02/03/2026
Ku Soo Dhawaada Civilisation House – National Debate Initiative (CH-NDI)
Waa madal rasmi ah oo loogu talagalay doodda siyaasadeed iyo wacyigelinta bulshada ee Soomaaliya. Himiladeenu waa in aan dhiirrigelinno dood maskaxeed oo ixtiraam leh, kor u qaadno fahamka isbeddelada dastuurka, isla markaana abuurno meel dhexdhexaad ah oo lagu falanqeeyo arrimaha maamul iyo doorashooyinka soo socda.
Waxaan halkan ku casuumi doonnaa xubnaha xukuumadda, mucaaradka, musharrixiinta madaxweynaha, iyo madaxweynaha talada haya si ay u yeeshaan dood wadaag qaran. Sidoo kale waxaan isu keenaynaa siyaasiyiin kala aragti duwan iyo hoggaamiyeyaal bulsho si ay u qabtaan dood miro-dhal ah oo ku dhisan ixtiraam iyo isla-xisaabtan.
La soco dooddeena qaran ee ugu horreysa, halkaas oo xildhibaano ka kala socda xisbiga talada haya iyo axsaabta mucaaradka, iyo hoggaamiyeyaal bulsho, ay ku falanqeyn doonaan mustaqbalka Soomaaliya.
