Midowga Dhalinyarada Bah-Abgaal

18/07/2026

Guddoomiyaha Guud ee Dhallinyarada, Arrimaha Bulshada iyo Hormarinta Bah Abgaal, Mudane Shaafici Cali Xaashi, ayaa shir guddoomiyay kulan uu la yeeshay haldoorka dhallinyarada ee u dhaq-dhaqaaqa arrimaha bulshada iyo Siyaasadda.

Ajandaha guud ee kulanka ayaa ahaa falanqaynta doorka dhallinyarada Bah Abgaal ee siyaasadda maanta, iyadoo sidoo kale la iskula falanqeeyay arrimo muhiim u ah bulshada, laguna yeeshay dood iyo is-weydaarsi fikradeed oo miro-dhal ah.

Ugu dambayn, kulanka ayaa kusoo dhammaaday is-afgarad iyo natiijooyin wax ku ool ah. Haldoorka dhallinyarada waxay si wadajir ah u qiimeeyeen doorka ay maanta bulshada ku leeyihiin, waxayna tilmaameen doorka weli ka maqan ee looga baahan yahay inay buuxiyaan. Sidoo kale, waxaa lagu heshiiyey qorshe mideysan oo lagu xoojinayo ka qaybgalka dhallinyarada ee arrimaha Siyaasadda, si ay u gutaan mas'uuliyadda ka saaran horumarka iyo mustaqbalkooda bulshada Bah Abgaal.

-DHAMMAAD-

02/07/2026

Guddoomiyaha Guud ee Dhallinyarada, Arrimaha Bulshada iyo Horumarinta Bah-Abgaal, Mudane Shafie Ali Hashi, ayaa magacaabay Golaha Fulinta Dhallinyarada Bah-Abgaal.

Magacaabistan ayaa timid kadib markii la qiimeeyey baahida loo qabo gole dardargeliya howlaha mudnaanta u leh dhallinyarada, kor u qaada wacyigelinta, ka shaqeeya horumarinta iyo hagidda doorka dhallinyarada ee bulshada iyo siyaasadda.

Guddoomiyuhu wuxuu xubnaha Golaha Fulinta ku soo xulay kartidooda, aqoontooda, waayo-aragnimadooda iyo awooddooda ay ugu adeegayaan danaha dhallinyarada Bah-Abgaal.

Xubnaha Golaha Fulinta Dhallinyarada Bah-Abgaal:

1: Ahmed Abdi Diirshe Xoghayaha Guud ee dhallin yarada bah abgaal.
1: Sahra Abdulkadir Salad Xoghayaha Maaliyadda iyo Qorsheynta dhallin yarada bah abgaal.
3: Mohamed Elmi Ahmed Xoghayaha Arrimaha Bulshada iyo Wacyigelinta dhallin yarada bah abgaal
4: Mohamed Ahmed Mohamud Xoghayaha Siyaasadda iyo Abaabulka ee dhallin yarada Bah abgaal.

Guddoomiyuhu wuxuu xubnaha cusub u rajeeyey guul iyo inay si hufan uga shaqeeyaan horumarinta, mideynta iyo matalaadda dhallinyarada Bah-Abgaal.

SHAQO WACAN.

MAHADSANIDIIN

26/05/2026

𝗪𝗮𝘅𝗮𝗮𝗻 𝗱𝗵𝗮𝗺𝗺𝗮𝗮𝗻 𝘀𝗵𝗮𝗰𝗮𝗯𝗸𝗮 𝗦𝗼𝗼𝗺𝗮𝗮𝗹𝗶𝘆𝗲𝗲𝗱 𝗚𝗮𝗮𝗿 𝗮𝗵𝗮𝗮𝗻 𝗗𝗵𝗮𝗹𝗹𝗶𝗻𝘆𝗮𝗿𝗮𝗱𝗮 𝗕𝗮𝗵-𝗔𝗯𝗴𝗮𝗮𝗹 𝘂𝗴𝘂 𝗵𝗮𝗺𝗯𝗮𝗹𝘆𝗲𝘆𝗻𝗮𝘆𝗮𝗮 𝗺𝘂𝗻𝗮𝗮𝘀𝗮𝗯𝗮𝗱𝗱𝗮 𝗯𝗮𝗿𝗮𝗸𝗲𝘆𝘀𝗮𝗻 𝗲𝗲 𝗖𝗶𝗶𝗱𝘂𝗹-𝗔𝗱𝘅𝗮.

𝗖𝗶𝗶𝗱𝗱𝗮𝗮𝗻 𝗾𝗶𝗶𝗺𝗮𝗵𝗮 𝗯𝗮𝗱𝗮𝗻 𝘄𝗮𝗮 𝗺𝗮𝗮𝗹𝗶𝗻 𝗸𝘂 𝗱𝗵𝗶𝘀𝗮𝗻 𝘄𝗮𝗹𝗮𝗮𝗹𝘁𝗶𝗻𝗶𝗺𝗼, 𝗶𝘀𝗰𝗮𝗳𝗶𝘀, 𝗶𝘀𝗷𝗮𝗰𝗮𝘆𝗹 𝗶𝘆𝗼 𝗴𝗮𝗿𝗮𝗯 𝗶𝘀𝘁𝗮𝗮𝗴𝗴𝗮 𝗱𝗮𝗱𝗸𝗮 𝗻𝘂𝗴𝘂𝗹. 𝗪𝗮𝘅𝗮𝗮𝗻 𝗔𝗹𝗹𝗲 𝗦𝗪𝗧 𝗸𝗮 𝗯𝗮𝗿𝘆𝗮𝘆𝗻𝗮𝗮 𝗶𝗻 𝘂𝘂 𝗶𝗻𝗻𝗮𝗴𝗮 𝗮𝗾𝗯𝗮𝗹𝗼 𝗮𝗰𝗺𝗮𝗮𝘀𝗵𝗮 𝘄𝗮𝗻𝗮𝗮𝗴𝘀𝗮𝗻, 𝘀𝗮𝗻𝗮𝗱𝗸𝗮𝗻 𝘀𝗮𝗻𝗮𝗱𝗸𝗶𝗶𝘀𝗮𝗻𝗮 𝗻𝗮𝗴𝘂 𝗴𝗮𝗮𝗿𝘀𝗶𝗶𝘆𝗼 𝗻𝗮𝗯𝗮𝗱, 𝗰𝗮𝗮𝗳𝗶𝗺𝗮𝗮𝗱, 𝗯𝗮𝗿𝘄𝗮𝗮𝗾𝗼 𝗶𝘆𝗼 𝗵𝗼𝗿𝘂𝗺𝗮𝗿.

𝗖𝗶𝗶𝗱 𝗪𝗮𝗻𝗮𝗮𝗴𝘀𝗮𝗻.

22/04/2026

KULANKA GUDDOOMIYAHA DHALLINYARADA BAH-ABGAAL IYO QAYB KA MID AH NABADOONADA BEESHA

Muqdisho, 21 April 2026:
Shalay waxaa kulan heer sare ah ka qabsoomay Xafiiska Dhallinyarada, kadib casuumaad uu Guddoomiyaha Dhallinyarada Mudane Shaafici Cali Xaashi u fidiyay qaar ka mid ah nabadoonada beesha, kuwaas oo kala ah:

1: Nabadoon Cabdi Maxamuud Warsame (Cabdi Yare)
2: Nabadoon Cabdi Waaxid Sheekh Aadan
3: Nabadoon Shariif maxamuud salaxeey
4: Nabadoon Duraan Cali Diirshe
5: Cabdullahi xirsi Afrax

Ajandayaasha kulanka waxaa ka mid ahaa:
* In Xafiiska Dhallinyarada laga dhigo meel ay nabadoonadu si wadajir ah ugu qabsadaan kulamada iyo shirarka ay u baahan yihiin.
* Ka warbixinta safarkii samafalka ahaa ee ay hoggaaminayeen dhallinyaradu (gurmadkii abaaraha).
* Gaarsiinta fariin uu Guddoomiyuhu ka waday dhaqanka iyo guud ahaan beesha ku dhaqan deegaanada Baxdo, Maarsamagge, Qalanqalle iyo Bohol Dugaag.
* Xoojinta isku xirka afarta tiir ee beesha: Dhallinyarada, Dhaqanka, Ganacsatada iyo Siyaasiyiinta.
Dhammaan qodobadaas waxaa si qoto dheer u falanqeeyay Guddoomiyaha iyo nabadoonada, iyagoo si buuxda isula meel dhigay, isla markaana si wadajir ah u qaatay fariimihii laga soo gudbiyay deegaanadii uu Guddoomiyuhu booqday.

Ugu dambeyn, nabadoonadu waxay si weyn ugu mahadceliyeen una bogaadiyeen dadaalka ay dhallinyaradu wadaan. Sidoo kale, waxay ku farxeen in Xafiiska Dhallinyarada uu noqdo goob ay si wadajir ah u wadaagaan, taas oo sahli doonta howlaha ay beesha u hayaan.

F.G: Nabadoonno kale oo safarro ku maqnaa ayaa si dadban uga qayb galay kulanka.

Balanteennu waa Walaannimo iyo Wadajir.

DHAMMAAD

23/03/2026

GURMADKII ABAARAHA EE DHALLINYARADA BAH-ABGAAL.

WARBIXIN;

Mogadishu, Maarso 22, 2026; Gudoomiyaha Dhallinyarada Mudane Shaafici Cali Xaashi ayaa safar u kuurgalid ah ugu anbabaxay deeganada Galgaduud eey ka degto Beeshu Maarso 6,2026 oo laga soo sheegay Abaaro aad u adag si eey Dhallinyaradu wixii karaankeeda ah u gaarsiiso walaalaha dhulka miiga fog degan ee eyna gaarin si guud Gargaarka abaaraha heerkasta uu yahay,

Gudomiyaha iyo Dhallinyarada lasocatayba waxa eey ugu tageen walaalihii halkaas ku noolaa Duruuf adag oo heysta Dadka iyo Duunyadaba, Degaanada eey Dhalinyaradu tagtay waxaa ka mid ah; Qalaanqalle, Maarsamagge, Gadoon-Cadaad, Booran Imaan, Mir-Balnbal, Baraag-galween Garas galgalin iyo Baraag Caloolweyn,

Waxaan sidoo kale Degaanadas kasoo diyarinay Xog la isku haleeyn karo taas oo aan rajeyneyno in in eey xal u noqato sidii loo heli lahaa hanaan gargaar oo isku xiran Ilaahey ma qaddaro e hadii eey soo laabtan Abaarahan oo kale, waxaana xogtaan la wadaagi doonaa Dhamaan Beesha sida Nabdoonada, Siyaasiyinta, Ganacsatada, Culimada Iyo Dhallinyarada guud ahaan,

Ugu danbeyn waxaan u mahadcelineyna intii kasoo jawaabtay baaqeenii ahaa in la caawiyo walaalahas Abaaraha darani sameeyeen, waxaana leenahay; “ Miisaanka Xasanaadka Allaha idiin saaro “.

Balanteenu waa Walaanimo iyo Wajir.

—DHAMAAD—

06/02/2026

06/02/2026

06/02/2026

Xaflada Caleema-Saar 06-February-2026,Mogadishu |

Xafladda caleema-saarka Guddoomiyaha Guud ee Dhallinyarada Arrimaha Bulshada iyo Hormarinta Bah-abgaal, Mudane Shaafici Cali Xaashi, ayaa maanta si heer sare ah uga dhacday magaalada Muqdisho.

Waxaa munaasabadda ka soo qayb galay siyaasiyiin, Culimo, iyo qaybaha kala duwan ee dhaqanka, waxaana hormuud u ahaa Ugaaska Guud ee Reer Xaaji Saleebaan, Ugaas Bashiir ereg.
Waxaan si gaar ah ugu mahadnaqaynaa dhammaan madaxda dhaqanka, culimada, iyo martida sharafta leh ee ka soo qayb gashay munaasabaddan qiimaha badan.

Wadajir iyo Walaalnimo

-DHAMAAD-

03/02/2026

Dhowaaan filo Xafiiska Dhalinyarada Bah-Abgaal

Coming Soon 🔜

Wadajir iyo Walaanimo
February- 2026

20/01/2026

DHALINYARADA BEESHA BAHABGAAL
WAR-SAXAAFADEED RASMI AH

Taariikh: 19/1/2026
Goobta: Muqdisho

Anagoo ku hadleyna Hogaanka magaca Dhalinyarada Beesha Bahabgaal, waxaan si rasmi ah u ogeysiineynaa dhamaan Dhalinyarada iyo Waxgaradka Bahabgaal, in maalinta Isniinta ah ee 19-ka Janaayo 2026 uu si guul leh u qabsoomay kulan nabadeed iyo dhexdhexaadin oo ay soo qaban-qaabiyeen Guddiga Qilaafaadka Beesha Bahabgaal. Kulankan ayaa ujeedkiisu ahaa xalinta Kala aragti duwanaasho soo kala dhexgalay Dhalinyarada Bahabgaal, kaas oo muddooyinkii la soo dhaafay saameyn ku lahaa midnimada iyo wada-jirka dhalinyarada beesha.

Kulanka ayaa ka dhacay goob ku habboon oo nabad iyo deggenaansho leh, waxaana ka qayb galay dhammaan dhinacyadii ay khusaysey arrintu, iyadoo la raacayo nidaam hufan oo lagu xaqiijinayo in qof kasta fikraddiisa la maqlo. Guddiga Dhaqanka ee Xalinta Qilaafaadka Beesha Bahabgaal ayaa si xirfad leh u maamuley wadahadallada, iyagoo hubinaya in la helo xal waara oo Dhalinta dhexdeeda oo dhan ku qanacsanyihin, isla markaana lagu ilaalinayo anshaxa iyo sharafka beesha.

Kadib isu-tanaasul ballaaran oo ay muujiyeen Hogaanka Dhalinyarada iyo Dhalinyarada kale ee ka aragtida duwaneed , waxaa la gaaray go’aan wadajir ah oo lagu soo afjaray Kala aragti duwanaatas , iyadoo dhinacyadii ay khusaysey ay muujiyeen is-qaddarin, dulqaad, iyo rabitaan wadajir ah. Dhalinyaradii is-haysay ayaa si rasmi ah gacmaha la isugu saaray, taasoo astaan u noqotay midnimo, is-kaashi iyo Mideynta aragtida Dhalinta Beesha , laguna muujiyey in xal kasta oo Isfaham ah uu ka muhiimsan yahay kala qaybsanaanta beesha.

Sidoo kale, waxaa si wadajir ah loogu heshiiyey in Guddoomiyaha si buuxda loo garab istaago, lana xoojiyo wada-shaqeyn hufan oo ku saleysan kalsooni, wada-tashi iyo mas’uuliyad wadaag. Tani waxay tahay tallaabo muhiim ah oo lagu xaqiijinayo in dhammaan howlaha dhalinyarada iyo hogaaminta beesha loo maareeyo si wadajir ah oo waxtar leh, isla markaana lagu dhiso jawi Is-Itiraam iyo horumar waara.

Gudoomiyaha Dhalinyarada Beesha Bahabgaal iyo guud ahaan waxay uga mahadcelinayaan Guddiga Dhaqanka ee Qilaafaadka Beesha Bahabgaal dadaalkooda hufan ee Dhalinta eey uga saareen mad-Madoogii ku kala dhexjiray,

Sidoo kale Dhaqanku waxa eey Gudoomiyaha iyo Dhalinyarada kaleba ku adkeyeen muhiimadda ay leedahay ilaalinta midnimada, is-ixtiraamka iyo wada-jirka beesha, si loo gaaro horumar waara oo mustaqbalka dhalinyarada iyo guud ahaan Bahabgaal faa'iido u leh.

Balanteenu waa Walaanimo iyo Wajir.

—DHAMAAD—