Qatar Charity Somalia

06/04/2026

Hay’adda Qatar Charity ayaa si rasmi ah uga bilowday gobolka Banaadir olole caafimaad oo loogu talagalay qalliinnada indhaha iyo bixinta adeegyada daryeelka caafimaad guud ee indhaha.

Mashruucan ayaa qayb ka ah dadaallada joogtada ah ee hay’addu ku taageerto dadka baahiyaha gaarka ah qaba ee aan awoodin inay iska bixiyaan kharashaadka caafimaad.

Agaasimaha xafiiska Qatar Charity ee Soomaaliya, Mudane Cabdifataax Aadan Macallin, ayaa caddeeyay in mashruucani uu yahay mid laf-dhabar u ah abuurista rajo cusub oo loo sameeyo dadka dan-yarta ah.

"Hadafkeennu ma ahan oo kaliya inaan qalliin samayno, balse waxaan hiigsanaynaa inaan bukaanka u soo celinno awooddii uu ku maamuli lahaa noloshiisa " ayuu yiri Mudane Cabdifataax.

Dhinaca kale, Dr. Saciid Xuseen Geedi , oo hoggaaminaya kooxda caafimaadka, ayaa tilmaamay in guulo la taaban karo la gaaray howshan Caafimaad, ayada oon xaqiijinay ilaa hadda, 72 qalliin oo guulaystay, halka dad gaaraya 260 bukaan ay heleen dawooyin iyo daryeel caafimaad oo dhammaystiran.

Dadka mashruucan ka faa’iidaystay waxaa ka mid ah , Xirsi Cali (74-sano), oo muddo 5 sano ah la dhibaataysnaa arag-la’aan, kaas oo qalliinka uu helay ku tilmaamay "naxariis Alle iyo mid lagu soo celiyay iftiinkii noloshiisa.

Sidoo kale, bukaanno ay ka mid yihiin Maano Boolay iyo Jimcaale Nuur Maxamed ayaa dib u helay rajo cusub oo nolosha ah.
Ugu dambayntii, Qatar Charity waxay xaqiijinaysaa inay mar walba u taagan tahay bixinta adeegyada aasaasiga ah ee bulshada. Sannadkii 2025 , hay’addu waxay dalka ka fulisay 24 mashruuc oo dhanka caafimaadka ah, kuwaas oo ay ka faa’iidaysteen in ka badan 143,000 oo qof.

05/04/2026

19/03/2026

🌙✨ Ciid Mubaarak ✨🌙

🎉 Waxaan hambalyo kal iyo laab ah u diraynaa dhammaan Muslimiinta meel kasta oo ay joogaan munaasabadda barakeysan ee Ciidul Fitriga.

🤲 Ilaahay ha naga aqbalo soonkii, salaaddii iyo dhammaan acmaashii suubanaa ee aynu soo gudannay bisha barakaysan ee Ramadaan, hana inagu galladeeysto nabad 🕊️, caafimaad iyo barwaaqo 🌿.

💫 Ciiddaan ciiddeeda ha inagu gaarsiiyo farxad 😊, midnimo 🤝 .

🌸 Ciid Wanaagsan! 🌸

18/03/2026

Marka Agoon la farxad geliyo… waa guul bulsho”

“Fiiri sida ay u dhoolla-caddaynayaan “

17/03/2026

Hay’adda Qatar Charity oo Ciidsiin u samaysay 930 Agoon

Hay’adda Qatar Charity ayaa soo qabanqaabisay munaasabad ballaaran oo lagu ciidsiinayo 930 carruur ah oo agoon ah, kuwaas oo ka kala yimid degmooyin kala duwan ee Gobolka Banaadir.

Munaasabadda ayaa waxaa goob joog ka ahaa masuuliyiin ka socotay hay’adda, waalidiin, iyo marti sharaf kale oo lagu casuumay.
Ka qaybgalayaasha ayaa muujiyey farxad iyo taageero ay la garab taagan yihiin carruurta agoonta ah, iyagoo bogaadiyey dadaallada ay hay’addu ugu jirto daryeelka iyo horumarinta nolosha carruurtan.

Hay’adda Qatar Charity ayaa ka mid ah hay’adaha ugu waaweyn ee ka shaqeeya daryeelka agoonta ee Soomaaliya, iyadoo gacanta ku haysa in ka badan 24,000 agoon kuwaas oo ku kala sugan dhammaan gobollada dalka.

15/03/2026

شكراً لكل من ساهم في تحدي ليلة 27 رمضان ضمن حملة "دفعة بلاء"

‏⁧‫ ‬⁩

07/03/2026

Haya’dda Qatar Charity ayaa maanta gargaar raashin ah u qaybisay 500 qoys oo danyar ah oo ku nool Degmada Diinsoor ee Gobolka Baay. Munaasabadda qaybinta gargaarkan waxaa goob-joog ka ahaa Wasiirka Arrimaha Dibadda iyo Iskaashiga Caalamiga ah ee Dowladda Federaalka Soomaaliya, Mudane Cabdisalaam Cabdi Cali, iyo mas’uuliyiin kale.

Guddoomiyaha Degmada Diinsoor, Cabdicasiis Xaaji Fiqi ,ayaa sheegay in degmada ay wajahday xaalad adag oo ka dhalatay abaar iyo biyo la’aan baahsan, taas oo si weyn u saameysay nolosha dadka deegaanka, isagoo uga mahadceliyay dhammaan cid kasta oo gacan ka geysatay ka jawaabida baahiyaha Degmada , si gaar ah Hay’adda Qatar Charity oo ka jawaabtay baahida dadka deegaanka.

Dhanka kale, Gudoomiyaha Hay’adda Qatar Charity ayaa sheegay inay ku faraxsan yihiin inay la qeybsadaan dadka deegaanka farxadda gargaarkan, isla markaana ay rajeynayaan inay door muuqda ka qaateen yareynta saameynta marxaladda adag ee ka jirta guud ahaan Soomaaliya, gaar ahaan Degmada Diinsoor.

Wuxuu intaas ku daray in hay’addu ay si toos ah u garab taagan tahay bulshada, isla markaana ay h**e uga fulisay mashaariic badan oo gargaar iyo horumarineed ah meelo kala duwan oo dalka ka mid ah. Sidoo kale wuxuu tilmaamay in Degmada Diinsoor ay ka mid tahay meelaha sida weyn ay u saameeyeen abaarihii soo noqnoqday sanadihii u dambeeyay.

Ugu dambeyn, Wasiirka Arrimaha Dibadda iyo Iskaashiga Caalamiga ah ee Dowladda Federaalka Soomaaliya, Mudane Cabdisalaam Cabdi Cali, ayaa uga mahadceliyay Hay’adda Qatar Charity gargaarka ay gaarsiisay dadka danyarta ah ee ku nool Degmada Diinsoor. Wasiirku wuxuu sheegay in Qatar Charity ay tahay hay’addii ugu horreysay ee deeq raashin ah gaarsiisa qoysaska danyarta ah ee degmada, xilli ay jirto xaalad adag oo ay sababeen abaarta iyo biyo yaraanta ka jirta deegaanka, isagoo ku bogaadiyay dadaalka ay ku garab taagan tahay shacabka Soomaaliyeed.

06/03/2026

Hay’adda Qatar Charity ayaa maanta magaalada Muqdisho ka daah-furtay barnaamij ku saabsan bixinta ijaazadda Qur’aanka Kariimka, kaas oo ay si wadajir ah u fulinayaan Mu’asasadda Al- Maahir ee Quraanka Kariimka. مؤسسة الماهر للقرآن الكريم Barnaamijkan ayaa diiradda saaraya kor u qaadidda barashada iyo xifdinta Qur’aanka Kariimka, iyo sidoo kale tayeynta macallimiinta dhigta dugsiyada Qur’aanka ee ka howlgala dalka.

Barnaamijkan ayaa ka kooban laba qaybood , Qaybta koowaad waa bixinta ijaazadda Qur’aanka Kariimka oo la siinayo 30 macallin, si loo xoojiyo aqoontooda iyo awooddooda ay ugu gudbin karaan barashada Qur’aanka ubadka Soomaaliyeed, Qaybta labaadna waa xifdinta Qur’aanka Kariimka oo loogu talagalay 50 arday, kuwaas oo lagu xifdisiin doono Quraanka muddo laba sano gudahood ah.
Furitaanka barnaamijka waxaa hadal ka jeediyay:

Guddoomiyaha Qatar Charity ee Soomaaliya, Cabdifataax Aadam Macallim, oo sheegay in Barnaamijkan uu qayb ka yahay dadaallada hay’addu ku taageereyso waxbarashada diinta Islaamka iyo horumarinta macallimiinta dhigta dugsiyada Qur’aanka Kariimka.

Sidoo kale waxaa ka hadlay munaasabadda Dr. Cabdicasiis Cabdullaahi Aadan, Guddoomiyaha Musasadda Al-Maahir ee Qur’aanka Kariimka, iyo Sheekh Cabdi Xayi, kuwaas oo sharaxay muhiimadda ay leedahay bixinta ijaazadda Qur’aanka iyo sida ay u kordhinayso tayada macallimiinta Qur’aanka ee dalka.

Gabagabadii munaasabadda waxaa soo xiray Agaasimaha Guud ee Wasaaradda Awqaafta iyo Arrimaha Islaamka, Ibraahim Aadam “Nadaara” oo bogaadiyay barnaamijkan, isaga oo ku tilmaamay tallaabo muhiim ah oo lagu xoojinayo barashada iyo xifdinta Qur’aanka Kariimka ee Soomaaliya.

04/03/2026

Waxaa maanta Magaalada Muqdisho lagu qabtay munaasabad si heer qaran ah loo soo agaasimay oo lagu maamuusayay Maalinta Agoonta ee Caalamka Islaamka, taas oo sanad walba ku beegan 15-ka bisha barakeysan ee Ramadaan.

Barnaamijkan oo hal-ku-dhiggiisu ahaa “Noqo Rajada Agoonka” ayaa waxaa iska kaashaday Qatar Charity ,Hormuud Salaam Foundation iyo Wasaaraddaha Awqaafta iyo Arrimaha Islaamka , Wasaaradda Qoyska iyo Xuquuqul Insaanka.

Munaasabadda ayaa waxaa goob joog ka ahaa Ra’iisul Wasaaraha Jamhuuriyadda Federaalka Soomaaliya, Mudane Xamse Cabdi Barre, oo ay weheliyaan masuuliyiin ka tirsan Dowladda Federaalka, wakiillo ka socday hay’ado kala duwan ee ka shaqeeya arrimha agoonta, waalidiin iyo carruur agoon ah.

Ujeeddada xuskan ayaa ahayd in si mideysan loo muujiyo dareenka naxariis, damqasho iyo garab istaag ee loo hayo carruurta agoonta ah, isla markaana la xoojiyo dadaallada lagu horumarinayo noloshooda, waxbarashadooda iyo mustaqbalkooda. Mas’uuliyiintii hadalka ka jeediyay munaasabadda ayaa ku baaqay in bulshada Soomaaliyeed ay kordhiso taageerada iyo daryeelka ay la garab taagan tahay agoonta, maadaama ay yihiin laf-dhabarta mustaqbalka dalka.

Ugu dambeyn, hay’adihii iyo wasaaradihii soo qabanqaabiyay munaasabaddan ayaa caddeeyay in ay sii wadi doonaan barnaamijyada lagu daryeelayo laguna horumarinayo carruurta agoonta ah, si loo xaqiijiyo nolol sharaf iyo rajo leh.

25/02/2026

Hay’adda Qadar Charity ayaa munaasabad afur-wadareed ah oo si heer sare ah loo soo agaasimay, waxa ay u sameeysay, ardayda ay hay’addu ka taageerto dhanka waxbarashada jaamacadaha dalka.
Munaasabaddan ayaa waxaa ka soo qeybgalay Guddoomiyaha Hay’adda Qatar Charity, Mudane Cabdifitaax Aadan Macalin, Agaasimaha Guud ee Arrimaha Bulshada Gobolka Banaadir, Mudane Cabdullaahi Aadan Muuse, ku simaha guddoomiyaha jamaacada Muqdisho ahna guddoomiye ku xigeenka jaamacada, Ismaaciil Cumar Maxamed ,masuuliyiin ka tirsan bahda waxbarashada, culumaa’udiin, boqolaal arday ah iyo marti sharaf kale oo kala duwan.

Ujeedka afur-wadaredkaan oo ah mid sannadle ah ayaa lagu xoojiyaa xiriirka iyo is-dhexgalka ka dhaxeeya hay’adda iyo ardayda ay taageerto, iyadoo lagu kala warqaato xaaladaha waxbarasho, horumarka ardayda iyo sidii loo sii adkeyn lahaa taageerada waxbarasho ee ay hay’addu bixiso.

22/02/2026