22/01/2025
Guddoomiyaha Awood Qaran, Mudane Siyad Mohamed Hussein
Guddoomiyaha Awood Qaran,Hon. Siyad Mohamed Hussein Garey, ayaa kulan miro-dhal ah la yeeshay Carsten Carlsen, Ku-simaha Safiirka (Charge d’Affaires) ee Safaaradda Norway. Kulankan ayaa diiradda lagu saaray sidii loo xoojin lahaa taageerada dhallinyarada Soomaaliyeed, kuwaas oo ah udub-dhexaadka horumarka iyo mustaqbalka dalka.
Guddoomiyaha iyo Carsten Carlsen ayaa si qoto dheer uga wada hadlay fursadaha lagu horumarin karo xirfadaha dhallinyarada, abuurista shaqooyin waara, iyo kor u qaadista ka-qaybgalka dhallinyarada ee go’aamada muhiimka ah ee dalka. Waxaa sidoo kale si gaar ah looga hadlay iskaashiga Norway iyo Soomaaliya ee ku aaddan dhisidda hannaanka taageera dhallinyarada si ay u noqdaan hormuudka isbeddelka bulshada.
Carsten Carlsen waxa uu muujiyay sida ay Norway uga go’an tahay inay gacan ka geysato horumarinta dhallinyarada Soomaaliyeed, iyadoo loo marayo barnaamijyo lagu dhisayo awooddooda, kor loogu qaadayo waxbarashada, iyo la dagaallanka shaqo la’aanta.
Guddoomiyaha Awood Qaran, Mudane Siad Mohamed Hussein, ayaa carrabka ku adkeeyay muhiimadda iskaashiga labada dhinac ee ku aaddan taageerada jiilka cusub ee Soomaaliyeed. Wuxuu sidoo kale ballan qaaday in ururkiisu uu sii wadi doono dadaallada ku wajahan dhallinyarada, isagoo kaashanaya saaxiibbada caalamiga ah.
Kulankan ayaa ku dhammaaday jawi is-afgarad iyo is-faham wada-jir ah oo ku saleysan danaha guud ee labada dhinac. Wuxuu calaamad u yahay horumarinta wada-shaqeynta Norway iyo Soomaaliya si loo xaqiijiyo mustaqbal ifaya oo dhallinyarada Soomaaliyeed ay hormuud ka yihiin.
AWOOD QARAN
