Somali Engineers Association.

26/05/2026

Hambalyo Ciid Mubaarak! 🌙 🕋

Hambalyo Dhammaan muslimiinta gaar ahaan bulshada Soomaaliyeed farxadda munaasabadda Ciidul Adha.

20/05/2026

𝙓𝙪𝙨𝙠𝙖 𝙈𝙖𝙖𝙡𝙞𝙣𝙩𝙖 𝘾𝙖𝙖𝙡𝙖𝙢𝙞𝙜𝙖 𝙖𝙝 𝙚𝙚 𝘾𝙖𝙗𝙞𝙧𝙧𝙖𝙙𝙖 𝘼𝙙𝙙𝙪𝙪𝙣𝙠𝙖 2026

Somali Engineers Association. ayaa maanta ka qayb gashay Munaasabadda xuska Maalinta Caalamiga ah ee Cabirrada Adduunka 2026 (World Metrology Day 2026), oo ay soo qabanqaabisay Somali Bureau of Standards.

Munaasabaddan ayaa diiradda lagu saaray muhiimadda ay cabirrada saxda ahi u leeyihiin go’aan qaadashada saxda ah; Laga bilaabo ganacsiga, hal-abuurka, caafimaadka bulshada ilaa teknoolojiyadda casriga ah, cabbir lagu kalsoonaan karo wuxuu saldhig u yahay caddeymaha lagu dhiso siyaasado sugan iyo kalsoonida bulshada. Halku dhaga Sanadkan ayaa ahaa "Building Trust In Policy Making"

Wafdiga SEA ayaa muujiyay muhiimadda ay leedahay xoojinta nidaamyada tayada, heerarka cabbirka, iyo iskaashiga hay’adaha farsamada si loo taageero horumarka dalka, ganacsiga, warshadaha, iyo adeegyada bulshada.

-------------------------------
Commemoration of World Metrology Day 2026

The Somali Engineers Association today participated in the commemoration of World Metrology Day 2026, organized by the Somali Bureau of Standards.

The event highlighted the importance of accurate measurement in enabling sound decision-making. From trade and innovation to public health and emerging technologies, reliable measurement forms the foundation for evidence-based policymaking and public trust. The theme of this year’s celebration was “Building Trust in Policy Making.”

The SEA delegation emphasized the importance of strengthening quality infrastructure, measurement standards, and technical cooperation among relevant institutions. This is essential to support Somalia’s development agenda, promote fair trade, enhance industrial growth, and improve the delivery of public services.

The Somali Engineers Association reaffirmed its commitment to advancing quality, professionalism, and technical excellence in support of national development and institutional capacity building.

Cc: Somali Bureau of Standards, UNESCO, World Meteorological Organization, Kenya Bureau of Standards (KEBS), Bureau of Meteorology, IOM Somalia, The Standards and Metrology Institute for Islamic Countries.

16/05/2026

Gudoomiyaha Ururka Injineerada Soomaliyeed EngIbrahim Abdi Heyle iyo wafdi oo hogaaminayay ayaa qeyb ka galay shirkii "7th Engineering Partnership Convention" ee lagu qabtay magaalada Mombasa, kaas oo ahaa shir heer gobol ah oo ay isugu yimaadeen, qabiiro injineerro ah, xirfadlayaal iyo hay’ado kala duwan ee ka kala socday dalalka gobolka si loo xoojiyo iskaashiga, wadaagga aqoonta, iyo horumarinta xirfadda injineernimada.

SEA, Marwalbo waxaa ka go'an in ay ka shaqeyso isku xirka injineerada Soomaliyeed iyo luwa Gobalka, wadaagga aqoonta, iyo taageeridda hal-abuurka injineernimada si loo horumariyo xirfadaha injineerada Soomaaliyeed iyo kaabeyaasha dalka.

Wixii faahfaahin dheeraad ah kala xiriir:
Facebook: Somali Engineers Association (SEA)
Twitter: SomEngieers
LinkedIn: Somali Engineers Association
Email: [email protected]
Website: www.somaliaengineers.so

15/05/2026

𝐇𝐚𝐦𝐛𝐚𝐥𝐲𝐨 𝐌𝐚𝐚𝐥𝐢𝐧𝐭𝐚 𝐃𝐡𝐚𝐥𝐢𝐧𝐲𝐚𝐫𝐚𝐝𝐚 𝐒𝐨𝐨𝐦𝐚𝐚𝐥𝐢𝐲𝐞𝐞𝐝! 🇸🇴

Ururka Injineerada Soomaaliyeed (SEA) wuxuu hambalyo u dirayaa dhammaan dhalinyarada Soomaaliyeed munaasabadda Maalinta Dhalinyarada Soomaaliyeed. Dhalinyarada Soomaaliyeed waa awoodda ugu weyn ee horseedi karta horumar waara, dib u dhis, iyo koboc dhaqaale. Ururku wuxuu aaminsan yahay in maalgelinta aqoonta iyo xirfadaha dhalinyarada ay tahay furaha mustaqbal ifaya oo Soomaaliya ay yeelato.

Ururka Injineerada Soomaaliyeed wuxuu mar walba garab istaagayaa dhalinyarada Soomaaliyeed, gaar ahaan kuwa ku howlan cilmiga, farsamada, hal-abuurka iyo adeegga bulshada.

Waxaan dhammaan dhalinyarada u rajeyneynaa guul, horumar iyo mustaqbal wanaagsan.

Wixii faahfaahin dheeraad ah kala xiriir:
Facebook: Somali Engineers Association (SEA)
Twitter: SomEngieers
LinkedIn: Somali Engineers Association
Email: [email protected]
Website: www.somaliaengineers.so

02/05/2026

𝙓𝙪𝙨𝙠𝙖 𝙈𝙖𝙖𝙡𝙞𝙣𝙩𝙖 𝙎𝙝𝙖𝙦𝙖𝙖𝙡𝙖𝙝𝙖 𝘼𝙙𝙙𝙪𝙪𝙣𝙠𝙖: 𝙈𝙪𝒒𝙙𝙞𝙨𝙝𝙤, 𝙎𝙤𝙤𝙢𝙖𝙖𝙡𝙞𝙮𝙖.

Guddoomiyaha Ururka Injineerada Soomaaliyeed, EngIbrahim Abdi Heyle ayaa ka qeyb galay xuska Maalinta Shaqaalaha Adduunka (1-da May) oo si heer sare ah loo soo agaasimay.

Munaasabaddan oo ay soo qaban-qaabisay Wasaaradda Shaqada iyo Arrimaha Bulshada Soomaaliya ayaa lagu muujiyay qiimaha iyo doorka muhiimka ah ay shaqaaluhu ku leeyihiin horumarka dalka, iyadoo la qaadanayo hal-ku-dhegga sanadkan: "𝑿𝒐𝒐𝒋𝒊𝒏𝒕𝒂 𝒔𝒉𝒂𝒒𝒂𝒂𝒍𝒂𝒉𝒂 𝑺𝒐𝒐𝒎𝒂𝒂𝒍𝒊𝒚𝒆𝒆𝒅 𝒊𝒚𝒂𝒅𝒂 𝒐𝒐 𝒍𝒐𝒐 𝒎𝒂𝒓𝒂𝒚𝒐 𝒔𝒉𝒂𝒒𝒐 𝒉𝒖𝒇𝒂𝒏 𝒊𝒚𝒐 𝒌𝒐𝒓 𝒖 𝒒𝒂𝒂𝒅𝒊𝒅𝒅𝒂 𝒙𝒊𝒓𝒇𝒂𝒅𝒂𝒉𝒂" .

Guddoomiyaha ayaa carrabka ku adkeeyay muhiimadda ay maalintani u leedahay qiimeynta doorka shaqaalaha, isagoo si gaar ah u xusay kaalinta muuqata ee injineerada Soomaaliyeed ay ku leeyihiin horumarinta kaabayaasha dhaqaalaha—sida waddooyinka, dekedaha, iyo adeegyada aasaasiga ah—kuwaas oo laf-dhabar u ah kobaca dhaqaalaha iyo horumarinta bulshada.

Ugu dambeyn, Guddoomiyaha ayaa hambalyo u diray dhammaan shaqaalaha Soomaaliyeed meel kasta oo ay joogaan, isagoo ku booriyay in la sii xoojiyo dadaallada lagu horumarinayo shaqaalaha, kor u qaadidda xirfadaha, iyo kobcinta shaqo-abuurka si loo gaaro horumar dhaqaale oo waara.

Wixii Faahfaahin ah kala xariir:
Facebook: Somali Engineers Association
Twitter:
Email: [email protected]
Website: www.somaliaengineers.so

01/05/2026

𝐌𝐚𝐚𝐥𝐢𝐧𝐭𝐚 𝐒𝐡𝐚𝐪𝐚𝐚𝐥𝐚𝐡𝐚 𝐀𝐝𝐝𝐮𝐮𝐧𝐤𝐚 – 𝐇𝐚𝐦𝐛𝐚𝐥𝐲𝐨

Ururka Injineerada Soomaaliyeed (SEA) wuxuu hambalyo u dirayaa dhammaan shaqaalaha Soomaaliyeed iyo kuwa caalamka oo dhan munaasabadda Maalinta Shaqaalaha Adduunka.

Maanta waa maalin lagu maamuuso dadaalka, naf-hurnimada, iyo shaqada adag ee ay bulshada u qabtaan shaqaale kasta—gacmo dhisaya, maskax naqshadeysa, iyo dad huraya waqtigooda si loo gaaro horumar.

Shaqaaluhu waa laf-dhabarta horumarka dalka, iyaga ayaana ka dhigaya aragtiyo inay noqdaan xaqiiqo muuqata.

SEA waxay mar walba taageersan tahay kor u qaadista xirfadda shaqaalaha, tayeynta aqoonta, iyo dhismaha nidaam shaqo oo hufan oo dalka u horseeda horumar waara.

𝐇𝐚𝐦𝐛𝐚𝐥𝐲𝐨 𝐌𝐚𝐚𝐥𝐢𝐧𝐭𝐚 𝐒𝐡𝐚𝐪𝐚𝐚𝐥𝐚𝐡𝐚 𝐀𝐝𝐝𝐮𝐮𝐧𝐤𝐚! 𝐓𝐨𝐠𝐞𝐭𝐡𝐞𝐫 𝐰𝐞 𝐛𝐮𝐢𝐥𝐝, 𝐭𝐨𝐠𝐞𝐭𝐡𝐞𝐫 𝐰𝐞 𝐩𝐫𝐨𝐠𝐫𝐞𝐬𝐬.

30/04/2026

𝐇𝐚𝐦𝐛𝐚𝐥𝐲𝐨 𝐢𝐲𝐨 𝐁𝐨𝐠𝐚𝐚𝐝𝐢𝐧: 𝐇𝐨𝐠𝐚𝐚𝐧 𝐤𝐚 𝐥𝐚 𝐝𝐨𝐨𝐫𝐭𝐚𝐲 𝐞𝐞 𝐌𝐢𝐝𝐨𝐰𝐠𝐚 𝐣𝐚𝐦𝐚𝐜𝐚𝐝𝐚𝐡𝐚 𝐒𝐨𝐨𝐦𝐚𝐥𝐢𝐲𝐞𝐞𝐝

Ururka Injineerada Soomaaliyeed (SEA) wuxuu si diirran ugu hambalyeynayaa
Dr. Hassan Mohamed Sayid, oo loo doortay Guddoomiyaha Midowga Jaamacadaha Soomaaliyeed "Association of Somali Universities - ASU" iyo labadisa xigeeen. Doorashadan waa guul muhiim ah oo muujinaysa hogaamin, aqoon, iyo kalsooni lagu qabo doorkiisa waxbarashada sare iyo horumarinta jaamacadaha dalka.

Ururku wuxuu rajeynayaa in uu la shaqeyn doono si loo xoojiyo xiriirka jaamacadaha iyo xirfadlayaasha injineernimada, loona hormariyo tayada waxbarashada iyo cilmi-baarista Soomaaliya.

Fore more Information Contact Us:
Facebook: Somali Engineers Association.
Twitter:
Email: [email protected]
Website: www.somaliaengineers.so

29/04/2026

Ururka Injineerada Soomaliyeed, waxoo idinku soo dhaweynaya Sahanka Farsamo ee Maareynta Fatahaadaha Muqdisho "SEA Technical Survey on Flood Management in Mogadishu" Fadlan buuxi sahankan, aragtidaada waa muhiim si loo helo xalal wax ku ool ah oo kku saabsan fatahaadaha Muqdisho, Mahadsanid.

Link:
👇

Dear Respondent / Mudane ama Marwo , Welcome to the Somali Engineers Association (SEA) Technical Survey on Flood Management in Mogadishu (ku soo dhawoow Sahankan Farsamo ee Maareynta Fatahaadaha ee Muqdisho.) We appreciate your time and valuable contribution, This survey aims to collect technical in...

28/04/2026

𝙃𝙖𝙢𝙗𝙖𝙡𝙮𝙤; 𝙈𝙖𝙖𝙡𝙞𝙣𝙩𝙖 𝘾𝙖𝙖𝙡𝙖𝙢𝙞𝙜𝙖 𝙖𝙝 𝙚𝙚 𝘽𝙖𝙙𝙗𝙖𝙖𝙙𝙖𝙙𝙖 𝙞𝙮𝙤 𝘾𝙖𝙖𝙛𝙞𝙢𝙖𝙖𝙙𝙠𝙖 𝙎𝙝𝙖𝙦𝙖𝙙𝙖

Ururka Injineerada Soomaaliyeed (SEA) wuxuu hambalyo iyo bogaadin u dirayaa dhammaan xirfadleyda injineerada, iyo hay’adaha u heellan horumarinta badbaadada goobaha shaqada, munaasabadda "World Day for Safety and Health at Work" awgeed.

Badbaadadu ma aha doorasho ee waa waajib saaran qof kasta iyo hay’ad kasta. Waxaan si gaar ah u qiraynaa dadaallada hey'adaha International Labour Organization iyo la-hawlgalayaasheeda ee ku aaddan abuurista deegaan shaqo oo ammaan ah, horumarinta hababka dhismo ee tayo leh, iyo kobcinta xirfadaha shaqaalaha.

Maanta waxay ina xasuusinaysaa in “dayacaaddu ay ka kharash badan tahay tayada mar kasta.” SEA waxay sii wadi doontaa xoojinta heerarka badbaadada, taageeridda xirfadlayaasha injineernimada, iyo dhiirrigelinta kaabayaasha ammaan iyo waara leh, maadaama goobaha shaqo ee badbaado leh maanta ay dhisayaan bulshooyin xooggan berri.

Cc: IOM Somalia World Health Organization (WHO) Wasaaradda Shaqada iyo Arrimaha Bulshada Soomaaliya

Wixii Faahfaahin ah kala xarir: :
Facebook: Somali Engineers Association
Twitter:
Email: [email protected]
Website: www.somaliaengineers.so

25/04/2026

𝐀𝐛𝐚𝐚𝐥𝐦𝐚𝐫𝐢𝐧: 𝐔𝐫𝐮𝐫𝐤𝐚 𝐈𝐧𝐣𝐢𝐧𝐞𝐞𝐫𝐚𝐝𝐚 𝐒𝐨𝐨𝐦𝐚𝐥𝐢𝐲𝐞𝐞𝐝, 𝐌𝐨𝐦𝐛𝐚𝐬𝐚, 𝐊𝐞𝐧𝐲𝐚

Shirkii 7th Engineering Partnership Convention ee lagu qabtay Mombasa, ayaa wafdiga Injineerada Soomaaliyeed waxay ku guuleysteen abaal-marin muhiim ah oo caddeyneysa kororka saameyntooda, kalsoonida lagu qabo, iyo ka-qaybgal firfircoon oo heer gobol ah. Aqoonsigan ma aha mid astaan keliya ah, balse waa xaqiijin dhab ah oo muujinaysa sida ay uga go’an tahay hal-abuur, iskaashi istiraatiiji ah, iyo heer sare oo xirfadeed.

Sidoo kale, Xafladdii xiritaanka iyo Casho-sharafta (Gala Dinner) ayaa noqotay marxalad taariikhi ah, halkaas oo SEA ay ka dhex muuqatay hay’adaha hormuudka ah, iyagoo caddeeyay in injineerada Soomaaliyeed aysan ahayn ka-qaybgalayaal oo keliya, balse ay yihiin hoggaamiyeyaal soo baxaya oo door ka qaadanaya mustaqbalka injineernimada Afrika. Guushan waxay muujinaysaa jihada cusub ee xooggan ee lagu horumarinayo waaxda injineernimada Soomaaliya iyo ka qaybqaadashada horumarka gobolka.

Fore more Information Contact Usr:
Facebook: Somali Engineers Association.
Twitter:
Email: [email protected]
Website: www.somaliaengineers.so

24/04/2026

Bandhigga "7th Engineering Partnership Convention" ee ka socday Mombasa ayaa Guddoomiyaha Ururka Injineerada Soomaaliyeed (SEA), EngIbrahim Abdi Heyle si gaar ah diiradda u saaray booqashada bandhigga (exhibition) ee ka socday shirka.

Bandhiga ayaa lagu soo bandhigay howpaha la xarira injineerada, teknoolojiyado casri ah, xalal injineernimo oo hal-abuur leh, iyo mashaariic la xiriira kaabeyaasha, Wadooyinka, tamarta, iyo deegaanka, taasoo siisay SEA fursad ay ku ogaato isbeddellada cusub ee warshadaha.
Booqashadu waxay sidoo kale fududeysay isbarasho iyo wada-hadallo lala yeeshay shirkado iyo xirfadlayaal kala duwan, taasoo xoojisay fursadaha iskaashi, isdhaafsiga aqoonta, iyo horumarinta xirfadaha injineerada Soomaaliyeed.

Faahfahin dheerad ah kala xariir;
Facebook: Somali Engineers Association
Twitter:
Email: [email protected]
Website: www.somaliaengineers.so