله وهاد الشي خبرتكن عليه من قبل ... بس طبعا الحراره رح تكون صيفيه اعتياديه متل هل الوقت وهنن كم يوم اصلا ❤️

اما حبايب قلبي جماعه الشتا تعو وشوشكن اش ناطرن لجماعة الصيف بالشتويه بس مابدي احكي هون مشان ما يزعلوا مني جماعة الصيف لاني بحبن ومابدي اكسر خاطرن وفرحتن 🥺

30/08/2026

الطقس فجأه صار حلو ونزل مطر مع نسمات بارده بترد الروح ❤️

واغلبكن فرح وتعدل مزاجو وتحسنت اخلاقو من شغله بسيطه كتييير وضل مبسوط كل الوقت وانا هون اكيد ماقصدي بس ع الطقس 🫣

لذلك حبو وحنّو ع بعض منيح 🙏🏻

وتصبحو ع خير ياحلوين ❤️

30/08/2026

بربكن شلون الجو مبارح اكيد الكل نام وهو مبسوط مع الهويات الحلوه والبارده بالليل ❤️

حدا متوقع بشهر آب يصير مطر وبرد 😍

يسعد صباحكن متابعيني الاكابر ❤️

29/08/2026

هل تعلمو في بعض الأشخاص والصفحات التانيه عم تراقبني مشان اغلط ويروحو يقولو شفتو شلون مانزل مطر واخبارو مو صح 😂
اول مره خبرتكن انو معقول تشتي بآب وماحدا صدق والكل هاجمني ونزل مطر من 20 يوم تقريبا الحمدلله ... ومن اسبوعين خبرتكن جهزوا حالكن ونزلوا الشماسي ومافي حدا خبركن قبل بوقت طويل غير انا وهي الطقس قدامكن اكبر دليل تغير 180 درجه خلال 12 ساعه فقط ... اما باقي الصفحات بتخبركن قبل بيوم او يومين فقط 🤣 بعد مابكون انا خبرتكن ... يعني عم يستنوا الغلط مني وبنفس الوقت عم ياخدو اخباري ويغيرو الصيغة ع اساس مو معروفين 🤣

المهم مالي زعلان بالعكس بفرح وقت بشوف العين علي كرمال اقهر كل شخص غيران من نجاحي ومابريد الخير لغيرو .. رغم انا بحب الكل وماعندي اي مشكله مع حدا بالعكس اصلا عم اعمل عمل خير وعم خبكرن بالطقس كرمال تمشوا حياتكن اليوميه وبنفس الوقت اعطيكن اخبار صحيحه وع طول خليكن متفائلين ❤️

هلا عيشوا الأجواء الرومانسية والنسمات الحلوه مع ريحة المطر ودعولي ❤️

29/08/2026

بدأت الأمطار بالوصول إلى اغلب المناطق بشكل تدريجي منذ ساعات ليل امس في بعض مناطق حلب وريفها وحتى الأن ... وسوف تزداد غزاره وشمولية اكثر مع قادم الساعات وتحذير من تشكل السيول والعواصف الرعديه وانخفاض واضح في درجات الحرارة انشالله ⛈️🌦

#للتنويه : وقت بنزل نشره للأسف اغلب الناس مابتقرأها منيح .. انا قلتلكن الأمطار رح تجي بشكل تدريجي ومناطق عشوائيه بعدين بتصير شامله مع الوقت .. يعني متل من 20 يوم نزلت مطر بنص مدينه حلب كبس وبعض الارياف جنب المدينه كانت طالعه الشمس ولا نقطه نزلت .. ومبارح نفس الشي صار وبالعكس وهاد الشي ذكرتو وقلت رح توصل الأمطار شوي شوي بإذن الله ❤️

انبسطوا بهل أجواء والنسمات الحلوه يلي بترد الروح 😍

يسعد صباحكن ❤️

28/08/2026

الأمطار وصلت لريف حلب الشمالي وجاي ع طريق لباقي الارياف حتى المدينه بس عم تتمختر لتوصل لعنا 🤣 مشان هيك لبقا حدا يقلي ايمت المطر من مبارح عم قلكن بشكل تدريجي رح تنزل يعني مو فرد مرا كل المناطق ...

انتو خليكن رواق مابتحسو غير صرتو تسمعو صوت المطر والأجواء اللطيفه الحلوه ❤️

28/08/2026

لاتغركن الشمس يلي طالعه والشوبات لانو خلال ساعات رح ينقلب الطقس 180 درجه ... ويلي حابب يعرف اكتر عن طقسنا يشوف نشرة مبارح ❤️😌

Address

Al Mouhafza
Aleppe

Website

Alerts

Be the first to know and let us send you an email when حالة الطقس في حلب لحظة بلحظة posts news and promotions. Your email address will not be used for any other purpose, and you can unsubscribe at any time.

Shortcuts

Share

Category