18/05/2026
Dhammaan beelaha dega deegaannada Dowlad-goboleedka Hirshabelle ayaa si weyn u laba jibbaaray taageerada ay u hayaan Dowladda Hirshabelle.
Magaalooyinka Jowhar, Beledweyne, Buulo-burte iyo Matabaan ayaa waxaa ka dhacay shirar ballaaran oo bulshada ay ku muujinayeen taageerada ay u hayaan dowladdooda Hirshabelle, isla markaana ay ku bogaadinayeen hoggaaminta hufan iyo waxqabadka Madaxweynaha Dowladda Hirshabelle Mudane (Cali Guudlaawe).
Odayaasha dhaqanka, siyaasiyiinta, aqoonyahannada iyo waxgaradka reer Hirshabelle ayaa si mideysan taageero buuxda ugu muujiyay Madaxweyne Cali Guudlaawe, iyagoo ku ammaanay dadaallada uu ku xoojinayo midnimada, amniga iyo horumarka Hirshabelle.
Shacabka reer Hirshabelle ayaa garwaaqsaday in Madaxweyne Cali Cabdullaahi Xuseen uu ku guuleystay hoggaaminta Hirshabelle dhanka midnimada, amniga, barwaaqada iyo isku duubnida bulshada, arrimahaas oo caqabado ka jireen xilliyadii maamulladii ka horreeyay.
Maanta ma jirto beel dareemeysa tabasho ama ka maqnaansho maamulka, waxaana dhammaan beelaha dega Hirshabelle ay maamulka u arkaan mid ay wada leeyihiin. Taasi waxay ku timid daacadnimada, kartida iyo hoggaaminta wanaagsan ee Madaxweynaha Dowladda Hirshabelle Mudane Cali Cabdullaahi Xuseen (Cali Guudlaawe).
